金坊泰國美食

营业中

休息中

好像放假後遺症還沒好一樣，這個星期上班都是還渾渾噩噩，一副打不起精神的樣子，好不容易才撐到星期五，收工後當然要吃一頓好的來獎勵一下自己。上次與友人在這試過椰菜苗，一試難忘，在街外也找了很多地方都找不到椰菜苗賣，想要親自下廚都不能，唯有又來到金坊。馬拉盞炒椰菜苗依然爽口清脆，味道清新，入口帶些少微辣，香葉炒聖子皇味道辛辣，對於一般不能吃辣的人，這辣味絕對超出能承受的範圍。聖子都算大隻，爽口彈牙。香茅蠔仔煲的味道非常濃烈，非常下飯。蠔仔原本的腥味被香料蓋過，本身不太愛吃蠔的我也接受得了。來到泰國餐廳怎可不試串燒，這裡的串燒非常出色，入味又不會太乾，一定要推介一下。椰青水清甜可口，內裡椰肉厚身，可以刮下來吃，不錯。雖然服務不太好，但是食物味道出色，依然會繼續來...

荃灣區食泰國野 金坊當然係首選啦 冬蔭公海鮮湯基乎係每次都必點嘅 湯底除左有大量香料之外 重有大蝦 蜆 尤魚 芫茜等 飲落酸酸甜甜的 落肚後就feel到喉嚨辣辣的 非常醒胃 大蝦質感彈牙 尤魚靱靱的 有嚼頭 叫左蒜蓉包 細細碟有6塊 麵包焗得脆口的 包面塗滿牛油同蒜蓉醬 香氣四溢 略嫌蒜蓉唔夠多 炸蝦餅 炸到金黃色嘅外層 包住爽口彈牙嘅蝦膠 薄薄嘅炸粉令外層更顯脆口 點埋酸甜醬 更加惹味食完炸野緊係要叫個椰青清清熱氣啦椰清水夠晒清甜 食埋香滑嘅椰肉 正😍不過椰清如果可以再凍少少 就更好了海南雞飯 粒粒飯都沾左黃薑同雞油嘅味道雞肉非常滑嫩 有咬口嘅 雞皮亦爽滑😍點埋酸辣汁 辣辣的引出雞味 味道更一流但係略嫌飯粒過油 令飯食落"淰淰"的⋯ 雖然店裡非常多人 但侍應基本上都有禮貌的 上菜速度亦唔算太慢 算係令人食得開心嘅一晚😁

身為荃灣區居民，一直沒機會嚐嚐頗有人氣的金坊泰國菜館，原因是每次來到都門庭若市。是日下午3時半到達，見沒人排隊，可即時入座，便馬上決定試一試。下午茶餐款式頗多，但友人們常推介金坊的海南雞飯，故也沒多作選擇。直接點了海南雞飯，配熱檸蜜，另送冬陰功湯。好像是第一次吃海南雞飯，飯是油飯(?)，很香味道不錯，雞肉偏瘦，是我喜歡的，而雞肉的份量不算少，整個下午茶非常飽肚。先評海南雞飯，雞雖不肥但肉質很好，不會很難咀嚼。附有一小碟醬汁，酸酸甜甜，十分醒胃易入口，配以香噴噴的油飯，好味道！冬陰功湯還好，雖然無海鮮，也不太有辣味，但酸味和香料也很足，合格。熱檸蜜反而是最失望，不知店家是用甚麼糖漿，味道雖是甜，但有股怪怪的味道。

1月1日，臨去旅行前同媽咪去荃灣食飯，去到荃灣唔知食乜好，就揀咗呢間，都好耐冇食過，記憶中係好味嘅。有時揀餐廳真係好驚中伏啊。大概六點半去到門口，啱啱開始要等位，之後都陸續有人開始等。大門口個服務員態度真係好差，我冇諗住係催佢，只係問下問題，佢都黑口黑面，都未入間餐廳就有個黑面神响門口趕客。馬拉盞炒椰菜苗我地食泰菜必食之選，好味，唔會過咸，因為有些地方會整到咸到食唔到菜味，佢唔會，夠香，有菜味！ 青木瓜沙律比想像中大碟，幾新鮮，最怕有些沙律菜一早切好哂放响度會放到干哂，但佢唔會，青木瓜食落都好新鮮，好青甜，個汁都較得唔差，好match 青咖喱燒鴨 呢個未試過，睇到張相幾靚想試吓，點知實物與圖片不符，好求其唔好食。就係將幾件燒鴨，放入啲咖哩度，完全好似冇關連冇入味。鴨還鴨整，完全冇入味，加上個咖哩唔香，冇味，完全唔得 燒豬肋骨個味就係似金沙骨，都燒得幾好食，幾鬆軟，幾香脆，不過就冇乜驚驚喜 冬陰公蜆呢個都係因為睇到張圖好靚所以叫嘅，極失望，嗰啲醬一pat pat咁，好似係廚房整定一大鍋，然後不一殼比你咁，好多個殻冇左d肉，去左邊？得個辣字 最後覺得不過不失，整體又唔係

