金公館 (康怡廣場北座)

营业中

休息中

康怡廣場3樓，其中一間食肆就係金公館，京、川、粵菜，任君選擇。餐廳入面多數都係梳化位，坐得幾舒適。青城山杏汁白肺湯用料十足，仲有花膠，杏汁味好香。片皮鴨半隻睇落個鴨皮好似好少咁，其實係個蒸摩摩皮大份啫。鴨皮下面有好多鴨肉架，好香鴨油味，隻鴨都幾肥美。食片皮鴨竟然有說明書，四款醬料加四款配料。四款醬料幾特色吓，而配料我最鍾意係哈蜜瓜條，夠甜夠清新！食鴨可以揀兩食，加$98就有雪菜鴨絲炆年糕。好大碟，炆得幾入味，但鴨肉就得好少。青椒清香鱸魚鱸魚肉質雪白嫩滑，已經起晒骨，大人細路都啱食。底下仲有麵條，筍件就好爽口，切得幾靚。用青花椒、紅椒、青椒、芫茜烹煮，味道清新，油而不膩，味道層次豐富。乾鍋黃鱔片一大鍋上枱，好多唔同嘅椒，以為會好辣啦。但又唔係喎，少辣微麻，幾過癮。黃鱔片預先走過油，帶少少脆皮口感。香芒滑布甸普通嘅一道甜品，有少少芒果肉。杏仁蛋白茶開蓋已經遠遠聞到好香杏仁味，加埋蛋白夠香滑，好正！

我一直都好鐘意食中菜，佢既複雜性同口味變化係西餐比媲唔到。呢到地方同裝潢都好好，好有宮廷feel同中國風。青城山杏汁白肺湯湯好濃，而且入面都好足料，大大塊豬肺，感覺會好補，而且杏汁味好香，令人一飲再飲，最尾我友人嗰碗都比我飲埋😂酸菜桂魚片呢盤比想像中份量多好多，而且仲勁多桂魚片，絕對無偷工減料，4個人食絕對夠飽，而且魚肉幾鮮同嫩，不過好似女士特別喜愛呢道菜。到重頭戲就係呢個北京填鴨以前都食過幾次，每次都覺得好有趣首先要夾塊填鴨係摩摩皮上然後夾上自己喜歡既配料同醬汁上去，我覺得青瓜同酸梅醬係最夾，而且會好fresh，令到成個味唔會太油膩，唔錯唔錯大功告成！已經好耐無食過正宗北京中菜，好難忘，值得encore 🤤

什麼？又想吃片皮鴨？朋友說我才剛剛吃完又想吃片皮鴨是京菜中不死的菜色！聽說太古附近開了一間CP片皮鴨，正好放工去試！康怡廣場是我小時候經常去玩的地方，想不到現在已經變得那麼舊了。金公館就在3樓，裝潢跟價位很配，都是中價。選擇超級多！翻頁選菜色選到手軟！半隻片皮鴨才$218？驚人的價錢，心想會不會中伏，上桌的份量有點驚人，幾乎及得上一些店的一隻的份量了。特意把皮肉分開，不俗。四種配料：大蒽，芹菜，蜜瓜，青瓜各有特色，四種可以去掉油膩感，當中我最愛既甜又爽的蜜瓜！四種醬汁冰梅-酸甜的燒鵝醬，非常開胃甜麵-傳統的片皮鴨醬，最配胡麻-跟配料如青瓜等豐富水份的東西很配桂花-非常甜，愛甜的會很喜歡這個吧！麵粉皮非常薄，而且中間還用牛油紙隔開，筆者超愛！二食是炒鴨鬆，肉的調味不濃，也不算油膩，生菜切得非常大塊，吃完這2道已經飽了！上湯浸皇帝菜沒有過度的調味，吃完也有渴，而且皇帝菜本身的味道突出，迷好像在打邊爐一樣！杏汁白肺湯是另一款出色湯品，濃厚的雞湯帶點杏汁的甜香，入口順滑，很好喝～另一個推介叫熱情果炒蝦仁，一個個可愛的小蒸籠盛著大大件的蝦仁，甜甜的熱情果脆皮非常開胃。

