金坊泰國美食

营业中

休息中

已有一段時間沒來吃, 價錢比次前貴了很多, 但仍然都有很多人排隊等, 只因味道同份量都不錯.串燒: 牛和雞 - 維持水準, 燒得好香, 牛肉香濃, 雞肉滑, 最緊要個汁, 夠濃夠香串燒: 白鱔, 我認為佢既燒白鱔真係最好食, 外脆內滑, 肉質彈牙爽口, 白鱔本身好重油香, 真係超正.燒豬頸肉生菜包 - 酸辣味不夠, 也不夠魚露香味, 好彩燒豬頸肉夠香口.生蝦 - 好大隻, 好爽口, 食生蝦其實是靠個汁, 個汁酸辣味我認為不夠, 而且價錢真係好貴, $92得8隻………….馬拉盞海鮮炒河 - 河粉係好闊, 切到一段段, 這樣食法較容易控制火喉, 但就影響口感. 味道不錯, 一碟都是青椒,紅蘿白,芹菜和洋荵, 好艱難先搵到一隻蝦毛, 一舊尤魚……….一d肉碎…….菠蘿沙冰 - 古五到幾好味, 菠蘿味好濃, 好香, 甜度適中. 

推介，呢間餐廳的雞脾飯，因為隻雞脾有半碟飯咁大，肉質嫩口，而且味道一流。另外推介:，甜酸魚柳飯 。非常適合夏天食，個醬汁甜甜酸酸超開胃，魚柳炸得好脆口，而且塊魚柳唔會好厚炸粉，啖啖魚肉，加埋凍飲，42蚊賣單!

去過金坊好幾次，每次都夜晚去，每次都排餐飽，不過每次都覺得好食。今次即管試吓下午茶。差不多兩點半去到，都等左大約5分鐘。點左兩客：一青一黃青：下午茶-青咖哩雞配蒜蓉飽條，配石榴沙冰黃：午餐-佰靚咖哩豬肉飯，配芒果沙冰佰靚咖哩好香口，配上椰汁感覺creamy，辣度適中。芒果沙冰，每次必點，今次比起之前淡味左啲，有啲失望。青咖哩雞，咖哩汁冇乜問題但啲咖哩味入唔到啲雞肉度，感覺上係烚完啲雞淋上青咖哩汁，而唔係一齊煮。反而個蒜蓉飽條好鬆脆，點上咖哩汁非常可口。石榴沙冰，感覺好清新，入口清涼，不錯。跟餐仲配冬蔭公湯，除左酸味飲唔到其他味道，飲左兩啖已放棄。參差嘅除左食物質素仲有服務。碗跟餐嘅冬蔭公湯追左一次不果，第二次問另一個阿姐，阿姐睇完我地張單，好悔氣咁講，你張單冇打咪冇囉。吓? 第一，張單唔係我地打架喎；第二，我地已經追過一次，個阿姐之後先話，咁俾你囉。嘩，做乜好似我地嚟乞食咁？相反Serve我地對面兩位食客個姐姐就有禮貌得多。今次經歷真係扣晒分。

啱啱去完泰國返嚟 又想食泰國嘢就嚟咗呢間係荃灣好出名嘅金坊2個人食叫咗三樣野最左邊個碟燒大鱔好好味 好juicy 外脆內彈牙 必試芝士炸蝦丸 有五大粒芝士味唔算濃 蝦餅幾彈牙最後呢碟青咖喱雞雖然咖喱幾好味 不過啲雞同瓜完全入吾到味 失望椰子沙冰呢杯就好好啦 又大杯又有濃濃既椰子味好快就飲晒啦食咗大約每人＄150～ 未必會再返嚟食

同一大班同事係晏晝特登過黎食 我覺得哩間泰國菜夠正宗 有好多選擇 晏晝所有餐都係$42起 有幾款要加$3至$6 包一杯冷熱同價既飲品 係荃灣區黎講算係幾抵食👍👍👍👍我嗌咗海鮮炒金邊粉 ($42) 一黎到覺得好大碟 一定食唔哂 份量夠一個男士食 女仔黎講就多得滯 金邊粉炒得好有鑊氣 入面有基本會出現既芽菜🌱 葱 肉粒仲有幾粒大大隻既蝦仁 算係十分足料 醬汁方面佢用紅色偏茄汁既醬撈埋一齊炒 食落好開胃 不過由於太大兜 我最後加咗$1 拎個兜走 咁就可以食得哂d野😋😁飲品就嗌咗凍檸茶 有三塊檸檬🍋 茶味幾濃 成餐都覺得好飽好飽 食完好滿足☺😀

