金寶泰國菜館 (已搬遷) 新店位置

一入去見到蔡瀾提字同一大堆明星簽名就心感不妙, 畢竟係香港名星會去= 好食名星飯堂就= 好好食3 個人叫左牛肉春卷, 香茅豬扒飯同什肉絲炒粉牛肉春卷好得意,卷入面一半牛肉, 一半係米粉(我估)外面用菜捲住, 菜外面又用1 d 粉皮捲住ok but not my cup of tea什肉絲炒粉幾好香茅豬扒飯垃圾豬扒好干, 冇肉汁飯好硬, 上面放左一堆炸蒜, 但食落冇味又唔香可能係冇叫招牌菜喇. 我覺得一般般仲有, 埋單找20 蚊佢唱成$10 X1 , $5 X 2咁我又唔覺佢值$5 tips , 咪拎晒lor馬上黑面!!!!!p.s. 以後有蔡瀾提字一定唔入

細個屋企樓下果間快餐店叫金寶今次食九龍城金寶都有少少親切感呢個世界仿彿只有一個叫蔡瀾既人識食佢寫過既舖頭即刻升價百倍金寶仲有佢「御筆」題左兩個字「盪胃」？？有無人知點解？正如其他人所講蝦刺身係最得既一道如果要再黎都係因為呢味今次個笑有大半都係俾佢泰國草蝦係咪泰國黎不得而知但的確係鮮甜加埋辣汁都極容易入口功力深厚一人一隻實在係太少小拼盤(荷葉包雞蝦餅串燒炸蝦卷)同咸魚炒芥蘭都一般醬爆蝦丸係幾特別蝦肉內包住好似蟹粉既醬大家都小小心心細所以無爆醬但真係幾滋味唔錯大咖喱炒蟹加飽五個人都鍾意食蟹如果食細既都真係幾唔夠兩隻蟹都算好肉咖喱唔算辣但幾香加落法飽食岩岩好好開胃小冬蔭公一人一小碗都夠咯略嫌多左少少香草每啖湯入口都夾左渣但我唔覺得好辣明爐蒸烏頭汁多肉嫩幾好食老闆炒飯香港大學生既視力同學術水平都有少少問題點解會見到老問炒飯???事實上大家對門字呢個部首有尐偏見第時要睇清楚喇唔該蔡san果兩隻字有無幫助佢開到成條街五間舖仲要霸晒樓上舖就唔知但真係好多人樓上舖幾迫同唔夠人手催左好多次先追齊想少尐人唔好諗星期六日值得一提代客泊車係要收費既留意喇

由於我地好細食叫左四個dishes 有生蝦,冬陰公,什菜煲同爆炸蝦丸加多柸"買飛佛"薏米水... 生蝦好新鮮好濃蒜頭辣椒味冬陰公料多不過唔多辣都好香濃蕃茄同蝦味什菜煲失望諗住無咩油清清地點知係炒完先放入個煲到....爆炸蝦丸唔錯好好味雖然炸左但唔油唔燥仲有好多蝦膏流出來不過我食一粒已經好夠為左唔好哂我都食多左粒嘻嘻薏米水利尿去濕最岩昨日飲

同bf再想食東南亞嘢, 所以去左呢度.翻抄越式咖哩牛筋腩配法包- 無上次咁好食, 唔夠熱, 薯仔大舊兼差點兒多過牛腩, 反而法包熱乎乎脆脆的幾好味.蝦醬炒通菜- 蝦醬唔香, 失望....炸春卷凍檬- 春卷夠熱law, 唔會難食得去邊.

生蝦, OK, 未至於超正蝦餅, 幾好抄菜, 好老其他野都係普通, 如果經過食都OK, 特登去就失望D

1. 蝦刺身-- 必食, 係老闆首創, 點解我會知? 因為我見過佢上電視, 個汁超好味連帶的菜(裝飾)都食埋, 蝦好鮮, 2. 蒜蓉包-- 熱烘烘, 令全場都香噴噴的3. 咖哩炒蟹-- 必食, 個汁好正, 用蒜蓉點來食超好味, 蟹都多肉的, 好鮮4. 冬蔭公-- 一定會飲, 如果無咁辣就會飲得更多~~5. 串燒-- 唯一令人失望的食物, 好乾, 唔好食6. 青檸水-- 太細杯, 不過如果用soda 更好lor想食到最好味的蝦刺身, 佢幾遠都來食~~~

大大話話,幫襯左金寶,差不多無十年都有八年,由當初第一次接觸活蝦刺身,炒椰子芯, 咖喱炒蟹.果種感覺,真係好似哥倫布發現新大陸般興奮.今時今日,驚喜不再,要食,都已經食過,同埋龍城比以前更多選擇.但係一大班朋友個個身處衙前圍道,左顧右盼無任何意見的時候.金寶總會成為最後終點站.活蝦刺身,每次起碼三四碟落肚,管他衛生不衛生,食左咁多年,未試過出事.炸蝦頭,送酒一流,好過食薯片.Tom Yum味道唔夠霸道,就算我唔食得辣,一樣覺得唔夠刺激,幸好隻蝦膏夠多,挽會些少面子.其他軟殼蟹,拼盤,唔係唔好,只係保持水準.昔日最愛,今日淪為大後備,2006年的龍城,實在太多選擇.

