金坊泰國美食

营业中

休息中

之前見都多人等呀 ，所以同朋友一行6人就黎試吓。都預咗佢今日多人,所以提前訂咗位！點知訂咗位都仲要攞飛等。都算啦等咗半個鐘左右🤷🏻‍♀️叫咗個生菜包，金邊粉必食嘅泰國菜試吓！認真個生菜包無味！個金邊粉炒得好濕！同埋斷晒！🤦🏻‍♀️呢個都唔係重點！明明寫住營業時間去到兩點！11點左右就同我地講佢哋關門！因為同場都有啲佢哋自己人包左場！入去嗰時又唔講清楚！啲職員態度真係好差！啲嘢就算幾好味都冇用！同埋我覺得真係麻麻

下晝兩點喺荃灣路德圍周圍行，見到金房泰國菜已經有下午茶餐，之前食個都幾好味，就決定入去醫下肚。三個人叫咗一個午餐：海南雞飯，兩個下午茶餐：青咖喱雞撈米線及泰式鴨肉湯河。買單唔使每人＄50，經濟實惠之選！但係環境衛生爭小小。

約左成年個飯局先成事，個frd介紹去呢間，d菜式色味俱全！ 叫左4個餸加碟海鮮炒飯，同埋飲品。圍返開三個人每人大約150 。價錢係泰國菜中算係比較抵嘅!住荃灣附近嘅朋友可以試下

已經來過金坊幾次, 無論什麼時候都是人山人海的。 價錢公道，燒烤真的很香。 😃 今次要介紹的是去骨海南雞飯。 午市套餐， 每天都會轉，但海南雞是一定有的， 奉送湯或飲品 $46。 飢詩點了冬陰公， 酸酸辣辣的亦有 香料及海鮮味道， 很開胃。海南雞啖啖肉， 雖然雞味不重亦不香， 但肉質嫩滑 😄 勝在去咗骨 適合 懶人 😅😅 旁邊的醬汁是亮點， 加咗落個飯度真係唔覺唔覺令人食曬啲飯 😃 呢個並唔係 最好食嘅海南雞飯 但性價比甚高, 其他食物質素亦很高, 在中午的繁忙時段真的一位難求 😄飢point : 7/10#hungermarch #非飢詩 #飢詩

一行三人， 放工突然想食泰國嘢。記得荃灣千色店附近有間泰國菜館成日都有好多人等位。於是見今日收早立即想試下！ 約18.30 到達， 職員立即安排位置給我們。 食物質素幾好，幾大碟！ 又唔使加一仲有甜品送！

這天和朋友行完城門水塘，坐 82 號小巴回到荃灣市中心已經是下午三時左右，在十分肚餓的情況之下，看到這間「金坊泰國美食」喜歡泰菜的我二話不說，立即入去試一試先。因為三點的關係有下午茶泰式燒豬頸肉配咖喱汁蒜蓉包 - 這個泰式燒豬頸肉配咖喱汁蒜蓉包，咖喱味道香濃配上香脆惹味的蒜蓉包實在一絕。可惜豬頸肉的份量卻小得可憐，薄薄的幾片還沒有吃出味道來已經食完，已這個份量要收我 $32 元我覺得有點貴。泰式鹹檸七 - 跟餐加 $6 元的泰式鹹檸七，鹹檸味道濃郁，鹹鹹酸酸加上七喜的甜味十分醒胃

荃灣少有的泰國菜味道很好，好吃因為家人不吃牛 所以串燒只點了雞和豬, 豬肉比較好吃, 雞肉烤的有點乾豬手飯，豬手不油膩而且很入味highly recommended !! 很可惜 員工態度⋯⋯⋯ 我指的是泰籍的員工, 其他的都很好! 很有禮貌👏🏻 其實我們還點了一道菜 但遲遲還未上菜, 更打包好外帶了 而且結帳的單都給了我們! 叫他們取消那道沒有到的菜, 還大大聲的指我們不等多一回就取消 又浪費了食物⋯⋯ blah blah blah 🙄🙄🙄 希望分店的員工態度會比較好！

相信喺荃灣食泰國嘢呢間都算係一姐, 通常總店呢間都要等位,我多數光顧兆和街嗰間. 不過今晚因為想食完呢度再過隔離松記食糖水,所以幫襯呢間.其實金坊嘅食物真係一直都滿意,以佢嘅價錢,仲要唔收加一, 性價比好高不過呢間鋪D員工就較悔氣咗D, 可能真係唔憂做, D伙記問多句都唔想應,黑口黑面, 大家想試就有心理準備

