金鳳大餐廳 (新都城中心三期)

营业中

休息中

呢晚突然想食「大件夾抵食」的鐵板牛扒，於是一家人去金鳳「鋸扒」！一間充滿懷舊風味的港式鐵板扒房，最正係環境，昏黃燈光、懷舊卡位、鐵板滋滋響的聲效，加上伙計姐姐中氣十足的落單聲，一切都充滿舊香港的烟火氣。🥩鐵板牛柳（蒜蓉汁）超大塊牛柳，好抵食👍，七成熟剛剛好，肉質軟嫩，中心微粉紅，咬落有肉汁，搭配熱騰騰嘅鐵板，再淋上蒜蓉汁，香而不膩。🥩西冷牛扒（黑椒汁）西冷比牛柳有咬口，外層煎得微脆，肉質非常軟嫩，肉香濃郁，搭配熱騰騰嘅鐵板，再淋上黑椒汁，惹味度爆燈！😋配菜驚喜：鐵板上的雜菜、薯條吸滿牛油同肉汁，尤其薯條煎到脆邊，邪惡但停唔到口！😋