金坊泰國美食

营业中

休息中

早幾年中學讀書，成日係度食lunch，$3x有碗大大碗既泰式炒河，超抵食🍜到依家我每番荃灣，佢都係我To-eat list上📝上星期六晚，我和友人7點幾8點先到，諗住夜少少食，人龍會少d。但我哋錯哂，去到仲要等20張枱，先知道原來可以電話訂位，下次嚟食就唔洗排長龍💆🏽‍♀️等咗30分鐘，終於入得lu☺️由於我唔食得辣，都揀番d餐牌上無🌶既食物。我哋打算叫一個主食同埋幾份小食，最後就叫咗馬拉盞海鮮炒河粉(HK$80)，印度薄餅(HK45)，青咖哩雞煲(HK$9x)，同埋一份泰式炭燒豬頸肉(HK$84)，加上一杯泰式特飲(HK28)。馬拉盞海鮮炒河粉:用上特製河粉，每一條都沾滿醬汁，口感十足，配埋足料海鮮配料，超級好味呀😋😋但係略嫌有少少辣，千祈唔好俾個無🌶餐牌呃咗🤔泰式炭燒豬頸肉：次次嚟泰國餐廳都必點，佢仲有其他兩款配搭，偷如青檬豬頸肉，但我就揀咗呢款最原汗原味既。佢整得好香，肥瘦分明，釀埋特製醬汁，保證回頭率100%！印度薄餅：一客8小塊，咁既價錢分量真係太少，本來打算配上青咖哩汁食，但佢拎俾我哋已經唔係太熱，好快已經清哂希望可以多番d份量啦！青咖哩雞煲：青咖哩應該係咖哩中最唔辣既選擇，食

係荃灣番工咁耐都未係到食過泰國菜 趁有得收早就過黎試下我地一早打電話黎book左枱 所以黎到唔洗等位 我地跟侍應左穿右插咁行左去另一到再上樓坐低 即刻睇下menu有咩食先 樣樣都好鬼死吸引 都唔知揀邊款好 最後點左5 樣野🙆🙆埋單4⃣️百幾蚊 下次一定會再黎食過 有我至愛既金邊粉呢個真係好正 酸酸甜甜好開胃 食到停唔到口生蝦刺身 好新鮮 好好食腐宇炒通菜 炒得好香好入味🙂燒扇貝 大大粒 好好味燒大蝦 樣樣野都好好味 再加埋2杯椰汁冰 食完辣野再飲超消暑解渴

今晚同工人姐姐慶祝生日，一家三口約她食晚餐慶祝，問她想食乜，佢即刻話最鐘意食辣野，於是決定食泰國菜。老婆食過路德圍呢間金坊泰國菜館，話好好食但成日爆場，於是六點正巳去攞枱。既然姐姐要食辣野，梗係要叫海鮮冬陰公湯，呢度嘅冬陰公湯非常正宗，香料十足，辣未夠勁，仲有好多海鮮。紅咖哩豬肉＋蒜香脆條，最佳拍檔！串燒半打，d串燒肉好滑嫰，醬汁香濃！泰式乾炒牛肉河粉，好夠火喉！芒果沙冰及菠蘿沙冰，飲得出有新鮮果蓉在內！再叫了兩杯大象生啤，正！飯後仲送上甜品，係椰汁糕，一碟有成十件，我一向不好泰式甜品，家人又太飽吃不下，工人姐姐便打包返家第日慢慢食！相信姐姐對呢餐生日飯相當滿意！

泰國菜其實已經吃不少，每一次都被朋友推薦這裡，食物不過不失，款式亦非常多，而另一個常常令這𥚃人山人海的原因是平，一般百多元一位，性價相約。當晚朋友發版點了以下幾款菜式先來一份木瓜沙律，不算好味，之前在其他泰國菜餐廳食過是花生磨碎鋪上面再混入一起吃更加美味併盤 魚餅水準很低，似食麵粉，其他春卷，蝦餅亦只是中規中矩燒鱔是當晚最好的一道菜式，可能不用甚麼功夫鱔肉亦彈口，趟算是新鮮而且醃製味道剛好泰式通菜 不知是否廚房太遠，上枱的菜式全部也不夠熱蒜蓉多士，本身麵包炸之前已經被壓扁了，所以炸完之後賣相很差，但蒜蓉牛油的配合是無得輸，如果不嫌棄個外型，係必食之選泰式炒粉絲味道也可以，粉絲也不會炒得過淋，不過朋友吃時就覺得味道偏鹹。甜品是送的 不過面層椰汁糕以大菜製成，質感似食大菜糕多

