金寶泰國菜館 (已搬遷) 新店位置

之前都係響黃珍珍食泰國菜,今次就試吓金寶,真係正。叫左四個餸:出名o既醬爆蝦餅,勁大粒,好有蝦味$60四粒。記住攞刀叉叉開,唔係就會整親個咀。酸辣脫骨鳳爪,冇黃珍珍咁得個辣字$35。串燒沙爹勁大舊,又唔UN。仲係$35。泰式炒粉酸酸辣辣好開胃$40。仲要唔加一,邊度搵亞。

食完辣蟹,同媽媽都好滿足,但走左番去買了兩盒活蝦刺身番屋企慢慢嘆!等媽媽試吓本來要去食嗰間係乜鋪頭!!脆,甜,爽,媽媽覺得啲蝦辣左啲,不過佢都估唔到啲蝦完全無生嘅感覺!啲汁好開胃!無得頂!九十九秒,因為美中不足係無位,搞到無椰青嚟襯番個蝦!

叫左4樣野:辣椒羔炒蟹- 惹味, 隻蟹都新鮮.咸魚炒芥蘭- ok, 沒甚麼特別.泰式鳳爪- 好辣呀, 但d汁係好幾味既.生蝦刺身- 蝦大隻, 新鮮, 感覺都抵食.叫左龍眼冰, 幾好味, 唔會太甜又有龍眼味.服務都ok, 可能我早到, 六點幾, d野好快黎, 但慢慢開始多人了.

好開心!今日係自己大好日子,總共十個人陪我食生日大餐,更開心係,今餐真係好好食,好滿足呀^_^我一丁妹坦白講唔算真係好好好懂得吃,但都唔會亂咁叮,好似蔡一傑咁叮就真係寃枉大老爺了..講番正題!今次叫左好多野食:招牌菜活蝦剌身叫左兩碟,爆醬蝦丸三碟(四粒一碟),明爐生魚,咖哩牛腩煲,馬拉盞炒通菜,蝦膏炒飯,生牛肉河,串燒豬肉濱海,醃鳳爪沙律,冬蔭功湯,雲吞煲仔翅(自己食)...其實仲有多三至四碟,記唔哂!喺咁多間泰國餐我試了嘅嚟講,金寶嘅活蝦剌身算係最好食嘅一間,個汁好醒胃,啲蝦好新鮮!我初初會以為啲明星效應令呢度出名,但食落覺得出名都值得,如果唔係生,而係熟蝦,可能我會叫多兩碟..爆醬蝦丸(定係醬爆?)六十蚊一碟,都覺得少少貴,但食完覺得好好味,入面係蝦膏,好香,貴都要食,不過其中有一粒無蝦膏,唔知係唔係漏哂>_<原來除左泰菜,仲有越南菜食,所以選擇比其他泰菜館多!值得一提係冬蔭功湯,味道唔太酸唔太辣,好好味,有個泰藉女侍應教我地煲滾左先飲,因為隻大頭蝦啲膏會迫哂出嚟,仲好飲!串燒豬肉濱海..我諗濱海應該係一塊塊嘅米粉,用生菜包住串燒豬肉同濱海,點越式醬嚟食,好味,好開

近年已沒有到金寶進餐了, 因為要到九龍城廣場辦事, 所以順道到金寶食晚飯.首先覺得座位好迫, 叫d食物上檯都唔夠位擺, 如果是茶餐廳還可以接受, 但話晒呢個價錢應該改善下d座位, 就算是兩人檯都可以大張少少掛.食物方面就真係唔錯, 我地叫左:1. 生蝦刺身(幾好味, 但我覺得青胡椒好味d)2. curry炒蟹3. 醬爆蝦丸4. 炒蜆(d蜆好大隻, 但有隻有沙)5. 蒜茸包6. 椰青及青檸水埋單$335

年初五同契媽拜年，之後一行四人去九龍城搵食，就試吓金寶，佢咁出名，但去親九龍城都冇試過。叫咗︰醬爆蝦丸- 係店鋪推介，當然要試吓，四大粒，入面係大頭蝦蝦糕，餡就食唔到味，但蝦丸好味喎串燒沙嗲- ok，冇乜特別冬陰功- 都唔錯，拍得住小曼谷無骨鳳爪- 夠辣，幾好味，不過好似少咗啲豬頸肉- ok蝦羔炒飯- 加埋啲肉鬆食，甜甜地，幾香幾好味蒜茸炒介蘭- 冇乜特別，同平食都係一樣咁油...椰汁西米糕- 一般，好似冇平時食果啲咁好味香芒椰汁糕- 冇芒果味，仲好似咸咸地咁，唔掂拉椰汁糕- 唔夠椰汁味，冇乜味咁總括嚟講都算幾好，不過見佢有啲都幾貴，例如軟殼蟹細都要成$80，好貴嘛...坐位就比較逼，服務都算ok，有機會都會再嚟0既...

