醉藥雞 (福榮街)

营业中

休息中

網上瘋傳；湯底用大量雞壳、豬骨、金華火煺熬過夜，$68大大碗排左差不多一小時，都要試下； 「砂鍋醉藥雞 配銀針粉」，熱辣辣，熱到咀起水泡，雞肉滑及嫩，藥材湯底，雖然有藥膳味，但飲下去不太濃，似溝稀了，食完不口乾 「砂鍋雞湯翅 配刀削面」湯底濃，帶有金華火腿香味但翅反而差了少少，食落有魚鯹味

如果你為左藥膳入嚟，會令你失望不過醉雞/鴿可以挽回分數最令人驚喜竟然係個雞湯娃娃菜，雖然賣$48 （比起普通油菜$18貴$一倍），但物有所值，我雞湯濃度非常好飲，大大力推介👍🏻

哇 因為限聚令令到排隊時間好長 但d野食真係值得等 叫左碗醉雞藥材米粉 一上菜 哇個砂鍋好熱 飲啖湯先 哇 不得了 好好飲 有酒味但一d都唔苦仲要帶點甜 雖然d🐔無想像中咁滑 但個湯攞曬份 我平時食麵唔飲湯 但呢碗破例 因為有酒同藥材飲到個喉嚨好熱 冬天冬冰冰飲一定好正 健康選擇 下次同多d人黎我就試下d醉牛舌醉蝦醉芥蘭等前菜😋😋😋😋😋另外要讚下員工d態度 幾有禮貌 我碗米粉整錯左 雖然我要追問我碗麵 但之後員工都要同我道歉 推介👍👍👍

今日經過深水埗見到呢間鋪都多人等，所以就黎試下啦，問佢一拎飛都要等成10張枱，好彩我地就唔算餓，所以就企係到慢慢等下啦我諗等左半個鍾左右就到我地啦入去前我地已經諗好食咩，所以一入去就落單，上菜速度正常，所以好快有得食啦我地叫左砂窩醉藥雞$68同埋砂窩人蔘雞$68一黎到就梗係飲左佢個湯先啦醉藥雞一飲，嘩好勁酒味呀但本人覺得味道麻麻地偏淡而人蔘雞一飲，嘩好勁人蔘味呀味道就帶少少人蔘既苦味，本人覺得人蔘雞個湯好味好多

深水埗福榮街除咗係車仔麵嘅天下，其實仲有好多臥虎藏龍，最近就新開咗一間醉藥雞，聽個名就吸引咗我呢隻餓鬼慕名而來。呢度主打係食砂鍋雞湯米線，另外仲有酒煮嘅小食，好多都好吸引！我就叫咗個砂鍋雲吞雞配刀削麵，因為用砂鍋裝住，所以食嘅期間完全可以保留到溫度，我相信冬天嚟食就更加正！佢嘅雞湯味道濃郁而鮮甜，雞肉好嫩滑，雲吞就有2隻，刀削麵都煮得軟硬適中，好味！朋友就叫咗胡椒豬肚雞配米線，好香胡椒味，辣度啱啱好，豬肚洗得乾淨又爽口，食完暖笠笠我哋仲叫咗個醉豬手補補骨膠原，豬手入味啖啖都充滿酒香，仲起咗條主骨，所以真係好足份量呢個價錢仲要唔駛加一真係性價比好高，我一定會約其他fd再嚟過！

【養生食療•砂鍋醉藥雞】心血來潮想食醉雞....就嚟呢間新店試下先，砂鍋夠哂熱辣辣，正😌🍗#砂鍋醉雞湯翅🍜 $68 （配米線）〰️ 成隻醉雞髀🍗啖啖肉，果然係有d翅唔下😂😂〰️𝚅𝚒𝚎𝚗𝚗重口味，加少許鹽花，雞湯十分濃郁，喜歡清淡口味可以不加！〰️由於砂鍋上，非常熱，醉雞嘅酒味都會揮發d，較適🈴️不喜歡太重酒味嘅朋友仔！🥃#招牌砂鍋醉藥雞 （煮雞酒）$68 配刀削麵〰️ 好少食到醉雞配刀削麵，所以必定一試，1d都唔輸蝕俾「山西」，有驚喜！〰️呢款「煮雞酒」有米酒、木耳、紅棗、鮮淮山，所以酒味較淡，而且仲係甜甜地，啱哂中意養生滋補嘅我❤️〰️ 砂鍋上熱辣辣，即時爆汗，但好爽，其實小公主秋冬都會咁煲俾佢補補，依家嚟醉藥雞仲方便！〰️醉雞嘅酒味會較「雞湯翅」濃dd，但怕酒味嘅都會接受到👌🏼🥃#醉三寶 🧆$52 ～ 有牛舌、豬肚、薰蹄，終於試到個酒味，唔算太濃，中意重酒味可能會有少少失望！Overall 養生食療嚟講係👌🏼適🈴️少酒味嘅朋友仔，重味嘅朋友仔請迴避啦😭😭味道：🌕🌕🌖服務：🌕🌕🌕🌕🌕📍 醉藥雞 (深水埗)深水埗福榮街103號地舖

