金鳳大餐廳 (新都城中心三期)

营业中

休息中

餐廳係50年老字號，全港多間分店 ，門口長期有人等位就知人氣旺盛。今日黎左將軍澳寶琳分店 ，裝修新淨、坐得舒服。🌟套餐包括餐湯 + 麵包 + 飲品 🥣招牌羅宋湯番茄基底，真材實料，每勺必舀到清甜蔬菜。 🔥 50週年限定「貴族牛扒餐」部位選用肩胛部，筋肉發達，肉味超濃。廚師處理得好好，粉嫩肉理肉質軟腍。🏆 銷量冠軍「招牌牛柳餐」肉質柔軟、近乎入口即溶 ，廚師火候精準，選用高品質部位 。🌟揀左鐵板上桌，儀式感滿分，職員淋醬視聽享受,激發食慾 。而且鐵板持續加熱令牛扒在食用全程保持完美溫度，外層微脆內里鎖汁。🍧懷舊特飲🌟紅牛:利賓納+梳打+士多啤梨雪糕🌟黑牛:朱古力雪糕+可樂回憶翻晒黎，係香港的味道！🌟餐廳價錢平民，味道出色。必試限定貴族牛扒或直接點擊招牌牛柳！懷舊飲品更是必點彩蛋，體驗地道港式風味～

【西貢區】【金鳳大餐廳】同美女朋友喺寶林嗰邊買啲嘢，之後就去食嘢。諗極都諗唔掂，揀極都揀唔到之下，就嚟咗食金鳳。食扒都好嘅，同枱食飯又可以各自修行。佢就食「每月精選晚餐」，應該都穩陣嘅，有「牛油餐包」、「是日忌廉湯」同「胡麻醬田園沙律菜」做前菜。主食佢揀 $178 嘅「帶子西冷牛扒」，要鐵板上、五成熟同蒜蓉汁，我有食啲，牛味冇乜，其實加蒜蓉會開心啲。個餐仲有甜品「意大利配方雪糕」，都可以嘅。餐飲佢加 $18 飲「紅牛」，唔係提神嗰隻，係士多啤梨雪糕加利賓納，我冇飲，佢話 okay 就得啦。我食 $206 嘅「美國牛小排餐」，主菜都係鐵板上、五成熟、蒜蓉汁，我就有加 $2 加蒜茸，彌補到牛味嘅濃度不足，純粹食個爽皮。牛油餐包不變，餐湯我就加 $25 升級海皇焗酥皮湯，可以啦。嘢飲就加 $18 飲「白牛」，即係雲呢拿雪糕加雪碧，埋單 $488。。。（地址：將軍澳寶琳貿業路8號新都城中心三期地下G19-20號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：深水埗區分店：1am1564油尖旺區分店：1am1739#1amfoodie

呢晚突然想食「大件夾抵食」的鐵板牛扒，於是一家人去金鳳「鋸扒」！一間充滿懷舊風味的港式鐵板扒房，最正係環境，昏黃燈光、懷舊卡位、鐵板滋滋響的聲效，加上伙計姐姐中氣十足的落單聲，一切都充滿舊香港的烟火氣。🥩鐵板牛柳（蒜蓉汁）超大塊牛柳，好抵食👍，七成熟剛剛好，肉質軟嫩，中心微粉紅，咬落有肉汁，搭配熱騰騰嘅鐵板，再淋上蒜蓉汁，香而不膩。🥩西冷牛扒（黑椒汁）西冷比牛柳有咬口，外層煎得微脆，肉質非常軟嫩，肉香濃郁，搭配熱騰騰嘅鐵板，再淋上黑椒汁，惹味度爆燈！😋配菜驚喜：鐵板上的雜菜、薯條吸滿牛油同肉汁，尤其薯條煎到脆邊，邪惡但停唔到口！😋