今日見某日式家庭餐館又大排長龍，所以就走去第二度搵食 本身都諗住食上海菜嘅點知執咗 咁就入去呢一間就試下喇。帶位嗰個冇乜表情但係聲氣都幾好，以其他員工都幾好禮貌嘅。本身想試試佢嗰個片皮鴨嘅，但係因為得兩個人咁就費事喇。叫咗一個胡麻醬淮山 ，三鮮鍋巴，加多個醬燒排骨炒年糕。胡麻醬淮山幾好味唔錯 都係靠啲胡麻沙律醬醬食糊。三鮮鍋巴都算係幾清淡嘅，鍋巴幾脆夠乾身，淋啲醬上去時會發出啲嗞嗞聲，證明鍋巴幾索汁。淋咗醬汁上去之後鍋巴幾綿身。睇相都見到其實個鍋巴幾足料嘅，雖然唔係啲乜嘢高級食材。不過口味就真係幾清淡，幾適合啲健康人士食用。醬燒排骨炒年糕就真係冇咩特別味道冇咩特別餸菜冇咩特別都係嗰句：口味清淡，幾適合啲健康人士食用。今次冇試佢個片皮鴨，個人覺得可以再去試一試佢個扁皮鴨先淨係食佢其他菜就批評佢又唔係咁公道嘅。依家暫時叫做不過不失啦咁的確口味就真係清淡咗少少不過一般黎講，坊間都會覺得濃味自然好食，其實大部分食肆整到咁濃味，好大程度都係想遮蓋咗食材唔新鮮嘅味道。如果食材新鮮就算油菜唔畀蠔油佐食都好味。呢間食肆口味因為比較清淡，好容易就會食到食材新鮮與否。暫時食起上嚟佢啲蔬菜都唔係咁新鮮好味

今日做下孝順女， 陪下阿媽去飲茶。我地1:30左右到， 餐牌上食物選擇好多款，有點心， 蒸飯， 小餸，涼茶小食， 炒飯湯粉等呢到座位都好舒服， 用具都是精緻的。我個人眼寬肚窄, 好開心有- 金公館點心拼盤（$188），分別有燒賣， 蝦餃，娥姐粉果，义燒酥，鮑魚撻及擂沙湯丸各2粒岩哂可以想食多d唔同款， 又唔怕食唔哂👍🏻义燒酥的外層好酥化😋另外，粉果外皮剛好， 好薄， 內在還有好足料， 有木耳，紅蘿蔔，筍等等雞湯小籠包（$32）好多肉汁&京滷鴨舌（$48）上湯蝦球手打麵（$108）蝦球好彈牙✌🏻

麻辣秋葵@秋葵表面比平時食開嘅乾身，更容易掛汁。浸滿麻辣汁嘅秋葵咬落好爽脆，表面嘅麻辣汁好香，麻辣嘅感覺又畀滑潺潺嘅黏液中和咗小小，清爽黎帶點刺激，好好味青城山杏汁白肺湯@湯以白肺、雞腳、白菜同杏汁熬制，好香杏仁味，味道偏清甜，唔會好濃味~ 白肺好爽滑，雞腳煲到好腍，好入味烤北京填鴨@烤鴨嘅片同肉完全分離，每片鴨片都非常薄脆，附有少少肥膏，有油香得黎唔會太肥膩。呢到嘅配料都好多元化，除左一般嘅甜麵醬、青瓜條同京葱絲，呢到有好多醬料可以配搭片皮鴨，包括冰梅醬、胡麻醬、桂花糖醬，而配菜有比較特別嘅蜜瓜條同西芹絲。煙韌嘅薄皮摩摩皮包住帶點油香嘅鴨片，加埋其他配料，吸咗部分脂油，令口感更清新，酸酸甜甜嘅醬汁令片皮鴨味道更多元化。鴨肉好結實，無乜脂肪，但係肉質軟嫩多汁酸菜桂魚片@白雪雪嘅魚肉非常新鮮，桂花魚片大大塊完全無骨好嫩滑，酸辣湯温度同酸辣度適中，唔會令魚片因為湯底太熱而過熟，亦唔會比酸辣味搶咗魚嘅鮮味，咁樣浸更突出魚嘅鮮甜蒜片牛仔粒@牛仔粒表面煎得好香脆，熟度控制得好好，封住內裡嘅肉汁，啖啖都係牛肉嘅香嫩，非常推薦金銀蒜粉絲蒸勝瓜@勝瓜表面鋪滿用蒜蓉炒過嘅粉絲，加埋大大隻嘅蝦乾一齊蒸。勝

