醉胡爐 (已搬遷) 新店位置

首次來店。入座落單後等待15分鐘仍未有職員提供水及醬料。本想向職員詢問，職員多次未有理會。最終要自己去櫃檯取熱水及後向經理反映後才有豉油及醬料。本次叫了一個火焰龍蝦海鮮鍋，頭一轉龍蝦湯味道尚可，加入蕃茄湯底後未有太大味道。前後點了兩輪食物，直至結賬一刻，第一輪食物仍然未齊。食物份量偏小，眾多食物中未見有特別突出，普通肥牛沒有牛味，豬肉拼盤尚可。服務方面差，正如上面所述，職員多次忽略本人的詢問及未有提供服務。亦多次出現漏單及出錯單情況，亦有出現職員黑面情況。環境尚可，未算太擠迫。店面衛生。食物價格偏貴，份量小及味道一般，性格比較低。總括而言，本人不太推薦及不會再來這間餐廳。

龍蝦底火鍋味道幾好，但現場所見，超唔夠人手，好難得到阿姐們d注意，加嘢飲，加火鍋料，加湯，都冇人理，要等，乜都搞好耐。一個阿姐不停重複，我幫工啊，第一日，咩都唔知啊......So？同客人講里d做咩呢？

OpenRice 訂枱上了二樓房，不是我們要求，但有私人空間很不錯！讚！但員工招呼比較差，朋友未齊所以未叫火鍋，坐了半小時都沒茶(有收茶錢的) 沒人問要唔要先點飲品小食，最後我們按鐘要左啤酒，好耐都無送到。。。有點奇怪是點火鍋料紙有兩張，差不多內容但不同價錢🤷🏻‍♀️食物係新鮮！揀左送那款火焰海鮮鍋，係龍蝦湯底，第一同二次係加翻龍蝦湯，第三次男侍應加蕃茄湯，正當大家O 晒咀之時佢話係咁㗎，🤷🏻‍♀️🤷🏻‍♀️🤷🏻‍♀️十萬個黑人問號❓同一位侍應其實本身態度都唔多好。廁所比較dirty.... 早幾日食過厚福街那間，食物一樣但招呼好好多。

一班朋友聚會，要搵處地方方便又坐得舒服，又可以傾到計。朋友就介紹咗醉胡纑。係佐孰地鐵行過去要十分鐘，尖沙咀可能更遠少少。吾方便走路嘅就諗諗。Book 咗一間房，有少少泊，不過private room 係好D，我地大聲笑都冇人見到，但隔離房係聽到嘅 😂椰子雞煲，原個椰青，煲滾先飲個湯，好甜。同時食魚刺身，生蠔，生蝦，好鮮。點解好似去咗日本餐廳 😭。帶子，牛肉都好好食，重有鮮炸咸蛋魚皮。🎉開開心心食完一餐。飽飽又吾太貴 👍

天氣轉涼，最適合打邊爐，呢間餐廳推出火焰龍蝦鍋優惠，當然諗都唔使諗就去食返隻龍蝦先。侍應首先會將新鮮嘅龍蝦炒一炒，再用酒燒一燒，跟住再用佢哋特制嘅龍蝦汁去煮。煮滾之後我哋先試咗一啖湯，龍蝦湯非常甜好有龍蝦味，之後就試一試個龍蝦肉，好彈牙好新鮮。我哋order左好多火鍋配料，例如有安格斯牛肉，鱔片，好出名嘅黑松露手打墨丸，黑松露蟹肉餃，雜菇拼盤同埋魚蓉面。安格斯牛肉好大碟，而且牛肉嘅脂肪比例均勻，雪花一般，焯一焯就熟，咬落去好冧，好有牛味。鱔片分量唔算多，但係都好爽，好好味。黑松露蟹肉餃只需煮40秒就可以撈黎食，蟹肉餃好有松露味，入邊嘅蟹肉都好鮮甜，好特別。手打松露墨魚丸非常彈，入面有一粒粒嘅墨魚肉，口感好豐富，松露嘅味道好香。食到最後一次過將所有嘅雜菇盤拼盤同埋魚蓉面放晒落個鍋度，變成一品鍋，食得非常飽，人均消費都係二百幾，又飽又好味。