今時今日，味道對廣大食客們固然重要，但我更相信『衛生』是我們非常關注的問題。今晚剛和太太在《金寶泰國餐廳》﹝對正《龍鳯店》那間舖位﹞晚飯。侍應帶我們到較簡陋的《金寶小食店》，但沒問題，反正四間舖都是同一個廚房，侍應都是來來往往。食品水準我已經不值得談，如果你有我以下的經驗：當吃到半途，我拿起跟碟送上的刀叉切這碟剛上的食物，切了一點正想放下手上刀叉開始享用，但發現叉不離手‧‧‧O_o!!!我的手被叉背的『香』『口』『膠』黏著！！對！是『被咀嚼過的香口膠』，就是有時不經意又極討厭地黏著你鞋底的『香口膠』！！但今天咀嚼過的香口膠不是在地上而是在餐具上，黏著的不是鞋底而是我的手。我非常懷疑他們如何處理食客用完的餐具。太噁心了！我們馬上忿怒地投訴並結帳，他們雖然主動取消該碟食物，但我們覺得，問題並不是出在那碟食物上...ANYWAY，《金寶泰國餐廳》已經被BADLIST 了！

我一行5人住食lunch，喱度地方細，環境一般，食物不過不失，但都可以一試！醬爆蝦丸- 超好食，好食過金蘭花，但貴，成$15粒。不過，食1 - 2粒已經夠，食得多會好膩。小食併盤- 炸蝦餅、串燒、香葉包雞、蝦春卷，各3件，全部都熱辣辣，好好食(尤其係蝦春卷)明星菜- 將海鮮加豆角炒埋一碟，有辣，都幾好。黃咖哩雞- 幾清新，汁唔會太濃，加埋菠蘿，o.k.喎！蒜蓉包- 一般，唔夠脆，而且好細件馬拉盞通菜- o.k.啦！冇咩特別！蝦醬炒飯- 凍，好似一早炒好咁，唔怪得咁快可以上啦！冬陰功- 我唔食，我同事話o.k.啦！總括講，除醬爆蝦丸外，其他都冇咩驚喜，所以唔算太抵食。

(9/11)獅子山下，樹木林立，街道井然；低密度的樓宇、別墅、教堂、教會學校、軍營，一條又一條的郡名街道，以及那九龍以北的條約，促使成這充滿主義的地區。曾留下的數年校園生活，身處於那條羊腸小徑之側，自成一角的氣派，光陰不復返。毗連的九龍城，在於那九龍城寨的震撼中，絕對是有一個對照。時而勢逆，九龍城的食店抹掉了昔日的灰塵，添置了新裝。往日的午膳時間，曾踏足了不多不少的食店，各式各樣，永珍、清真、金蘭花、黃珍珍等等，而今天卻來了一頓晚飯。金寶，第一意念會想起姓洪的，及後才會想起泰國菜。不點生蝦，想也不想便點了冬蔭功、酸辣鳳爪、鹹魚炒芥蘭、蝦膏蝦餅（是球也）、牛雞串燒半打。冬蔭功伴爐上桌，外觀鮮明，配料豐富，香辣可口；酸辣鳳爪，沒有出錯的菜色，微辣、酸的配合，完全是適合的前菜；鹹魚炒芥蘭，鹹魚是切碎炒勻，芥蘭翠綠，配以魚露等調味，中和了味覺。蝦膏蝦餅，據聞是甚麼招牌菜餚，內裡的蝦頭膏是充足，但不是純蝦膏，總混入了少許蝦醬，味道是豐富，但油膩非常，蝦餅的肉是略遜色，欠缺應有的鮮蝦味。牛雞串燒，每串的肉略嫌太厚，欠缺串燒應有的香脆表面、內裡鬆軟，串燒味道滲入肉中，是不太好的一環。其後的啤酒、青檸