星期三放工後，跟我最愛的小胖子吃晚餐，由於她工作繁多，很久沒有和她一起吃晚飯喔。因而特別的期待今晚之晚餐，為食小胖子愛吃東西，今晚要來一個充滿文化氣息的地方。餐廳雖吃中菜，但裝潢傳統之感，其裝修風格走年輕時尚路線，有種傳統及現化交錯感覺，加上座位的設計，感覺舒適。打開餐牌，發現菜式有一百多款，看得人眼花繚亂，單是菜名就很令人吸引，為食的我立刻看中有５道小菜二人餐，一個小吃，「相機食先」後，便耐心等待主角。經過研究，知道川菜館一般也著重油、香、辣，但對我這愛嘗辣又怕太辣的小胖子來說，每一個味道恰到好處。相信主廚非常照顧香港人以川菜作設計概念，創作迎合香港人口味，即以花椒等香味烹調，味道清香又辛辣，適合怕油膩又愛嘗辣者享用。可見這個餐廳的菜都是精心改良版，口味雖未必是正宗，但最重要是好吃,，及很適合愛嘗辣又怕太辣的食客彌補自己想吃辣的感覺。更重要的是玻璃櫥窗中，烤鴨會一隻隻的掛出來，客人透過玻璃櫥窗可看到一隻隻肥美烤鴨。風乾了的填鴨，再以傳統掛爐烤1小時。只是在外一看，已經非常的令人很想大吃一口。一進食店，都也不難發現每人也會叫片皮鴨來作晚餐的重點，為食的小胖子也沒有錯過，等待了半小時，主

今日一家五口去食晚飯。等了45分鍾。比左4人卡位加一座位。叫左6款, 評分如下:半個片皮鴨 (98分)2食選擇 雪菜鴨絲年糕 (75 分 ,味ok, 因年糕不夠熱, 漏單)賽螃蟹(50分 , 太油, )南瓜肉絲米 (40 分, 無味,漏單, 餐牌寫米線, 其實係米粉, 仲話係招牌??)擔擔麵(70分, 無什麼香味, 麵條 一舊舊)酸辣粉 (80分, 好味過 擔擔麵)總括: 一次試過就算。最失望係 南瓜肉絲米線, 因為 招牌, 媽媽本身鍾意食南瓜, 都覺得麻麻地, 得個樣。

今日一家大細去左西灣河探親戚，之後就一齊去左太古呢間金公館食晚飯。呢到地方闊落，坐位舒適，再加上新開張，我們都好期待下⋯⋯入去坐下來之後，我地每人各點左d小菜、小食。等左10分鐘左右就開始有野食了。涼拌雨花海蜇份量需不多，每人夾左一次左右就冇了，但味道不錯椒鹽鮮魷熱辣辣，鮮魷唔（銀），味道剛好麻辣水煮桂魚片呢個魚，我爸媽超喜歡，唔會太辣，魚肉食落嫩滑，超熱的，正官保蝦球蝦肉好爽口，唔錯椒鹽九肚魚熱辣辣，九肚魚食落滑滑的，味道延不錯上湯浸菜心食完咁多濃味菜，清清地食下上湯菜心，過一過個口炸金銀饅頭小朋友最愛，香脆嘅外皮， 點煉奶食絕配！烤北京填鴨脆卜卜嘅外皮，配上醬汁包上麵皮食，一舊接一舊，好味到停唔到口干扁四季豆妹妹最愛食四季豆，野味非常五代同堂炒飯飯香料足，一人一碗，好快清空，好味，推介！總結：呢到既廚師煮既餸菜味道全都非常好，味味都好好味，最緊要爸媽都讚，我地一定會再幫襯！期待下次再黎食過

