金坊泰國美食

营业中

休息中

星期六晏晝，又係搵食嘅時候特登揀咗下午茶出去食， 聽日去咗泰好味， 點知佢下午茶開到四點鐘， 唯有係佢隔離嗰一間 金坊泰國美食， 叫咗兩個下午茶餐以及一個午餐， 今日有個優惠可以加五蚊就玩到小食， 午餐時段三個餐都可以從港式冷熱飲品， 1. 香葉肉碎配煎蛋飯* 野味，小辣， 飯，餸，辣椒比例非常配合👉👈2. 黃咖哩牛肉飯* 牛肉 非常滑溜🌟，黃咖哩都有好香3. 冬陰功海南雞麵* 海南雞好大塊🤪，好滑， 夠酸，唔係好辣坐卡位，傾偈同朋友聚會一流， 叫咗凍奶茶凍檸水走甜， 餸菜上得好快加五蚊食果碟 泰式酸辣鳳爪 正宗無呃秤👍非常好味嘅食物， 下次想食埋菜肉包，一定都好正宗😋人均一人42蚊

金坊泰國餐廳相信對任何一個假日係荃灣附近行開街既人都略知一二。適逢吉之島日，到荃灣掃貨，巧遇這間泰國菜舖頭，就決定試一試這間舖頭。今日店員安排我們坐在正舖頭隔離的舖頭，入面全是卡位，坐下來都尚算舒適。假期成日好早便要等位大約半小時左右，今次都不例外了。由於我喜愛吃魚，就叫了泰國名菜明爐烏頭。明爐烏頭賣相相當不錯，有大量菇類、蒽芹和香葉，湯底酸酸及濃郁，如果可以配上米線或薯粉，應該一絶，而主角烏頭亦無草腥味，整個菜式相當不錯。個汁酸酸甜甜,完全ok，如果可以熱多少少熟多少少先拎出來會更好， 始終細爐煮不到太熟。另外，叫了半隻海南雞，海南雞雞味香濃，爽口彈牙，海南雞醬汁亦做得出色。食落非常Juicy,就算雞胸都一樣唔會孩,有雞香味。食得出下了些心機諗點煮同點調味.見到人地食緊d咖喱配飯同埋泰式特飲唔差的，下次如果肚餓可以叫埋來試下都得。今次太飽了，,再有機會先吧!價錢不貴，質量亦佳，都算不錯的選擇。

荃灣路德圍要數出名，屹立不倒嘅餐廳，真係要講金坊喇。早年金坊每晚都大排長龍，等個零鐘食餐飯真係等閒事，因為等得太多次，所以再無心機去食金坊，或者轉食午餐避開d人，又或者係食佢隔離兩三個鋪位嘅樓上泰菜。最近見佢人流有下降趨勢，所以就去回味下啦。兩個人叫左一個咖哩軟殼蟹，蒜蓉包，生菜包同埋一客泰式粉絲雜菜煲。咖哩軟殼蟹一大盆送上，眼見都好似好多舊軟殼蟹，但是食落夾落就覺得佢分得好碎，如果佢可以原隻軟殼蟹上，絕對會加分。而呢隻咖哩椰香重，配埋我地叫嘅蒜蓉包好夾，好彩無叫白飯，唔係就間接食多左咁邪惡嘅醬汁喇。生菜包嘅豬肉碎炒得好香，加上香矛，薄荷藥，辣椒，配埋生菜好清新，唔油膩。最後個雜菜煲蔬菜分量都唔少，不過建議就少d油會更好。今日番兜金坊大成功。

這間泰國餐廳，每次嚟到荃灣都會食佢尤其是佢嘅豬頸肉燒到好似半肥瘦叉燒，好好味但近依半年，食物質素同份量都越嚟越差，越嚟越少係咪賺到錢，開分店就係咁？真係好失望今次依個下午茶都係平時食開雖然之前都開始麻麻，但今次真係超越能夠接受嘅底線！雖然係$34下午茶但相比之前份量差好遠以前有6大塊燒到好似炭燒嘅半肥瘦叉燒現在個4塊好似營養不良，清水淥一淥就上菜我明白有通脹但我寧願加價，俾返以前質素我，唔係好似而家咁求求期期，馬馬虎虎都未到最嬲最嬲係咩問個冇着制服疑似係老闆娘嘅物體問:個豬頸肉餐得4塊嘅，仲要咁細塊？答:係呀，正常係咁問:以前有6塊大啲架答:咁你好彩比多左你..............嘩！真係皇恩浩蕩呀！我係咪要謝主隆恩？佢係做生意定趕客走？以後都唔再去！

單張寫明下午茶至5:30, 4:50已不供應下午茶歺，唔肯減價就唔好學人做特價，乜都要自己贏曬，呢啲咁嘅餐廳，不守承諾，唔使旨意我再去。仲有，上次食嘅時候，見到甜品有椰子殼，同佢店員講，佢店員話係咁，未見過咁Hea嘅服務，對食物品質完全冇要求😾