深水埗買完野見到依間新餐廳, 有醉酒菜式同埋藥膳湯, 見幾吸引就入去食個lunch。餐廳環境無乜特別, 就係一般小店既格局, 但就企理唔算迫狹。醉鵝肝 $98見到樣好罕見既菜式, 醉鵝肝! 份量多, 酒香濃郁, 鵝肝軟綿甘香, 因此酒香非常融入成塊鵝肝, 超甘香好味。口水豬手 $48口水醬汁既麻且辣, 好惹味, 重有個驚喜係豬手全拆骨, 啖啖肉, 唔洗自己慢慢輪骨, 而且份量足, 48蚊CP值好高。砂鍋醉藥雞粉絲 $68試下佢招牌醉藥雞, 揀左粉絲, 老闆幾細心話另外比碗我先裝起粉絲, 如果唔係好快索哂湯。湯低濃香且甜, 雞係脾位啖啖肉而且好滑, 仲有好多木耳, 紅棗等配料, 粉絲索左香甜湯底, 好味份量頗多, 叫埋小食既話其實可以兩個人share。唔怪得位見餐廳都幾full下, 雖然係小店, 但食物係真係高水準, 一定會再幫襯!

深水埗食肆多 人流都好多見到有好多人專登排隊等文X車仔麵🤷🏽‍♀️難得出黎 媽媽事前做好資料搜集 話想試下醉藥雞 所以就去左試喇💁🏽‍♀️醉藥雞牆身有唔少中西合璧既碟做裝飾 大家等食個陣可以欣賞下~~調味料樽都有精挑細選 襯過咁😉呢度除左有醉雞 仲有好多未見過花雕酒料理😀我地三個試左💁🏽‍♀️醉三寶濃雞湯粉絲 ($62) (+$10)溏心蛋三寶包括牛舌、豬肚、薰蹄牛舌同豬肚都好稔身 薰蹄質地就爽爽地爸爸就覺得濃雞湯底越食越變得杰身 好真材實料👍🏽醉雞濃雞湯刀削麵 ($58) (+$10)溏心蛋醉雞份量唔少啊 幾多肉食 都幾入味~~刀削麵口感煙韌 唔錯!但試左咁多款’醉物’最濃酒香味竟然係溏心蛋😋 仲有杞子同蟲草花做toppings!砂鍋雞湯翅 配(自選)刀削麵 ($68) 砂鍋上 好處就係保持食物熱辣辣一段時間 所以爸爸試左一啖湯反而覺得呢個湯底無佢個個咁杰身!叫之前無留意有翅🙈 好彩翅既份量唔多 而且唔係靚位(一分錢一分貨喔!) 罪惡感先無咁大👉🏼👈🏼湯底仲有金華火腿絲 所以個湯底好夠味!食哂又飲哂大半鍋湯好飽😛呢間餐廳好岩鍾意食花雕酒料理既人 又或者鍾意食麵/湯飯飲埋d湯既人去如果你兩

今次專登經深水埗試試這間雜誌話好好食嘅醉雞鍋，不過又中咗伏因為真係麻麻地，先講好嘅😊拿出來嗰陣時個煲仲喺度滾下滾下!幾過癮，雞肉都好滑所以我食曬啲雞肉。不過重點湯底就無乜醉雞味同藥材味，出嚟嘅賣相亦都唔好睇，同埋啲雞皮好厚身. 😳 其他嘢唔知佢做得好唔好,不過醉雞就真係唔合格。😭 無下次

話說見人推介深水埗醉藥雞，話平、靚、正，於是同朋友去試下係咪真係咁抵食！砂鍋雞湯翅（半隻）$128不得不說呢個價錢，半隻雞，仲有翅，唔話抵都唔得！湯底濃郁，真材實料，雞肉嫩滑👍🏻但相對雞肉味道較淡，可以點啲醬油食或者連湯食醉乳鴿（半隻）$78真心頂呱呱👍🏻入口嫩滑，仲有啖啖酒香，而且仲帶一點點甜味，口感十分好胡椒豬肚雞湯面銀針粉 +$8好重胡椒味，濃郁湯底，但屬徧重口味。另因為叫半隻乳鴿可以額外配埋一碗湯同粉麵，而且粉麵種類可以根據個人喜好選擇，例如米粉、米線、粉絲、刀削麵、銀針粉、瀨粉或飯。一定飽肚泡椒豬手$48要讚係豬手基本上係除骨，食起黎超方便！一咬落去滿口骨胶原，口感相對較腍，味道唔會太辣，但略嫌唔太入味整體黎講，呢個價錢，有咁既份量同質素，相當唔錯👍🏻