老婆話想打邊爐，天氣凍。本身諗住雞煲但係見到openrice有訂座優惠，所以就訂座試下。 今日下午就打黎confirm我booking, 不過搞笑既係係電話到推介有咩優惠，要我留唔留! 其實我返緊工，連menu 都未睇下時，叫我留海鮮。係咪有D進取😅。至少我都要望下新唔新鮮。去到7點到未座滿，望下menu, 揀左幾款丸，黑松露黑魚丸，牛丸，蝦丸，墨魚丸，紫菜響鈴，黑松露蟹肉餃，雜菌藍、魚麵。仲叫左個燒磨姑同燒墨魚一夜干。因為每位叫夠200就送龍蝦鍋，咁其實侍應拎個盤上黎，上演一幕火燒龍蝦鍋！其實唔食都幾吸睛。試下個湯先打邊爐！龍蝦湯未係好濃，又唔會太淡，適中。鍋內有蜆，半隻龍蝦及雜菜。如果半隻龍蝦黎講，其實冇咩肉同埋冇膏，可能係送既關係。4款丸都好出色！最驚喜係牛丸同黑松露丸係濃味又好食。響鈴即炸好熱、如果有沙律醬配上即食仲好。黑松露餃有驚喜！個皮同平時食既唔同，好煙韌又好香松露味。（所有丸同餃可以叫半份抵讚！因為人少可以試多D)雜菌藍正正常常冇咩特別，魚麵🤦🏻‍♂️失敗了！老婆見人推介魚麵就叫左，一唧就出晒事！個開口太多，唧出黎香腸咁粗，整落個鍋到好令人食慾不振。味道好似食燒賣咁😅，可

天氣凍凍地，又係打邊爐既季節，今次聽朋友講有間幾唔錯既火鍋店，分店開到去東莞，就一於試下呢間—醉胡爐。結果令人喜出望外！我地去嗰陣係晚市，一入到去就見到好大盞波波燈，勁有氣氛！雖然話係打邊爐，但有一樣嘢食係睇到都流曬口水！就係A5飛驒和牛刺身呀！點忍呀！即刻落咗個四格湯底鍋同和牛爽下口腹之慾先。事實證明呢個飛驒和牛的確係呢度既生招牌，每塊牛肉脂肪分配平均，完全就係傳說中既雪花紋，食過和牛既朋友都知呢種牛係入口即溶！四格火鍋入面有番茄、沙嗲、清湯、麻辣，個人比較推介和牛擺係沙嗲湯底度淥5秒，咁樣就可以食到最濃厚既牛脂味，同埋一嘗入口即溶既完美口感！如果想自製口感，呢間舖提供多種醬料以及配料俾大家「溝黎溝去」，盡情發揮小宇宙溝出新口味啦！另外如果有朋友唔食牛，不妨都試下呢度既紐西蘭飼羊肉片。呢種羊肉片並冇好大陣臊味，反而有陣陣奶香，配合番茄湯底，將羊肉既鮮味激發出黎，實在愛羊人士既福音！除咗一般既烏冬同麵，仲有口感過人既薯粉！絕對唔會煮極都好似唔爛咁，啱曬啲大食朋友，唔使再驚食唔飽啦。睇真啲張menu，原來除咗打邊爐既小食，仲有大量烤物！就連日本燒烤名物—魷魚一夜干都有！我地二話不說就叫咗

呢幾日天氣轉涷, 最啱就係去打邊爐, 咁啱見胡爐做緊龍蝦湯底優惠, 就去試一試佢.去到一坐低就即係叫左果個火焰龍蝦海鮮鍋, 然後先慢慢揀其他配料。個龍蝦鍋一黎到係未有湯既, 可以睇清楚哂D配料, 有龍蝦同蜆, 份量都幾足, 之後個侍應幫我地即場炒一炒D配料,再加D酒然後點火, 就變成名副其實既火焰龍蝦, 呃LIKE一流。最後加埋個龍蝦汁落去煲一陣, 就可以試一試個頭啖湯.個湯真係好濃好有龍蝦味, 堅正.D龍蝦同蜆都好鮮甜, 淨係食呢個煲已經不枉此行.食完D配料就會再加D蕃茄湯開始打邊爐, 我地叫左個安格斯牛(小), 都幾滑幾有牛味, 份量都唔少。再黎鱔片, 都幾彈牙, 唔錯。黑松露墨魚丸彈牙得黎有少少松露味, 幾特別 黑松露蟹肉餃口感唔錯, 少少咬口, 推薦. 另外個侍應都相當貼心, 教埋我地滾40秒就食得, 抵讚! 響鈴又香又脆,FEEL到佢係即炸 炸芋頭都幾綿蔬菜拼盤(大)份量OK, 仲竟然有豆苗, 驚喜，雜菌拼盤正常,有鮮冬菇,雞脾菇同秀珍菇。紅薯粉撈住個湯底食,都唔錯 總体黎講, D火鍋配料質素唔錯, 湯底更加冇得頂, 會再返黎食!

