醉藥雞 (福榮街)

营业中

休息中

今日男朋友帶我黎到深水埗搵食，鋪頭標明食醉雞米線，黎到門口已經有好多人排隊，可能岩岩開，所以多人黎試一試，我地叫左砂鍋人蔘雞配賴粉，砂鍋胡椒豬肚雞配粉絲，醉三鮮砂鍋胡椒豬肚粉絲，佢地樣樣都是砂鍋上，一上枱非常熱，所以手唔好掂到個煲，係一唔方便的問題，可能我食得重味，胡椒味唔夠，湯頭的胡椒味都唔夠，所以豬肚同雞都唔夠味，但讚的是有得揀粉絲，粉絲可以吸湯既味，但又會突顯出湯唔夠味，如果胡椒夠味，成年事一定唔同晒砂鍋人蔘雞賴粉，um...都係一句個味道唔出，係有人蔘味，但唔濃，所以成件事都是一般，賴粉唔係間間都有得揀，但佢地既賴粉是非常散，用筷子是夾唔起🤦🏻‍♀️終於試到醉系列，醉三鮮，酒味非常濃非常好，海鮮都算新鮮，但花生唔夾，可以唔洗放。如果大家來食可以試下佢醉系列，其他就自行決定la

叫左個砂鍋雞湯翅米線同銀針粉😋😋熱辣辣呀雞湯好味呀雞都幾滑飲左好多湯食完好滿足呀麻辣雲耳，，好麻香好多汁唔錯幾好食醉蛋賣相幾靚好濃酒味好食...呢間野都幾抵食！唔貴

之前食過另一間砂鍋雞堅唔錯，諗住試下呢間比較下。深水埗呢間砂鍋雞款式小d，但有多款唔同小食，當晚腸胃有d唔舒服，唔敢叫麻辣小吃，唯有叫醉三寶試下，牛脷係好淋好滑，但薰碲好鞋，差少少，豬肚無乜特別，但$62一碟冷盤有d貴(因為砂鍋雞都係$68)，呢碟冷盤我個人唔鐘意地方係有桂花。講翻砂鍋胡椒雞，首先湯太多蓋過晒所有材料，第一啖湯飲落好清好水，無雞味但湯面好多油，胡椒味唔夠，雞肉係滑，不過真係無乜雞味好奇怪，銀針粉普通。砂鍋醉藥雞一樣係湯好多，味道重d不過藥材/酒味味蓋過雞味，雞肉都係滑。整體係唔差，不過湯底仲有改善空間，而且砂鍋款式唔夠多。可能我先入為主，比較之下覺得另一間好味d。

無得去澳門，又想食砂鍋翅，搵搵有咩餐廳可以頂頂癮。搵左呢間醉藥雞，唔單止可以頂癮，仲上癮添。餐廳平日都好爆場，我平日下晏六點去到，入座率已經有一半，仲要不停有外賣客。其實呢度都幾多野食選擇，而一碗沙鍋生滾麵都只需要$68蚊，價錢合理，仲可以揀7種麵底，有米線，米粉，白飯，刀麵，粉絲，銀針粉同賴粉。因為我今日係黎食雞湯翅，所以我先叫左招牌菜沙鍋雞湯翅(半隻雞)，以為半份量應該唔多啦，點知分量十足，湯又濃，翅又大大塊。湯勁足料，無味精，面有層雞油，但入口唔油膩，兩條飲得哂，一滴不漏，簡直一流。醉乳鴿我真係未試過，今日第一次食，出面好少見，乳鴿充滿酒香，好濃好入味。😋麻辣口水雞粉皮，粉皮簿，辣度適中，入口有陣勁香麻辣味。啲雞用左雞脾位置，啖啖肉。今餐真係好豐富，又啖啖肉，之後要多d運動先得。

與友人吃飯，選址她公司附近的深水埗，沿着黃金商場附近一路行走，想找一間菜式相對健康的輕食，發現一間新開的餐廳，便給予一試。店內面積不大不少，剛開沒多久晚市亦滿座，裝潢正常。餐廳主打燉湯，我們點了雞煲翅，打開煲蓋充滿豐富食材。美食佳餚，肉質鮮美，是燉湯中極品，配上米線增加飽肚感。加了酒煮糖心蛋，色澤艶麗，色若紅霞。另外，點了燻蹄豬肚自選藥膳湯飯，色香俱合，百味融於一。但米飯🍚有點生米，餐廳應注意烹調時間，整體來說不錯。如以此等食材質素和份量來說，性價比的確頗高。可回頭再吃

冇得返學，又唔好落街玩都2個月，屋企既玩具已經玩完又玩，咁岩出開深水埗做野就去玩具街望下，行到lunch時間就入左間叫《醉藥雞》既舖。感覺呢間野都好食，人流算多，同埋餐廳都係企理既，所以就試下。我平時好少去呢d舖，因為佢地主打藥膳，我對中藥麻麻地，但食完後，改觀左，藥膳冇想像中咁中藥味，第一時間係諗下次要同媽咪再黎。砂窩雞鮑翅 配銀針粉 -雞湯好正，再加埋鮑魚同花膠，真係覺得好滋補。醉雞人蔘雞湯配賴粉-其實我唔飲酒，都唔太鐘意酒味，但呢個醉雞，一黎我已經食左半，酒味唔算話好重， 雞肉嫩滑。醉三鮮（鮑魚、蝦、花螺）醉三寶（ 牛舌、豬肚、 燻蹄）醉蛋相對呢3樣小食酒味重好多，鐘意飲酒既朋友，呢個應該會岩你地。

