金亞淶泰國餐廳

营业中

休息中

今日同友人過來荔枝角潑水節，玩完意猶未盡，想食埋餐泰菜。上網睇到呢間 隱藏工廈裏面嘅泰國餐廳，就決定上嚟試下。睇完menu，都幾多選擇，有幾樣都想試，所以無叫套餐。其實假日傍晚餐廳人流不少，不過上菜都很快👍火山骨～呢個不多介紹啦，上來必定試嘅，肉質好淋唔會似湯渣，火山汁夠惹味，好味到想打包個汁。怕辣嘅朋友可要求上菜時汁另上，咁就可以憑自己口味調教辣度。南瓜咖哩海鮮～原個南瓜盅上，南瓜肉跟咖哩味道絕配，食完嗮D餸仲可以慢慢挖埋瓜肉食，感覺好健康😋食完兩個主菜已經滿足嗮，其他點嘅金不換炒蝦和生菜包都好味，賣相都靚。整體價錢吾貴，非常合理，星期六日有收加一。在場有泰國音樂，加上地道美食，又見到有泰國師傅出入，如果唔係身邊咁多香港人，真係以為自己身處曼谷😅😅

程班長嘅舊址開咗呢間人氣泰菜, 經過米紙既介紹令佢人氣再度上升, 星期六嘅傍晚嚟到就算得兩個人都好, 如果冇訂位嘅話都要等一陣先可以入座, 建議多人嚟食嘅話一定要預先book位呀侍應送上火山排骨嘅時候會俾埋即棄手套, 千祈唔好為咗顧儀態用刀叉食啊~拎起嚟大啖大啖咬先至感受到真正嘅風味呢😂另外嗌咗個椰青海鮮炒飯, 本身睇圖以為會好似菠蘿炒飯咁原個椰青上, 點知上到嚟先發覺諗多左🙈甜品一定要試佢嘅椰皇三重奏, 椰絲、椰皇果凍同椰汁啫喱嘅配搭真係會令人回味無窮, 現場見到有人試完之後仲打包左四個拎走, 可想而知係幾咁好食呢😆

荔枝角工廈好多嘢食👍🏻🤓以前程班長個位原來轉左泰菜今次三位朋友一齊食🥰✳️2人套餐 $358 ★柚子沙律 1份👍🏻清甜 開胃 唔錯 我留到最後當飯後果★泰式火山骨 1份😍大大大嚿肉🤤🤤睇見都肉緊想同嚿骨死過😁拎上手嚿骨既份量重到💪🏻辣辣地 個醬有啲酸酸地 香茅加檸 好味👍🏻比起以前食過同類大嚿骨啲肉更嫩係食既時候要慢慢嚟★豬、雞串燒 各2串泰式餐一定有既串串 😆不過不失啦都係有啲沙爹醬蘸下泥食★雞絲肉丸船河 1碗依個又係幾好食😋食完骨飲少少湯都幾舒服★椰皇三重奏我哋每人食左兩啖就無哂😂😂好味最底係椰子🥥整嘅jelly中間係椰布丁🍮上面有少少椰絲✳️燒豬頸肉$78Very good👍🏻 依個唔太肥有一種焦香🤤啖啖肉真心正✳️泰式去骨海南雞$88雞有雞味 但食完火山骨真係有比較😂其他野食變普通左環境比較迫少少但價錢唔貴🤓我下次又再去🤤

單點豬頸肉船麵 食物味道不過不失 但衛生質素差 當時坐66號枱兩連4人位 一開抽屜取餐具 發現筷子位有上手留低ga幾粒肉碎 當時只好在隔離位取餐具。 地下有少少黐立立。另外，付款時一開始說55蚊，之後話要加一。 離開餐廳後覺得奇怪上open rice 一查發現唔洗加一。 收費彈出彈入。

好好味嘅外賣泰式午餐金亞淶黃咖喱豬扒飯 $53跟餐招牌泰式奶茶(熱)+$2大大塊豬扒，炸到黃金色，香脆可口，啖啖肉，一點都唔油膩，配上濃郁黃咖哩，椰香味濃，加埋薯仔，送飯一流。

泰國餐廳就食得多啦，火山豬骨有食過未呢？今次大家有食神啦，帶你地去金亞涞泰國餐廳，食個夠！🦴泰式火山豬骨：我俾呢座火山深深吸引，完全估唔到豬骨都可以變火山，上枱嘅時候真係「嘩」咗幾聲！外觀真係好吸引好特別！食落去都好有驚喜，軟軟嘅豬骨配上酸酸甜甜嘅泰式醬汁，我都係第一次食，俾佢100分！🥧泰式蝦餅4件：蝦肉非常之彈牙，感覺新鮮，炸到脆卜卜，好香口，🍍菠蘿海鮮炒飯：炒飯粒粒金黃色，原個菠蘿，除咗有好多海鮮之外，更加有我最鍾意嘅豬肉鬆，一個好正宗嘅炒飯！🍨椰汁珍多冰：椰奶的甜味好香，西米粒外層煙韌、咬落爽脆的口感，清涼之選🍧椰皇三重奏：椰子肉、椰汁、加上椰絲，呢個甜品，👍晒鍾意椰子味嘅我！每道菜式都咁好味，美味程度破表⭐️⭐️⭐️⭐️⭐️🍦金亞涞泰國餐廳🍦荔枝角長沙灣道883號1樓102室億利工業中心