金鳳大餐廳老字號 係一家被譽為「平民扒房」😗西餐烹飪技巧結合中國人既口味🤭，係「人人都吃得起」既港式西餐🔥見到☄️熱騰騰既鐵板，再淋上香濃既黑椒汁或燒汁，實在令人垂涎欲滴！🤭🤭先叫左一個貴族牛扒 熱辣辣咁樣上菜 再喺你面前淋上湯汁🥩我叫左五成熟，再喺鐵板上燒 就岩岩好👏👏黑椒汁少少辣 好香🖤牛扒嫩滑，偏瘦無筋好厚身多汁，且能食到牛味😄😄另一個叫左❤️牛柳餐，牛柳因油脂較少 所以叫五成熟係岩岩好 🥩份量好大，切開啲顏色都好靚我選蒜蓉汁 再埋成個蒜茸山，真係好惹味呀！💛一個檸檬茶🍋另一杯叫懷舊紅豆冰 啲紅豆好淋好甜 同埋椰汁 岩哂熱辣辣既天氣🫘仲飲左兩碗🥦羅宋湯同熱辣辣既餐包🍞

🥩將軍澳懷舊滋味——金鳳大餐廳西餐推介🥩講起將軍澳高CP值、地道風味嘅扒房，我一定係推介金鳳大餐廳！呢間老字號大餐廳坐得舒服，仲要係鐵板形式上嘅扒餐，食得好滋味！🥩貴族牛扒餐牛扒上枱時鐵板滋滋聲響，香氣四溢，七成熟肉質剛剛好，外層微脆，內裡粉嫩多汁。黑椒汁夠惹味，帶微辣提升牛味，份量十足，食完好滿足！🥩招牌牛柳餐上枱店員即時淋上醬汁，聽住嗞嗞聲已經好想食🤣牛柳切得厚身，咬落更軟腍，七成熟啱啱鎖住肉汁。配上蒜蓉汁，鹹香中帶蒜香，味道突出又唔會掩蓋牛柳本身嘅鮮味。🍲羅宋湯跟餐可以揀白湯或者紅湯，金鳳嘅羅宋湯真係唔可以錯過，足料嘅蔬菜，酸酸甜甜暖胃又開胃。

❣︎金鳳大餐廳❣︎我相信香港🇭🇰人無人不曉😋1969年開業至今已平民懷舊鐵板餐而聞名，分店仲越開越多👏🏻我屋企樓下寶琳都開埋啦😍裝修舒服企理，成日都好多人架👍🏻我當然要去幫襯下啦。❣︎貴族牛扒餐❣︎用鐵板上睇住侍應倒汁真係好有feel😍熱辣辣滋滋聲出晒熱，牛扒非常軟淋😋👍🏻有濃郁嘅牛味，仲有薯格同翠肉瓜墊底。套餐跟埋紅湯/白湯同餐包，我最鍾意食佢嘅餐包，暖暖地非常軟鬆😋👍🏻搽埋牛油食🧈超正。❣︎美式雜扒餐❣︎鍾意咩肉都有就一定要揀呢款😍有豬扒，牛扒，雞翼，香腸同火腿，岩晒選擇困難症嘅你🫵🏻❣︎黑牛❣︎跟餐我認為係食牛扒🥩嘅最佳拍擋🤭嘆完牛扒，整啖可樂再食埋朱古力雪糕🍧超爽呀🤪❣︎紅牛❣︎跟餐士多啤梨🍓雪糕跟利賓納，撞埋啲顏色超靚😍睇見都透心涼。

1️⃣ 什扒餐🐷豬扒 🥩牛扒 🐖火腿 腸仔 🥔薯菜跟蒜蓉汁 加🧄生蒜一上枱都幾震撼 份量一個女仔未必食得哂肉質軟淋得嚟唔會冇哂彈性🐖豬扒份量會比🥩嘅多如果鐘意食牛嘅 呢到有大量牛嘅部位俾你揀❤️🧄嘅人 強調建議你另加生蒜真係好惹味‼️‼️‼️2️⃣ 牛柳餐 七成熟 跟蒜蓉汁🥩厚度好足 叫咗七成都唔會好難咬 唔會好多筋同樣都係跟薯菜 蔬菜都好多汁前菜分別跟餐湯 叫咗一紅一白羅宋湯同忌廉湯 仲要餐包係懷舊嘅味道 👅😌

