野玩田店 (已搬遷) 新店位置

今午約了同事食個帶有田園風味特色半自助餐，大家開心愉快地偷閒中品嚐地道風味半自助餐有十多款美食供應:有泰式魚餅，香檸雞翼，炒雜菜及炸脆薯餅，而沙律吧的食材鮮甜可口，四人點選四個午餐菜式:煙燻三文魚蛋沙律比得麥包配上美國薯條，香口惹味，外脆內軟，口感豐富而可口非常！鮮吞拿魚配忌廉汁長通粉，有嘴嚼口感，煙滑質感，食物出色！而個香煎鱸魚配茄蓉汁，鱸魚肉香脆嫩滑，香煎剛好，鮮美突出茄蓉汁的醬汁味蕾，配搭正宗，但食物分量太少，感覺有些飢餓感！最後一款是香烤紐西蘭肉眼扒配黑松露汁，其肉眼扒焦香脆味濃，黑松露汁口味太淡味，不能提鮮肉味，有些失色！餐後飲杯咖啡奶茶，味道一般，及送上精緻甜點小蛋糕，使人有種完美滿足的感覺！服務員都到位，其店裝修簡單，木制枱椅，似是活在野外田園的感覺！

週六下午同朋友經開K11,就隨便搵左間餐廳食個下午茶呢間餐廳坐落幾舒服既，店員仲會比個籃仔放隨身身品，幾貼心食物方面就一般喇下午茶既選擇不多咖央西多士食落冇咩味既LATTE 幾好飲 拉花幾靚👍🏻雜莓咖啡雪糕waffle個賣相整得幾靚，咖啡雪糕好濃郁

朋友約左係呢到食野，品係朋友約都品知呢到有間餐廳，收到咁理😂😂一行入去個感覺好好，環境好舒服，坐位好寬闊，好大！都好乾淨！見到戰客人哪左戰野食都好靚好特別！仲有見到個野飲好高好大杯！但我冇叫！太大杯啦😂😂但野野食係唔錯，幾好食！又舒服！值得一試！

難得一班好姊妹去食個靚飯！緊係要搵個坐得舒舒服服既地方架啦！去左K11行街，行下下發現左呢間都幾唔當眼既餐廳！個環境裝修都唔錯！係田園風味既環境！所以好舒服就入去試下啦！一去到就比左籃包我地食！我堅餓！一食！嘩！唔錯！佢個黑糖包好正！仲要係有整熱架D包！好好味！之後想介紹一下個雞肉墨西哥餡餅都真係唔錯，佢陪埋佢啲醬料有三款！一味餸好似食咗唔同味咁好正！外脆內足料！其他意粉果戰就正常冇咩特別啦！☺️☺️

服務食品價格都很好，叫了3樣菜，很好吃，當天book 2位晚餐，環境很好，不太多人，唔迫，可以傾計，唔嘈，店舖有特大台可供十幾人一齊進餐，空間感很大，服務員有禮貌。

之前來過野玩田店食過一次，今次再帶朋友來試，依舊沒有令人失望～好味！食左芝士四重奏，又食左一個羊扒配蜜糖芥末醬，超好味超滿足朋友都讚過不停之後仲試飲特別的飲品，一杯羽衣甘藍同一杯香茅蘋果，清新特別的配搭啊！

同啲friends 食lunch...環境一流. 食物唔錯. 但有個男waiter 態度好差。影響今曰食飯心情😤. 我本人最唔鍾意俾錢買難受. 食物重要但服務一様重要. 更何況係飲食業。唔會再有下一次. 😓

呢間位於k11的餐廳，地方都比較隱蔽，要穿過店舖先會搵到又係一個gathering的好地方，無限時眼見都好多女仔黎用餐，可能因為menu打主素食，健康爲主比起食物，我覺得飲品更出色，有多款果汁蔬菜mix成的，而飲品係店外即叫即整，如果經過，不想用餐而又想飲下健康飲品的話，可以係外面買杯黎試下食物方面選擇亦好多，別具特色上菜速度亦很快我已經係第二次光顧呢間餐廳了除左晚市係單點，下午佢地仲有buffet提供

