金園茶餐廳

营业中

休息中

聽聞依間係一間冇飯食既餐廳~所以專情同朋友去睇下~入到去睇下個餐牌~真係無飯食ga bor~之後就見到D雞批新鮮出爐~當然即時叫返個馳名雞批黎試下啦~跟手叫埋個豬扒燴意粉~而朋友就叫左個午餐~入面有餐包、火腿奄列同义燒湯意個雞批就真係好得~熱辣辣~個皮仲要好鬆脆~而且真材實料~個餡好香~諗起都好想再食~之後個個豬扒燴意粉真係幾好~又抵食~一般貨仔都係得一件豬扒~佢就畀兩件出黎~而且仲要係無骨~正~而且佢有少少炸過先擺係意粉上面~I like it~D意粉就好彈牙~個汁D色水就同一般無咩分別~但係佢個味就very good~雖然都係用茄膏開~不過佢就開到個味岩岩好~整體黎講真係好好食~絕對會叫完再叫~個午餐就無試過~不過見到個奄列真係好大塊~不過就薄左D~而個义燒湯意D义燒就唔錯~肥瘦適中~有機會會試下~而個環境就非常乾淨~D伙計做野又快手~絕對比一般茶餐廳好~

傳統意粉第二站: 金園茶餐廳!!其實我本來一路都諗住去新華的呀, 因為我真係好掛住佢哋個傳統曲奇. 不過黎到長沙灣先知原來我一路同朋友溝通出現短路. 不過行到門口見到佢哋都有傳統曲奇食, 而且沿路見到有人食佢哋既蛋撻望到都覺得佢哋個酥皮得! 加上朋友話金園專做意粉, 專到係無飯食. 既然一次過可以滿足晒我三個願望, 所以我決定中途轉駄黎呢到.酥皮蛋撻($4): 蛋漿唔會再甜, 普通水準. 但係個酥皮ok喎. 未去到食到層層分明既感覺. 但係咬落去既時候唔會好似其他茶記一pat野既感覺. 好酥呀~~ 食完好想食多一個!!曲奇($4): 好香牛油味, 不過可能麵粉既關係, 口感有d "空空" 既感覺.茄汁豬扒意粉 + 奶茶 ($40): 用黎煮意粉既茄汁唔係好多, 雖然意粉每一吋都係比茄汁包住,不過都略厭唔夠茄汁味. 不過淋係面既茄汁"欠"就份量十足, 係我尋找左好耐既茄汁玻璃"欠", 我一見到佢上枱連相都唔記得左影馬上叉左一啖黎食... 我自己覺得放左太多糖無左茄汁既酸味無咁好.... 但係~~~ 估唔到佢哋個豬扒咁特別. 好多豬扒意粉既豬扒都係煎既. 我見到佢哋係炸既都已經覺得特別.

為左找尋出色奶茶,突登過來。四點鐘也坐無虛席。其實樣樣都好想食,所以叫左個特餐,仲有下午茶餐~~~去個廁所,D野黎晒!火腿奄烈+牛油方包,「奄烈」?蛋皮咋ma!?煎蛋皮,無comment。方包軟熟。沙嗲牛肉公仔麵,好好食呀!!!雖然唔覺係沙嗲味,但好香胡椒味,最驚喜係佢既味道能夠散發於整兜麵!而那麵,唔係出前一丁也好好食呀!西多士,不是厚厚,但炸得非常之甘香!加埋糖漿,老公說好有舊式茶餐廳的味道!我地都非常滿意!奶茶…..或者奶/煉奶太多,好creammy,飲到中途已出現掛杯「現象」,聽聞真正的奶茶應該要係咁。每人口味唔同,我較喜歡茶味勁d既奶茶。客觀黎睇,都幾好飲,起碼飲得出,質素與常飲的高一班。凍鴛鴦,好甜,同奶茶質素差好遠。愛上左「金園」雖然,伙計阿叔,吊靴鬼咁跟住你(當你未諗到食咩,野之際),不過都沒有係咁煩住問你食乜。而且做埋樓面o個位收錢姐姐,也好nice,我整跌左把刀,佢叫我由得佢。有個客撞跌左自己支紅酒,她完全無黑面,同拖地阿姐o拿o拿聲清理佢。好少可舊式茶餐廳咁有人情味