天氣開始轉涼，飄著微微細雨，相約兩三知己，傾談心事，幸好金坊不用等位，還能安排到卡位，心情大好。九點後人客的數量不少，但是上菜速度非常快，對於飢腸轆轆的我們，簡直是雪中送炭。海南雞(半隻) - $90比以前的質素差很多，雞肉肉質偏霉而且鬆散，沒有海南雞獨有的鹹香，對於愛吃海南雞的我，一大打擊。馬拉盞炒椰菜苗 -$76朋友極力推介的椰菜苗，爽脆的口感，帶些少微辣，非常惹味。辣椒膏炒大蜆 - $86只有五六隻中等Size的蜆，有一兩隻有沙，配菜沾上辣椒膏，味道還不錯，愛辣人士一定會喜歡。沙爹串燒 - $85每次光顧一定必食的串燒，沙爹味較一般的重，最重要的是不會太乾。菠蘿海鮮炒飯 - $74味道香甜而且飯粒粒粒分明，但是配上肉鬆就太甜了，奪去了飯本身的滋味。椰青 - $28清甜解膩，椰肉又多，$28絕對值回票價。埋單時發現雖然沒有加一服務費，但是水原來要收錢，覺得不值，水我們都用來洗碗筷了。食物質素相對以前失色不少，而同區的泰國菜館越來越多，同樣的價錢不難找到更加好的。

上星期同屋企人食呢間泰國餐廳,6點零去到都未算多人,快就有得坐低食,但一路都見到門口排哂隊,下次食記得早d到或者去book位喇!因為鍾意食辣,所以都食過唔少泰國餐廳,呢間都算裝修得幾有泰國風味!頭盤先叩左個青木瓜沙律同泰式生蝦,兩碟都算大份，食得出材料新鮮，而且味道亦好好,其中沙津方面佢加左蕃茄,食落新鮮得黎仲好健康,生蝦個汁水好惹味,酸酸甜甜咁,結果叫左兩碟沙嗲黎講,分別叫左雞肉同牛肉,兩份都唔差,整體味道中規中舉  另外仲叫左金邊粉同海南雞飯,金邊粉炒得好惹味，炒得好香,而且分量好足,入面又多配料,值得一試!，海南雞飯就正在個油飯十分香,先炒過黎,d雞夠哂滑,又夠大份，一定要試！

又到左週末搵食時候, 今次就揀泰國菜, 呢間係我覺得比較好的一間泰國餐廳, 好食之餘性價比亦很高, 每日都會有午市餐, 價錢與一般茶餐廳價錢差不多, 而且分量都多, 當然要黎食啦。全部餐都是40蚊, 海南雞飯都係加2蚊。無骨豬手飯- 這個絕對O岩想食豬手但又不失禮的人, 先別講外面其他台去骨要加多少錢, 這間豬手的分量真係不少, 食上都有少少鹵水味, 豬皮光澤鮮亮, 顏色近似鹵水, 啡得好均勻, 煮得很透很淋, 脂肪少, 可說是啖啖肉。炒鮮蝦金邊粉- 偏甜, 懷疑多加了茄汁(想色澤比較好), 炒得都好乾身, 蝦似急凍蝦, 但都是爽脆彈牙。豆干比較硬, 不過整體都不錯, 人多的午市仍保持到這個水準跟餐轉特飲都只需加6蚊, 不過大部分都比較甜, 間中改變飲開的奶茶檸茶, 轉飲特飲都不錯!

朋友來港，住在如心酒店，打算就近用餐。之前食過呢間一次，當時並沒覺得有幾好味。不過在荃灣想食泰國菜還是這裡出名，於是又來一次。晚七時前廳已經坐滿人，我們被帶到後街的分廳，環境相對前邊較差，不過食物沒有令人失望。海南雞，雞肉肥嫩香口，雞皮够滑，朋友大呼好味。菠蘿海鮮炒飯，裡邊有提子乾，好特別，蝦肉大隻爽口，料又足。馬拉盞炒通菜，味道ok，唔會似某些餐廳會炒得過鹹。冬陰公海鮮湯，好飲，但真的好辣好辣，連我這種食得辣嘅人都有啲hold唔住，如果提前要求少辣就好。可以帶朋友食到滿意的晚餐，大家都好開心，值得推薦。

是晚一行五大一小放工去左荃灣食泰國野一直都知依間野係荃灣算出名但奈何距離屋企距離荃灣好遠講返野食先～軟殼蟹青芒果沙律，好SPICY，我係食唔到既 但軟殻蟹夠味炸得夠脆小食拼盤個蝦餅好好味，食落去有蝦味，啖啖都好蝦味魚餅少少油，個雞有少少SO味蒜茸包好正，熱熱地，好夠味唔會好咸椰汁雞湯，第一次食，好重椰汁味，好濃郁，熱熱地飲最岩濕炒海鮮泰粉，冇咩特別，味道夠，但係泰粉就好多，每人都可以夾到D黎試馬拉盞炒椰菜苗，大家都話好好食，同埋原來佢地都未試過椰菜苗，炒得軟硬到岩岩好 爐魚都唔錯，淋既汁好夾呀，大家都食唔少我地仲有叫到菠蘿炒飯，以為有原隻菠蘿，黠知冇，有少少失望，個飯就比較一般最後既甜品係送既，椰汁味好夠，我地仲叫左芒果糯米飯，好好食，為我地依餐飯劃上完美句號。提一提，依間係唔洗加一，所以都幾抵食！