明星菜:咩都有炒埋一碟,辣既!但唔算精彩,成碟最好味竟然係豆腐干!油多味重…咖喱蝦煲:非常美味!蝦大大隻,咖喱又美味,可以撈飯食之外,又附送好脆口既包一大條,兩者好夾!而個煲仲有好多大大件薯仔,我好鍾意!特色金邊粉:仲以為係炒粉,原來係揚粉,金邊粉係好似幼河粉咁,無咩特別,其他材料係一般越式野,即扎肉同芽菜咁,但係個粉幾清幾滑,ok!

尋日同3個朋友開車落九龍城，左諗右諗最後決定去金寶食泰國菜，但覺得冇以前咁好味1)炸蝦球- 好味(2)串燒沙嗲- 好普通又唔夠熱,沙嗲又香(屋企樓下推車仔即叫即燒仲好味)(3)菠蘿炒飯- 都幾好味,但多D菠蘿會更好(有朋友話佢一舊都食唔到)(4)咸魚炒芥蘭- 較淡口(5)冬音公- 最美味,值得推介(6)咖哩雞- 都幾失望,咖哩唔香又唔辣,好麻麻但係價錢就幾低，但係食物質素就唔多值得老遠得登入去食囉

今晚男朋友踢完波就同d朋友一齊去...叫左5個野食..蝦醬炒飯. .泰式炒金邊粉..我覺得幾好味既....豬牛雞串燒...普通,同一般既串燒差唔多,冇話特別好..生菜包豬肉..一般,,冇咩特別....d洋蔥又係辣的...酸辣冇骨鳳爪....傻左...好酸+勁辣,食完飲左3杯水先解到渴食完之後都係覺得食炒粉or飯有d保證同埋冇咁易出事....因為有d真係好辣...仲有條街好多間都係叫金寶...又有越南又有泰國!

同老公同埋雙親黎食,慶祝媽咪生日.叫左:活蝦刺身--個個都讚,好鮮甜.醬爆蝦丸--淨係得炸0個隻,都係水準之上.馬拉盞通菜--普通老闆炒飯--普通,蝦羔/菠蘿炒飯好食d.咖哩牛腩+法包--好正,牛腩炆得好入味,好香!點法包正到暈.包又夠熱.另外再點蒜蓉包仲正.次次黎都食雞串燒--好過上一次,但係都係普通.越式拼盆--好正,好味.尤其係春卷.龍眼薏米冰--好清甜.值得一試.

放工無聊自己一個去左九龍城, 行左成個圈都唔知食乜好..因為之前食過一次依度既蝦丸覺得好鮮甜好正, 於是就一條友入黎再試下有乜o岩食喇..一個人入到黎, 無埋由叫炸蝦丸咁豪架...咁果d老闆炒飯菠蘿炒飯又好似無乜特別喎..見到有樣野食叫做賓羹(即係粉皮)既, 咁好似未見過咁咪叫左個豬手賓羹(佢menu得豬手賓羹..早知問下有無得要其他材料)黎試下囉唉...不過黎到時好失望囉....隻碗好大, 但得兩舊豬手浮浮下...d粉皮得鬼咁少..好似己經俾人食左一半咁...食完都完全唔滿足...唉..下次都係唔好一個人黎依度食...同埋就算點菜都叫番佢地出名果幾味算囉...

諗住咁出名都未試過，一於試下。海鮮炒飯：無特別，係有海鮮同番茄一齊炒，夠多料，但飯唔大碟，飯味偏淡。菠蘿海鮮炒飯：正，有咖哩香，亦夠乾身，而且海鮮料又多，又鮮味，好。豬頸肉：夠入味，夠香口，夠好食，燒出晒肥油，可惜唔夠大碟。串燒豬牛雞：只係食左豬同雞，雞一定唔ｕｎ啦，豬亦係一樣，兩串都夠熟而又唔會太燶，幾好。可惜係裝醬汁的碟太細，點唔到。炒芥蘭：太油，但當然香口啦，咸魚嘛，無乜特別意見。青咖哩雞跟包：包係法包，夠熱夠脆，但青咖哩偏稀，雞亦太多骨，唔夠出色。濕炒海鮮河：河粉係大片的，跟埋ｄ汁食，好好口感，海鮮評價同上囉，一樣係料夠多，但唔夠大碟囉。整體黎講，同區有唔少相近食店，佢唔算話特別好，但都試得過啦。

d間d 野食其實都ok..佢個蝦丸係好夠特別..而且都幾好味...但價錢真係唔算平丫..係中上價錢.如果係九龍城d d咁多泰國野食既地方...佢唔係一個好既選擇...

此店座位很迫,裝潢又舊,除醬爆蝦丸較特別外,其他都不過不失,它不及黃珍珍好座,又不及泰苑價錢平,又要比加一既服務費,不如上泰苑叫多碟野食好過啦!