金亞淶泰國餐廳

营业中

休息中

這間位於荔枝角工業大廈內的餐廳，主打泰國菜，價錢便宜，而且份量十足。泰式火山骨三大條豬骨，炆至肉質嫩腍，加上特製泰式酸辣醬，泰式香料味濃郁，豬骨很多肉，還有些脆骨位，非常有咬口又惹味。泰式肉碎生菜包生菜乾淨翠綠，肉碎加了些洋葱、芫茜等香料，以生菜包著食十分清新。泰式蝦餅蝦餅炸至金黃香脆，咬開中間還冒煙，中間蝦膠彈牙且鮮味。椰皇三重奏椰青啫喱做底，表面是椰奶及椰絲，椰青水的清甜味充斥味蕾。最後飲返杯青檸梳打及青檸薏米水，解一解辣，抵食又好味的一餐。

📍荔枝角地鐵站行1分鐘唔駛既工廠大廈泰式美食環境好寬敞 坐得舒服 例牌海南雞 必叫！非常肥美 好滑 下次應該會加番個油飯火山骨（豬）（走荽茜）做足功課見到本身openrice相係重荽茜 酸酸甜甜 超開胃 d肉都非常軟淋淋 一d都唔會覺得好難先整到d肉出黎食 份量超大 建議多人食用生菜包 大愛！ 差唔多每次食泰國野都會叫 生菜夠多夠新鮮 完全唔孤寒 豬肉料都好味 不過哥以再辣d 更多風味青檸梳打同龍眼水 好飲椰重三重奏 必叫完全係出乎意料之外咁好味 本身都飽飽地 但依個甜品真係好好味 超有心機整唔同層次既口感 椰香味超重！ 大愛

今天晚餐享用泰國美食，從人車兩繁忙的長沙灣道，走進工廈新開業的「金亞淶泰國餐廳」，餐廳裝置簡樸，整潔光亮。先嘗小食：泰式蝦餅頗大件又厚身的泰式蝦餅已經很吸睛，外脆且很有蝦鮮味道，是很棒的小食。燒豬頸肉~烤燒得滿滿的炭香，肉質爽滑香嫩。黃咖哩雞扒配蒜蓉包~我喜歡黃咖哩溫和不辣，它香氣濃厚口味偏甜，用蒜蓉包蘸黃咖哩汁，配埋皮脆多汁雞扒，口感很豐富。泰式火山牛~極具泰風的火山牛，薄薄的鮮牛肉片，舖滿泰國香料及辣椒和秘製而成的醬汁，味道微酸小辣，十分清新，鮮牛肉片掛滿香料與醬汁，非常美味！天氣依然酷熱，我們以牛筋腩船河、雞絲船河代替米飯，船河份量不少，一大碗可分三小碗分享，湯底濃郁很有泰式風味。很受香港人歡迎的泰式冰凍特飲：椰汁涼粉冰、椰汁珍多冰、青檸檸檬薏米水。 甜品：椰皇三重奏三重奏帶給我們口感和味道是爽甜、香滑、香脆，面層的脆椰絲一試難忘。

一向中意捐窿捐罅嘅我，一有新食店開張，當然第一時間要試試啦。店內環境整潔，燈光又好鮮明。泰式火山骨（豬）🌋（！店長推薦！）見到火山骨嘅時候，「嘩」咗一聲，呢味餸個Size 真係大到不得了，每條豬肋骨嘅長度足足有30cm, 可能唔止，淨係賣相已經咁吸引。亦可以輕易折開每節，方便進食。個味道又係令我好難忘，特製嘅醬汁帶有少少酸味，即刻將肉味提鮮，而且可以啖啖肉之餘，食極都唔會好膩。泰式肉碎生菜包（🌶）平時食啲生菜包好易會因為啲肉煮耐咗而好乾好韌，但呢到放咗洋蔥絲增加咬感，肉碎亦好Juicy，絕對唔會有好乾嘅感覺。沙嗲雞串燒火力剛好，鎖到肉汁之餘又有串燒嘅口味。每串都大大串，抵食之選！椰皇三重奏👍🏻👍🏻👍🏻食完啖啖肉嘅主食之後，就要食返啲甜品refresh下。用椰絲、椰奶、椰汁啫喱分層製成，面層有椰絲，增加口感。第二層椰奶製成糕狀，有濃濃椰奶香味。第三層椰汁製成啫喱，有椰子嘅清香。每一啖都色香味俱全！