之前聽朋友講野玩田店有好多羽衣甘藍既食物同飲品，對一向追求健康既我緊係要去試試啦。帶子海膽意大利飯呢個飯佢唔會有好濃烈既海膽味，對於我老闆黎講就岩岩好，因為佢食唔關海膽，反而我覺得一般般。芝士磨菇雞翼呢個雞翼好好食，一咬落去d芝士拉絲既口感好好味。羽衣甘藍pizza第一次食羽衣甘藍，原來就係咁既味道，pizza上面鋪滿芝士，再搭配清新既羽衣甘藍同埋肉腸，好食。

前文提要：靚女卡文約咗我去The One影美少女戰士卡通人物，殊不知食完lunch後，我哋先至知是日商場搞咗個「李佳芯x連詩雅」明星嘅「月光傳說」活動，影相開放時間順延至下午六點後！我哋唯有將book好嘅晚餐時間改為8點啦7:30pm影飽相，起程去K11嘅「野玩田店」。幸好餐廳人客唔算太多，我哋才可以早啲入座。排隊影相排到又攰又餓又渴，即刻食個餐包飲番杯水先再講...黑松露炒農埸雞蛋酥盒農場雞蛋入口滑嫩，蛋味十足，加入黑松露醬後，更為味美。酥皮好薄但唔夠酥脆，唯一優點係會食完都唔覺得漏。蟹肉美國露筍濶條麵我哋好鐘意食濶條麵但從未見過及食過呢款超濶型。初頭有點擔心，諗住麵條咁濶嘅，會不會影響口感㗎？！勢估唔到入口煙靭，配以香濃嘅蟹肉白汁，令人難以抗拒。辣肉腸pizza香脆薄批，少少辣，比較鹹。隔離枱叫咗碟帶子海膽汁意大利飯，狀甚吸引，下次要來試試

呢日午餐好想食沙律菜清清地，所以選擇咗K11呢間野玩田店。呢間餐廳坐落於K11 2樓K11 Natural入面，行到最入就見到！呢間野玩田店被介紹為一健康食店，所用的都為本地有機蔬菜，每日新鮮採摘咁話。一於等我去試下先！餐廳入面都是木制家俬，而且自然光充足，感覺到大自然好簡約好舒服呀！眼見沙律吧的食物還好，就先點左set A自助沙律美食吧（$118），跟餐湯，麵包，咖啡或茶及甜品。點完餐店員會馬上為你送上餐湯同麵包。麵包味道正常，一個餐包咁，一個芝麻包，呢個係兩人份量。餐湯…好難飲。係個隻白汁麵撈呢，加完奶都未調味就上枱，飲到麵粉味，真係好難飲。飲左2啖放棄左。黎到自助美食吧，有不失不過嘅麵包布甸，好食嘅泰式甜酸汁雞翼，唔脆嘅薯格，正常嘅蒜蓉炒雜菜。雞翼最好食。沙律菜方面有羅馬生菜同埋雜菜，有水果盤。沙律嘅配料有紅菜頭，芝士，提子乾，番茄。羅馬生菜算新鮮，但沙律雜菜就唔係咁得，好多都黃黃地，唔新鮮，真係夾唔落手。另外仲有粟米粒，橄欖，雜果沙律。有火腿拼盤，燒雜菜。最後有啲細細碟嘅，有芝麻醬豆腐，吞拿魚酥皮，秋葵，蜜柑，甜黑豆。小碟樣樣都唔差，幾好食。淨係沙律吧都食得飽嘅，所以最後我哋都