身邊嘅朋友都有向我介紹依間餐廳，放假一於去試吓😆👍🏼餐廳幾寬闊 員工有禮咁樣招待我哋同主動向我哋介紹餐牌我哋揀咗一個雞鮑翅窩配粉絲😝同一個小食醉三鮮👍🏼粉絲超級吸收湯底！香濃嘅雞湯味令人一啖又一啖咁食☺️ 最後飲到一滴湯都冇剩🤣雞肉都算嫩滑！另外鮑魚都好新鮮超彈牙！另外小食我哋有一隻酒釀糖心蛋及醉三鮮(包括蝦、鮑魚及螺) 因為食品都好入味超有酒味！店舖嘅酒桂花同平時食嘅唔一樣，除咗有濃烈嘅酒味之餘都會有淡淡的桂花香味！真係特別🤣有機會一定會再嚟食呢間餐廳

聽聞深水埗開咗間食雞鮑翅同埋食藥膳好出名嘅麵食，所以專登試下，因為而家咁嘅疫情環境，都想食啲補補身嘅食物， 叫咗一隻醉乳鴿、砂鍋雞鮑翅配米線、醉三寶人蔘雞湯配瀨粉，同埋一隻溏心蛋。值得一讚係個醉乳鴿，酒香味濃郁及肉質鮮美，而且加入杞子同埋食得出加咗少少冰糖同桂花，所以好似有少少桂花嘅香味同埋有少少甜，唔係淨係得酒醉嘅味道。 招牌菜砂鍋雞鮑翅就更不在話下，兩隻鮑魚，三大塊翅再加三黃雞件，真係食到停唔到口， 而醉三寶分別係豬脷，豬肚同埋燻蹄，三樣都烹調得好入味同埋好淋但又有咬口，值得一試，而人蔘雞湯底真係好有蔘味，感覺上食完之後個身都好保，而溏心蛋 配子及酒香， 鍾意食蛋嘅朋友一定要黎試。總括小店雖然經營冇耐，啲嘢食又唔係貴而且份量十足，又有食物特色，我諗之後都係會好多人慕名而來。

加班工作的午間空檔時間，獨自來到福榮街，無意中見到這一間新館子，主打醉、藥、雞，見這晚有美食約會，將會大吃一頓，店內又有重料靚湯可以單點，不禁被其吸引，就入內喝碗靚湯當是午餐。店名「醉藥雞」，「醉」所指的其實是多款以酒入饌的冷盤小吃，好像「醉雞」、「醉乳鴿」、「醉蝦」、「醉豬手」等。「藥雞」則是指這兒有多款藥膳雞饌，好像「招牌砂鍋醉藥雞」、「砂鍋胡椒豬肚雞」、「砂鍋人參雞」、「砂鍋雲吞雞」、「砂鍋雞湯翅」和「砂鍋雞鮑翅」，都可以配以生滾麵，各款藥膳雞饌，價錢大多只是 $68，最名貴，加了兩隻鮑魚在裡面的「砂鍋雞鮑翅」，就賣 $98，一百元還不到，實在十分吸引。不過這天一心留肚到晚上大快朵頤的我，無非為靚湯而來，就簡單地點了「雞湯翅」（$40 連湯料）做我的輕食午餐。這「雞湯翅」翅顏色對辦，泛著亮麗的鮮黃色，湯雖不算十分濃，可也絕不淡而無味，喝來就是熱暖窩心的雞湯味道，雞肉滑，也有少許梳狀的翅針，喝過這「雞湯翅」，渾身暖烘烘的，身心都感到溫暖，飽足。其實這兒的「雞湯翅」是可以變為名貴的「人參雞湯翅」（$45 連湯料）或「鮑魚雞湯翅」（$52 連湯料）的，要是不愛吃雞湯翅，也有「藥膳湯」（

今日經過深水埗，見到一間餐廳出面好多人等，喺門口聞到陣陣嘅雞湯香味，就決定一試。叫咗半隻砂鍋雞湯翅、醉三鮮、麻辣口水雞撈粉皮。雞湯翅係成個鍋上，大約兩人份量，非常之足料，有滿滿嘅魚翅，啲雞仲依然好滑，飲晒成個湯都唔會口乾，仲好有骨膠原。醉三鮮係花雕鮑魚、花雕蝦同花雕螺，三種海鮮食落去都好爽口好新鮮，同埋浸到好入味。而我特別鍾意麻辣口水雞撈粉皮，佢個汁唔係淨係辣咁簡單，而係非常之香，食得出用唔同嘅配料炒出嚟。