深水埗離我屋企好近，所以好鍾意去深水埗搵嘢食，而福榮街食肆林立，咩種類嘅餐廳都有，而且價錢都唔會好貴，今日就見到呢一間新開嘅餐廳，以醉雞為主題，係香港好少見，所以一於試吓。《砂鍋雞湯翅》$68估唔到呢個價錢已經可以飲到砂鍋雞湯，裏面仲要有埋翅添。表面可以清楚睇到一層薄薄嘅雞油，所以睇得出係精心熬制，真材實料，重點係雞味真係好濃郁，又唔會好咸，裏面嘅雞件份量多，而且雞肉好嫩滑，一啲都唔鞋，好值得食！《醉三鮮》$95配藥膳湯&銀針粉，三鮮包括蝦、花螺、鮑魚，酒味超香，慢慢滲透，而且藥膳湯真係有當歸、紅棗、杞子、淮山、等等嘅食材，所以藥味都好濃，只不過淡左少少，整體十分不錯。《麻辣雞腎》$36辣到剛好，而且辣味好香，越食越滋味！雞腎好爽脆，令人想再encore!《泡椒豬手》$48十分推薦，豬手同樣好爽脆，完全零油膩感，又夠入味，出色！ 住得近，下次一定再黎！

一向喜歡食藥膳雞湯，今日經過深水埗見到即入去試試，主打藥膳雞，故命思意「雞」一定會靚雞，今次我們先叫了「沙鍋人蔘雞湯米線」，上菜時令我嚇一跳 份量少（就像另一款碗麵一樣，價錢仲平一點），外貌同相片差天共地（如相片），雞件全是雞胸「鞋」，但湯味濃厚夠味道，配上米線一流備註：就因全煲都是雞胸，我詢問了職員為何全是雞胸？他解釋是師父隨意斬件，下次可在落單時注明走雞胸！（經個人食客經驗雞胸必併有雞翼位置，絕不會是全雞胸），如大家不食就緊記注明了🤗

深水埗多小店，車仔麵店等等附近新開不久的養生藥膳店又吸引到我們雞鮑翅米線，成個砂鍋甘上，雞湯濃郁，仲有兩隻鮑魚，食落滑口，翅都算大塊，以$98的價錢真係唔錯，湯料仲有火腿，令到湯頭的層次提升了，我們都食得好豪。醉肝鮑好入味，鮑魚吸收了醇香的酒味，流心蛋非常吸引，蛋汁都有酒香，鵝肝片有四塊，因為吸收了酒香，食起上黎唔油膩，反而仲帶出了鵝肝的香味，除去了騷味，加$8 配胡椒豬肚雞湯，我怕辣，可以要求少胡椒，豬肚切絲，如果厚少少仲正，起初想食米線，店員建議刀削麵，麵沾上湯汁，辣辣地又暖胃，食完暖粒粒。皮蛋豆腐清清地，醬汁香甜，醉冰梨當甜品都唔錯，加入桂花突出了梨子果味，花生都好食，無油味，正

行開深水埗見到又開左間新食店中正我口味就入去試試啦藥膳湯$30 跟飯大碗煲仔上嘅藥膳湯好有視覺衝擊，仲好熱辣辣，味道都不錯，有藥材味，凍凍地嘅時候飲好有心靈慰藉嘅感覺，好舒服😌湯料有雞肉，雲耳，少量藥材，係雞肉稍稍鞋左少少，但係對得住價錢，午餐黎講都很不錯另外叫左個醉豬手$58 都幾好食，呢個酒味濃郁帶少少甜味，豬手都入味又夠爽口，送飯一流總結：價錢水準成正比，有機會會再想試埋其他野，希望疫情快啲過可以再試得到

#醉藥雞 (深水埗)新開張已經大排長龍👯‍♀️，就已經知一定有質素先吸引到咁多人。主打🌟酒糟做法、靚湯&招牌砂鍋。#砂鍋雞湯翅 (半隻雞)$128呢個價錢有一大砂鍋，😻絕對超值。 ✨砂鍋可以保持溫度，熱辣辣既湯係最好飲。有足半隻雞，🐓大小中規中矩，唔係細隻既雞。翅份量比相像中多，食極都仲有，最起碼都有十幾舊。🥰雞湯香濃帶小小膠質感。🧏🏻‍♀️好岩女生得閒補一補。#砂鍋胡椒豬肚雞 配粉 $68胡椒味好濃，😚辣辣地快速暖身，驅寒一流。豬肚無異味，洗得好乾淨。靚湯配粉，🤓無論做午餐定晚餐都一樣咁正。#醉肝鮑 $88有💁🏻‍♀️一隻中等size嘅鮑魚、三片鵝肝&一隻糖心蛋。👉🏻當中鮑魚酒味極濃，頗有彈性。但對女仔黎講，酒味過重。😻最好食係醉鵝肝，用酒糟浸泡過，令到鵝肝唔油膩。帶少少酒味令鵝肝更香。😋糖心蛋又滑又黏口，都好好食。佢個辣椒油都幾香口，可以用黎沾雞肉食。