行過見門口menu以健康食材主打，所以打算一試，點知一入門口就俾waiter叫「喂！」，我同男朋友呆左，個waiter原來問我地幾位，咁我地回應「兩位」啦，個waiter冇回應而我地剛剛俾人喝停，咁我地都好理所當然咁企係原地等入座，點知兩秒後佢大聲回應「呢到呀，入得啦」🤷🏻‍♀️入到去叫完first round想由pizza轉pasta，前後不到5分鐘，由叫左位waitress佢話幫手睇睇再覆，但等左陣冇人應我地都估緊個pizza可能已經整緊，直到我同男朋友想落埋野飲個陣，再叫左另一位waiter順手問埋佢岩先個order轉左未，個waiter先話「個個幫你跟左啦」🤐我地傾住偈等左15分鐘但冇人覆我地轉唔轉得... 唉算啦.. 食到最後，淨返半條魚同杯野飲，本身都諗住食埋飲埋30分鐘內會走人，因為個陣都10點啦，點知不斷有waiter/waitress走黎問我地重要唔要條魚，係15分鐘內問3次，老實說我收工都係想好好地食餐飯姐，明明寫11點收舖，但10點幾已經清緊場又係咁問客要唔要收左d碟佢，樓面此舉同趕客無分別。有時候客人黎食唔單止講究食物質素，服務都好重要，我感覺今次同去深水埗愛打冷

又再到野玩田店，和朋友聚會哩間真係唔錯既選擇，因地方坐得闊落，坐得舒服食物今次食咗煙三文魚闊條手造意大利麵：闊條麵，真係好闊哦～隨時可以用刀叉食哦～又夠口感，唔會好淋，醬汁又唔會好濃或太咸鮮青檸烤焗海鱸魚配巴黎牛油汁：個魚好嫩哦，同唔會焗到乾晒，唔點汁都好好味，配菜都焗到好好味，都係唔會有柴皮感香草燒美國野雞：雞仔細細都好嫩，唔會好肥「食雞有雞味」野玩四季雜錦pizza：薄pizza，脆口，食兩件都唔會好漏芝士蘑菇釀雞翼：哩個真係最驚喜，最好食，上枱時係熱辣辣，要放一陣先可以食，芝士濃再配粒粒蘑菇，真係食一隻係唔夠架！

朋友識一位大廚在野玩田店，於是乎去了尖沙咀K11的在野田店，它的餐廳地相對而言頗為偏僻，如果不是特別為意，未必能夠發現餐廳的存在，因為我也是因為朋友的帶領才發現原來這裡藏著一間餐廳的。 大廚朋友親身幫我們落單，對他推介的美食當然照單全收： 芝士蘑菇釀雞翼：酥炸的雞翼融入細滑柔軟的芝士，口感輕，味道較淡，印象中，好像沒有食出芝士的味道，肉質倒是夠酥脆。 田園南瓜海蝦意大利飯(轉帶子)：大廚知道我們不吃蝦，特意將海蝦轉為帶子，心思果然細密，我喜歡吃南瓜，不過南瓜混入飯中卻不太吃得出甜甜的感覺。 野玩藜麥田園沙律：主題沙律不得不吃，甚有田園風範，非一般的沙律。 菠蘿梨甘筍：夠甜夠健康。 森林主題甜品：吃完以上菜式都頗為飽，大廚朋友問我們還吃不吃得下去，當然答他無問題啦，所以才有如花似蝶的森林主題甜品，十分好味，想起都再次流口水，不過我在餐牌內沒有看到這甜品，如餐牌有，定是必吃之甜品。

朋友聚餐選了這間…可能各人口味不一，整體很一般，與價錢不成正比。首先餐包竟然有水淋左(睇圖就明)個味ok嘅，蜜糖味香但口感好差…係會食到好淋有水那種; 飲品叫左藍莓x榛子x疏果混合($6x) ，無咩味…唔太好飲或正是原味？？(但我自榨過果汁…都唔會咁無味) ；番茄分子料理莎律…泥麥ok, 但番茄唔見得好味左好怪，寧願食返番茄片；其他飯+面份量唔多，味道ok...但又未去到好好味落樓每位都成$200,覺得唔太岩較食慣中菜嘅人？雖然我都會食西餐…