是日係Double Dating日，去左尖沙咀行完街，就去左附近既另一條美食街─柯士甸路附近覓食，係門口睇到好多人不斷入去依間醉胡爐。我地兩pair人就係門口望左陣，餐廳提供既野食種類相當多，串燒、剌身壽司、火鍋、日本料理等等，可以話總有一樣菜式會岩你口味！甚至身兼埋酒吧，所以入面坐滿左係唔同種類既人，附近番工既人、一大班朋友聚舊同埋小情侶。今日落完雨 開始感受到冬天既氣息，當然打邊爐係我地既首選，而我地四個口味相當唔同，依到胡爐四格鍋($228)就相當合我地心水。入面有：沙嗲湯、蕃茄牛腩湯、芫茜濃湯同埋麻辣湯，而四款湯底都有唔少配料係入面，可以話係超值之選！因為肚仔餓我地就叫左串燒打一打底先，分別叫左：魷魚一夜干 ($68)、當中十分推介店家既魷魚一夜干，魷魚烤完有一陣陣既炭香味，而店家好貼心甘為我地切好一條條，方便進食，仲值得讚賞就係佢個汁！係師傅自家既配方~味道酸甜。大啡菇 ($28)，大啡菇簡直係燒烤或者焗野食既必點之物，師傅燒完再係上面灑左木魚絲，正！青魚 ($68)，青魚係比較濃味既魚，再用炭火燒完外香內軟，而入面仲好多肉汁係入面，加埋少少檸檬相當開胃。而打邊爐果面點少得食

預早咗大概一個星期Book台，可能因為天氣開始涼啦Book好台後，餐廳會提前打俾你問吓有無咩需要落定Order，海鮮，肥牛等都可以先Hold定鍋底揀咗火焰龍蝦海鮮鍋火焰龍蝦海鮮鍋 $368一嚟到見到都嘩一聲，啲料好多，佢會加少少酒，先炒一炒，呢個時候個個都拎電話影咗先炒到咁上吓，就加濃湯入去煮吓，鮮甜濃郁嘅龍蝦湯就做個開胃菜啦其他配料都好新鮮加拿大象拔蚌刺身好甜好爽口，真係個個食唔停口，可以完全唔點醬油，就咁食已經好正貝類一隻$48蟶子好大侵同好厚肉，個桂花蚌都有手掌咁大隻手切肥牛呢個係真心推介，口感好似和牛咁，係滑口，唔洗點咬架整體成餐都係好正完全值架，材料好新鮮，份量都正常，服務又唔錯

踏入冬天，一定令人回想到打邊爐。今次有幸得到朋友邀請黎到尖沙咀醉胡爐食好野。七點黎到餐廳，人客不算多所以好快就安排左入座。打邊爐最緊要係有靚嘅湯底，今次我哋就揀咗招牌龍蝦湯。令人意想不到的是，龍蝦煲配料豐富，而且新材好新鮮，店員亦會即場煮熟，再等兩三分鐘水滾就完成。店員叫我地先飲咗個湯，然後再加湯先開始打邊爐。呢度除咗有出色嘅湯底，仲有佢哋嘅配料都好高質，性價比十分高。如自家製響鈴，即叫即炸，而且大小是比平時的一倍。仲有就係安格斯手切肥牛，建議如果人少黎食，可以先叫細份牛肉，因為份量真係多，我兩人食都食唔哂。仲有依到啲手打芝心牛丸同黑松露蟹肉餃都做得好岀食，比足料用心去做，再加上龍蝦湯碌過夠哂野味。整體而言，依到以食物質素，環境黎講，性價比好高，同埋服務好好，會主動同我地收碟換碟，值得推介比大家👍🏻👍🏻

