金坊泰國美食

約左好耐無見既朋友食飯，因為突然好想食生蝦，就決定食泰國菜朋友介紹話呢間出名，咁就食呢間啦！

泰式生蝦

呢餐飯既主角生蝦好新鮮，好鮮甜，不過如果個醬汁係泰國綠色果種海鮮醬就更加好啦！

馬拉盞炒椰菜苗

不過不失，菜唔會老，都幾好食既

海鮮炒粉絲

非常足料！成碟粉絲鋪滿海鮮又唔會辣到食唔到，好香口！

燒豬頸肉

每次食泰國菜都一定會叫好好味，唔會好油又唔會好乾，燒得岩岩好，令人忍唔住食完一舊又一舊

青木瓜沙律

又係另一個泰國菜必叫既野食不過呢個就偏辣，又無咩酸味，我都係比較鐘意酸酸辣辣既口味！

另外，因為好掛住係泰國飲果種奶茶既味道，所以叫左杯泰式奶茶黎試下，但都係無泰國飲既風味睇黎又係時候去一次泰國啦