醉辣鮮 (天空之城)

营业中

休息中

今次黎到元朗錦田天空之城享受晚餐，驚喜發現一間性價比勁高既海鮮餐廳，由心底覺得抵食！每位$298 人氣龍蝦餐餐廳門口有好多唔同種類既新鮮海鮮，龍蝦、肉蟹、鮑魚等等都可以自己係水箱入面挑選，有得自己挑選既海鮮份外有信心！然後自己夾完，餐廳會有專人即埸幫你洗乾淨啲海鮮，真係一粒沙都食唔到！每款海鮮都非常鮮甜有彈性！每份海鮮都有個指引教你蒸幾耐，就算有咩問題啲店員都會好熱情同細心幫你處理啲海鮮！龍蝦蝦肉非常彈性，蝦膏膏汁非常多，完全新鮮。肉蟹蟹肉飽滿鮮甜，蜆肉份量都特別多，成個餐既海鮮都會發現餐廳豪爽一面！驚唔飽仲有生菜時蔬任夾任食，拎啲海鮮精華蒸個粟米都覺得份外香甜！個重點精華就係在於蒸完海鮮鍋底下既粥，真係吸收所有海鮮既精華，仲有豬骨一直煲住好好食！同埋特製蒸鍋真係完全唔怕個粥底會燶同黐底。整體黎講298蚊一位食到咁靚咁多既海鮮真係好抵，好適合一家大細三五之己搭車入黎享受！

是日去了錦田食粥底火鍋$300左右就可以食到龍蝦肉蟹套餐可以自己挑選完龍蝦鮑魚個啲一大個海鮮拼盤就會送過黎了🤤•紅棗杞子蟲草花蒸雞雞件又滑又入味 時間蒸得岩岩好仲附上老火湯 自己煲架😆無味精仲有滑嘟嘟既溫泉蛋•肉蟹 龍蝦 生蠔 蟶子 鮑魚 海蝦 扇貝 沙白 花甲 蜆龍蝦鮮甜仲好多膏 到蒸扇貝個陣 職員仲教我地整左個蒜蓉粉絲一齊蒸 粉絲吸收晒海鮮既鮮味 好出色另外每隻蜆入面既蜆肉都係超級Juicy 同肥美 無沙 亦都非常新鮮每樣海鮮都有時間參考 所以一定唔會蒸到老晒☺️• 粥底火鍋其實食晒海鮮已經非常滿足同飽肚但當然要食埋個海鮮粥！有豬骨 芋頭 南瓜 由一開頭就吸收蒸海鮮既精華 好鮮味😍• 桂圓桃膠糖水到最後仲有甜品 真係撐爆肚皮咁走！

今日去荃灣西探朋友，朋友話去錦田食飯，我話「吓！咁遠？」不過原來坐巴士都只需半小時。專登入錦田是要食海鮮蒸鍋。我們叫了每位$418的「肉蟹放題任捉任食套餐」。餐牌上還有些不到三百元的選擇，不過就只有半隻肉蟹，覺得還是任食抵些。食完就知道我們的選擇無錯，因為我們每人各食咗3隻大肉蟹，每一隻都多膏厚肉，新鮮甜美。除了肉蟹和貝類任食外，套餐還包括其它海鮮，基本上一坐下就無停過嘴。流程是這樣的：首先選好食哪一款套餐，然後按套餐上的海鮮種類去出面的水池自己捉，捉完交給店員處理。之後返回座位享用老火湯（我那天是椰子煲雞）和溫泉蛋。蒸鍋已蒸緊紅棗杞子蟲草花蒸雞、小龍包和蟹柳棒，食完就可以蒸海鮮了。餐廳有一張「蒸熟最佳時間表」，照跟就可以，店員也不時會過嚟幫手。店員還對我們說「加油！食多啲！」好搞笑。任食的海鮮食完可再出去夾或叫店員代勞，此外還可自取各式蔬菜、菇菇、蒜蓉粉絲和調味料。我用蒜蓉粉絲來蒸元貝及蟹蓋，非常惹味。最後，還有海皇粥底和糖水。粥底吃不完可以打包回家。蒸鍋又快又夠熱，所以是蒸鍋等人，加上不限時，可以慢慢食，食得暢快和舒服。聽朋友說，到假日還有現場樂隊表演，可以一家大細帶埋狗仔來食海鮮

