金亞淶泰國餐廳

营业中

休息中

本以為是隨隨便便在工廈吃個速食晚餐，因為下單一個招牌菜留下深刻印象。海南雞遊船河$55已去骨，雞件大件，湯底已夠濃味，附帶的蘸醬汁也沒蘸幾下。是另一間整蝦餅有一手的泰菜。大件、熱燙、脆口、夠蝦味、彈牙，此多汁黃咖喱蝦餅飯$59一併滿足吃小食及主食要求。吃遊船河時，侍應無端放個垃圾桶在我枱面，媽叉說話幾乎傾巢而出，只見她及時再放一個小火山，火山口插滿透明膠手套，之後迎來是一大圓木碟上之「假石山」⋯⋯鋪上幾棵芫茜效果是既像盤景又像魚缸裝飾用之巨石，原來這就是餐牌之招牌火山系列——泰式火山排骨（豬）$158。屹立之「肉食石山」足有10吋長，平均高度6吋，不像是經走油油炸，似是煨熟，脂肪少，間中有點筯肉相連，幾分似豬軟骨肉質但較滑溜。此巨石排本該五至六人才能消耗掉，最憑藉其酸辣汁襯底，二人之力甚至主要由一人擔當以半小時左右已瓦解至得棚骨。

天氣已逐漸轉涼，無阻我對酸辣野既喜愛😂 男朋友話見到某channel介紹金亞淶，表示想食，咁好啦，就去啦。 金亞淶位處工廈，空間比較闊落，我地平日既晚餐時段黎，都唔算多人，坐得ok舒服。講下d野食先～火山骨據聞係必叫，上枱大大份，因為呢道餸既精粹係噒骨，餐廳好貼心咁提供埋手套等我地唔好食得咁狼狽。味道黎講係好有東南亞風情，可以幻想下自己係小島攤係沙灘一手揸住個椰青另一手撕住d豬肉食既畫面！佢個種泰式酸辣味係偏酸少辣，配埋d都算煮得好淋既豬，很開胃！生蝦刺身大大隻，厚肉爽口，如果鮮甜d仲好。菠蘿炒飯發揮出應有既水準，飯既濕潤度岩岩好，料亦都好足，食極都仲有餸，食左幾碗！椰皇三重奏話說我係椰皇既die heart fans, 食呢味野前我好似已經連續食左兩晚椰皇甜品，但係呢個椰皇三重奏仲係驚豔到我😍講起又想食！佢既三重奏層次感十足，味道好濃郁。頂層既椰子碎，中層係椰奶味重而口感比較似燉蛋既，底層係質感比較爽滑既椰子jelly。食完好滿足。加埋兩杯野飲埋單400蚊唔洗，食飽飽，服務又ok, 未試過既朋友可以試下～

最近喺荔枝角 D2 Place 行街，行到咁上下差不多又喺到晚飯嘅時間，今次放棄喺商場食，以我所知觀塘同長沙灣都比較多工廈餐廳，所以今次轉戰工廈。😋去咗億利工業中心搵餐廳，想試下近嚟好 Heat 嘅火山骨，所以決定食泰國嘢，見到呢間餐廳都幾多好評。火山系列都有三份選擇，包括有火山牛、火山排骨、火山海鮮，揀咗招牌菜火山排骨(豬)，另外再叫咗燒豬頸肉同菠蘿海鮮炒飯。燒豬頸肉 ($78) : 比我預期中大碟，燒嘅火喉控制得啱啱好，唔太乾身之餘口感軟滑爽彈。火山排骨(豬) ($158) : 實物超巨型，將排骨疊高再淋上秘製嘅醬汁，酸酸甜甜超級惹味，而且排骨肥瘦適中，肉質相當軟腍。菠蘿海鮮炒飯 ($88) : 非常足料嘅炒飯，唔似其他泰國餐廳咁得嗰少少材料。

荔枝角工廈真係有好多隱藏嘅美食，今次就嚟咗食泰國嘢。泰式火山骨 一上到枱嗰陣真係有啲嚇親，完全估唔到佢係咁大。火山骨嘅肉好嫩滑，輕輕用叉撩一撩就成排肉起咗出嚟，而佢個汁呢就係酸酸甜甜咁，食落都幾開胃。泰式去骨海南雞 半隻海南雞本身去咗骨，唔使’lun’骨啱晒我呢啲懶人！海南雞嘅肉質好嫩滑，而且仲配有雞油飯，簡直係一流呀！生菜包啲菜好新鮮，面頭有好多芫荽，啱晒鍾意食芫荽嘅朋友。椰皇三重奏面頭鋪滿左椰絲，中間係椰奶布甸，而最底下嗰陣就係椰子水啫喱。椰子味超級濃郁，而且椰奶布甸好滑，好好食