朋友很多年前就來吃過，說這裡的泰菜很不錯，於是叫我一起來試試，果然無介紹錯。可能是閒日，所以不用等位，但也幾乎滿坐，相信開左咁耐應該有唔少係熟客。整體食物水準都很好，服務態度也不錯，價錢又不太貴，值得一再幫襯。

我同另一伴都係收夜班一族，返到屋企通常無野食，所以每一次收工都去荃灣食野，食完就返屋企，因為依間鋪頭收好晏，所以又唔洗食得太趕，主要成為左我地最快選擇既鋪頭 ，兼提供晚餐地方 ，對於我地方便就腳 ，野食又啱我地胃口，我鍾意食菜，比較多選擇，而另一伴鍾意食辣同咖哩，所以最啱我地食，又唔需要排隊！

「金坊」泰國菜，聽說住荃灣的朋友，很多人也到訪過。次次經過都見等位人潮，今日好好彩時間比較早六點半多可以不用排隊直入 （今次係我第一次食）身邊朋友同我一樣都幾鍾意食泰國菜～ 今餐有 ... 青木瓜絲沙津、炸蝦餅、冬蔭功湯、泰式生菜包、馬拉盞炒菜，仲有椰青 + 青檸梳打下單後，好快就食得～ 先食沙津，青木瓜很爽口，加埋泰式汁酸酸辣辣，好開胃，不過當中的青豆，青味很重，可能係處理得唔好。跟住到每次食泰國菜也必食的炸蝦餅！炸蝦餅好彈牙，幾鮮味，即叫即炸，熱騰騰點泰式辣醬，好味！推介！（全晚最好食的）呢個馬拉戔通菜就失色左，很微的馬拉戔味我地呢個冬蔭功湯選擇帶蜆的，蜆量很多，可惜蜆肉無甜味，重點冬蔭湯底的檸檬葉呀，香茅呀，南薑味，這些精髓好像欠缺了。（可取之處是以鍋上，可以一直保溫著）再黎，泰式生菜豬肉包，賣相已扣了不少分數呢，豬肉炒完都是粉色的，調味方面仍是差一點點。友人們，大愛的生蝦刺身食泰國菜，飲椰青是最好不過了，椰青有些老，可能放得耐了, 味道不夠清甜。今晚終於一嚐荃灣這家泰國菜，整體食物比較普通，回頭率不高，呢到最值得推介係炸蝦餅

同貧友去開近水灣影日落影完就出返荃灣食晚飯由於本來想食o個間要等位見哩間快d, 就去左哩間泰式生蝦, 蝦肉夠彈牙, 蘸埋d醬汁, 正!!!碎肉生菜包, 唔錯海南雞飯, 飯冇乜油香, 冇乜特別馬拉盞炒椰菜苗, ok咖哩軟殼蟹, 個咖哩好食, 軟殼蟹都算多印度薄餅, 最o岩配咖哩XDD炸皮蛋球, 出面個表皮ok, 皮蛋就普通冬陰功海鮮湯, 酸辣度o岩o岩好, 正!!!好豐富呢~芒果沙冰, 石榴沙冰, 椰皇沙冰椰皇沙冰好飲附送的芒果椰汁糕, 椰汁味唔夠重o者4個人叫左8樣野, 再加野飲, 2舊水有找, 算係咁

5：20左右來到，叫左2個下午茶，半打串燒，一個馬拉盞炒芥蘭咖喱雞薄餅＄30（下午茶餐）﹣咖喱唔夠熱，一般啦咖喱豬頸肉 蒜蓉包 ＄30（下午茶餐） ﹣豬頸肉幾多 烤得都ok香  包都係夠脆，幾buttery串燒＄83 可以選擇雞牛豬，要sai 牛肉 烤得香 沙爹唔太濃 但係都ok 馬拉盞炒芥蘭＄69﹣無咩鑊氣 不過好處就係唔油膩 同埋馬拉盞幾多 份量來講＄69 呢個價錢 好似細碟左d 夠2人食 多d 人就唔多夠服務一般，無特別差

每次經過都有好多人輪候等位，所以我決定一試，等咗大約45分鐘左右，同其他既餐廳一樣，枱子擺放得很擠迫，上菜就非常有效率 . 隨便點了幾道出名泰菜，海南雞唔錯既選擇，都好滑下架，仲有泰式豬手，炭燒豬頸肉等，不是太出色，但都算係有水準之作