都是最近才知道這所茶記跟在OR大熱的長沙灣新華是"姊妹店"，連舖位也只是隔數步之遙。新華在年多兩年前已造訪過一次，其出爐麵包、雞批及酥皮蛋撻的確是做得不錯。今次來到這間友店，不知水準又如何 ?....聽聞這兒的雞批及蛋撻跟旁邊新華焗的水平"有得揮"，可惜小弟來到時剛好是十一時多，正正是過了早餐又未到下午三點三tea time的時候，場面非常的尷尬無奈，故暫未能與一眾新鮮出爐之包點結緣。唯今之計，就只有叫一碟普通港式茶記特有的燴意粉吃吃來解嚵....看開小弟的吃評都知道，茶走一向都是本人之摯愛。雖然天氣大熱，理應叫杯透心涼的凍飲喝喝來解暑，但當一開口落單時，還是口快快慣性的叫了 : "茶走一杯唔該"。這份用瓷杯剩着的茶走，茶味濃郁，亦帶少許回甘味，煉奶的份量也很適中，不會有過甜的情況出現，確是極有水準的....燴意粉可以選擇各種配料 --- 有豬扒、义燒、腿蛋等，但本人最愛的還是最經典的牛肉意粉。侍者一下單後厨房內的師傅即下料快炒 (因小弟就坐近水吧厨房旁邊，故能親眼目擊一切情形)，端上枱時仍是煙霧瀰漫的，這樣鑊氣夠的炒意粉，難吃也是有個譜吧。意粉是很港式的弄法，當然不會期望粉的硬度會像

想不到相隔四個月只不過多了一篇食評,真的和一街之隔的新華有這麽大的分別?受到多日的雨天影響心情都變得麻麻地,午飯時間來到長沙灣,自然就想起豬排會意粉!一個人較容易揾位坐了在面向門口的位置,同伙記有一句沒一句搭訕(呢個阿叔都識咗差不多三十年!),搭正一點鐘,聞到熟悉的氣味而頭頂有浸熱氣經過,雞批出爐!趁意粉未到就即刻叫番個!雞批----用义一拮穿面層已有煙冒出,餡料豐富有洋葱、火腿、磨菇、雞肉及杰撻撻的白汁,批底有牛油香味.豬排會意粉----兩大塊去骨豬排不經化學處理,食落依然淋身及有肉味,意粉用茄汁炒過,心水是加枱面的左顯記辣椒油伴食,效果仲正!食咗一個熱辣辣嘅雞批感覺心情都好似好番好多!

長沙灣青山道上,有兩間茶記,新華同金園,聽聞大家關係密切,前者小弟由中學年代已經光顧,後者就一次都未過.早上在"青山"散步,見未試過,就捨棄新華,來到金園吃個早餐.已過了麵包出爐之黃金時間,還是失落於早餐特餐快餐之餐牌下.三個餐名就不同,但內容就近乎雷同.早餐的是火腿通加煎雙蛋,特餐就火腿菴列加沙爹牛通,快餐就同樣是火腿菴列,但是就由沙爹牛,變成雪菜肉絲米,午餐又是一樣,不過是叉燒湯意粉.奶茶由頭到尾,都係奶味,甜過籠.火腿菴烈不是蛋包菴烈,而是火腿溝蛋漿,再煎便成,這麼算不算是菴烈?反而,個沙爹牛肉味道不錯,沙爹味頗濃厚,個汁下得不多,配上淡如水的頂好麵條,極為單調.未有機會吃其飽點,很難說此間金園,同新華相差幾多,小弟一味愛舊,下一次再回到"鄉下"時,應該會去新華上閣樓,叫個炒意粉,喝個保衛爾牛汁.始終算是由細吃到大.