之前約左朋友荔枝角晚飯 想食泰菜冇咩選擇就揀左呢間結果真係喜出望外 叫左個四人餐：🔥泰式火山排骨應該係呢到既招牌菜 真係好大份會比埋手套你食 d肉好易撕開個汁都幾好食🥬生菜包我覺得個肉係好好食 但係佢既山菜係好細塊完全包唔到d肉 浪費左🐷泰式豬脾都好入味 但我本身唔係特別中意食🍍菠蘿炒飯估唔到四人餐既炒飯都係用🍍上 好用心味道仲一d都唔差炒菜和魷魚就正常 比相大家望望 串燒🍢 都好食的湯 唔大碗的 呢個都還好 少少咸重點一定要講呢個甜品 係個套餐包真係好好食💕佢係有層椰凍 又有層椰果咁 真係好好食😛不過呢間店如果想坐舒服少少咁就一定唔係D枱好細張 又冇得挨但味道真係一流😊👍

之前見到有人介紹呢間長沙灣工廠區的泰國菜，立即俾佢個招牌火山骨吸引左😍今日專登黎試下。泰式火山排骨$158, 價錢黎講已經好吸引，而且份量真係好大碟，我地兩個人食完已經飽左九成半🤣佢有個火山座，上面放左膠手套，俾我地用手揸住火山骨黎食😍🤤 火山骨的肉都幾淋，加上盤底的汁黎食，超級滋味😋😋 不過有d位置的骨比較難折斷，加上盤底好多汁，所以食得比較狼狽🥹另外再叫左泰式鳳爪同炸蝦餅，呢d都係泰國菜必叫美食😋 都係好好食啵

今日嚟到荔枝角又係去窿捐罅搵嘢食嘅時間啦，經過工業大廈見到有一間泰國餐廳感覺都幾唔錯就上去試下先，一上到去就見到簡約嘅裝修得嚟又好有泰國嘅感覺，我仲有見到好多枱客人都有叫一個好特別既菜色，一問之下原來係招牌菜泰式火山骨，我哋當然都要叫番碟黎試下啦，牛咁岩賣晒就叫左豬既火山骨，嚟到嘅時候好似成座山咁🤭仲有D似風水擺設流水果D咁🤪有埋手套提供，不過最緊要係打左卡先之後再慢慢撕黎食，用手食係特別過癮，用秘製醬汁醃製少少辣酸酸甜甜仲有芫茜勁開胃，而且超入味😍，大多數係豬都係好嚡，點知依個係非常嫩滑，仲可以一節節骨蚊出黎食唔駛成排拎住食😋另外仲叫咗一個泰式酸辣鳳爪依個比較辣但係都仲可以岩岩接受到既辣度，仲有一個菠蘿海鮮炒飯，佢係用原隻鮑菠蘿盛載嘅，不過佢個炒飯就唔係港式抄到好乾身既，另外仲有一個串燒魷魚四串，都係一樣唔係燒到好乾嗰隻飲品方面仲有一杯我最鍾意嘅招牌泰式奶茶，因為飲完唔會削胃😌，之後仲要叫咗一杯椰汁珍多冰泰國嘢同越南嘢差唔多必嗌嘅飲品至一而最後叫做一個椰皇三重奏甜品，佢個入面呢係有啫喱同埋椰汁糕做出嚟嘅又唔會好甜但係好重椰汁味👍食到飽飽之後仲有時間可以行埋D2行下街，岩岩趕得切上埋去

收工之後和朋友來到呢一間最近係social media好出名的泰菜小店，喺工商入面比較難搵，但勝在地方較近地鐵站，主打泰國菜，也有平時只會在泰國的夜市見到的火山骨。好特別！柚子沙律泰式蝦餅炸到金黃可口，新鮮熱辣辣！完全無後悔！做餐前小食一流！泰式豬頸肉豬頸肉有淡淡的炭燒香，唔會太肥，點上泰式辣汁更添美味！好想要杯啤酒，不過叫左杯椰汁冰！火山骨一上碟好癲，都驚食唔哂，但係對foodies來說打卡一流！小店附上透明手套所以食落去都唔會太麻煩。豬骨滲透住泰式的酸汁，有點香茅青檸味，加上香草的小清新，入口的味道唔會好重，豬肉本身已經整到好淋身所以好易食，都幾入味，食完有好似去左泰國一樣的感覺。甜品方面，店員大推記得要留肚食椰王三重奏，有幾種唔同的口感，夏天食相信仲正！