同朋友去咗金坊食泰國嘢。炸皮蛋球，佢外面包住麵包糠，入面再有層蝦膠，之後先係皮蛋，因為嗰晚係即叫即炸，食落香口。泰式豬手，呢度同泰國一樣都係起骨咁上，佢嘅豬皮同豬肉鹵得入味同好腍，另外仲有酸菜同鹵水蛋做伴碟。雖然無晌泰國食到嘅咁好味，不過都OK。燒豬頸肉，上面淋咗酸酸哋嘅醬汁，食落都幾爽脆，下面仲有短身嘅泰國芽菜墊底。咖哩炒魷魚鬚，魷魚鬚彈牙，咖哩嘅椰汁味唔濃但幾辣，我哋仲用嚟撈飯食。馬拉盞炒椰菜苗，個椰菜苗同西式細細粒一個個嗰種有啲分別，不過用馬拉盞嚟炒又的確幾香嘅。冬陰公海鮮湯，湯料有芫茜、南薑、香茅、魷魚、蝦、青口、魚肉、番茄等等，辣度唔強，但飲落酸酸哋又有一陣海鮮香，都算OK。感覺上呢度唔算特別出色，不過算啱胃口。

上次在兆和街吃過，今次來總店試試，兩人叫了青木瓜沙律，我覺得很好，很爽口，有些蝦米仔，花生在內，不同口感，味道也重；一個小的冬陰公海鮮湯，我覺得料少，味道不夠；重頭戲是粉絲蟹煲，我覺得太多粉絲了，太油，味道不怎樣！普普通通的，連一支啤酒共504元。回家後口渴得不得了！

食飽先有氣力減肥，去行山前就要食餐飽，食泰菜也是不錯的選擇錯誤餐廳係樓上舖，搭lift上都方便，餐廳好闊落，坐落都好舒服，都有好多泰式擺設黎到見餐牌都係4x蚊，午餐來說都叫抵食泰式海南雞飯雞肉嫩滑，肉味濃郁，飯味香，如果沾埋醬汁一齊食，醬汁酸酸地少許辣，令人開胃之餘，亦令雞肉更滋味，覺得一碟好似不多夠喉食物質素不錯，但服務就差少少，叫拎兩杯水叫左好多次都無。。。

金坊泰國美食中午最好就係泰國野，酸酸辣辣咁最開胃。午市人比較多，要等一陣位，我已經幫襯左好多次，仍然覺得呢間既海南雞飯最好食。位唔太闊落，但亦唔係窄。坐底當然叫返海南雞飯，油飯顏色係金黃色，香味非常濃烈，食落有雞味亦有飯香味，個海南雞既皮厚薄適中，雞肉十分嫰滑同彈牙，口感，加埋個汁酸酸辣辣咁好開胃，係大熱天時既好選擇！

今日港九新界亂跑日！由早去港島下午九龍晚到新界！盡興！荃灣，一個多嘢食到反而唔知想食乜嘅區分🙈泰菜係我哋嘅首選（雖然我仲喉嚨痛）金坊已是第二次來！上次唔錯，可以再嚟！今次叫咗生蝦、豬牛雞串燒各二、炒泰國芽菜、青葉炒魷魚鬚、椰青！生蝦，男朋友勁鍾意食！每次去食泰國菜必叫！呢間有水準夠新鮮豬牛雞串燒，即叫即燒！夠晒新鮮熱氣牛肉我哋覺得最出色，好有牛肉味串燒亦唔會燒得太乾身冇晒肉汁，加埋個沙嗲醬，好味炒泰國芽菜，每條芽菜都係肥肥短短的，用馬拉盞炒，冇咗芽菜嘅草青味青葉炒魷魚鬚，比較少見嘅菜色，即試初時以為冇乜魷魚鬚，原來係堆埋一邊差啲以為佢配菜多過魷魚鬚！好彩都ok! 食食下有少許辣，更香口！椰青，冇乜特別，好夠多水但唔夠甜！只係得個椰子香味！

