金不換泰國餐廳 (已結業)

今晚慶祝回歸, 又趕住返屋企睇煙火, 係荃灣廣場選擇呢間, 佢地做既菜式穩定!Pomelo Salad, $50 - 黎呢度一定叫, 因為柚好juicy!SalmonHead Casserole, $72 - 三文魚頭粉絲煲, 同燒三文魚頭一樣咁香, 裡面有好多香茅, 香葉, 粉絲都唔錯!臨尾加兩個甜品Layer Dumpling, (千層糕...唔知點解叫dumpling?), $18, 老公數過有十一層, 暖暖地, 煙煙韌韌, 好鍾意食!Custard Pumpkin, (木瓜布丁), $12, 成日見到報紙雜誌賣廣告, 今次係第一次食, 食熱同凍既選擇, 當然係選擇熱嫁啦(因為我認為有些可熱/凍食既甜品, 熱食會較好味), 中間係蛋布丁, 釀在木瓜的中央, 布丁加埋木瓜都幾夾, 不過如果木瓜可以再腍少少就perfect!

我之前ｐｏｓｔ過海南雞飯，我成日幫趁, 平時lunch每次4大1小, 消費$200-300, 最近一次, 因不太餓, 3大1小只叫了2個set lunch share來吃, 當叫餐飲時, 忘記了餐牌上餐飲(龍眼冰)的"正確"名稱, 我叫了"凍的龍眼茶", 待應端來了熱的龍眼茶, 我很有禮貌地說: "我叫凍的", 待應冷冷的說: "你叫龍眼茶係熱", 我話我想換, 待應說: "你叫咗龍眼茶係呢個" 就走咗去, 我叫經理來, 待應說我是麻煩x, 我好嬲, 經理好無禮貌地說"你叫龍眼茶就是熱, 龍眼冰先至係凍, 我話: "sorry,我無讀熟你地餐牌上的"正確名稱", 我只記得我同待應講我要凍的", 經理十分十分態度差, 佢講: "咁而家你係咪想換?? 你想換我換比你囉" 我覺得仲衰過黎同佢地乞, 幾好食都無用。

had dinner with bf.grilled salmon head $55: quite many meat. the salmon head is chopped into several pieces. easy to eat. i think it is grilled with honey. a little bit sweet. tasty.pineapple fried rice $72: many ingredient. large and tastes good.fried kai lan with salty fish $40: luckily there is only little salty fish (i don't like it). tastes ok.ice water-chestnut with coconut milk: so so. i don't like the colourful water-chestnut

下午既壽司已消化得九九十十, 日本料理勝在食得多都唔個胃都唔會頂住! 因為好耐都無黎過, 今晚又想食個蛋網金邊粉(包羅萬有), $65, 酸酸甜甜, 兩隻新鮮蝦, 八爪魚...料好似少...?? 今日有個新菜牌, 有個燒三文魚頭, $55, 呢個燒得唔錯, 魚頭好肥美, 又有魚肉, 味道帶點甜香, 野味, 食完無味精敏感, Very Good!

與男友行完街,又唔太肚餓,叫了三樣嘢食:冬蔭公(細)~不過不失,好味過它的大有人在;青木瓜沙律~味道一般;炸蝦餅~最好味,大件又唔太熱氣;個人o黎講,食物一般,但環境ok,坐得舒服,侍應都會不時加水,服務算幾好~

叫左三餸一羹咖哩雞>>>ok魚肚羹>>>唔知為何會腥frog leg >>> 超難食over over over and overcooked!! 又鞋又"un"!!!包羅萬有>>>幾酸下o的waitress services 一般啦

今天下午, 同朋友到青胡椒食lunch, 我地叫了海南雞飯、炭燒豬頸肉、黃咖喱雞、海鮮濕炒河、豬軟骨湯河、雞炒河粉。海南雞飯很好味, 同出面的海南雞飯味道有點分別, 但很好味, 很特別, 極力推介。豬軟骨湯河都好好味, d豬軟骨又淋, 味道好好, 湯底好正。其他菜都整得好好, 但太好味, 我地明明飽, 都要全部食晒。

7/4/07 星期六同bf 去左青胡椒食晚餐叫左上網d人話幾好味o既旦包金邊粉( 包羅萬有)入面都算幾多海鮮...仲大大塊添另外仲叫左鐵板蠔仔...味道一般...不過d 蠔仔就粒粒都脹卜卜幾新鮮春卷就麻麻....入面好似包左金針...我唔係咁鍾意蝦餅都唔錯一碟有三舊( 上菜時已一開二)都幾有蝦味因為得我同bf 兩個人食真係食唔晒咁多野最後...春卷同蝦餅剩左大半碟金邊粉一人食左兩碗半...每人剩半碗蠔仔又剩一碗左右於是叫人將春卷同蝦飯打包d 職員服務都算ok會不停幫人加茶或水仲好快幫我地打包好原來同場仲有幾對情侶都係食唔晒d 野打包返家