放工約咗好朋友相聚 揀咗係我哋路程嘅中間荔枝角 朋友想食泰國菜，見到原來荔枝角地鐵站附近有一間都幾出名嘅泰國菜 一於試吓啦！呢間餐廳係樓上舖位 ，但係位置非常方便 一出地鐵站就係啦！😀果然非常多人，我哋都要等一陣先入到去呢度係用QR code落單 非常方便水同埋杯碟都係睇出邊自己拿取～自助形式店員都好好人，推介左我哋啲名菜-~首先叫咗火山骨店舖招牌菜 上枱嗰時真係好震撼！三大塊 又粗又大🥰 望落去都令人食慾大開 勁多蔥蒜！放滿上泰式醬汁 一定要用手食 因為實在太大舊啦！好彩店家好貼心咁有手套 🧤 肉質一啲都唔會乾 配上酸酸甜甜 又有少少辣味嘅泰式醬汁 令人食落唔停口！💯泰式肉碎生菜包 肉碎配上香料洋蔥炒埋一齊 再用新鮮爽脆生菜包住嚟食 清新之選❤️菠蘿海鮮炒飯 叫咗個主食一齊share，有新鮮大蝦🍤、 粟米🌽、臘腸 、肉鬆等等炒埋一齊 再放上新鮮菠蘿🍍上 炒得乾身又好味最後要咗個甜品 椰皇三重奏 呢個真係必食！喺椰皇啫喱上再有奶凍再放上椰絲 奶香十足 一啖有三種唔同嘅口感 正😝飲品叫咗青檸檬薏米水🧉同埋青檸梳打 🥤唔會過甜又好飲 夠晒冰涼，好正👍👍

適逢好友到荔枝角工作，她便帶我到這家性價比很高的地道泰式餐廳：金亞淶。使用QRCODE 下單，非常之方便這杯凍檸茶比較特別，店家使用了青檸檬代替了普通餐廳的檸檬，所以味道會較清爽泰式肉碎生菜包 $68帶點泰國香料的味道，再加上甜辣適中的調味，很開胃的前菜燒豬頸肉 $78必點的菜式，兩個字：好吃！菠蘿海鮮炒飯 $88店家的招牌菜式之一，用料十足和夠鑊氣！泰式火山排骨 $158鎮店名菜！這個重口味的酸酸辣辣的調味，再加上份量超多的軟腍排骨，夠惹味之外，份量更是不得了椰皇三重奏 $35這個價錢可以吃到滿滿奶香的椰皇奶凍和啫喱，性價比真的很高！兩個人吃了這麼多高質素的美食，結賬的時候才這個價錢，很值得再去！

話說哥哥睇完youtube介紹覺得好吸引，第二日就一齊上去會一會依間泰國餐廳 ， 心諗工廠大廈應該唔會太多人，點知去到門口已經企晒人， 六點幾已經咁多人， 原來嗰啲排隊等外賣， 估計係附近啲人放工買返屋企食。 不過入到餐廳都差唔多坐滿人， 我哋坐咗冇耐就已經開始要排隊入座。 見服務員好忙但都冇怠慢我哋，仲教我哋用QR code落單（可能我哋個樣蠢蠢地), 佢哋送餐效率亦好快， 整個用餐過程都好愉快， 門口見佢哋新開張花牌，但一啲都唔似新丁開業。 以下係我哋點過嘅食物: 泰式火山骨$158 份量好大，送上枱時場面好虛撼好吸睛，遠睇成個盆景咁，加上芫茜份量唔少，香氣十足。食落肉質嫩腍， 特製濃郁酸辣泰式汁超惹味，超滋味開胃。 餐廳仲會提供埋手套好細心。 泰式海南雞 例牌$68 海南雞好滑好好味，配一款黑豉油及一款泰式辣醬，啖啖肉勁正， 仲要冇肥膏， 食多幾件都唔驚。 泰式柚子沙律 $78 好足料好新鮮， 酸甜比例啱啱好，對比一般食到嘅更多炸小魚同炸蝦， 成個沙律惹味提升， 非常之特別同味美。椰皇三重奏$35 呢個甜品真係冇得輸， 清甜而且超好味！ 真係做到三重口感同口味， 椰奶、椰汁、椰絲