金公館店內夠光猛，感覺整齊潔淨，應該是很不錯的中菜館。不得不提這個花生，以花椒和乾椒炒至香脆，又充滿麻辣的感覺，超正。蒜泥白肉 $68擺盤精美用心，中間的蒜泥blend到超細滑，口感像mousse。豬腩和青瓜都切得很薄很公整，醬汁香濃，是很不錯的頭盤。招牌口水雞 $88不愧為招牌菜，雞肉浸至僅熟，無論雞肉定雞皮都極為嫩滑。醬汁油而不膩，辣味、芝麻味和花生味的平衡恰到好處，互相襯托出雞肉的鮮嫩，必食推介！靈芝菇炒萵筍絲 $68很有驚喜的一碟！萵筍絲炒出了甜味之餘，亦不失爽口。靈芝菇令整碟萵筍的香氣大幅提升，正！椒鹽鮮魷 $68椒鹽很惹味，魷魚亦新鮮彈牙。但外皮略嫌不夠香脆，扣咗少少分。青城山杏汁白肺湯 $48內有雞腳、豬肺和菜膽。材料燉至入口即化，加入杏汁的湯水入口很順滑，飲完喉嚨真係好舒服。成都竹笙菜膽湯 $48內有雞腳、竹笙、菜膽和香菇。湯水入口有陣陣清香，竹笙爽口，整體感覺很清新。烤北京填鴨 $218多誇張的擺盤！有四大配料和四大醬料。上菜仲要跟埋說明書，話俾我哋聽配料的作用和醬汁的味道，唔洗盲摸摸亂咁落浪費晒，真係夠晒貼心，抵讚！鴨皮薄而香脆，充滿油香。而最驚喜嘅係鴨肉都去好骨切

同屋企人梗係要食一啲好嘢啦屋企人就比較鍾意食中式嘅食物而且上海菜就最啱因為有凍又熱可以啊唔同人嘅選擇後生嘅就可以食雞絲粉皮而且坐得都好舒服😌位置好大睇個招牌都夠晒氣勢而且好近地鐵站老人家行得好方便每一個位置格住磨砂玻璃夠晒私隱雞絲粉皮 $$62先介紹雞絲粉皮好滑好香而且麻醬都覺得好足夠粉皮都好多蒜泥白玉 $$72豬肉青瓜都好大塊而且蒜泥都好多形象都好好豬肉亦都好新鮮好好味淮山都有凍凍地食好解暑而且索索聲超級好味.熱情果籠仔蝦球 $$158好可愛嘅龍仔入邊嘅蝦仲好大粒添超級彈牙而家仲包埋愛嘅熱情果勁Fresh而且都超級大粒仲有生菜包住添你之前仲有花生作小食呢個牛柳粒真係超正勁香仲要好大好有拗口牛味超級香而且仲好大碟添一上就知道佢啱啱炸起仲有呢度必食嘅北京填鴨有超級多唔同嘅配料麻將哈密瓜青瓜等等所以鍾意邊個口味嘅人都可以加埋入去仲有可以包住嚟食添你北京填鴨超級脆超級香而且在這份量都好多睇吓呢度真係皮薄肉厚

今日一家大細黎到太古探望呀姨，晚餐就順便係康怡廣場入面既川粵菜館呢到享用。大確8點黎到侍應安排我地坐係入面卡位位置，我地一行7人6大1細坐得都唔算太迫，地方亦寬倘舒適。望一望menu睇下有咩好食，見到有北京填鴨我地多人所以就點左一隻，再外加多好幾個菜式開心share呢到有2-6人晚市套餐供應我地都有望過下，但發覺有些菜式唔係個個都岩食，所以就散叫好了！格左陣一碟碟色香味俱全既食物已經陸續送到了涼拌雨花海蜇$58呢碟係小食黎，份量偏少一點，但海蜇食落幾爽口椒鹽鮮魷$68椒鹽九肚魚$68兩者都炸得好香脆可口，椒鹽味濃郁，九肚魚炸過後仲可以連骨食埋炸金銀饅頭（半打）$36饅頭炸至金黃色入口香脆，點埋煉奶食簡直一流，我家寶寶食到停唔到口論到一系列既水煮菜式：麻辣水煮桂花魚片（例）$168呢個爸媽食完讚不絕口，仲要覺得唔夠食，話早知點個大既確實桂魚片十分嫩滑，辣味適中！宮保蝦球$138蝦球超大一隻，非常有口感。霸王辣子雞$138辣子雞細細一粒，雖然細少，但口感不錯，炸到好脆，食落有點辣辣的五代同堂炒飯$138呢個炒飯誠意推薦一上枱已經香噴噴，勁香蝦子味，食落去飯粒分明，炒得好有獲氣，內裏分別由三

