醉胡爐 (已搬遷) 新店位置

難得平日咁早放工，同同事喺尖沙咀搵間好嘢慶祝下~ 😁 喺openrice搵尖沙咀火鍋店搵到呢間評價好高嘅醉胡爐. Openrice訂位仲有火焰龍蝦海鮮鍋送，價錢$368 喎，梗係試下啦～ book左位7pm, 差唔多全場爆滿。餐廳裝修簡潔，有高級嘅感覺。主要黑色設計，燈光較暗，氣氛都唔錯。 餐枱上面有個好特別嘅餐具,係用黎撈起煮熟咗嘅食物果陣可以隔走啲水，又幾貼心。一開始店員比左一盤有8種調味料/配料， 自己醬自己整，特別想推介佢嘅沙茶醬，香得黎冇平時會食到嘅苦澀味。接住waiter 拎左一煲有龍嘅煲，即場快炒，再加嘅油收火焰龍蝦~ 淨係睇都開心呀～ 湯滾左一陣就飲得。嘩好甜! 新鮮龍蝦果然唔同啲呀。食左隻龍蝦蚶，啲肉好爽好彈牙! 第一次試到咁用新鮮龍蝦煮嘅湯底! 我地都係食肉類獸，叫左碟飛驒和牛肉眼a5同埋一碟西班牙黑毛豬豚肉。碟和牛好靚! 每片都超多脂肪，仲要分佈得好平均。咁靚嘅和牛就煮熟左啲都一樣咁正。放心口度果種滿足感呢～正! 碟黑毛豬都幾大碟，仲擺得好靚。豬肉冇酥味，口感唔錯。打邊爐例牌必點烏冬。仲要最後先落， 索曬啲汁，極品！

打邊爐幾時都係香港人嘅至愛, 但好多火鍋店嘅湯底同配料質素都好參差， 今次一定要試下啲高質素嘅嘢! 朋友介紹呢間醉胡爐， 聽說湯底同配料都好正。 openrice有booking優惠二人同行每人消費滿200蚊就可以送龍蝦湯底， 龍蝦係男朋友摯愛，見到即刻心心眼要黎! 餐廳招牌 及裝修顯眼得黎有高級嘅感覺~ 餐廳內空間非常廣闊, 全部都係卡位或半卡位, 坐得非常舒服。 餐牌選擇非常多, 淨係湯底都有14款, 仲有多款餃類，丸類，肉類及海鮮類。 龍蝦湯底係有店員 將半隻生猛龍蝦同配料一齊新鮮落酒炒， 即場製作~ 炒完再到入備製法式龍蝦湯， 個湯大約緊5至10分鐘就可以飲啦~ 個湯敬鮮甜， 龍蝦肉超級新鮮，肉仲好彈牙， 同雪藏龍蝦係冇得比! !呢碟飛驒牛真係不得了!睇啲顏色咁粉嫩就知道有豐富脂肪，同埋脂肪分佈得非常平均， 絕對值得呢個價錢。 脆腩睇顏色都知道係非常新鮮 ~ 食落非常有驚喜 ， 魚肉非常爽脆同埋無腥味 ! 果然冇叫錯 ~韭菜餃一客有八粒，粒粒非常飽滿， 咬落 仲有好多肉汁~ 正~ 蔬菜拼盤非常有驚喜， 叫咗一客細嘅只係58蚊， 有四種蔬菜西洋菜菜心芥蘭同埋茼蒿。 蔬菜非常新鮮，

見人哋介紹呢間嘅龍蝦湯底好正好吸晴，而且呢排天氣涼涼地啱晒打邊爐，但係咁岩唔好彩龍蝦湯底暫停嗚嗚 於是就興起想食麻辣火鍋 所以最後叫咗麻辣湯底同沙嗲湯底雙併，湯底一啲都唔馬虎入邊好足料 有豬皮支竹 入晒味勁好食一坐低就會比你自己調醬汁，超多配料咩口味都啱呀個麻辣湯底好有驚喜，拍得住台灣嘅麻辣火鍋，唔食得辣嘅朋友可以叫沙嗲湯底，因為一啲都唔辣但非常鮮味因為朋友唔食牛嘅關係今次就叫咗羊肉片同埋黑豚肉，好新鮮好嫩口 就算比麻辣湯底煮完都仲有鮮味仲叫咗唔同嘅丸同烏冬，超級大推個墨魚滑同埋芝士墨魚丸，好彈口係手打既感覺非常好高質麻辣湯底煮埋烏冬入晒味，越食越辣但係越食越停唔到落嚟 實在太正估唔到呢間樓上舖既鋪面細細，但係所有材料都好出色好新鮮，下次有機會一定會再試埋佢其他嘅湯底