一開頭經過以為這間是酒家來的， 因為門面有很多大大的魚缸， 仔細看了一下menu 才發現原來是一家吃粥底海鮮的餐廳來的。 店裏有很多已搭配好的海鮮套餐， 我就一人選了一個不同的套餐我呢就要了一份人氣龍蝦海鮮餐， 龍蝦有半隻，肉質彈牙不會霉霉爛爛。 沙白係我既最愛， 每粒都好飽滿。 鮑魚和蟶子各一件， 還有半隻肉蟹。 298 吃到起碼11種的海鮮cp 值很高而另外一個套餐就是醉辣鮮海鮮餐， 對比試面那款這個就是沒有了龍蝦和肉蟹， 其他的貝殼類海鮮基本上都齊全。 這間餐廳的蔬菜是任吃的， 我最中意粥底加南瓜很好吃

=  =  =  =  =  =  =  =  =  =  =  =  =  = 💬 總括: 魚池親手捉活，好玩蒸海鮮環境：★★★★☆ | 味道：★★★★★服務：★★★★★ | 抵食：★★★★☆———————————好多朋友都介紹天空之城多野食今次同親愛的渣車過去平日晚渣車去，架車停正係餐廳門口落雨都唔怕- 醉辣鮮主打海鮮蒸氣火鍋有好多套餐選擇Order咗218蚊套餐樣樣活海鮮都有得試-我地個餐有2隻蠔同鮑魚落左order之後就可以去門口魚池揀自己食材之後交比廚房處理-店員放底個粥底鍋教埋點計時望下鍋入面有豬骨、瓜菜上層就放一陣要蒸海鮮每樣海鮮都有教蒸嘅時間蒸爐嘅使用方法好簡單-▼ 是日靚湯、溫泉蛋套餐每位都包括前茶 + 足料靚湯日式餐廳會用溫泉蛋作為前菜估唔到係醉辣鮮蒸海鮮都有碗湯湯料充足，入口味濃唔覺有味精-▼ 杞子蟲草花蒸雞店員建議第一步先蒸雞雞件已經醃好仲有木耳蒸好嘅雞肉入味肉嫩味鮮-▼ 蒸海鮮海鮮拼盤上枱有埋我地頭先活捉嘅海鮮食緊蒸雞同時就到蒸海鮮有元貝，聖子，飽魚，蝦每款海鮮都好新鮮就咁蒸完味道好鮮甜彈牙過程期間店員好主動服務及提示蒸海鮮方法亦都會幫手調配蒸海鮮調味汁(金銀

🚗揸車郊遊去到 #錦田 #天空之城 見到地標 #大黃鋒 嚟到有好多餐廳 搵好西食😋 而且仲要泊車方便 呢樣好重要😉旁邊有間門口有好多魚缸 以為係果啲酒家😂原來係食 #粥底蒸海鮮 正😍😍佢地有唔同套餐 配有唔同海鮮份量我地就揀咗 $298 #人氣龍蝦海鮮餐 份量睇相睇menu 啦😂😂 主要每客多咗肉蟹同龍蝦各半隻首先每人一碗 是日精選老火湯 #五指毛桃海底椰雞腳湯好香海底椰味 夠哂濃郁 足料老火湯👍🏻然後等食前 店員會寫張紙仔 話你知捉咩同數量叫你出去魚缸自己捉返自己嘅海鮮 🎣捉完返嚟就可以準備食啦🤤🤤當然 會有專日幫係洗同砌啦🤣🤣一開始會先嚟個 💁🏻‍♀️#紅棗杞子蟲草花蒸雞好好味 時間剛剛好 所以啲雞好滑啲蟲草花都好入味 可惜量有限🥺#溫泉蛋 加咗啲蔥花 好滑 啲蛋白好似豆腐咁滑接著落嚟就係 #蒸海鮮 啦😍😍各式海鮮都好新鮮😋😋而且好貼心 會有張牌提你不同海鮮蒸嘅時間💁🏻‍♀️當中 #龍蝦 🦞 好多膏 好肥美 又鮮甜 雖然係 #肉蟹 但都唔少膏🤤🤤（由於 掛著食 其他海鮮都唔記得影相😅 不過真係樣樣新鮮 所以唔需要調味 食返不同海鮮嘅鮮甜味🤭🤭）另外 出面有個自助蔬菜吧 任食 有瓜 有菇