呢日黎到將軍澳呢間金鳳, 真係好耐都冇食過呢D 傳統港式排房餐廳~ 我地兩個都叫左扒餐, 我地分別叫左牛柳餐同埋雜扒餐~ 兩個都加左$2 要蒜茸, 佢可以揀黑椒汁又或者蒜茸汁~ 上枱個陣仲可以將D 汁放係鐵板上面炸炸汁, 真係好治癒! 呢兩個餐分別都跟餐湯同餐包, 可以揀紅湯又或者係白湯, 我地就揀左一紅一白, 配埋熱辣辣既餐包食真係一流! 扒餐既肉質都好高質, 食到肉味之餘仲好香! 食哂成份餐真係大滿足!!!!!!!!!!!!!

🍗鐵板香煎雞扒餐雞皮煎到金黃脆卜卜✨ 肉質超嫩滑！仲要兩塊超級大塊嘅雞扒，性價比超高！黑椒汁辣辣哋🌶️倒上熱辣辣嘅鐵板度，出煙渣渣聲，記得攞紙巾遮住，如果唔係會彈到自己。佢嘅黑椒汁真係非常之靈魂，用嚟點咩都好食，夠晒重口味。🥐升級+$25個海皇焗酥皮湯酥皮焗到脹卜卜，金黃色，又酥又脆，撈埋落湯入面真係更上一層樓。裏面嘅湯係忌廉海鮮湯，有好多蜆肉，同佢跟餐嘅白湯係唔一樣，但係有淡淡嘅海鮮香，而且冇咁杰身。🥩牛柳餐（六成熟）切開仲見到粉嫩肉色💗都唔使用力切，肉質非常軟腍。有兩大塊牛柳，非常滿足。我叫咗六成熟，再加上鐵板嘅溫度，我覺得啱啱好，鍾意生啲嘅可以叫四、五成熟都可以。🍫凍朱古力唔使加錢就有，都算幾濃郁。🍨白牛懷舊之選，雪碧再加雲呢拿雪糕。

生日優惠冇寫有消費條件，埋單先知三個月消費夠幾錢先用得，呢點失策。個扒叫5成，但佢整到起碼7成，冇咩牛味，唔知食緊咩咁，食落還好，叫做啖啖肉咁。平民扒房，兩百蚊黎講食呢種野～稱唔上抵食。

今晚食咗50年金牌鋸扒懷舊餐廳,一入門口待應好有禮貌有善招呼安排座位,先看看餐牌,有好多扒類既套餐,意粉同飯,沙律同湯飲品，仲有焗豬扒飯留待下次食,今次先食扒餐先,叫了一份美國牛小排餐配蒜蓉汁,朋友叫了牛柳餐,先上了羅宋湯, 酸中帶甜、甜中帶香夠濃郁又多菜,配埋牛油餐包真係好夾,超喜歡!之後先上美國牛小排,很喜歡鐵板上,熱騰騰香噴噴,牛小排鮮嫩多汁,肉味濃鬱,軟嫩又有口感,美味!之後上埋牛柳餐,牛柳都係鐵板上,大大夠牛柳份量真係十足,夠晒食！肉質細嫩,入口軟軟的口感,配埋個蒜蓉汁,真係十分美味,最後點了檸檬茶同埋檸茶，完完全全感受到扒房既感覺，地方又好好坐,同朋友可以吹下水,係一個好好既食晚餐地點!