呢間餐廳啲食物正常，但服務十個差。我一坐低，頭頂正正就係冷氣出風口直吹頭頂，於是問一問侍應姐姐可唔可以較細啲，或者撥側啲個風葉，點知姐姐話唔得，我真係點諗都諗唔到佢嘅原因係：廚房個師傅要吹冷氣！！！下？唔係掛？唔好誤會我絕對唔係歧視或者睇唔起廚師，但點解唔係老闆喺廚房做好抽氣或通風，等廚師唔駛咁熱？點解會諗住用客席區嘅冷氣，吹埋入廚房俾佢哋呢？以上都未係最嬲，最令我爆發係侍應姐姐之後仲要補多句：「你個位唔係好大風啫！」我真係嬲到想講粗口，如果我唔係覺得大風唔舒服，我叫你過嚟托杉呀？所以我忍唔住大聲爆咗一句：「阿姐你坐落嚟試下呀？！」之後佢即刻笠水，跟住再出現就已經攞咗一枝長桿出嚟，督下個風葉。呢啲人係咪犯賤呀，好聲好氣問你你又唔做，唔做都算啦，仲要講風涼話辣慶人，到人哋噴火你又縮，又即刻搵到一枝長桿出嚟，咁即係你根本一早做到而唔去做啦？之後落錯單、催人埋單嗰啲真係唔想再詳談，呢間餐廳真係要永久blacklist！

荃灣既呢間泰國餐廳已經開左好多年，以前黎親都 好多人等位，今次黃昏5點打電話去訂張9人大枱都話無問題，心諗咁好彩既。。。去到餐廳未齊人都放我地入去，小妹仲諗住係時間尚早啫，點知食到走個刻都無人等枱食完就知道係咩一回事了。。。泰式生蝦好一般，好似自己係7x9買既雪藏蝦咁，個汁係好普通，食落又唔辣又唔鮮咖哩雞配蒜蓉包條 - 咖哩係甜度連少少辣味都無（朋友評核差過大x樂），蒜蓉包上台已經即食，但都係淋左既失敗泰式豬脾 - 真係唔知點樣去形容，好似係豉油豬肉咁，完全唔知食緊係泰式豬脾囉炸蝦餅 - 難得可以維持水準，依舊咁彈牙流心芝士蝦餅 - 唔覺得有咩咁特別，芝士係唔會流出黎，可以唔駛試都得海鮮冬蔭湯 - 呢個keep度水準，不過小妹就覺得辣左啲，鍾意食辣既朋友們，就十分推介喇仲有馬拉盞炒椰菜苗同燒豬頸肉就不過不失啦！最後小妹習慣俾錢一定check單，估唔度餐廳依家會每位收$3白開水既錢，朋友好後悔話一杯都無飲過呢！

出到荃灣已經係下午茶時間，想食個飯，行開路德圍見到以前好鍾意食既金坊，就決定同朋友去食。我地入左細鋪，三點幾都冇咩人，我地落完單佢地已經落場，提前埋左單，但係仲可以任坐。叫左青咖喱牛肉飯，可能連菜都係青色，顏色有d單調，飯份量作為下午茶算好多，味道都唔錯，唔算太辣，亦好多餸仲叫左個豬手飯，有幾條菜同半隻蛋，豬手肉幾唸，好入味，份量應該同午餐有得比，但係就比午餐平下午茶仲送凍熱飲品都係三十幾四十蚊，好夠飽，好抵食

放工後，我帶著疲累的身軀回荃灣，累到想不到吃什麼好，就揀一間近荃灣港鐵站🚇的餐廳食嘢。突然收到call，我知道有朋友也剛放工，會來荃灣，相請不如偶遇，我就約他一齊食。👬見到餐單剛巧到下午茶的時間，並有我最愛的海南雞飯，就決定一試。這碟海南雞飯加杯熱檸蜜🍵🍵，兩者夾埋，簡直是絕配！海南雞飯的雞有雞味，而啲雞皮🐣都好滑，飯不是普通的白飯🍚，而係油飯，加上秘製醬汁，真係冇得輸。😎我和朋友都係五分鐘內食完了，再飲埋杯熱0蜜，我再和朋友傾談了約30分鐘，食飽飲飽傾飽，立即回復體力了。🙄一個美味的海南雞飯加熱檸蜜都只是36元，更不用加一，抵！

一位住荃灣區嘅朋友介紹我黎食金坊，話大碟又好味。好啦，就睇下你有幾好味😂。位置其實都方便易搵，餐廳旁邊就係商場，食完飯仲可以行街。等左十幾分鐘就有位，但衛生環境一般，地下有積水及鞋印。我地點左四個菜，炸蝦餅，相當出色，外皮香脆、入面彈牙又有蝦味。串燒，牛、豬和雞，可自由組合，旁邊的沙爹醬好惹味，仲有花生粒，口感一流。柚子青木瓜沙津，柚子份量很多！酸酸甜甜好開胃。馬拉盞炒通菜，送白飯一流。👍🏻👍🏻雖然無朋友講到咁天上有地下無，但都不失為一間食泰國菜嘅好選擇。☺️☝🏻