今晚約咗朋友食飯但佢臨時要OT，我就夾返時間去咗佢公司附近等佢～佢send咗呢間餐廳俾我叫我攞定位落住單等佢😅⭐️泰式酸辣鳳爪朋友最愛，要黎做開胃前菜一流👍❤️菠蘿海鮮炒飯勁大個足料，飯底好香菠蘿超甜，$88勁抵食！👏🏻❤️火山骨呢個好似係泰國菜新興嘅菜式😯份量夠大，味道微微酸辣都幾開胃👍有軟骨又有淋嘅肉質，好食！😁❤️椰皇三重奏超有誠意嘅甜品！💯裏面有類似椰汁糕同椰青啫喱嘅口感，面頭仲有啲香脆椰絲，層次非常豐富😍❤️青檸薏米水青檸份量比較多，甜度非常輕微，要黎滋潤去濕都非常唔錯👍雖然全場爆滿但上菜速度都唔算慢，叫咗咁多樣嘢水準都係中上😋 值得encore😆

今日同屋企人係荔枝角去完開倉 見到有間泰國餐廳就入去試試佢由於疫情都冇去過旅行 所以食野就變咗去旅行咁 食咗當去咗去到餐廳員工都非常有善 可能推住BB車 比較笨重  安排咗靠邊位置令我地一家可以自成一角之後服務生好有善咁簡單介紹餐廳Menu 之後就開始我地嘅泰國旅程泰式火山骨 睇相就知道好震撼 火山骨用上豬肋骨 煮得岩岩好冧得來 又唔un  配上泰式酸辣汁同芫茜 惹味得來又勁開胃 真係愈食愈想食 餐廳好貼心 提供埋手套(可惜火山牛賣哂 唔係都想試下 因為知道用上牛小排都幾吸引)泰式肉碎生菜包肉碎香口惹味  有鍋氣得來又唔會炒到柴哂 酸辣做得岩岩好 唔會過份辣過份酸 份量又足 菠蘿海鮮炒飯海鮮用上中蝦 魷魚 最令我驚喜佢加咗臘腸來炒 惹味得來帶有臘腸既香味  d飯炒到粒粒分明又唔乾  加埋肉鬆真係多重口感享受 泰式豬頸肉清湯金邊粉由於同行小朋友所以要叫左個清湯金邊粉比佢(餐廳特意幫手做 Menu 係冇嘅)但都有驚喜 好似小時候去酒樓食既味道 回味無窮椰汁涼粉冰 招牌泰式奶茶椰汁味重 涼粉都多   泰式奶茶 茶濃奶香 兩杯甜度都岩岩好 唔會太甜  椰皇三重奏  甜品有三層 面頭係烤香咗嘅椰

今日同朋友去D2 place行街，知道荔枝角開左一間由正宗泰國人主理泰國餐廳，决定一試，結果大排長龍，等了大约二十分鐘，工業區樓上鋪竟然咁多人，我十分期待食物質素☺首先，選了火山骨 $158火山骨賣相十分吸引，超级大件豬骨，肉質嫰滑，附有膠手套將豬骨扯開，再沾上獨有泰式酸辣汁，酸酸甜甜，十分開胃，超級推介🥰泰式去骨海南鷄半隻$88海南鷄去了骨，而且鷄肉十分嫩滑，一咬下去，啖啖肉😋泰式肉碎生菜包 $68用生菜包住豬肉碎，一咬下去，生菜新鲜脆口，香料滲入了肉碎，有酸辣味道，而且愈食愈香，真心不錯🤩椰皇三重奏 $35好有鲜甜椰汁味，椰汁奶凍上面灑上椰絲，再食下去底下係椰汁啫喱，口感煙煙韌韌，一次過食了三層口感，必食呀😍青檸梳打和青檸可樂🍹食泰國菜，酸酸辣辣，配上青檸梳打和可樂，中和辣味呀🤭整體得分: 4/5味道: 4/5環境: 4/5抵食: 4/5

放工約左好有去荔枝角食泰國菜，位置工廈入面地點都算好方便又易搵👍🏻火山骨火山豬肋骨，夠晒大份又有睇頭，好吸引好似成座火山咁，整得好林又入味，配左泰式酸辣醬汁好惹味😋😋😋海南雞半隻海南雞肉質嫩滑又美味，份夠都好夠食👍🏻👍🏻炸蝦餅炸蝦餅平時食開好似無咁厚皮，食落都好香脆可口，炸得好鬆脆又唔會好油膩感泰式奶茶同朋友一人點左一杯，沖叫左少甜，覺得岩岩好，味道唔錯好似係泰國飲咁😋椰皇三重奏用新鮮椰子肉和椰青水去做，原汁原味，入口非常清新，好似飲緊嘢椰青水，推介～～～