朋友推介，開車嚟呢度食，車位唔多，有好幾個套餐選擇，價錢算合理，每樣海鮮都有指引需要蒸幾耐，一開始有蒸雞，之後按自己喜好蒸海鮮，除咗蜆同生蠔唔夠新鮮，其他都非常好

平時見到人推介已經好想去試, 咁啱朋友搵我食飯, 又有揸車就捉左佢去試!餐廳門外就有位可以免費泊車好方便! 我地揀左個肉蟹放題 - $418餐, 包括有生蠔, 扇貝, 鮑魚各1隻, 海中蝦2隻, 最正嘅係蜆及肉蟹，係可以任食!揀完餐後我地就出去水箱揀海鮮，呢度可以自己撈部份套餐指定可食嘅海鮮，睇中邊隻揀邊隻，好好玩又新鮮～揀完後就比師傅處理好就拎返比我地蒸😋😋餐廳職員好nice，好主動幫我地蒸煮枱面上嘅食物同埋介紹出面自助區可以拎醬料同埋可以夾時蔬，係任食嘅～等食物熟嘅過程中就可以食住套餐上包左嘅溫泉蛋同埋湯， 溫泉蛋煮得啱啱好同埋佢係用左日本蛋嚟整，一啖啜入口，好有蛋味同埋好嫩滑～正！🤤🤤而老火湯係椰子雞湯，飲落椰味超重，飲得出係落足料去煲同埋無落味精，超好飲！食到咁上下啲肉類都熟啦，職員幫我地先蒸左紅棗杞子蟲草花蒸雞，jumbo彷蟹柳同埋小籠包先，雞好滑好JUICY～然後就到主角海鮮啦～元貝有成隻手咁大隻；蝦又大隻又彈牙； 蠔好肥美飽滿； 蜆無沙； 鮑魚好新鮮； 估唔到任食嘅肉蟹都好肥嘟嘟，好多膏又好多肉～ 最最最緊要係全部海鮮都好新鮮又鮮甜！ 海鮮方面嘅質素實在令我好驚喜！😍😍食

有朋友提議去元朗錦上路站附近嘅醉辣鮮餐廳聚餐，由於我哋二個人都並不大食，於是點了個人氣龍蝦海鮮餐來食，個海鮮餐一人份糧有是日精選老火湯🍲、溫泉蛋🥚、龍蝦半隻🦞、日本元貝一隻、肉蟹半隻🦀 、蟶子一隻、鮑魚一隻、本地生蠔一隻🦪、海中蝦二隻🦐、沙白、花甲及蜆各一份、時蔬任食🥗，又有海皇粥底及甜品。原來佢嘅份量都好充足。首先，龍蝦、蟹及蠔都係自己去魚池自取的🎣，這個好好玩，可以挑戰自己眼光去選大隻啲嘅海鮮，食客又可以互相互動，好有趣味。🤪啲海鮮真係好新鮮，根本就原存吾使加調味料，都可以食到海鮮的鮮味，始終係生生猛猛在魚池捉上嚟，一定新鮮甜美，值得大讃。而且侍應嘅服務非常好，態度親切有禮，令人食得好舒服。食物嘅質素及份量都好好。😋😋😋餐廳安排窗口坐位不算擠逼，與鄰枱距離都有空間，並不嘈雜，我地可以閑適傾計，四圍環境也很舒服。這餐食得好開心。下次再來一定要留啲時間去行個市集。

