金樂軒雞煲魚鍋

营业中

休息中

早排同朋友去慶功，去到北角嗰度搵下啲傳統小店， 想搵間有得打邊爐又有雞煲。 咁咪openrice睇到呢一間金樂軒。我同你看住一齊出去慶祝咁梗係要整支啤啤啦， 飲得啤酒通常有嘅叫小菜或者叫雞煲， 我哋就梗係叫咗一個細嘅雞煲， 兩個人食啱啱好， 我哋兩個有得揀少辣。之後就叫咗個蒸魚雲，搵我都好surprise真係好食， 我叫咗個唔知咩菜咁啦。 咁之後我問老闆話有冇咩海鮮推介呀， 推介咗蟶子， 一人一隻蒸蟶子都幾正呀。你問我呢間嘢都幾有歷史， 火候都有番咁上下啦。 最鍾意外蒸魚雲同埋蒸蟶子，真係又鮮甜又新鮮。

香港人真係四季都會打邊爐🤣🤣我同男朋友兩個都好中意烚下烚下，但如果去邊爐店又會計時，所以今日就揀左食酸菜魚煲，慢慢食慢慢嘆👩🏻‍❤️‍💋‍👨🏻。🐒酸菜桂花魚鍋💰$238(一條)一上鍋第一下心諗係咪比錯左4人份量我地，份量勁多，啲魚勁滑同埋起哂肉但間唔時都有少少細骨，所以都要小心配料方面入面除左有唔少酸菜之外，仲有啲娃娃菜，椰菜花，芹菜，蘿蔔，青椒，所以我地都冇另外再嗌菜食湯底方面唔會好油，我哋嗌小辣就好似BB辣咁，所以食我辣既話可以大膽啲😂花椒個啲配料都唔會好多，食落都冇咁麻煩，唔會唔覺意又咬爆幾粒店員個個都好熱情，一上鍋姐姐就叫我地慢慢食哂啲魚先再叫佢加湯打邊爐，完全唔會催你。🐒火鍋配料👉🏻豬頸肉💰$58👉🏻餃雲吞雙拼(韮菜豬肉+木耳豬肉蝦仁)💰$68👉🏻鮮魷魚💰$58👉🏻炸魚皮💰$48👉🏻特級黑豚豬肉💰$128(~厚切十幾塊)邊爐料黎講就全部都正常，特別可以講講個黑豚豬食落半肥瘦，一啲都唔鞋口，仲要厚切，啖啖滿足感🥰🥰。依家佢仲有推出外賣餐，岩哂禁堂食兩個人又唔想煮既時候烚下烚下就最岩啦！

想食雞煲但又冇晚市所以午市黎食。午市嚟到見到好多人都係食午市小炒或者碟頭飯，同埋見到都幾多人食，相信都係熟客，心諗多熟客應該唔會中伏嘅。一入到去老闆就問我哋食雞煲定魚煲，諗諗吓魚煲都幾好就叫左，原來係酸茶桂花魚煲黎，另外仲嗌咗魚皮、餃子拼盤、豬頸肉、魷魚同埋豬肉片，仲叫左兩杯野飲。啲嘢食好快就嚟度，桂花魚已經起咗肉所以好正，啖啖肉，我哋兩個人食都食左三四碗魚，所以好大份量，另外佢個酸菜好開胃，同d魚好夾，特別一提佢啲豬肉片係靚野黎，唔係話好肥同埋唔會好柴，叫咗個魚皮好啱點魚煲所以都推介如果食魚煲都可以嗌埋魚皮。其他嘅膠紙豬頸肉魷魚都係正常發揮。重點係個酸菜桂花魚係好正，同好大份，總結下次會再嚟，試埋佢個雞煲同埋其他小炒，相信一定好有鑊氣。

之前經過呢度一到lunch就大排長龍，仲聞到陣陣雞煲香味，今次就特登lunch 過黎試下。佢地除左鷄煲魚煲出名，仲有好多小炒都好吸引。我地1點黎到超多人，都等左半個鍾左右。小辣雞煲 $188要讚個醬 好惹味 同出面有小小唔同 感覺味精無甘多 唔會一路食一路好口渴雞件超多 好入味 汁調得岩岩好 夠味但唔會好咸鷄肉都算滑 美中不足有小小鞋2個人食完已經好飽 仲要繼續打邊爐lol自家制竹蔗茅根 $33好足料好好飲！唔會好甜有屋企煲既感覺我超中意有凍&熱 忍吾住encore左多一札黑牛柏葉 $78個人就一般般覺得有小小un  唔夠爽口安格斯牛頸脊 $288濃郁既牛味！軟嫩 香氣十足 分量都唔少 必叫脂肪唔多所以唔會好肥膩 但好有口感鮮魚片 $88最中意 好有驚喜魚片好鮮美 滑溜可口 無骨比牛更出色！魚腐 $40大大粒 好抵食 比丸更值得叫 同埋好飽肚蟹柳 $40高質 好滑吾係出面個d普通貨色lol出前一丁 $22索曬湯汁 超惹味湯底打到最後都依然好濃鬱 好值得讚 全程唔會越打越淡味唐生菜 $33打邊爐/鷄煲點少得生菜新鮮脆綠 Overall 係一間人情味小店，食材新鮮美味，最推薦竹蔗茅根，好有