最近屋企附近見到呢個易拉架, 有新嘢當然要試試啦!因為夜晚要上堂, 所以食個早飯!店員推介火山牛, 我本身又係牛魔皇, 當然二話不說 go ahead!上到枱好有驚喜, 擺得好靚嘅牛肉加綠色點綴, 薄切牛肉加上泰式醬汁, 甜甜地帶微酸, 綠色嘅原來係辣椒, 非常好味, 我停不了地一口氣食哂, 仲先後主動同兩個侍應大贊呢碟牛!泰式豆腐柚子沙律都好吸引, 個豆腐趣卜卜, 好惹味!馬拉棧炒通菜略嫌有少許偏咸, 要誇一下餐廳嘅價錢都算平, 沙嗲, 蝦餅等等都比出面更抵食, 小店經營, 絕對要撐啦!最後叫了椰皇三皇奏, 用三層椰子做, 最底那層是椰子啫喱, 略為淡味, 中間白色果層有點糕狀, 非常軟滑, 面再加上椰子碎, 剛好為晚餐畫上完美句號

熱辣辣好想食泰國野, 見到宣傳單張好似唔錯就上去睇下喇!😎 午餐價錢合理, 份量足, 小食仲好抵食添!!🍴泰式豬脾飯- 有5-6件豬脾, 豬皮好骨膠原, 豬肉好入味仲好腍, 好食!🍴泰式海南雞配油飯- 油飯好香, 海南雞好滑, 成個飯好豐富!🍴泰式肉碎生菜包- 唔太辣, 但肉碎炒得好香好惹味!🍴沙嗲雞串燒 + 沙嗲豬串燒- 正常水準, 肉唔鞋, 而且沙嗲汁好香花生味!🍴冬陰功湯- 酸辣10足! 湯料都好足, 跟餐 +$10, 抵飲!地址 : 金亞淶泰國餐廳荔枝角長沙灣道883號億利工業中心1樓102號舖評分 : 8/10

見派傳單發現荔枝角億利1樓開左間新泰國餐廳。一向我都好喜愛泰式食品，就試下啦。今次已經係第二次光顧。因為上次黃咖哩蟹餅飯有驚喜。今次就特登再試下黃咖喱雞扒＋油飯。黃咖喱香氣四溢，食落濃郁帶點甜味。雞扒大大塊，煮得個皮好香脆，而肉口嫩滑。由由咖哩已經好夠味，油飯反而多左，配白飯都已經好夠。So far, 蟹餅同雞扒都做得唔錯。希望下次試埋冬陰公先。價錢公道，而且好食。值得番啅我2次都係外賣，出得都幾快。

荔枝角新開泰國菜餐廳見到地鐵站附近有街招宣傳所以過去試下餐廳位於工廈入面 地方都算隱蔽上到去見到餐廳座位都比較多但係位置同位置之間距離比較近坐落去感覺有啲迫夾門口都幾多人等位因為附近Office客人多又加上lunch time關係原本叫咗個香葉肉碎飯隔咗一陣侍應走過來話我知雞蛋冇哂要轉其他嘢食 但佢冇推介就咁放低張單就走咗我需要重新叫嘢食嘅時候又要再叫多次侍應過黎佢地人手吾夠 加上可能新餐廳關係 員工比較新 唔熟手問野好多都清左等咗好耐同行朋友已經食晒 我嘅嘢食先啱啱到重新落order 轉左海南雞飯不過食落味道麻麻比較清淡 配菜有生菜加落隻雞度味道感覺上有啲怪……如果海南雞飯有湯跟就好啦

荔枝角新開泰國菜, LUNCH 2個人叫左正餐加小食,職員好NICE今日食左冬蔭公蝦餅湯河$59, 湯底好足料,粉係可以轉金邊粉 炸蝦餅應該係即叫即炸唔會油淋淋 👍🏼泰式豬脾飯$54, 豬手汁夠濃, 份量都唔細男人portion ,堂食套餐有飲品,凍飲加$3,特飲都係加$8炸,用埋新開張優惠2個人$103 ,係泰國菜黎講就真係抵食,仲要係荔枝角地段,真係番工午餐好選擇,可以同同事再Encore,試埋佢其他款

見到新開張，無食評參考～今日好想食泰國嘢即管試吓～下午茶餐好抵食豬肉丸船麵加串燒，仲要本身跟餐有泰式奶茶 泰青檸茶 先$36 船麵湯底夠哂濃 另外叫咗黃咖哩豬扒飯又係好好味～ $55服務態度又好～會再嚟幫襯！原來開咗一星期左右咋，加油！