相信各位都知道我熊貓近排係尖沙咀iSquare返工。咁呢日比較夜先收工，而且天氣凍凍地，所以就諗住去打邊爐。繼上次食左銅鑼灣胡爐後，好想再翻兜，所以就去咗佢嘅姊妹鋪頭「醉胡爐」打邊爐。大家都知道我熊貓對龍蝦情有獨鍾，所以今次都係揀咗佢嘅招牌湯底「火焰龍蝦湯底」。呢度的龍蝦非常新鮮，火鍋來到時，見到啲龍蝦仲郁緊。原來呢度啲龍蝦真係新鮮，見到佢哋有個龍蝦水缸（重以為返咗我熊貓的工作地方海狗公園）呢度除咗湯底好食，佢嘅配料亦都係非常吸引。首先介紹呢度嘅響鈴，係即叫即炸，所以上碟時仲係熱辣辣，大家一定要叫！打邊爐最緊要係乜？學肥ToTo話齋，打邊爐最緊要牛肉。因為今日同熊貓妹只係兩個人食，所以叫咗個細安格斯手切牛肉（$188）。但係呢碟細牛肉，竟然咁大碟，而且唔係劣質牛肉。仲要多到我哋兩個食唔晒，性價比極級高。此外，呢個手打芝心牛丸亦都非常好食，亦都係必叫。其他配料亦都唔錯，係呢個咁旺地區，竟然有咁抵食咁高質嘅火鍋嚟緊我熊貓仲會係尖沙咀返多一個月工，你下次我會再試埋佢嘅姊妹餐廳 胡爐，到時食完再分享比大家。btw, 我熊貓喺iSquare返緊工，歡迎大家嚟探望下我，一月我先會翻返去海狗公園。

識食表妹話打邊爐食好西，所以揀左依間試試佢！火焰龍蝦海鮮鍋上檯時個鍋入面淨係得啲湯料，係真係見到有龍蝦係入面冇呃人既，之後待應哥哥會加酒炒香啲湯料，加酒時會搶火，所以真係會有火焰既效果🔥，最後再加埋上湯滾起就食得架啦。龍蝦湯就緊係要品嚐吓個湯先再用黎打邊爐啦！唔係講笑，個湯真係非常濃郁，同埋真係有龍蝦肉食的，不過個人就覺得用黎打邊爐個湯底就會蓋過啲配料嘅鮮味，所以個人黎講飲完湯之後就冇乜點用黎打邊爐。招牌鮮椰青雞鍋同龍蝦湯底一樣，會係客人面前整個湯底，雖然岩岩先睇完一個，但都係會俾個火焰嚇親，所以都係影唔到好火焰嘅一刻🙈，不過湯料都係非常足嘅，所以係炒緊湯料嘅時候已經好香椰青味，完成時飲啖湯真係非常清甜，係想飲完再飲果隻，所以個人覺得用黎打邊爐就好岩喇！我地一行七人都嗌咗唔少配料，不過個人掛住食，所以唔記得左相機食先，攪到唔多相😆加拿大象拔蚌刺身依個不得了，切得非常薄，但又唔會話好削，睇得出係好新鮮既，刺身食法係非常爽脆，淥兩秒先食會多個層次亦會更清甜！加上細細個果時同公公食飯時成日都嗌，所以有埋回憶既味道！真係有100分！好想Encore！胡爐牛拼盆 有牛舌芯、安格斯手切牛、極上手切

叫咗個signature先椰青雞鍋湯底店員會先係我地面前將啲雞件炒熟再加入一個啱啱開 新鮮嘅椰青湯底好清甜 有濃濃嘅椰青味火鍋料整體來講 每一樣野都唔錯唯一麻麻哋嘅係鴨血 切得好厚 同埋質感好實竹庶茅跟值得一讚 因為唔係好甜 岩我口味但係店內環境就一般地下好似有啲跣 火鍋枱嘅設計亦有點古怪我哋五個人去佢比六人枱我哋 但係過爐側埋一邊 其中一個人夾餸就要伸長手先勉強夾到而且當日餐廳可能overbooked 安排座位非常混亂 有啲人要搭枱雖然係咁整體來講其實尚算一間唔錯嘅火鍋店

打邊爐控又出動喇！睇黎一年四季都阻止唔到我對打邊爐嘅熱愛要試就緊係試龍蝦湯，湯底已經有蜆，即場先炒啲海鮮加酒爆香，再加湯煮，未開始已經流哂口水。簡直係鮮味一百分，一啲都唔似出面普通嘅係味精湯底，水滾就可以食住等😛😛 手打牛丸同芝心墨丸都好高質彈牙，點埋自己撈嘅醬汁就有唔同嘅味道，黎混醬啦 其他食材一啲都唔馬虎，全部都好新鮮，係難得嘅邊爐之選仲有丫！唔好以為加加湯就係清湯，呢度加湯係加蕃茄龍蝦湯，咁就唔怕愈食愈淡啦