今晚去咗玩具街買玩具，自然喺附近搵嘢食。呢間醉藥雞好有人氣，好多人喺門口拎外賣，於是決定試一次！餐牌選擇唔算好多，不過可以自由配搭！粉面嘅價錢好合理！我哋要咗兩碗藥膳湯麵，麵底好多選擇，我哋揀咗新竹米粉同埋刀削麵！ 加$10就有隻溏心醉蛋😋酒味都幾濃烈刀削麵好有咬口，非常之煙韌！新竹米粉好索湯，一路食一路飲埋啲藥膳湯，好滋補。醉豬手酒味比較淡，豬皮好爽脆醉乳鴿都幾肥美，酒味香濃，肉質結實見其他人食的濃雞湯底都好似好正，下次要試吓

今日同朋友去食豐富午餐🥘，走咗去深水埗福榮街103號地舖既【醉藥雞】，今日既午餐好特別，係養身食療，每款湯底用多種材料熬製，最重要無添加味精，對身體好。店員好Nice，環境好舒服，好似有家既感覺，服務仲好好添☺️🐋砂窩雞鮑翅 (砂窩雞湯翅 + 鮑魚2隻) $98 配米線呢個雞鮑翅，雞肉又嫩又滑，雞湯味濃郁，再配上2隻 肉質鮮甜既鮑魚又爽又滑，唔少得爽口彈牙夠足料既翅，仲有吸收哂雞湯既雞及米線😍😍。個湯好飲到，我成碗飲哂，一滴都冇淨😋😋😋唔揀呢款嚟食，就一定走寶啦💎🕊醉乳鴿(半隻) $78 湯底配 雞湯翅 加$8 配米粉醉乳鴿無諗過可以煮到肉質嫩滑，又香濃又好味，食到津津有味🤤🤤，當然唔少得有爽口彈牙既翅，夠哂足料，配埋吸哂雞湯既米粉，食到停唔到口😋🥚溏心醉蛋 每隻 $10花雕味好香濃，酒味滲透入蛋內，仲要夠哂流心，好滑既蛋 (我醉啦☺️)冷盤：🐖醉薰蹄 $48食到醉醉地，仲有啲甜甜地，味道好特別，肉質爽脆彈牙，口感豐富🐷麻辣豬耳 $36刺激我既味蕾，辣得嚟仲好正，豬耳勁爽口，辣得好惹味🥚皮蛋豆腐 $28呢個凍食既豆腐，手工精細，切到厚度一樣，仲有個好好味既醬汁，店員話個醬汁係油糕，再夾埋皮

今日係FB見到個post，就心郁郁想去試放工就去試試咗砂鍋濃湯雞鮑翅瀨粉價錢合理食材新鮮，雞肉好啊，鮑魚有酒味魚翅好爽口, 食到舔舔脷而且店舖的職員都好好人值得推介！👍🏻😋

這間醉藥雞主打砂鍋雞及養生藥膳，好適合在這個時候食來補身，補氣之餘又可以增強抵抗力。餐廳地方不大，枱比較細，繁忙時間都會坐得頗迫。店子細細，但餐牌款式都頗多，價錢相宜。必食的砂鍋生滾麵，大大鍋，上枱時湯底仍然在滾，每款都只是$68，濃郁的雞湯底用上多種材料熬製，味道鮮甜，有啖啖的酒香味，每個砂鍋都可配上粉麵或飯。今晚點了砂鍋胡椒豬肚雞米線，因為有胡椒關係，湯底會微辣，雞件肉質嫩滑，肉厚，份量不少。另外點了沙薑雞飯配藥膳湯，$58份量十足，藥膳湯很足料，少不了黨篸、沙參玉竹、紅棗和杞子，濃厚藥香，很有補氣補血的功效，將飯倒入便成湯飯。沙薑雞配上沙薑醬更惹味。餐廳有多款醉物冷盤供應，醉汁是用上糟滷，花雕及桂花，花雕有去腥解膩的作用，點了醉三鮮 $85 (鮑魚，蝦及花螺)，及醉三寶 $52 (牛舌，豬肚及薰蹄)，賣相不錯，浸得入味，沒有苦澀，酒香之餘有一陣桂花香。食完七點多，門口已有人龍，所以早食早享受吧。

醉藥雞@深水埗「醉」系列多數係上海菜出現竟然有間小店係主打呢樣野當然要立即狗衝去試🔅醉三寶（鮑魚、蝦🦐、花螺）吾係用平時的花雕製作有一種獨特的香味另外日常會加雞湯用湯底再加酒呢度酒的份量好多果然「醉」得童叟無欺🔅醉豬手豬手超爽脆骨已起 啖啖肉豬手去毛非常乾淨豬毛一條不淨🔅砂鍋醉藥雞（煮雞酒）熱辣滾燙的砂鍋湯麵🍜藥膳味濃黃油雞黃油滿溢雞肉軟嫩🔅胡椒湯娃娃菜胡椒湯超濃超香浸娃娃菜超一流😱飲完暖笠笠其他的湯麵都可以轉胡椒湯必叫😋😋😋🔅醉蛋飲左一啖醃醉蛋的醬汁立即醉得一陣陣😵蛋係溏心蛋酒味同蛋夾到絕😋味道：8.5/10💰消費：$70（每人）