之前黎過食lunch試過河粉都唔錯，大大碗一定飽，岩哂男士食，女士實飽，之前食個時望見餐牌有味無骨豬手飯已經想試，難得一個人梗係唔使大家唸黎唸去即刻去試!試講豬手，豬手都算淋，皮同肉比例都唔錯，食哂所有肉好滿足，而個豬手其實有個泰式辣醬可以配，不過本人咁岩生飛滋，所有點左少少試下味就算，味道都幾夾，可以中和豬手皮既肥膩。至於個飯，個人就覺得麻麻，原因係佢既飯比較散，佢又唔係話軟綿，而且一粒米咬落口散左，不過唸到呢個價就覺得都算正常既，!最後想講其實點餐個時可以選擇飲品或者湯，本人一向愛好湯水，所有選擇湯，上次係冬瓜湯，今次就係苦瓜湯，苦瓜湯完全唔苦，係食苦瓜小小苦，降下火都唔錯

甘多年黎假日同屋企人出街會成日幫襯金坊：）住係荃灣既人一定會識呢間舖頭既，因為價錢合理得黎食物又好友水準！今次食lunch set,叫左個甜酸魚柳飯同埋個炒鮮蝦金邊粉～呢度既lunch set每日都唔同～ lunch set係會包埋熱/凍飲既！～甜酸魚柳飯（$44）炸魚柳好乾身，食落唔會覺得膩！雖然魚柳味道唔係好出，但就好欣賞佢炸物既功力～配埋偏酸既醬汁黎撈飯食真係可以食曬成碗飯：P醬汁入面有好多配菜 e.g. 菠蘿4/5～炒鮮蝦金邊粉 （$44）向來試泰菜都會喜歡叫個炒金邊粉食喜歡呢間青檸味濃，酸酸地好開胃同個飯一樣，都係好乾身，好惹味不得不讚 佢有好多隻蝦架，食極都仲有既各種滿足感有冇人懂xdd4/5--$100都唔洗啊！！超值之選啊！！

今日係荃灣食LUNCH，同FRIEND去金坊食個泰菜午飯，我點了一個海南雞飯，隨餐附送冬蔭功湯或者椰汁雞湯。海南雞好嫩好有水準，雞油飯熱辣辣有椰香，值得一提還有椰汁雞湯，與泰國所飲過的差不多，非常好味

約左好耐無見既朋友食飯，因為突然好想食生蝦，就決定食泰國菜朋友介紹話呢間出名，咁就食呢間啦！呢餐飯既主角生蝦好新鮮，好鮮甜，不過如果個醬汁係泰國綠色果種海鮮醬就更加好啦！不過不失，菜唔會老，都幾好食既非常足料！成碟粉絲鋪滿海鮮又唔會辣到食唔到，好香口！每次食泰國菜都一定會叫好好味，唔會好油又唔會好乾，燒得岩岩好，令人忍唔住食完一舊又一舊又係另一個泰國菜必叫既野食不過呢個就偏辣，又無咩酸味，我都係比較鐘意酸酸辣辣既口味！另外，因為好掛住係泰國飲果種奶茶既味道，所以叫左杯泰式奶茶黎試下，但都係無泰國飲既風味睇黎又係時候去一次泰國啦

金坊每次都係大排長龍，就算我哋今次選擇咗預先訂枱，都要等10分鐘先有得入座。叫都一枱都係嘢食，但我我最欣賞嘅都係佢嘅泰式生蝦同埋蠔餅。蠔餅好足料，啖啖都係蠔仔！泰式生蝦就唔洗講啦，基本上係泰國嘢必食嘅！芋頭魚都唔錯架，由細到大都好鍾意佢嘅得意造型！後面嘅雜菇扒西蘭花都可以啦！（咁啱呢兩碟都係素菜）仲有其他食物，不過以下呢幾款就唔夠以上嘅菜式惹味啦。嘢食嚟講，你隨便任點一款都會好好味。但係服務嚟講，我就唔太喜歡佢喺人哋食完就即刻催促你離開。話晒一大班朋友出來食飯都係希望聚聚舊，吹吹水咁。所以想傾計嘅話就唔使揀佢啦！