系d2 place睇完戲去左附近工廈搵野食，系地下門口見到呢間鋪頭大大個banner，好注目，所以走上去食下，意外發現呢間味道吾錯，價錢又吾貴，仲要晚市都無加一，值得推介下！泰式火山排骨 $158一上枱好巨型同澎湃，除左呢舊，後面都仲有一舊骨，份量非常大，3-4人食都ok。排骨都幾多肉，而且啲肉夠嫩，好易咬開，味道酸酸辣辣，好開胃。泰式蝦餅 $68炸蝦餅吾太油，夠彈牙，同埋吾會炸得太over！菠蘿海鮮炒飯 $88半隻菠蘿裝住炒飯，炒飯用左咖哩粉炒香，再加埋菠蘿粒，味道好好！另外有蝦、魷魚、雞肉、臘腸粒、肉鬆，材料吾錯！泰式奶茶 $16奶茶吾會好甜，奶味夠！椰汁珍多冰 $16椰汁味無禁重，但好多珍多！椰皇三重奏 $35甜品出奇地好食！三重奏意思系有炒椰絲、一層椰汁jelly，一層椰皇水jelly。炒椰絲帶有椰香，椰汁jelly 有椰汁香味，椰皇水jelly帶出椰子清甜味，所以食落有多重椰子既味道！一出lift門就見到大大個banner，好易搵！

荔枝角樓上泰式餐廳最近去荔枝角做Gym多咗喺荔枝角食飯喺工廠大廈嘅樓上店舖搵到呢間泰國餐廳見到佢哋有火山排骨就入去試吓嘩！呢度嘅泰式火山排骨（豬）$158 真喺好大份，個汁酸酸辣辣好開胃辣嘅程度喺好吸引嘅微辣排骨肉嫩多汁泰式去骨海南雞半隻 $88好滑嘅無骨海南雞，大碟夾抵食泰式蝦餅 $68蝦餅炸至外層鬆脆內層彈牙鮮味馬拉棧炒通菜 $45呢個價錢其實好抵食平時其他泰國餐廳大多$78-$98椰皇三重奏 $35最特別喺個甜品，椰皇竟然分三層椰絲、椰奶凍、椰汁啫喱，三層口感金亞淶泰國餐廳 (荔枝角)荔枝角長沙灣道883號億利工業中心1樓102號舖

原來金亞淶泰國餐廳就在程班長嘅舖位，裝修比程班長有心思，環境乾淨，食物有質素，絕對價廉物美，CP值高👍🏻👍🏻👍🏻簡簡單單叫了海南雞半隻連一碗油飯、豬手汁炒通菜及兩杯泰式凍奶茶，每一樣都份量十足兼美味。半碟海南雞份量不少，雖然伴醬欠蔥油但已十分滋味。豬手汁炒通菜蒜味濃郁食到唔停口，而凍奶茶亦很順滑不會太甜。最後以鎮店甜品椰皇三重奏作結，非常有驚喜，椰味香濃，兩人吃了約200元非常物有所值。見每枱客都點火山骨，碟頭很大下次搵多幾個朋友再試😋😋😋

🥰 今日大鄉里出省, 約埋老友 “傻肥” 嚟 “金亞淶” 食傳說中嘅 “火山排骨”. 餐廳位於荔枝角工廠大廈樓上舖, 設多張方枱, 光猛闊落, 格局比茶餐廳高半級.🥢 今餐點咗三樣食物, 兩杯特飲, 一款甜品. “火山排骨” 大開眼界, “冬陰功” 水準之上, “椰皇三重奏” 最有驚喜. 整體服務到位, 性價比有吸引力.🌋 泰式火山排骨, $158, 份量驚人, 我鍾意食豬骨, 配泰式酸汁, 不俗!🦐 冬陰功蝦湯, $88. 夠熱贏咗一半, 略甜, 材料豐富, 水準之上, 一滴不留.🐣 泰式去骨海南雞, $88. 肉質嫩滑, 配甜醬油同埋泰式酸汁, “傻肥” 話好食過火山排骨.🧋 招牌泰式奶茶, $23. 正常發揮.🍹 椰汁珍多冰, $22. 唔會太甜, 椰汁味夠香, 好飲喎!🥥 椰皇三重奏, $35, 底層係椰皇水整嘅啫喱, 中層係椰汁糕, 頂層係椰子碎, 非常清甜, 十個讚!