約舊同事食飯, 揀咗一間老字嘅扒房--金鳳大餐廳, 係寶林開設分店已有一段時間, 每次經過都見到唔少人幫襯, 今晚正好同同事一試。呢度嘅扒款式都幾多選擇, 而且仲係套餐價, 當然質素比起快餐店好得多。餐廳地方乾淨企理, 平日晚已經人流不斷。我地兩個分別揀咗一個牛, 一個豬, 自選餐廳有羅宋湯同埋忌廉湯, 個餐包仲係暖暖地, 自行加上牛油, 可以慢慢食等主菜鐵板上檯。鐵板熱辣辣滋滋聲上檯, 自選醬汁—黑椒汁/洋蔥汁,店員即席淋上鐵板上, 熱氣散發令人口水流。每款鐵板都伴有翠肉瓜同埋薯條, 吸咗個汁幾正。 招牌牛柳餐: 先選五成熟, 牛柳幾厚, 表面煎至微焦香, 肉嫩keep到肉汁, 配黑椒汁, 微辣美味, 好食!!!  荷蘭豬扒餐: 面層有件煎得幾香口嘅煙肉, 而兩件豬扒大大件, 同樣有水準, 肉質嫩同彈牙, 有肉汁唔乾, 配洋蔥汁令味道更提升。+$18 追加茄汁意粉意粉微微酸甜, 味道偏淡, 但自行沾上鐵板上嘅汁食, 都唔錯。免費餐飲如下:另外額外加錢升級特飲

今日又嚟我嘅飯堂金鳳大餐廳食晚飯呢次叫咗酥皮忌廉湯，個酥皮好大塊，新鮮整出嚟酥脆可口，至於忌廉湯都好濃郁；至於另外嘅紅湯就依然出色，酸甜適中；我叫咗個鐵板雞扒，雞皮燒得好彩，雞肉唔會過分油膩，上面加咗生蒜，令人欲罷不能；至於朋友就叫咗雜扒，分別有豬扒同雞扒，個豬扒肉質好鬆軟，份量亦都好多，食完之後真係勁飽之所以咁鍾意食金鳳大餐廳，除咗係因為佢有港式情懷之餘，佢嘅食物價錢唔貴，份量又夠多，而且味道好出色，所以每隔一段時間就會嚟呢度食，百吃不厭，非常推薦

For over three decades, Golden Phoenix Restaurant in Tseung Kwan O has been a bastion of old-school Hong Kong-style Western cuisine, serving nostalgia on sizzling iron plates. This retro-styled steakhouse, with its checkered tablecloths, vintage neon signage, and walls plastered with 1980s memorabilia, feels like a culinary time warp—and its legendary Top Sirloin Steak is the crown jewel of its throwback menu.The star dish arrives with theatrical flair: a thick-cut sirloin, seared to char-grille

將軍澳寶琳站金鳳大餐廳環境唔錯乾淨開咗咁耐都冇入過去食過今日試試佢既下午茶先叫左🌟B 生炸雞髀配薯格雞髀就唔算好大隻 但係雞髀雞皮炸得真係好脆 咬落有驚喜 皮脆肉嫩咬落係Juicy嘅👍🏻👍🏻配嘅薯格就唔使講 正常水準🌟I 香煎雞扒配蒜蓉汁意粉下午茶份量唔算多 最令我驚喜係意粉有撈埋汁 好似食緊想當年學生時代嘅椰林閣意粉咁 絕對唔乾身👍🏻如果意粉再熱啲就更加好啦雞扒都好食，就係細塊咗少少 🌟凍檸茶 正常水準係我鍾意嘅片狀檸檬茶 🌟凍奶茶搽底淡咗少少，下次叫多奶會好飲啲，因為真係好淡唔夠濃將軍澳美食唔算多 今餐算唔錯 我會再encore以上純屬個人口味 歡迎自行決定試味報告完畢#將軍澳美食 #將軍澳茶餐廳 #金鳳大餐廳 #將軍澳美食推介 #將軍澳下午茶推薦