五日假期之第一天，與細妹去了荃灣與好friend的uncle食泰菜。　青胡椒環境從來都好，而最吸引人的是六人紅色沙發卡位；很可惜，當日明明人不多，侍應也不願開放該位置給我們。　假日沒有午市套餐供應，不過有個相當豐富的二人餐($138)，省得想就點下來吧!　前菜三選一，我們揀了炸魚餅，有兩大塊切成四片。味道不特出，完全靠醬汁釣味，而且炸得油膩。湯類二選一，要了冬蔭公。細妹不飲冬蔭公，兩碗我與uncle分剛好。這味是最美味的，味夠香茅又辣同時落足料，我吃得滿意!青咖哩雞豬牛選一，揀牛。上檯時看它泛黃的樣子已不妥，試味更確定完全是掛羊頭賣狗肉；這才不是較辣的青咖哩，根本就是椰汁黃咖哩嘛...小菜四選一，揀了蝦膏炒通菜。火候一般，味道麻麻。白飯x2-較稔身，不是絲苗米，不合口味的讓給細妹及uncle。　另散叫廚師推介的燒春雞($68)，可惜味道同樣有久驚喜。二人餐還包兩碗椰汁西米露，由我及細妹包辦；椰味香而西米稔，在這頓飯中算不錯了。　雖然環境優美，二人餐又豐富又不貴，不過今次食物水準頗差，令人失望。不知是否主廚放假?　也罷，才不要給一餐半餐影響心情。繼續去行街睇戲了!

幾年無見的舊街坊，由細吵到大，每次見面總是吵翻天，搬家後已甚少聯絡。地點就老友返工，地點由她打點，反正最近吃得幾滯，只交帶想坐得舒服一點，卻想不到會來到這裡。吃了半碗果條，僅餘的胃納剩下5%左右，友人叫了海南雞，自己只想吃點時菜。談起小一時俏皮兒戲之事，又說起雅麗姍對面幾間茶記的沙嗲牛肉包，加了少少洋蔥夾著梳打牛作早餐想吃也覺難吃，但就糊里糊塗地吃了多年。看著友人那碟無光澤而又濕腍的雞汁飯，再加甩皮甩骨的雞件，也鮮看到不油不黃的泰式海南雞，不好吃也算蔚為奇觀，試了半口雞汁飯，不想開戰，就笑說，不算很差，也吃得出是有味的飯，新年剛過天氣悶熱，飯凍一點更易入口呢。叉開話題，又笑說當年踩冰後，將僅餘的子彈用在這裡的food court，一碟炒蜆、一碟炒麵、一疊「Yes」，如舊的語無論次地胡吹一番，別來無恙，但袋中卻多了封利事。

我本身好鍾意食泰國菜, 所以又再次重臨, 但原來已經加價.....味道都有少少唔同1. 蝦餅$38.00 (味道好味, 不過同之前縮水。)2. 蒜茸飽$20.00 (熱食OK)3. 生菜包肉碎$50.00 (辣辣, 好開胃, 唔錯。)4. 咖哩炒蟹$168.00 (麻麻, 隻蟹都OK, 但唔係咁野味。)5. 燒春雞$60.00 (OK, 普普通通)6. 蛋包金邊粉$65.00 (好醒胃, 晒小朋友)7. 鹹肉炒椰菜苗$50.00 (OK, 普普通通)8. 芒果黑糯米$38.00 (芒果勁甜, 糯米香滑)9. 南瓜布甸$12.00 (熱食好似蕃薯, 好味)

批評不代表不再給予機會, 呢次重臨, 服務明顯有令人滿意表現. 尤其門口賬房人不時加把口幫手去招呼到步客人. 呢點係特別要一提.今餐當然唔係只留意門口人表現如何啦, 菜式方面, 叫蝦通, 蒜茸飽, 鹽燒膠魚, 網蛋炒什錦金邊粉, 如圖所見, 最出色者最吸引網蛋, 的確, 又睇得, 又食得, 真係好唔捨得叉爛個蛋網, 裡面大大粒蝦仁, 魷魚, 又鮮又口爽, 金邊粉彈牙不油膩, 連帶蝦通一樣咁爽, 食到後段時都唔會有出水出油現象, 膠魚類似日式鹽燒鯖魚, 蒜茸飽難得泰式菜館有上佳演出.兩人同行, 多數會坐四方, 亦符合個人喜好, 好過坐梳化排位, 而大卡位多數係for四人以上. 假若佢表現好好地, 第時狗爸生日選址, 呢度可多加考慮.

美孚真好，有西鐵西鐵真好，只要一個站就可到荃灣西荃灣西好，有荃灣廣場荃灣廣場好，有青胡椒泰菜青胡椒好，環境充滿東南亞風情，燈飾擺設別緻；服務優質，ｗａｉｔｒｅｓｓ　係　Ｔｈａｉ．．．．．重有，因為佢有個十分美味ｏ既蛋網炒金邊粉，叫包羅萬有個蛋網精緻又可愛，似足太空館一食，發現無改錯名，材料包括各種海鮮：蝦﹑蟹﹑魷魚﹑魚等．．．ｄ金邊粉，煙煙韌韌，酸酸甜甜，有ｄ辣．．．幾醒胃．．．不過太大份，食ｏ吾晒

個次同ma ma去食飯...佢d stadff 呢....好似睇唔起人咁....咁就諗有幾高級喇....點知咪又係不外如是....之後就見到應該係商場既清楚工人入黎食野...但個d staff一見到佢地,就勁差態度咁同佢地講,"呢到D食物好貴架WOR!"好似覺得人地比唔起錢食咁..佢地餐廳D清潔咪又係佢地HELP佢地....過份到呀....佢地既食物我覺得唔貴LOW!!但今次既經歷...之後我一定唔會再去LOW.....亦都唔會介紹人地去食LOW....

之前去過其他餐廳飲冬蔭功湯都係差d..依間就勁正..好好味..gd~~~另外個"粉絲蟹煲"都勁正....