岀席完支持派對後已經晚上八點，一行四人完全唔熟悉荃灣喺荃灣搵食，原本想食的找不到，行吓行到好多人好熱鬧嘅小食及餐廳區域，當中有好幾間泰國菜餐廳，就揀最多人等位嗰間啦！等咗大概15分鐘入座，我哋四個被安排坐卡位，餐廳環境頗擠迫，不過都預咗。枱放有啲筷子、碗等餐具，全部都好似啱啱過水洗完，完全濕淋淋的。而服務方面未算惡劣，但都不敢恭維，幸好應侍姐姐都有不斷主動添水。食物方面：串燒半打（豬、牛、雞各二）：燒得香口好食，三種肉都差不多好食，配以沙嗲醬好食馬拉盞炒椰菜苗：炒得有鍋氣又不會過油，椰菜苗爽口，唔錯！秘制咖哩牛腩 & 蒜蓉包(無影相)：秘制咖哩係唔辣的(好啱我口味，但在坐好辣朋友就不太鍾意)，蒜蓉包焗得好香口，好食！馬拉盞海鮮炒粉絲(無影相)：海鮮唔算新鮮，但一樣係好香好有鍋氣，拉上補下算ok！泰式奶茶 & 咖啡(無影相)：同一般差不多，無咩特別。送"大菜糕"每人兩件(無影相)：估唔到有甜品奉送，帶點椰青味的大菜糕，好好味！總括，如唔計較環境擠迫&服務質素，以這個價錢又免收加一，食物質素的確唔錯。對於我哋非本區人真的可以一試，而我估荃灣街坊應該會久不久一食的！

是夜等左一陣就入座，期待這間晚晚都有人等位的泰菜館，係咪咁得先？！好多食物都想試，但人少又食得幾多呢。。。先來碟頭海南雞飯，再來半打串燒，加個青咖喱豬肉，配碟清炒合掌瓜苗。。。食食下，覺得有d寡加多份蒜蓉麵包條。。。海南雞肉質幾滑，無骨，可接受。油飯幾香，不太油，正常。串燒有雞有豬，只因唔食牛而無牛者，難得間店肯自動自覺幫你包晒所有豬牛雞，唔駛單一只準揀一樣，可滿足一下貪食慾望。青咖喱豬，幾好味，本身好食青咖喱，因為好微好微的辣度，可以話唔算辣，配上茄子仔仔及四季豆，有菜有肉好健康，汁呢。。撈飯點包就good喇。所以後落單要蒜蓉包條，講真，真係出奇好食，雖然好似好熱氣，但焗完出來好香口，外脆內軟，有點蒜蓉牛油香氣，不太over,唔油膩，正。清炒合掌瓜苗，我好似係街市見過，未食過，幾特別，正常。是夜埋單三百幾。。。

今日要生日飯，下午才book 位感恩有位食了最愛我豬頸肉，上菜時好似一座豬頸肉山還有叫了蠔餅，味道正常柚子沙律，一般芝士蝦丸，還好炒金邊炒，覺得麻麻，唔夠酸味馬拉盞椰葉苗，尚可各人叫了椰汁沙冰，好飲最後老闆娘知我們慶生，送了茫果糯米飯，好食！

雞鞋到無人有，食又油又硬。跟一杯飲品加6元跟一小碟鳳爪（真的少）加28合共80服務差，我本來坐卡位，話我一個人吾可以坐，落單後要我轉枱，轉枱後有一男子坐左我剛才個卡位，睇住男子食飽到走都係一個人，原來呢度重男輕女。

夜晚一行5人吃泰菜～通常九龍城食多因為比較正中！不過過開黎個fd話間野OK咁就試下囉！叫咗9樣野生蝦簡值係必㸃～睇落幾新鮮不過唔算大隻冬蔭功海鮮湯味道幾好夠青檸汁又夠椰香～依個推介大家可以一試泰式海鮮金邊粉賣相可以但味道偏淡～生芽菜將其他味完全蓋矖泰式炒芥蘭好野味～菜唔老又入味沙嗲雞肉、豬肉串熱辣辣上碟～肉唔會乾～沙嗲汁略重花生味火車雞肉炒飯炒得粒粒分明唔會一舊舊～色睇落鼓油重咗手但唔會鹹軟殼蟹木瓜沙律整體幾配～軟殼蟹仲脆但唔夠熱～木瓜沙律夠爽魚露、青檸汁比例剛好～令沙律變得野味一人送兩件椰汁糕爽爽嘅但冇咩味整體比起好多的所謂正宗泰餐好～不過服務麻麻員工有D唔耐煩

做完野經過見到好吸引，就引到我入黎食個下午茶，人唔算好多；但下午茶選擇好多，除左麵仲有飯，仲可以咖哩配蒜蓉包條，好想叫咖～但唔太舒服，留下次先食咖哩；叫左個鴨肉湯河(細)$32好快就煮好，見到碗河粉好開心，面頭好多蔥仲要有西洋菜、羅白好入味，鴨肉唔會羶依個已經加分，有時燒味店整既鴨都會有羶味，亦唔會好肥，雖然唔係肶位，但都啖啖肉；大約有3-4塊鴨肉；河粉比平時既粗同大條，好滑身；雖然寫住細，但咁足料，都好夠飽！