影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
相关文章
冇食到最出名嘅醉鸡，食咗鸡煲翅同埋胡椒猪肚鸡，我哋拣咗食米线同埋刀削面，米线配啲汤好好食，但刀削面好出色，面有筋度，面侧边仲有啲波浪纹嘅切痕令到佢嘅口感好丰富。鸡汤浓郁有料，鸡肉香而鲜甜，食得出有条过少少味但系又唔会太重手。胡椒猪肚汤尤其出色，见到一粒粒嘅胡椒喺个汤度，食得出应该系喺鸡汤再煮出嚟，猪肚调味都不错，胡椒嘅辣唔系留喺个嘴好耐，即使唔系食得好辣都可以一试。店员嘅服务态度都好好，面带笑容咁样叫我哋坐低。系一间食得好开心嘅餐厅，用心制作！
继续阅读
食过几间药膳鸡米线或醉鸡药膳汤，呢间系最差一间，无论味道、卖相、速度都唔得。鸡先上枱，鸡好大旧但骨更大，无切断、小肉、酒味有点但不香、鸡无底味、内脏未清好（观感唔好），杞子同虫草花味都好淡、较欣赏佢有花生。鸡上枱好耐，差不多食完都未有米线，催促后一阵先有。 米线上枱只有少许药膳汤味，见多圆肉同药材料，估计都重味，但一食，似中汤多，有少少少许药膳味，但明显加水重煲，因为好淡口，食圆肉都系汤嘅味道，未有圆肉甜味，应该煲咗多次。 米线有ddd硬过种，还可以，但味很淡似用水煮后放入汤，枱上未有盐，啫唔系预自己加味，我都赶时间无问攞。之前食过几间，就算唔系完全好食，都会鸡/米线/汤是但有样好，但呢个无。 唯一好系，佢$60都几大碗米线，醉鸡有花生粒（我食过嘅其他店没有）唔知佢系不断加水重煲，定系浸洗材料太耐？ 大部分食材无乜味道
继续阅读
先一日见到电视有美食节目介绍呢间餐厅，第二日即刻就要去试吓。唔知系咪真系有咁多人睇电视，竟然大排长龙，而且未够8:00就已经截龙啦。好好彩等咗半个钟都冇就有位。砂锅醉药鸡🍲系间餐厅嘅招牌菜，基本上成间舖有大部份人都系叫呢一样嘢。用个砂锅装住上枱都仲系滚嘅，冬天嚟食应该好暖身好正。啲鸡嘅生熟到啱啱好，好滑好嫩口。原来啲鸡每日都系限量供应，所以虽然舖头收10:00，但系八点未到老板已经惊啲鸡唔够卖，所以截龙了。醉牛舌👅另外呢间餐厅有好多唔同嘅冷盘选择，有好多唔同「醉」既菜式。忐忑咗一轮，最后都系决定食我最爱嘅牛舌。$50一碟，全部都大大嚿，而且唔会俾啲边边角角位人。牛舌本身有轻轻调味过，再加埋自家制嘅汁，非常入味。虽然舖头入面都几挤迫，同埋嘈吵，但系食物方面真系冇得输。有机会都想再去试吓其他唔同嘅菜式。
继续阅读
放工后，最期待的就是去觅食今次黎到深水埗，香港人都知道深水埗食店非常多今次朋友带左我去醉药鸡砂锅醉鸡 $70呢个真系劲惊艳，砂锅滚住上酒香扑鼻，简直令人垂涎欲滴！🐔 鸡肉嫩滑，浸系醉鸡汤内，食落暖笠笠，真系好补身💪🏻鸡汤翅配银针粉+醉肝鲍 $100 鸡汤翅汤底浓郁，最估吾到系可以叫到濑粉或者银针粉呢类粉面，最后叫左银针粉，每一口都可以配上汤底一齐食，真系劲满足鲍鱼爽口弹牙，鹅肝吸晒酒香而且仲要有4-5片😍虽然价钱有点贵，但偶尔奖励一下自己都无妨嘛凉拌青瓜 $40清新爽脆，解腻一流！🥒 夏天食这个真系最啱，清爽又开胃！鸡丝粉皮 $48麻酱香气四溢，粉皮滑溜，捞埋一齐食，简直系味蕾的享受！🍜人参鸡汤娃娃菜 $48娃娃菜泡上人参鸡，人参鸡汤淡淡参味也不太抢娃娃菜既清甜，而且菜身，挂汤娃娃菜爽口同参鸡汤既配合真系一绝总括来讲，这间深水埗的小店真系几有水准，价钱又合理，放工来食真系可以叉足电！🔋 不过环境就有点逼，坐得有点紧，但为了美食，这些都无所谓啦！如果你想找平靓正的美食，深水埗绝对值得一试！
继续阅读
上个礼拜特别 event packed … 忙到爆，终于揾到机会为自己补一补啦！去咗间用心经营嘅小店 ，真系食得好满足！🐓我试咗佢哋嘅招牌砂锅鸡鲍翅配刀削面。砂锅滚住上枱，奶白色嘅汤底浓郁又健康，食得出冇味精添加，饮落去好舒服。鸡肉份量足足有半只，肉质嫩滑，鸡味香浓，超正！🪿冷盘小食中，醉肝鲍最得我心。第一次食醉鹅肝，口感超级丝滑，醉鲍鱼同溏心醉蛋都入味十足，完全系我嘅心水必食！🍗另外，佢哋嘅招牌药膳酒浸鸡脚都好正，中药味带少少甜，味道易入口，鸡脚吸满药膳精华，好滋补。呢间用心嘅小店，无论食物质素、服务态度定价钱都好吸引又抵食，肯定会再返嚟！
继续阅读