 上星期六小弟牛一食飯，老友甩底無出席，今晚佢專登揸車去樓下接我收工去食些好嘢補番數。 佢車咗去佢屋企康怡嗰頭，話同我一次過食勻京、川、粵菜。 一上到商場3/F，就見到這間酒樓，門面的玻璃牆畫咗三個大俏像，分別係京劇、四川變臉和粵劇，都好吸睛。坐低後，侍應阿姐俾咗碟麻辣花生我哋，我哋一邊食一邊睇菜牌點菜，碟花生都幾惹味。我哋覺得二人套餐好抵食，只係$398 ，就叫咗一個: 【二人套餐$398】炒木耳杏汁白肺湯烤北京填鴨 (半雙)摩摩皮，醬料及配菜味菜豉椒炒豬青肉乾煸四季豆白飯兩碗荔枝桂花糕 再加了兩個小菜:【 京蔥蝦子海參$268】和【麻辣水煮黃鱔片$168】 【炒木耳 】爽爽地，辣辣地，做前菜唔錯。 【杏汁白肺湯】個湯白雪雪，又甜又潤，裡面好多豬肺粒，仲有雞腳，我今日喺公司企咗成日，啱晒補番對腳。 【乾煸四季豆】四季豆炒得乾身，肉碎好入味。撈飯食一流。 【味菜豉椒炒豬青肉】豬肉好爽口，味菜少少酸，豉椒少少辣，三樣嘢加埋一齊，味道好夾，送飯亦是一流選擇。 【烤北京填鴨】鍾意佢皮薄且脆，肉又多又有肉汁。配埋不同的醬料和配菜來食，口感豐富，食極都唔厭。仲有俾我哋發現咗個秘密，原來啲載住摩摩

好多時食中菜都混合左各地嘅食物，好似食上海野又會有川菜可以點，食川菜又會有小籠包食，冇分得咁細，客人嘅選擇又多啲。金公館有兩間分店，一間位於銅鑼灣，一間位於太古，朋友都已經試過話唔錯，今日我就同屋企人黎試下。太古店喺康怡廣場3樓，門面有透明大玻璃，可以見到師傅片鴨。店內裝潢雅緻，大部份係卡位，人多仲可以坐圓枱，坐得舒適，亦都唔洗同隔離枱貼枱。平日晚上客人唔多，主要係住附近嘅人，我地被安排到卡座，相當闊落。餐牌選擇非常多，主打片皮鴨，湯品、酸菜魚、辣子雞、小炒、飯麵等。星期一至五最抵食應該就係套餐喇，二人餐定價$398，包小食、白肺湯、半隻北京填鴨、炒豬青肉、四季豆、白飯、甜品，性價比不俗，樣樣都有。四人、六人餐分別定價$888/1288。茶位 $12/位烤北京填鴨 $218/半隻（摩摩皮、醬料、配菜）北京填鴨好老實講，我地唔係經常會食，一來唔算好多地方供應，始終比較花功夫；二來好多時價錢都唔平，又或者比較適合多人分享。難得今日有機會，一定要點。點左半隻一試，師傅不停片鴨，好快就已經上枱。片皮鴨足夠兩至三人用，不至於熱辣辣，配上摩摩皮、配菜。鴨皮薄身脆口，起哂肥膏，保留鴨肉，都有淡淡鴨香

識我的朋友都知道蝴蝶結姐姐喜歡吃辣的，愛惹味嘛！放工後，朋友約了我來康怡的金公館，名字好有氣派喔！先一人一碗青城山杏汁白肺湯，奶油般的顏色，口感綿綿的，材料有白肺、雞腳、大白菜，綿而鮮甜。京滷鴨舌，份量蠻多的，每條鴨舌都滷得入味，配芝麻倍香。招牌口水雞，一上桌子就覺得舌頭麻麻了，雞件上鋪滿辣椒乾、花椒、花生、芝麻，肉嫩皮薄，帶麻、辣、香。蘭度腰果黑椒牛肉粒，芥蘭只取其莖，爽脆清甜，而牛肉粒比想像中的嫩，配上黑椒醬汁，格外惹味。烤北京填鴨（半隻），配青瓜條、京蔥絲、蜜瓜條和西芹絲，還有醬料甜麵醬、冰梅醬、胡麻醬和桂花糖醬。烤鴨皮脆肉薄，以摩摩皮包著吃，口感一流，個人最喜歡個桂花糖醬和甜麵醬啦。飯後，呷一口普洱香茶，得以解解膩也。