要吃到海鮮嘅鮮味，最好就係用來蒸，今日朋友帶我去錦田一間主打蒸海鮮嘅餐廳晚餐，一入門口就見到幾個大水缸，分別有唔同嘅海鮮，有龍蝦🦞、蟹🦀、蝦🦐、鮑魚，可供客人可以自己揀海鮮。醉辣鮮海鮮餐($218)🦐我哋叫咗最Basic嘅海鮮餐，所有套餐都包左個湯，今日係五指毛桃煲雞腳🐔，仲有溫泉蛋🥚。海鮮就有日本元貝🇯🇵， 鮑魚，本地生蠔🦪，紅棗杞子蟲草花蒸雞🐔，聖子，海中蝦🦐，沙白，花甲同蜆。有個自助蔬菜區，選擇都幾多，另外仲有粉絲同埋蒜蓉可以任取，加落去海鮮度蒸真係唔錯。粉絲加蒜蓉就咁放係蔬菜上面蒸已經好好味，忍唔住吃咗兩大碗😆。蒸完海鮮當然要煮個粥底啦，裡面加咗南瓜🎃同芋頭粒，仲有海鮮精華係粥到，夠鮮味!套餐海鮮好足，加埋吃咗好多菜，最後仲有每人一碗芋頭西米露送，好滿足!

疫情之下都小左外出食飯而家喜歡去餐廳比較寛落既地方食飯所以上網搵到天空之城 位於元朗錦上路地方比較偏僻😂餐廳大 服務員帶位介紹餐牌我地揀左$298 揀完服務員就會俾張紙仔 話去捉海鮮😂今次真係自己海鮮自己捉 又有得玩😝中意邊隻就捉邊隻魚缸好大住左好多海鮮係裏面 不過捉時小心 唔好亂黎整死佢地☺️款款海鮮都活躍 蠔個殼都脹卜卜龍蝦🦞蟹都大隻揀完就可以周圍行下再翻位 佢地設有蔬菜，粉絲 ，醬油自助可以加入海鮮到蒸提升鮮味 行完揀曬 真係可以翻位店員會在你捉海鮮時準備好爐放左d蟲草雞蒸左先 等佢d汁滴落煲粥到🥰所有既海鮮都洗得乾乾淨淨賣相都唔錯蠔都大大隻☺️ 首先放左d蕃薯蒸先 因為d蕃薯好難熟其次就放自己中意既海鮮 佢地都有教那款海鮮蒸幾多分鐘不得不讚蜆同花甲 雖然細細粒 但重點係無沙 最怕食到有沙浪費左不過聖子都有小小沙 蟹同龍蝦都啖啖肉 美味鮮甜粉絲係任加 蠔同聖子加粉絲 蒜蓉正 蒸好曬d海鮮舊蕃薯熟啦 粉粉地又入味 好食👍之後可以食埋煲粥同甜品店員話粥可以放炸米 脆脆地又好食粥入曬海鮮汁味 好鮮甜煲粥食唔曬重可以打包👍👍唔洗浪費最後係食到好飽好飽 肚都脹埋😂😂😂

位於元朗天空之城附近有間大熱海鮮店係海鮮友必食😍由錦上路站搭的士去$30有找，揸車嘅朋友仔仲可以免費泊車，都算方便🫶🏻逢星期六，日仲有live band唱歌🎤聽住歌食嘢特別chill 🎉一到餐廳店員細心解釋每個細節之後就可以自己出去揀海鮮，揀完旁邊仲有得洗手👍🏻夠衛生食海鮮最緊要新鮮，呢度每樣海鮮都係游緊水，好生猛。而且蔬菜，飲品選擇都好多，汽水啤酒支裝定draft beer樣樣齊 🍻 最貼心嘅係，一坐低就有老火湯飲真係冇得輸，想一讚嘅係，店員勁貼心，無時無刻都會落場係旁邊指導同幫手蒸海鮮🥰當我哋食到扇貝嗰時，店員會建議加粉絲同蒜蓉一齊蒸，講完轉頭仲幫我攞過嚟添🙈超讚👍🏻呢度嘅蟹肉勁鮮甜，大隻又多膏。大蜆，沙白同花甲估唔到冇沙又有海水味，重點係可以任食🤤除此之外我地嘅肉蟹放題套餐仲包左蒸雞，小籠包，蟹柳同生蠔，而蔬菜亦都係任食架🤩最後個精華👉🏻粥，真係超足料，有芋頭、蕃薯、豬骨，杞子，粥底好綿，又入味🤤埋尾仲有個糖紅棗圓肉桃膠糖水，足料又清潤，好正🤭臨走見到隔籬枱啲牛肉都好新鮮好靚，下次一定要再嚟試吓先😛