同行三個人首先就叫咗個老重慶奇味雞煲，有大中小辣可以揀，今次就試吓水溫叫咗小辣先。老闆話原來仲有個麻辣雞煲，下次就可以試吓啦～雞件幾多又入味👍🏻 食完就加辣湯落去打邊爐，食肉獸們就梗係要食咗肉先啦！特級安格斯肥牛唔係坊間食嗰隻肥牛，呢間嘅牛肉會厚身啲，所以牛肉味都相對重啲。特級黑豚豬肉都係厚身type～打邊邊好正～估唔到呢間餐廳連煎墨魚餅都有！墨魚膠彈牙又夠味，食多幾件都唔怕油膩～另外仲叫咗啲金針菇同埋唐生菜，全部都大大份。炸芋頭同埋炸響鈴亦都係即叫即炸，食落去特別香～飲品方面就叫咗竹蔗茅根，甜甜地用嚟解辣就啱晒

呢間餐廳距離北角地鐵站唔算好近，裝修都比較古舊，似普通茶餐廳咁樣。但係估唔到入邊竟然有雞煲同埋烤魚食，而且價錢親民。一坐低就叫咗個老重慶奇味雞煲，揀咗小辣，覺得可以再辣啲。三人份量來講到幾足夠，雞肉都幾嫩同埋入味👍🏻 個醬汁都幾惹味👍🏻食完雞煲之後就可以加辣湯打邊爐，炸響鈴係即叫即炸，好新鮮~ 主打安格斯肥牛就係比較厚身一啲，食落去牛味好濃郁，而且有咬口🤩 特級黑豚豬肉都唔錯，同樣係厚身少少，咁樣就比較有口感🤞🏻另外仲叫咗啲金針菇同埋唐生菜，份量都幾多，好抵食。芋頭亦都係即叫即炸，夠晒新鮮，份量仲要多到食唔晒！另外喺老闆推薦下仲叫咗個煎墨魚餅，熱辣辣好好食，墨魚膠好彈牙！作為小食真係一流～打邊爐咁熱氣就梗係要叫返竹蔗茅根睇得出好足料，不過味道有少少偏甜～三個人食飯唔使$1000，而且質素中上，抵食～

古詩有曰，紅泥小火爐，能飲一杯無。不用上班的日子，當然是和好友美食佳釀，觸膝言歡。有火爐的佳餚，水煮魚是首選，這裡雖然不大，菜色選擇却不少。選了餐廳一角坐下，先點了竹蔗茅根甘筍玉米馬蹄水，清一清味蕾，以預備享受佳餚。首先是一鍋水煮魚，紅色的微辣湯伴着新鮮的桂花魚片，粉條，鴨血，大豆芽，大白菜和香菜，放在爐上慢慢煮開，迫不及待的兩個饞嘴馬上開動，厚厚的桂魚肉鮮嫩美味，嚼在嘴裏滿足了每一個挑剔的味蕾，伴着鍋里不同的配菜，這水煮魚是滿足又滿分。其他點菜陸續上桌，鮮魷魚，豬頸肉，沒漂過的鮮牛柏葉，雙色餃子，全是新鮮嫩綠的食材，在通貨膨脹的環境下，全用如此新鮮的食材，實屬難得，值得點👍讚。吃得肚皮微😊笑時，喝上一杯清香的竹蔗茅根馬蹄水，如一泉清流，洗滌了積壓的凡俗，微笑的肚子又是另一番滿足。