平時食早餐都覺得幾好食，大碗，多野得黎都幾平架！今日想試下食晏，其實本身都預左多人！但估唔到態度勁差，管理又管理的唔好！自己人落錯單又要俾面色人地睇！同佢好聲好氣咁講我地冇叫依樣，佢反而眼超超我地！

成日經過都見到好多人係呢間門口排隊，今日提早左book位終於試到呢間。 大部分野食普普通通，還過得去。唔辣既生菜包同生蝦好難食。蒜蓉包亦唔脆。 所以下次會去番轉角樓上果間，呢間無下次!😂 果間性價比高好多同又坐得舒服D...😷

係荃灣福來邨附近路德圍，有好幾間泰國菜，依間經常去食早餐，因為質素幾好，價錢抵食，有多士、雙蛋、腸仔、加碗牛肉檬粉、熱飲或凍飲都係32蚊，但近來員工態度好差！有個肥阿姐落錯單仲要鬧個客有客叫佢攞杯水，又話忙，好多野做，叫個客自己攞！又有另外一個客問凍飲加幾多錢？又比個收銀話，你又吾係第一次食，我地不嬲都吾加錢！

食左生菜包、蠔煲、串燒、咖哩大顯、炒通菜、冬陰公雞煲（半隻）、bbq豬肋骨但雞煲明顯無半隻、只得4份一 收$138仲要係冰鮮到無左味明顯不符合商品說明超級中伏同一品半隻無得比蠔煲得個8隻左右個底全部都係配菜中伏但味道合格咖哩大顯顯肉都係少 配菜多都係中伏之選生菜包 合格 正常串燒 合格 正常唯一一樣讚既係 bbq豬肋骨無雪味之餘燒得香口又有少少窿味總體黎講 講泰式野合格但做範圍之外既野明顯唔得完全中伏唔會再食 唔抵食

金坊，在荃灣可算是老牌泰菜，非常多人幫襯，通常呢類鋪我想試一定有早無遲，硬要黃金時段去就只會等成個鐘。食飯之日剛好紅假，就一早book定位，六點半就去到入場。入邊坐位不多，真係如果full晒就有排等。三色冰，椰香味重龍眼冰較淡，但還可一試泰式沙律，辣度十足要有少許心理準備，如果份量再多少少就完美。蒜蓉炒通菜，不太油幾爽臭豆炒豬肉，辣度十足，臭豆其實唔臭，味道較濃，第一次試的人可能感到不易入口，但肥美的豆在口中咬下非常不錯，豬肉細膩幼滑。波蘿炒飯，如果有埋個殼賣相就很好，這個味道不錯，最重要是炒飯爽口。這個串燒鱔絕對推介，不定要試，肥美，肉厚，咬下味濃，又因為肉厚令口感很飽滿，心情非常滿足，配上的汁更令胃口大開中和鱔的油膩感。蝦膏炒飯，蝦大隻又鮮味，這個比波蘿炒飯更好食。紅青椒配合更是令口感更清爽。必吃！最後是冬陰功湯，非常足料，香料十足，絕對刺激味蕾。

是日到金坊食午餐，見到餐牌有「乾炒牛河」心諗正呀呢次，好耐冇食喇即刻落單，點知碟野好快黎到失望到就快想爆鬧！！！我知你地好旺場好多客，但唔憂做都唔係咁呀？成碟河粉散嘅，「乾炒」？濕淋到不得了，仲有配菜果d荀同紅羅白片係凍嘅！！咩事呀依家，成碟野不知所謂，食咁多次最失望係今次，你餐牌加返金坊炒牛河或泰式炒牛河都冇咁嬲丫，當自己試新野中伏囉！「乾炒牛河」麻煩唔識係咩黎就去隔離茶記叫一碟啦向度寫係希望你地注重返少少食品質素，本身服務態度都已經夠衰，食品都品做好，真心唔明點解可以咁難食

晏左食飯可以試到呢度個下午茶，叫左個肉碎生菜包餐$36包野飲，生菜好新鮮爽脆，係沙律菜黎，有七片左右，個肉碎有啲檸檬葉同檸檬汁煮，好香好好食，覺得味道份量做下午茶係好正，高質素既，可以同朋友黎share食。我係當午餐仲要收八點，同今日特別肚餓，就唔係好夠飽。會去買啲其他野食。如果無咩胃口，食呢個好開胃。佢其他下午茶餐都好有特式，會再黎試。呢度係全卡位，又大又好坐，都好多客人食，有人等下位咁。食完就要閃了。侍應態度有善。