其實很奇怪,這裡和新華只是一街之隔,餐牌上的食物九成是相同的,點解食評數量會不到新華的五份之一呢？其實這並非A或Ｂ貨的問題,而是金園就是現在新華舖位的舊班底!只不過現況正如樓下所說一樣, 所以一些年紀大的舊蘇屋村街坊會來這裡,而年紀較輕會上網寫食評的多數去新華,其實食物質素味道兩間接近一樣!蛋撻也是酥皮,也是差不多時間出爐.特餐:沙爹牛肉麵----你問我就覺得和新華分別不大！都是牛肉份量不多、沙爹味香濃、大光麵煮得軟硬適中!火腿奄列----面看似過火但中間一樣有少少蛋汁,自家制餐飽都是軟熟而實在(現在很多麵包舖可能因成本上漲而偷工減料,很多麵包咬落去感覺好「虛」!有空心Feel食完好似無食咁)凍奶茶----濃淡適中,飲完條脷唔會鞋烚烚！最重要是檯面上的左顯記辣椒油!食公仔麵無咗佢....我唔會喺度叫特餐!

細個住青山道,朝朝去新華食早餐,大個搬走左舊地重遊,發現味道唔同晒,後來聽老街坊講原來新華座樓個大業主收番黎做,舊新華原班人馬就開左金園,試過幾次,d味道同以前仲係一樣咁好。每次必點特餐,因為有我最鍾意的奄列同沙爹牛肉公仔面。奄列中間有蛋汁,唔會乾箏箏,我每次都唔會要多士會換餐包,夾住件奄列d蛋汁吸晒落d包到真係好正! 仲有個沙爹牛真係好正,我最怕其他茶餐廳煮熟左d牛肉再撈汁,佢呢度d牛肉應該係同d沙爹汁一齊煮,好味道~~其實食嘅野真係冇乜選擇,佢真係'荼'餐廳lor~~不過每次行過都食返個牛面已經足夠,炒意都食過,不過不失啦~~最好笑就係班叔叔都係原班人馬,好似咁多年都冇乜老過,太子女就睇住佢以前放學著住校服幫手到依家做埋人媽咪,不過都係十年如一日鬼死咁勤力,成日都係咁抹d桌椅,老實講茶餐廳黎講都係超乾淨。其實都想試番下d椰撻果d有冇走樣,不過次次食完個餐個肚都冇位放lu~~

在上一回「奶茶の青山」末段，曾提及下次要"飲一杯「奶茶の青山」、食一個出爐麵包、再加個火辣辣的酥皮蛋撻，來一個大滿足"。前三個目標在今天已做到，但並不是在同一間茶餐廳，而最後一個「大滿足」的目標，卻沒有像預言般在自己身上發生。今天來到了同是位於青山道的茶餐廳「金園茶餐廳」，這間同樣是由家姐推介的青山道食店。早上十一時十五分到達，先在其門外看看目標食物的蹤影，發現後便馬上進入店內。店內已坐滿八成左右，此店間隔與同在青山道的「新華」有九成相似，就連餐牌的格式與顏色也差不多，不過裝修及環境則新許多。本來有一卡位空著，不過店員示意我坐在中間已坐了一人的那四人方檯，我只有「一支公」，當然沒有問題。目標一早已定，於是便馬上點了「波蘿包」($3.00)、「酥皮蛋撻」($4.00)及「熱奶茶」($12.00)。先來的是「波蘿包」跟「酥皮蛋撻」，不過發現兩者也不是熱的，就連微暖也感覺不到，看來上午十一時左右不是吃「波蘿包」與「酥皮蛋撻」的良辰吉時。因「熱奶茶」還未來，所以不想先吃食物，再等了兩分鐘左右，能夠感覺到溫度的熱奶茶終於端上來。又來一個招牌動作，下了慣常份量的沙糖，再攪拌一下，將鼻移近杯子聞一聞