話說我好鍾意食雞煲，而呢間餐廳我都bookmark左一段時間，前2日終於同friend去左試。P.S. 而家午市有八折 | 晚市有八五折 (飲品除外)老重慶奇味雞煲(小) $188辣度對我地2個黎講都唔算太辣，個汁又唔油，除左有雞之外仲有好多豆卜，好索汁😋最緊要係全程食緊同食完都無口渴既感覺！我之前食雞煲都係要一路狂飲野，同埋食完會喉嚨痛，今次係無架👍🏻同埋要讚下佢個竹蔗茅根好清甜好抵飲。照舊食完雞煲加湯打邊爐 : ✨安格斯牛頸脊 $288✨雙拼餃 $68韮菜餃 x 鮮蝦雲吞 ✨豬紅 $35✨土魷魚 $48✨皇帝菜 $38✨鮮魚片 $88✨竹蔗茅根(小) $33

星期日放假想食好少少慰勞下自己，所以就黎到北角食雞煲打邊爐。呢間雞煲店離北角站只係幾分鐘步程，地點都幾方便。老重慶奇味雞煲$188個名幾得意喎，雖然我地唔知奇味即係咩味，但整體都係好味嘅。雞有好多舊好入味，肉質唔會乾爭爭，冬菇，豆卜，洋蔥都好入味好好食，我好鍾意食料頭嫁haha特級安格斯肥牛$238切得幾靚，擺盤亦好整齊，安格斯牛嘅肉味濃郁，打邊爐真係唔少得食靚牛。鮮魚片$88好有驚喜啊，超滑，男友唔鍾意食魚都話最好食係魚魷魚$58夠新鮮豬頸肉$58蟹柳$40竹蔗芽根$33正啊☺️唔會好甜，食完濃味野飲番啲清涼嘅竹蔗茅根真係好refreshing. 今日我地做左超級食肉獸，豬雞牛海鮮都食齊，好滿足😋

今日放假去左北角滙行街，行完之後妹妹話想食野，大家都知其實北角都真係有好多唔同既餐廳可以選擇😁真係諗到頭都大埋，點知行行下見到間有得食雞煲既餐廳，拿拿聲走左入去坐，加上呢排天氣涼涼地，真係可以暖下個胃呀😛😛當日大概lunch time時間店舖其實都開始好多人食飯，好彩早小小入到去完全唔洗等位，店舖環境企理，又有卡位，可以容納到好多人，唔洗坐到好迫👍🏻所有我同妹妹都坐得好舒服，而每張枱都有一個爐頭俾我地。我地點左老重慶奇味雞煲 ($188)，份量都足夠二人，佢地既雞十分嫩滑，而且啖啖肉😍加上配埋雞煲嘅醬汁，真係好juicy😋而今次我簡左小辣所以岩岩好，加上加埋花椒八角，薑和蒜頭🧄真係未食已經聞到好香，雖然係小辣但又唔會食到岀哂汗🤣而且雞煲入面都仲有唔同既配料，包括有冬菇豆卜，浸埋咁濃郁嘅醬汁，真係絕配👍🏻👍🏻👍🏻食完個雞煲緊係順手打邊爐🫕個湯底仲係餐廳既特制，好香咖，唔好睇佢好似好辣咁，其實唔辣咖😂我地仲加左d配菜，包括有鮮魚片（$88)、炸魚皮（$45)、海中蝦($138)、鮮魷魚（$58）、支竹（$38）、皇帝菜（$38)、烏冬($38) 😍 我地當日胃口真好好 📌鮮魚片好大碟，份量

<<Thursday Couple 尋食記🐖🍌>>咁啱經過港島交收，唔係幾熟呢頭，但見到有間雞煲，好似幾正咁，呢排又開始翻風，想食暖笠的，就膽粗粗就打算同男朋友入去試下。🙈🤣環境企理，寬敞，仲有卡位坐，舒服！碗碟好有古色古香感覺👏🏼☺️我地點咗個二人火鍋set，個老闆話呢個set係10月期間限定，每人200。超級抵食！二人撐枱腳一流！🥰🔥我地嗌咗個麻辣雞煲bb辣。😚黎到見到個雞煲都幾足料，有豆卜，冬菇，啲雞都多肉，冇乜骨。聞落好香花椒味，但又唔攻鼻，幾正幾舒服😋👏🏼食落發現個豆卜，冬菇都好入味，主要傦雞煲個醬都好惹味！好好食！！湯底真係好緊要🥳🥳🔥到雞既部分，啲雞啖啖肉，而且仲好滑！！好驚喜😋👏🏼其實食完個雞煲都已經飽飽地，因為真係好大份！但我哋都決定繼續食！就叫人幫手加湯開始打邊爐。都係佢哋主打💓😚🔥🔥🔥我地嗌咗牛柏葉、響鈴、豆卜(太好味決定encore)😅😚🙈牛丸、鮮蝦雲吞、特級安格斯肥牛、金菇、唐生菜、粉皮、讚岐烏冬。🥳🥳特別值得一提既係個牛丸同埋肥牛，超有牛味！而且個肥牛仲要唔係薄切切嗰啲，係厚切的！！鍾意食牛既朋友一定要試！🙈🙈🙈😎同埋個牛柏葉十