剛過去的星期六，睇完老老打波便來我喜愛的九龍城搵食。聞名已久，都算係慕名而來。成條街由金寶老細玩晒咁滯，間間叫差不多的名，行近發現門口貼的雜誌介紹文章是一樣，才知其實係同一間。因比較夜關係，小食店等已不會招待，全部客refer去最大果間。會開得夜d。餐牌資料好豐富，未食已令人垂涎。第一頁一打開已見吳老闆個樣，介紹自己同間店，都係咁先知呢度除泰菜，另一部份係越南菜。真係幾多選擇。其實本來好想叫冬蔭功，不過得我一個食，叫唔落。最後叫了其推介的明星菜，係雜不能咩都有d，味濃但無咩特別。炒A菜，是晚最好味的一碟。泰國炒米粉，好味。其實見飲品系列都好吸引，但留返下次先啦。碟頭不大，但兩人吃都飽喇。$100左右，都抵食。

龍城泰菜老字號,相信金寶係其中之一,十一,二年前人云亦云,睇七日鮮雜誌經常力撐,(當年未有飲食男女,相比今天,飲食資訊尚處落後階段.)試其咖喱炒蟹,椰子芯,生蝦刺身之後,驚為天人.今日龍城,吃泰菜店多的是,未必一定要去金寶,在之前食評已題過,不過身邊尚有朋友未去過,對佢地黎講,去九龍城等如小弟入屯門般大件事,難得來到龍城,又大叫要去金寶,那有拒絕之理?生蝦刺身,兩個人閒閒地吃下三碟,也面不改容.金寶的醬汁,比其他點辣.如果想吃此味刺身,但又唔受得辣的話.都係淨食算吧.當然,沒有醬汁之助,很難去帶得出其鮮味.其大蝦冬陰功,蝦頭的膏已經與冬蔭功同化,令到酸辣刺激的Tom Yum,多一份甜美的感覺.身處泰國菜館,為何點越式生牛河?無,想食便叫.反正之前吃過,水準不錯.牛肉上桌時半生,有牛肉味,質感嫩滑.湯底幾清甜,河粉亦滑溜,整體上也不錯.再來越式,今次到拼盤,之前漏單,所以變左美點雙輝,有米卷,蝦餅,粉包,春卷等等.米卷外層的米紙略厚,同埋幾齦.內裏的蝦,尚算新鮮.粉包入面的肉碎,味道一般,我最愛的,就是包上面的"金滔"炸蒜片.這個泰x越的crossover二人餐,友人遲了十多年來,也能吃

前晚食第一次去呢度食, 覺得d野食都唔錯生蝦,醬爆蝦丸,Curry炒蟹,泰式炒粉C,冬陰公同埋炒通菜可以一試!

今日dinner 食0左個外賣海南雞飯, 好難食... d 飯除0左強烈薑味同少少artificial 檸檬味之外, 係無其他味0既. d 雞呢, 就比低質素茶餐廳d 燒味更差. 另外無黑色0既甜豉油蘸雞, 得d 泰式酸酸辣辣0既汁, d 汁亦唔見得好味.0係泰國菜館叫新加坡0野好似好混吉咁, 泰式同新加坡式亦當然會唔同味道, 所以我諗除0左「唔0岩我口味」5 個字之外, 我都唔知可以講d 乜喇.

同同事farewell4個人食左生蝦刺身(好辣呀好辣呀不過未食過咁新鮮o既蝦)冬陰公小食併盤(香葉包雞唔好味,好鞋口)醬爆蝦丸(good)蒜蓉包2客用來點青o加喱ok青o加喱雞好味易入口,但同事們話太甜,D雞好梅不過好味勁飽再食個糯米飯甜品飽上加飽

試完婚紗,今晚同家姐,姐夫一起食飯,姐夫要來呢度.佢話事點菜...生蝦刺身x 2--都幾鮮甜豬頸肉--有煙燻的味道,算ok菠蘿焗飯--普通,味道可以,而且份量幾多咖喱雞--咖喱無味道,雞也無味道,雪雞味道炒A菜--$30,都食得過泰式雞腳--完全無味老婆請客,又係扮去洗手間,點不知又係走左去埋單($495)聽佢講返,好彩有check單,因為收多左錢.有無攪錯....電腦單都會有錯...收多左我們百幾蚊,唔係咁唔老實呀.又唔好食,又收多人錢....唉