元朗錦田好玩抵食海鮮宴，店舖位於天空之城，CP值超高，仲比你自己簡海鮮！超新鮮勁靚既蝦，師傅仲會幫你開埋邊！生猛蟹仔！大大杯益力多沙冰除左海鮮，仲備有唔同野菌蔬菜😗

朋友介紹有一間喺元朗嘅蒸海鮮店做得非常出色，而且泊車方便，車位充足，只需要$40就可以泊兩小時。今日終於有機會去探店，餐牌有分任食或是餐，其實餐都已經好豐富，但難得入到嚟，當然要任食！食個夠！😂可以提一提，飲品係需要額外購買，視乎自己覺得需唔需要喇～個環境亦都好有氣氛，每一枱蒸起一輪嘢都會響BB聲，個場都已經差唔多full house,所以BB聲輪流響，感覺十分得意😀侍應第一時間會奉上湯、溫泉蛋、蟹柳、小籠包、紅棗杞子蟲草花蒸雞同我點嘅飲品～整張枱都放滿嘢，感覺已經非常豐富☺️雞件非常厚肉，而且嫩滑入味。海鮮方面，去外場既魚缸揀選自己套餐內包含嘅海鮮，每一隻都可以自己挑選，絕對新鮮好玩！之後可以交低俾師傅，洗乾淨、處理好就由侍應送上，見到呢個海鮮拼，盤簡直賞心悅目！新鮮捉新鮮食，食海鮮最緊要食到鮮味，呢度完全符合到呢個條件！我仲特登為咗呢一餐飯，帶咗私家拆蟹神器過嚟，真係事半功倍！在場嘅店員仲教我哋攞粉絲同蒜蓉整粉絲蒸元貝！非常nice!最後，經過無數海鮮洗禮嘅粥底，鮮甜味不在話下，加上南瓜、芋頭、豬骨既助攻，簡直係完美！之後仲有甜品，劃上呢一餐完美嘅句號😊

💃住錦田的朋友推介, 價錢平而好好玩, 因為有好多個大海鮮缸比自己去親手揀海鮮, 鉗自己想要的, 正! 不過蝦、龍蝦會跳嘅我就唔敢鉗喇, 鮑魚、蠔嗰啲都可以嘅! 🤗餐廳好貼心, 每一種類海鮮、肉類、蔬菜等都有清楚指引蒸煮時間, 唔怕海鮮蒸過籠, 變得又老又硬! 🤤第一次試餐廳, 來個簡單的海鮮餐 $218 ~ 老火湯、溫泉蛋、紅棗杞子蟲草花蒸雞、日本元貝一隻、鮑魚一隻、本地生蠔一隻、大蟶子一隻、海中蝦2隻、沙白一份、花甲一份、蜆一份, 仲有任食蔬菜、菇、粟米等, 配以海皇粥底, 最後還有甜品! 🥣首先有湯、溫泉蛋及雞🐥, 猴頭菇湯好鮮甜, 平常只飲住家湯水, 呢度好可以, 好鮮甜又無味精! 雞肉好嫩滑, 醃得好入味!🦐海鮮好新鮮，好鮮甜，爽口彈牙，貝類無沙，自己親手鉗的海鮮特別讚！ 🍲粥底有南瓜、豬骨、海鮮粒、大頭菜粒等，盡收海鮮汁精華！ 🍮最後桃膠甜品，好滋潤！ 🍋特別要提嘅係飲品，必點檸檬茶，大杯到隻手都拎唔晒！