雞煲就食得多，魚鍋就相對少見。今次去到北角呢間雞煲專門店，見有幾款魚鍋，都想試下。有得打下邊爐而且唔一定要揀平時食開嘅雞煲，都幾開心。呢個魚鍋份量幾大，可以見到啲魚都有兩條嘅份量，而且成條咁上，連骨都連埋，冇偷工減料。魚肉香滑鮮嫩，浸喺微辣嘅湯底幾順滑爽口。又比起雞肉更加健康，係個唔錯嘅選擇。都推介埋呢度自家製嘅竹蔗茅根。真係好清甜好飲，而且有咁辣嘅湯底真係好需要叫返一壺嚟解辣。食完個魚鍋加咗唔少配料，大部分都好好食。我本身就超鍾意薯粉，呢度嘅薯粉比到我十分滿意嘅感覺。夠滑夠嫩夠嚼勁，正！豬頸肉、炸魚皮同蟹柳又係大大份食得滿足。唐好菜都大碟得嚟又新鮮，雖然本身味道微微略苦，但浸完呢個湯底都好濃郁入味，健康之餘都好食。最正莫過於鮮蝦串！一碟可以有咁多串，而且每隻都好健碩大份，新鮮惹味，大力推薦！

秋冬天絕對係食雞煲嘅季節，朋友介紹北角呢間雞煲魚鍋店，見openrice好多好評就來試一試。店內位置好闊好好坐，唔似好多雞煲店要背貼背坐摺凳。有圓檯同卡位，檯面有兩個電磁爐頭，多人嘅話可以同時點餐廳嘅招牌菜雞煲同魚鍋。除左雞煲同魚鍋，仲有田雞煲、羊肉煲同豬骨煲等等，而且可以選大鍋或者細鍋，配菜亦都好多選擇。老重慶奇味雞煲（小， $188）餐廳用嘅係三黃雞。三黃雞屬於放養嘅雞， 肉質比較細嫩，最適合用來整雞煲。雞件係先煎過的，所以雞皮好香而且冇多餘嘅油脂。最欣賞係雞煲嘅調味適中，同樣加左花椒八角、姜、蒜，但唔會遮蓋雞肉本身嘅鮮味。上菜時係小辣程度，容易入口，唔會有越食越辣嘅感覺，全程可以品嘗到食材本身嘅味道。配料份量好多，冬菇炆得超淋，豆卜就吸收曬雞煲嘅汁，有濃厚嘅香味。食完雞塊打邊爐時，唔係就咁加水，而係用餐廳特別熬製既湯，可以保持湯底濃郁嘅味道。鮮墨魚滑（$68）size大過拳頭，食得出墨魚純度好高，好鮮味，充滿膠質，咬落非常有嚼勁。蟹柳（$40）蟹柳好大碟，肉質實淨唔會成口粉，而且淥熟左都唔容易散開。鮮蝦雲吞、魚皮餃（雙拼，$68）雲吞入面粒蝦係原個的，幾大粒。魚皮餃嘅皮厚度啱啱好

路過見到麻辣香鍋，早兩日食完好回味，即刻想比較一下。午餐價錢包一個餸，一碗白飯，一個例湯，和一杯飲品。$60真係好抵食！叫左麻辣田雞香鍋和酸菜魚片 因為係午餐份量，所以唔係用鍋上。嘩！我覺得好好味 食到唔識停，仲一大碗白飯食晒 相比酸菜魚，魚好像比較失色。雖然魚片都算多，但係味道比田雞鍋搶咗 例湯其實都大大碗ok 架。$60真係無野要投訴，連鎖快餐店都要呢個價錢

上次食完特價午餐，覺得幾好味，今次帶朋友去食晚飯 我哋三個人食唔得多，叫左三個餸，份量都唔少。先來一個大嘅重慶田雞煲。雞煲可以揀辣度。老闆娘好人，怕我哋食唔到，先叫少辣，之後主動問我哋夠唔夠辣，要唔要加辣，仲另加麻椒油比我哋。味道好好，鑊氣夠晒 另外叫咗個菜同豬大腸。兩個都屬濃味，食到好開胃。如果豬大腸乾身一點會好啲。呢度有點似大排檔，客人都係叫啤酒食火鍋。下次可以試吓雞煲完火鍋