金不換泰國餐廳 (已結業)

係因為睇過樓下果d 朋友仔既食評而去，果然真係唔錯。我好鐘意食泰國野既活蝦刺身，呢樹係最好味，有d泰國菜館一味得個凍字，凍冰冰個感覺就好似好新鮮咁，但呢樹唔同，冇冰凍既感覺，但真係好鮮味，好新鮮，無得頂，一定要食。

4個人叫左:1. 青芒沙律--> 甜甜酸酸幾開胃, 不過都幾辣2. 活蝦刺身(推介) --> 好新鮮, 比上次更加好味, 可能係因為太多人分,ha~ 3. 冬陰公湯--> 比以前濃左好多, 今次有蝦味, 好好味呀~4. 帝皇雞--> 其實係茄汁雞, 幾特色, 好重茄汁味, 整得都幾靚5. 焗棷青海鮮飯--> 面頭唔係普通白汁, 原來係棷肉整的白汁, 好多棷肉, 不過食到一半唔夠汁6. 青炒什菇竹生--> 勁淡, 無味, 下次唔會叫一早食極辣活蝦刺身, 個口都腫左, 食其他菜時已經唔覺得辣係什麼感覺

係因為睇過樓下果d 朋友仔既食評而去，果然真係唔錯。我好鐘意食泰國野既活蝦刺身，呢樹係最好味，有d泰國菜館一味得個凍字，凍冰冰個感覺就好似好新鮮咁，但呢樹唔同，冇冰凍既感覺，但真係好鮮味，好新鮮，無得頂，一定要食。近排出去食飯，真係食到邊谷氣到邊，d 侍應都冇聽劉德華講野既！不知所謂，但呢間就唔同，由門口果位接待靚小姐至到裡面既每一個侍應，服務態度都非常好，好有禮貌同好親切，令到你食起上黎都好胃口d！值得一讚。一定再去！

行開宜家見到有新開幾間食店見到有泰國菜, 我多數在九龍城食泰菜, 咁難得見到荃灣有泰國菜, 昨天就去試試。叫左我最愛的:1.冬陰公湯–唔係太辣, 算係小辣, 我唔太鍾意冬陰公清湯, 如果佢加埋椰汁入去會香濃好多, 最大問題係完全唔夠蝦味, 雖然見到有蝦, 不過都似蕃茄湯多d;2.活蝦刺身–超好味, 不過就超辣, 食呢個菜個精髓係個汁, 佢切碎哂d 辣椒, 比九龍城食的更辣, 辣到我個嘴好似腫左, 不過真係好好味, 個嘴腫哂都要食, 所以一定一定要試;3.咖哩蟹($150) –佢係用肉蟹, 都幾多肉又夠新鮮, 咖哩汁都幾好味, 用個蒜蓉飽點下個咖哩汁, 正呀~ 如果佢平d 會更加好;4.蒜蓉飽–本來唔會講d 咁普通的食物, 不過佢真係好好食, 夠香又夠味, 熱烘烘的, 一定要試;個Menu 有一系列的用青胡椒菜都呢間泰菜的特色…特色食品:5.青胡椒田雞腿–幾香青胡椒同香葉(應該係金不換)味, 不過田雞腿就太多粉, 同埋可能唔係太新鮮, 田雞肉一d都唔滑, 有點失望。總括來講係幾好的泰菜餐廳, 地方都夠大, 幾舒適的環境, 不過佢位置唔係咁顯眼, 比較少人知。價錢有d 菜係平, 係海鮮的就

我都幫襯過三、四次，雖然成日食泰國野，不過我以前從來唔食生蝦。但上次呢度試過之後，就上左癮，因為佢個汁好特別，唔係一般紅色果d，而係綠色，好香青檸味，最arm我呢d怕辣的人!! 另外佢個西柚沙律亦好正，仲好大份，可以當飯"爬"!佢個蒜蓉包亦好出色，但好快會賣晒，要睇彩數。服務、環境亦好好，值得推介!!!

星期六去開荃灣睇戲, 所以試吓近近0地0既泰國菜.間泰國菜館幾開放式, 不過都坐得幾舒服. 我0地唔係太肚餓, 所以只叫咗西絲柚子沙律, 青咖哩雞同埋清炒椰菜苖, 本身想食活蝦刺身, 不過, 岩岩賣晒.個個菜都唔錯, 不過, 個沙律可以好食d, 因為炸出來的條狀物體唔係咁好味.

星期六，等男朋友收工後一齊去食lunch，佢提議呢間餐廳，o係同區中環境靚嘛~ 一去到，見到ｄ六人座位勁靚，不過我地兩個人冇得坐... 食物我地要左海南雞飯同泰式海鮮炒金邊粉，飲品就要左泰式龍眼冰同泰式奶茶~ 海南雞飯冇乜特別，泰式海鮮炒金邊粉就辣辣地，好香好多料好味道！泰式龍眼冰太甜，唔好；泰式奶茶反而要講講：佢有種淡淡地o既hazelnut 味，令成杯奶茶好香，茶同奶又夠濃，正~環境好，味道中上，服務都唔錯，間野都算抵食~

今日唔知去邊度食，咁見到呢度咁多人食，就試下啦！雖然真係幾辣下，不過都幾好味！我地叫左：-(1) 生蝦刺身($60~8隻)：唔差，幾新鮮，不過好辣！(餐牌上有兩隻辣椒)(2) 鮮魷沙律($60)：酸酸辣辣幾開胃！(餐牌上有一隻辣椒)(3) 細冬蔭功湯($48)：好辣，但好味！不過D蝦"木"左D！(4) 菠蘿炒飯($68)：正！D腰果好香！(5) 椰子海鮮焗飯($78)：OK啦！好香椰汁味！不過D飯就"漏"左少少！D蝦又係"木"左D羅！(6) 咸魚炒芽菜($33)：我唔係咁鍾意食芽菜，不過都幾爽，D咸魚幾咸！(7) 石榴子冰($22)：正！大樹菠蘿香！果D粒粒爽！椰汁好香！總括黎講，D 野唔差，服務都OK!