野玩山店 (已結業)

露營這項活動，實在離筆者太遙遠... 但想及家中細細，相信很快也要重上裝備，再次體驗一番！在這之前，左思右想也需要更新一下有關的知識與認知。最近在公司附近開設了一間新餐廳，以露營野餐作主題，正好是一個好機會觀摩一下。餐廳以露營野餐作主題，營幕繩索這些用品固然不可少。店內裝潢主要以深色原木製作，配合能放於營釘上的小燈、遠足用的水壼及地圖造型的餐牌，確實予人一種野外原始之感。在餐廳的一角，放置了攀山專家鍾健民先生曾用作攀上珠峰的衣著用品，強化了餐廳的主題氣氛。 午市有五款套餐可選，除自助沙律吧及主菜外，更附有餐湯、甜品及餐飲，百餘元一位的價錢都算合理。自助沙律吧除了有爽鮮的沙律菜外，也有多款冷盤小吃，當中的火腿及香辣小多士味道不俗。除了冷盤，亦有四五款熱食可選，香草腸仔及芝士薯塊是筆者喜愛的小吃。餐湯是西蘭花湯，湯汁質感稠身，菜香普通。珍珠醋海蝦帶子是散點小碟，主角帶子味道較淡，縱有珍珠醋的清新酸感提味亦幫助不大。海蝦味道比帶子好一點，至少食味結實帶甜。其餘伴菜以味濃的火箭菜為主，另搭上數件清甜的無花果，整體造型天然原始。主菜燒烤春雞，以細小嫩雞製作，肉質上理應有一定保證，但未知是否以燒烤

周末想同朋友找間餐廳傾計，我朋友建議去something wild！餐廳以camping為主題，放滿露營用品，又露營車又帳篷，環境氣氛都好好，好似一大班朋友去露營咁地方大，環境又舒服，好適合一大班朋友傾計 Camper's Salad (3☆/5)個salad有點普通，但勝在夠大份，成班人share都幾好 (2人份) 荷蘭海鮮薈 (4☆/5)好好食! 但有點貴同份量小 :/ (3-4人份) Short Rib (3.5☆/5)雖然切到有點累，但都幾好食:9 個ribs比較細，4個人不太夠食餐廳都幾適合一大班朋友gathering，環境服務都不錯，大部分食物都分2人份/3-4人份/6-8人份，但如果食物份量再大點就更加好啦;)

之前經朋友介紹才知道有哩間鋪, 在灣仔英皇中心, 其實地點唔算遠, 但可能因為無乜人識, 所以無乜人去過. 間鋪勁大, 可以包場黎開大PARTY都仲得. 餐廳佈置好精細有心思, 全部都係用行山有關既野, 包括枱面用露營用的熱水壺, 杯係露營用的鐵杯, 牆上又放左D爬山蠅等等. 都係行山友鍾意既野! 我估老闆可能想將哩度佈置到好似上珠穆朗瑪峰前既營地大本營咁叫左2個all day breakfast, 份量連我係女仔都覺得少左D. 可能天氣凍, D野食都凍得好快. 杯LATTE就幾好味, 幾滑, 但都係凍得好快哩度野食種類唔算多, 但勝在地方大又多枱, 如果成大班人想搵個地方吹水聚舊, 哩度係好選擇, 因為應該唔會吹你交枱趕人走. 見到好多鍾SIR既相和CERT, 以為間鋪係鍾SIR開既, 原來佢係ADVISOR. 哩度佈置得咁靚, MENU又設計得靚, 新年仲送左D得意揮春, 我係都係後生仔開既鋪喇雖然野食普通, 但絕對適合大夥兒吹水聚腳點, 同埋如果想感受露營FEEL但又怕凍, 黎哩度都可以扮下野頂頂癮!

本來好興奮咁諗住試下呢間用露營為主題既餐廳，點知換來失望兩個字....2:15分入座㸃菜，間餐廳都幾大但人唔多，得幾枱客。等等等...唔明點解人唔多都要等到3:00 先上菜，餓死我😡（經理先生都好有禮貌咁係呢45分鐘內道歉，問我地要唔要多啲餐包同話可以請我地飲杯咖啡/茶）伏特加腸長通粉份量少，味道普通如一般茶餐廳荷蘭海鮮雜燴海鮮完全唔新鮮，隻蝦啲肉梅梅地，味道非常一般每枱都有個暖壺裝住啲熱水，我倒左落佢隻露營杯，隔左陣飲有陣鐵銹味我滿心歡喜咁特登坐車去灣仔試，但整體唻講唔太滿意，又唔算平，有好多改善空間。服務態度好好，亦都睇得出老闆其實好用心，但食物處理上未夠功力，要加油喔！

同朋友兩個人黎試下呢間新開張餐廳的午餐，新裝修的坐得幾舒服。先有自助salad bar, 小小地一個範圍但其實都幾多款式，有湯, 餐包, 沙律菜, 腸, 雞, 螺絲粉, salami, 生果等等。最鍾意個蜆肉湯唔太杰同埋真係啖啖蜆肉，飲完都唔會太飽食唔落main course，生果都好甜。我冇仔細睇個menu但朋友話可以淨係食個salad bar都得，我本身細食所以我諗都會夠飽，下次可以試下，我今次個salad bar都有啲嘢冇食到。Main course 叫左牛扒同煙三文魚扁意粉，個牛不過不失，意粉個蓄茄忌廉sauce酸酸地但又有忌廉香味我好喜歡。個餐又有甜品同咖啡，加錢叫了mocha，拉埋花，啡味夠濃，好睇又好飲，呢餐食得好飽﹗最後一讚係個service，店內好多waiter即叫即到態度好好，同埋每一枱都有個暖水壺俾你自己倒黎飲，唔洗下下叫人加水，暖水又對身體好啲，好體貼﹗

去過啲日本野外主題餐廳諗住香港有又黎食下，估唔到出哂事。沙律吧配主菜combo,但個沙律吧一開始已經大排長龍，啲嘢食fill唔切，輪到我時得番沙律醬同幾條菜，睇到都無食慾。有客人投訴，個老板話出緊出緊，完全唔掂。算！諗住食個主菜食飽算，叫左青醬鮮蝦意粉。個意粉黎到好細，啲意粉碎既，蝦無味，唔知食緊乜。差。朋友叫左個檸檬魚同樣細條到得啖風。又係唔好食。唯有又再出去排隊搶食，等了又等。好彩我食飯時間鬆動，唔係都唔知食左咩落肚。終於等到有啲腸同牛肉粒黎。但凍既，味道唔好。失望。以咁既價錢，唔需要去呢喥食。無下次