影片
更多
2018-12-09
1139 浏览
天氣凍凍地，又係打邊爐既季節，今次聽朋友講有間幾唔錯既火鍋店，分店開到去東莞，就一於試下呢間—醉胡爐。結果令人喜出望外！我地去嗰陣係晚市，一入到去就見到好大盞波波燈，勁有氣氛！雖然話係打邊爐，但有一樣嘢食係睇到都流曬口水！就係A5飛驒和牛刺身呀！點忍呀！即刻落咗個四格湯底鍋同和牛爽下口腹之慾先。事實證明呢個飛驒和牛的確係呢度既生招牌，每塊牛肉脂肪分配平均，完全就係傳說中既雪花紋，食過和牛既朋友都知呢種牛係入口即溶！四格火鍋入面有番茄、沙嗲、清湯、麻辣，個人比較推介和牛擺係沙嗲湯底度淥5秒，咁樣就可以食到最濃厚既牛脂味，同埋一嘗入口即溶既完美口感！如果想自製口感，呢間舖提供多種醬料以及配料俾大家「溝黎溝去」，盡情發揮小宇宙溝出新口味啦！另外如果有朋友唔食牛，不妨都試下呢度既紐西蘭飼羊肉片。呢種羊肉片並冇好大陣臊味，反而有陣陣奶香，配合番茄湯底，將羊肉既鮮味激發出黎，實在愛羊人士既福音！除咗一般既烏冬同麵，仲有口感過人既薯粉！絕對唔會煮極都好似唔爛咁，啱曬啲大食朋友，唔使再驚食唔飽啦。睇真啲張menu，原來除咗打邊爐既小食，仲有大量烤物！就連日本燒烤名物—魷魚一夜干都有！我地二話不說就叫咗
我地去嗰陣係晚市，一入到去就見到好大盞波波燈，勁有氣氛！
雖然話係打邊爐，但有一樣嘢食係睇到都流曬口水！就係A5飛驒和牛刺身呀！點忍呀！即刻落咗個四格湯底鍋同和牛爽下口腹之慾先。事實證明呢個飛驒和牛的確係呢度既生招牌，每塊牛肉脂肪分配平均，完全就係傳說中既雪花紋，食過和牛既朋友都知呢種牛係入口即溶！四格火鍋入面有番茄、沙嗲、清湯、麻辣，個人比較推介和牛擺係沙嗲湯底度淥5秒，咁樣就可以食到最濃厚既牛脂味，同埋一嘗入口即溶既完美口感！如果想自製口感，呢間舖提供多種醬料以及配料俾大家「溝黎溝去」，盡情發揮小宇宙溝出新口味啦！
另外如果有朋友唔食牛，不妨都試下呢度既紐西蘭飼羊肉片。呢種羊肉片並冇好大陣臊味，反而有陣陣奶香，配合番茄湯底，將羊肉既鮮味激發出黎，實在愛羊人士既福音！
除咗一般既烏冬同麵，仲有口感過人既薯粉！絕對唔會煮極都好似唔爛咁，啱曬啲大食朋友，唔使再驚食唔飽啦。
睇真啲張menu，原來除咗打邊爐既小食，仲有大量烤物！就連日本燒烤名物—魷魚一夜干都有！我地二話不說就叫咗一份，仲有大啡菇、燒靖魚呢啲必叫燒物。大啡菇香口多汁，又大又抵食，四個人分都唔使爭！靖魚有淡淡既烤味，一啲都唔腥，反而有陣海水既鮮味，食得出唔係急凍嘢食。至於燒烤名物—魷魚一夜干，完全顯示到師傅功架！一般燒魷魚如果燒得唔夠耐，外層就唔夠香，內裏都會唔夠熱，食落有雪水咁；如果燒得太耐，啲肉質又會變得太韌，咬極都唔爛。而呢間既一夜干魷魚，表層香脆，內裏肉質鮮嫩多汁，好似食刺身又好似食燒烤咁，兩種口感共冶一爐，一定要試下！
另一樣要大力推介既小食就係自製黃金炸魚皮！呢排好興鹹蛋系列既小食，呢間舖頭就自製鹹蛋黃金炸魚皮！香脆唔油膩呢啲就不在話下，重點係咸蛋黃落勁多！每塊魚皮都有大量鹹蛋黃癡係上面，香濃既鹹蛋黃充斥口腔，如果配上啤酒就簡直係一流享受！
大家驚邊爐太熱氣，特登叫咗大大支竹蔗茅根黎降火，四個人分都仲有剩呢。飯後甜品水信玄餅又靚又清新，打卡簡直必備神器。配上黑糖同黃豆粉兩種調味料，可以一次試曬兩種唔同口感，滿足曬港女為食既好奇心！因為舖頭環境實在太舒服，地方又夠闊落，結果呢餐飯食咗兩個幾鐘，店家都冇黑面！仲笑笑口問我地食得開唔開心。埋單每人200頭，無論係性價比定係味道定係環境氣氛，都係值得再黎呀！
张贴