師傅一早知道有電腦節, 於是相約封筆食家"今餐食乜好"出去逛一逛, 加上當天早上仲會一齊打波, 所以決定打完波後一齊出去貢下, 但貢之前都要醫飽個肚先, 所以就去近住深水埗區嘅食店, 而同行嘅仲有好友食家"乜都放入窿"同埋徐兄!一行四人, 由徐兄帶路, 揀左呢間食店, 佢話呢間食店嘅沙爹牛肉好味; 去到門口, 竟然高朋滿坐, 要喺門口等一陣, 點知封筆食家"今餐食乜好"已經等唔切, 拿拿臨柯打左個雞尾包, 點知個包未到就已經有位喇!睇左一陣師傅就好聽話咁柯打左個特餐, 點解聽話? 因為特餐有沙爹牛肉麵, 仲有火腿奄列同牛油餐包, 而餐飲師傅揀左凍檸茶! 等左一陣就有得食, 先講下個餐包, 餐包都幾軟熟, 而牛油亦唔算太多, 可以; 火腿奄列就煎得幾油, 蛋身非較乾, 不過都接受到; 而主打沙爹牛肉師傅就要左米粉, 沙爹牛肉都幾香, 加上牛肉鬆身入味, 都真係唔錯喎; 不過講到最欣賞就一定非杯凍檸茶莫屬, 皆因檸檬份量又夠, 茶味都幾濃, 茶底唔錯, 加上夠凍, 好正!總括黎講食物質素唔錯, 環境絕對乾淨, 比想像中好好多, 而服務都可以接受, 價錢都算平, 廿五蚊一個特餐, 抵食; 見

幾年前，差不多日日探完"麻麻"都會來這裡吃點東西，特餐凍檸茶是指定動作。自從"麻麻"離開以後，已不是經常在長沙灣出沒，也逐漸疏離金園。趁星期五，準時收工，沒有約人，時間充裕的情況下，獨自再往長沙灣走一趟。去一去保安道圖書館睇吓書，去以前經常流連的球場睇吓人踢波，也去金園食番餐。年半時間冇來，老闆娘仍然認得我，還主動和我打招呼。例牌要一份特餐，凍檸茶。特餐有麵包，火腿奄列和沙爹牛肉麵。這裡的餐包是用現成的白麵包，不過中間放上不少牛油，毫不吝嗇，都可以接受。奄列內含唔小既火腿絲，雞蛋看似煎得乾身，卻有蛋汁流出來，且旁邊位微微煎燶，效果更理想。沙爹牛麵，用的肯定是經過化學處理的化學牛，但肉質也不至於太假，同埋沙爹醬都幾香。喜歡呢度既凍檸茶，因為夠冰凍。最憎有些唔熱唔凍的檸茶，飲落都反胃。再者，這裡的茶茶味較濃，檸檬又夠晒多，仔細睇睇差不多有成半個檸檬，認真落足料。

因為附近有新樓盤既關係，街道擠滿人。食完新華既蛋撻，過黎金園比較下先！ 金園既蛋撻 ($4) 中央未熟，有蛋汁流出。酥皮烤得過火了，有一陣陣烤焦既味道.. 看似今次這一盤蛋撻失手了。

黑椒炒意粉一流, 尤其配生炸鷄亦, or 炸豬扒

去開長沙灣，本來想食雲南米線，點知勁多人，最後行多兩步試左呢間"金園"。叫左個特餐，沙爹牛普普通通，杯熱啡拎到過黎瀉左一半，不過味道Okay，火腿炒蛋炒燶哂，致癌首選。

原本是去杜鵑的，誰知假日休息，幸好我已有兩手準備。KC所講同一街有兩間相似的茶記，已去過新華，今次選擇金園。茶餐有叉燒湯意、餐包雙蛋。餐包大大個，不是新鮮出爐，仍保持鬆軟；太陽蛋煎得水汪汪很有光澤，蛋白周邊又煎得脆口，師博技術不錯；幾片薄薄的叉燒，沒有口感，但意粉就出奇地彈牙。奶茶唔錯，茶味夠香濃。老公的早餐，只是腿通及叉燒意的分別，但價錢比我茶餐平$2。見有蛋撻新鮮出爐，中間的燉蛋脹卜卜，口感較為實了少少不滑嫩，而酥皮用得出色，一層層夠晒甘香鬆化。