咖哩蟹 咖哩味惹味又香濃..椰汁味濃....點可惜膏蟹冇晒...食住肉蟹先 肉蟹肥美多肉  蒜蓉包脆卜卜..咖哩點麵包最正...一流   豬肉微辣 好大條..食唔晒...雖然燒到魚皮有D燶 但勝在魚肉新鮮肉嫩滑 微辣...食落有D咸 而且椰菜苗太硬...朋友們食2-3條都放棄.. 肉片濕河  ..唔錯...個汁帶少少甜味 肉片嫰滑

黎過呢間幾次 中意左呢間！😂 如果收工約宵夜團 好多時都會諗起呢間座位多 好快就有位 豬頸肉！大愛呀！😍 份量好大！肉質好好 正！😋本身想試下蠔仔沙律 點知賣晒 之後揀左海蜇沙律 好爽口！睇落好似吾係好辣 點知愈食愈辣 慢慢浸出黎咁 要係咁飲水😂 生蝦 $92 （比出面貴d) 不過新鮮 大隻 好食既😌 朋友忍吾住再叫多一碟！另外我好中意chang啤 $16 一支😳好抵！再黎一支！🍻每人平均消費$150

相信荃灣區朋友都知金坊在荃灣有2間分店訂了枱不用等位青木爪沙律醬汁酸酸辣辣好開胃咖哩蟹泰國菜必食, 咖哩點麵包最正蟹很多, 多肉生菜包牛肉口感清新不油膩烏頭魚肉質不硬, 剛剛好少骨容易食, 湯也很好味整張枱都是美食

下午跟朋友去了影日落，可惜天公不造美，沒有日落便早早回程，回程到了荃灣區，便和幾位朋友一起吃晚飯，在沒有安排之下，找到這間食金坊泰國美食都幾多人等位，我們都前來湊熱鬧。等了15分鐘才有坐位，真的沒有讓我們白等，雖然餐廳環境很一般，座位坐的有點逼，但食物味道又確實不差，這餐晚飯HKD713/4人，HKD179/人，價錢也合理，大家也吃得開心又飽肚。 **********************20:00點來到店前，還有那麼多人在等位，我們等了15分鐘，終於有位給我們入坐。食物都來的很快，沒想到坐下5分鐘便開始上菜，4個人選了很多菜吃，真開心。泰式生蝦 HKD95，一碟有8隻，每隻蝦都幾通透，看似都幾新鮮。生蝦入口都幾不錯，可惜鮮甜味不足。 碎肉生菜包 HKD70，生菜包份量不算多，豬肉碎加入了香葉，都幾香香菜的味道。 海南雞飯 HKD56，份量都不算少，海南雞肉都幾滑口，海南雞飯都幾香椰汁味，都幾抵食。 印度薄餅 HKD38，賣相有點不太好，還有點油，但入口都幾香，餅身又腍腍地，配上咖哩吃也不錯。 咖哩軟殼蟹 HKD128，份量都幾大碟，當中有洋蔥，紅椒在咖哩之內。咖哩

這天因網店生意需到荃灣港鐵站與客人交收，交收完畢有見多久沒狿過荃灣便四周圍狿狿,滿手戰利品後便找食店醫肚，今天很想嘗辛辣的東西，特別想吃泰國菜，我沿著荃灣港鐵站D出門行，沿路都有數間泰國菜，最後我被外面餐牌上寫的泰式冬陰功粉吸引了進去這間“金坊泰國美食“，餐廳有著普遍的泰國餐館裝修，牆上掛了很多泰國風族相，黃燈暗光，坐下蠻舒服的。看了餐牌，每天都供應不同款式的午餐，每個月每一日都不同款式，很有心思。這次我點了泰式冬陰功金邊粉，朋友聽到很多客人點海南雞飯，就跟著點了一客，還有餐廳每人送一碗的冬陰功湯。---* 冬陰功粉裏面有肉丸,豬潤,肉碎,通菜,香草,我先嘗一淡湯底,酸酸辣辣，香味濃郁，我還跟店員說再加辣，辣得刺激---* 海南雞飯，每口雞口感嫩滑，而飯則充滿雞油香，唯獨美中不足是整碟飯不夠熱，但不至於凍的