1月1日去工廠大廈搵食，呢間有個火山排骨好出名，又吾貴Walk in 有位，不過地方吾夠乾淨，枱面痴笠笠，張凳又吾乾淨，有汁有漬叫左招牌火山排骨，骨多肉少，個醬汁酸酸地辣辣地，肉質夠淋，其實都ok ，可惜食完好口乾海南雞飯睇個樣都知唔好食，啲雞唔靚，不過個飯都可以，但個醬汁真係好hea冬陰功湯唔似冬陰功，不過用料幾多，有6隻蝦，份量都多，味道似蕃茄湯多過似冬陰功三重椰皇，椰奶太多，好漏，椰青啫喱好味，好彩吾算貴但就無傳閒中咁好食

Order app 不好用不清𥇦，以為下了單但原來冇落。等了廿十分鍾，員工懶理。服務態度求其。跟餐甜品及額外點的甜品沒有上，本人忘記了是有甜品的，然後埋了單。員工也當冇件事，亦冇心提點。回家後才發覺冇吃到甜品。如果要純綷要平，不妨一試。

聖誕節食泰菜去原來大廈都幾多餐廳 下次可以再去試其他 今次就試左呢間金亞淶先竟然聖誕正日都可以叫lunch set咁我地就叫左個海南雞河粉($55)同黃咖哩豬扒飯($49)每個餐加一串沙嗲(共$18)再加左個馬拉盞通菜($14)仲試埋佢個泰式奶茶(共$6)奶茶好好飲 好重奶 但又唔會好甜飲晒成杯都唔膩海南雞河粉本身仲諗住無金邊粉少少唔夠滿足點知黎到佢個河粉唔係中式果種河粉而係幼身幾特別喎!個沙嗲汁雖然唔係好重花生香 但係都好味!最後係令我地覺得幾特別既黃咖哩豬扒飯無諗過食泰式咖哩個豬會係吉豬咁樣不過因為佢成大塊無剪斷黎到係要自己切開既本身豬扒都勁入味唔洗點咖哩汁都好好味呢個有驚喜最重要係 呢餐先食左百四蚊多d味道仲要唔錯!抵食到一個點!可惜我地食完都好飽下次想試佢既椰重三重奏同泰式火山骨!

朋友長沙灣收工話帶我去荔枝角食一間好好食嘅泰國菜，我心諗食泰國菜緊係去九龍城嫁啦，做咩走到嚟荔枝角？一發現間餐廳係工廈果刻已經同自己做左個期望管理，同自己講好又一餐唔好又一餐，但朋友開始好興奮咁落單。火山骨聽講係佢地嘅招牌菜，好大份，見到幾乎每台都會叫，咁我地即使得兩個人都要試下佢啦。骨我地揀左豬仔骨，秘制泰式醬汁酸酸甜甜，一食就開胃，本身自己唔食荽蔥，但混埋青檸汁食落味道又幾夾，果然有料到。生菜包肉碎食落有少少手辣，加啲芫荽好香口，新鮮嘅生菜包埋肉碎，食落唔會覺得漏。最後甜品是椰皇三重奏 第一層層係椰絲碎，非常脆，中間是椰汁忌廉凍，類似椰汁糕的表層，而最下層的是大菜糕，味道香甜可口。

朋友於荔枝角區工作 閒時四處覓食最近推介我一間區內性價比高的泰國菜原來前身是台灣餐廳程班長的舊有位置沒有太刻意的裝潢 一貫工廠區的食店風格今次來到點了以下食物⭐️泰式火山排骨（豬）來到已聞到很有肉香 賣相相當吸睛看上以為是較乾的口感 是經時間炆煮過撕下嚐著 肉質比想像中軟腍 絕不肥膩配上碟裡的秘製泰式酸口汁 非常惹味⭐️泰式柚子沙律是我最愛點的泰式小食的一款喜歡酸酸辣辣的味道 而且製的汁都相當合口味⭐️泰式豬脾比相像中份量較多 一份滿滿膠原味道不會過濃 大夥兒吃的話很不錯⭐️椰皇三重奏必點甜品❤️ 用上一個膠製的椰果造型器皿裡面最底層椰水啫喱 中層是椰奶布甸 兩層都不太甜上層灑上炒過椰絲 整體味道清新 而且層次豐富充滿椰子風味與香味 絕對不能錯過 (還外帶了一份🤭)⭐️泰式龍眼水⭐️青檸檬薏米水兩款特飲都有泰國特色 屬正常發揮♡金泰淶♡確是性價比高及有地道風味的泰國餐廳在荔枝角附近工作的朋友不坊去試試 火山排骨與甜品