這是第二次來這店午膳。記得第一次同媽來食海南雞飯，純粹眼看都覺得不錯。真實的，雞很滑，好味，份量多一點點就更滿足。還叫了咖哩羊肉，咖哩汁香，不會過鹹，羊肉份量不少，亦不是碎碎的。正！所以今天約同事再來食，但卻有點失望。同事叫了清湯豬扒金邊粉，嘩，個碗很大😅，份量都冇欺人。而且看來個湯底都不錯，不會淡而無味。除了芽菜，還有通菜和白蘿蔔。至於我，叫了蠔仔炒蛋飯。蛋香，但我嫌過火一點，而且蠔仔就廖廖可數，大約四粒🙄⋯⋯凍鴛鴦不加費，很香及滑，幾好飲。好！我下次再試其他

幾次想食都食唔到，因為好多人排隊，今次終於入到去食，但非常失望因為整體味道真係認真麻麻，除咗份量夠大件之外，冇乜可取嘅地方呢個豬手除咗豬皮炆得夠林之外，其肉質非常老，好似湯渣一樣另外用尼點豬手嘅醬汁亦都冇乜味加上隻豬手入面唔係咁入味，味道一般呢個炒飯，一個字講曬：「好鬼鹹」，食完個炒飯，我諗你見到＄100 1罐可口可樂你都捨得買講完

平時都好鍾意食泰國菜，今日嚟到荃灣行街，見到荃灣好出名嘅泰國菜-金坊，一如既往既往係呢個食飯嘅時間依然係好多人等位，好彩我哋夠耐性，等左大半個鐘終於可以入座啦。首先叫咗個燒羊架，都有兩大隻㗎，羊架嘅份量都唔細，而且仲充滿羊嘅蘇蘇味，師傅燒得一啲都唔乾身，火候恰到好處，一放入口充滿肉汁嘅鮮味。呢個係無骨鳳爪沙律🥗鳳爪有好多架，比起一般出邊嘅鳳爪沙律佢個size算係好大，最緊要嘅係佢個酸辣汁，完全充滿咗泰式嘅風味，酸酸辣辣好開胃雖然我哋今次冇叫咖喱，但係呢一個蒜蓉包條真係唔可以吾點，我次次嚟到都好鍾意食呢個包，外脆內軟嘅麵包，充滿着牛油同蒜蓉嘅香氣，真係好食到停唔到口，次次食完仲要返到去跑幾個圈食泰國菜，要點馬拉盞椰菜苗是常識吧，雖然呢個碟頭算好大，但勝在好夠鑊氣

上完堂，約咗朋友食飯，突然好想食泰國菜就上網search到呢間餐廳啦當日星期五，晚上大概六七點去到餐廳唔使排隊（不過我哋食到八點幾嗰陣門口就大排長龍🙊）打開Menu，價錢比我預期中貴我哋兩個人，叫咗一碟馬拉盞炒通菜、一個細嘅冬陰公，同埋一個柚子沙律個通菜幾好食，我哋冇叫飯，就咁食都唔會覺得咸😋😋冬陰公我就覺得一般，我鍾意重椰汁啲嘅冬陰公， 呢度個冬陰公個口感唔夠濃厚如果要我推薦嘅話我會推薦柚子沙律，非常開胃！酸酸甜甜，微辣最後佢重會送個甜品，應該係椰子大菜糕呢個幾好食喎，唔會話太甜，又唔會膩，食飽都重食得落🙊總括而言都不錯，但未到回味無窮嘅階段😂

朋友介紹下，第一次嚟食！大約8點半到，雖然店內幾乎滿座，但都唔洗等位！^_^咖喱炒軟殼蟹 $145一大盤咖喱加韮菜，好正，好啱送飯！啲咖喱又唔會太辣，味道惹味啊！軟殼蟹嘅份量亦都一啲都唔少，炒得恰到，肉質好，整碟菜都好好味，推介！鐵板蠔仔煎蛋 $92啲蠔仔份量好多，仲多到瀉出嚟！泰式蠔餅唔似大排檔個啲咁乾身咁脆，反而係濕身啲嘅，所以鐘唔鐘意就真係見人見智～海南雞飯 $58啲雞好嫩啊！飯亦都食得出有椰汁味！附上嘅醬汁亦都好惹味！推介！菠蘿海鮮炒飯 $82呢嗰炒飯除咗有海鮮（魷魚、帶子），碟邊仲有配埋肉鬆，腰果！好有泰國feel！而且炒飯入面有啲菠蘿粒，酸酸甜甜咁，好開胃， 令人食完一啖又想再食！斑蘭椰汁沙冰 $35新嘢嚟㗎！味道淡咗啲！但都有椰汁味嘅，但唔多！