雖然11月都未凍, 但秋風起就想打邊爐啦! 月頭出糧就帶爸媽去食好西, 因為唔係任食, 多人可以SHARE湯底, 叫多D野食, 抵食D! 聽過朋友講個龍蝦湯好正, 店員會係你面前炒下D龍蝦, 仲有峴, 真係超多料, 雖然湯底黎講唔算平, 不過隻龍蝦又真係好彈牙, 個湯底勁鮮甜, 我地都未試過打邊爐咁豪哈哈!其實食晒個湯底既配料都飽左D, 因為真係超多峴, 咁我地另外叫左D丸/手切本地牛/菜/響鈴同冰豆腐。手切本地牛(細):本身以為細份唔會好多, 不過其實都夠食, 本地牛好有牛味, 唔會太多脂肪, 但又唔UN。芝士墨丸/手打牛丸(各半份):特別推介墨丸, 會爆芝士架!!同埋好彈牙!!菜拼盤(大):都幾大盤架, 芥蘭苗好新鮮好甜!!冰豆腐:好鐘意冰豆腐吸晒D湯底, SIZE岩岩好, 好入味好正!!響鈴:呢個一定要食! 響鈴係即炸架, 上枱仲熱辣辣順帶一提, 餐廳裝修幾有中式風味, 仲會一格格間開, 私隱度高, 而且店員都好主動加湯, 服務不錯!

近排醉胡爐推出呢個訂枱二人同行食滿$400送火焰龍蝦海鮮火鍋，好似好抵食咁，今晚就去試一下。餐廳燈光柔和，座位寬敞，唔會好似其他打邊爐既餐廳咁嘈雜同煙霧濔漫，如果唔係知道係打邊爐，仲以為自己係入左一間高級西餐廳。我地俾安排去卡位，呢度既卡位都係屏風隔開，隱敞性高，有個私人既小空間可以傾計。首先打邊爐最重要就係混醬，都係一般既莞茜，金銀蒜，麻醬，但呢度既沙嗲醬特別好味。龍蝦煲既海鮮好新鮮，店員先過黎炒一炒D食料，爆香佢，之後就加左酒，點火，原來火焰就係咁解。燒左既海鮮就會鎮住入面既水份，保留本身既鮮味，加上蕃茄湯再滾一滾就可以食。趁佢滾緊既時候，食住個黃金炸魚皮先。兩樣咁邪惡既野配合埋一齊係幾咁天衣無縫，咸蛋的香，魚皮的脆，令人愛不釋手。水滾之後店員叫我地先試一口湯頭，好鮮，好重龍蝦味，同西餐廳既龍蝦湯一模一樣。龍蝦好大隻，個鉗好厚肉，蝦肉好爽好彈牙，一食就知係游水龍蝦，份量好足。墨汁墨魚丸好彈牙，丸入面有墨魚粒，增加口感。蝦丸和墨魚滑一樣好彈牙，唔洗點醬汁已經好鮮甜。冬瓜好甜，龍蝦湯滲入左冬瓜入面，好入味好夠味。芋頭好粉，點埋醬汁仲好味。總括而言，所有既食材都好新鮮，湯底煮極都好有龍蝦

黎左好耐都唔記得寫反添🤦🏻‍♀️因為上網訂坐，所以送左個火焰龍蝦海鮮湯底佢係我地面前放火大飽眼福架❤️個湯好濃郁都唔錯喎驚喜地！其他食材唔記得影相🙈🙈🙈但都新鮮好味既！可惜我地個日唔知係漏單定點，啲野食等左好耐呀😢呢度有刺身賣，我地叫左每人2片赤身大家一定要留意價錢原來係續片計🤣🤣搞到成張單好貴又係等左好耐，但質素就好一般🙊

又被開飯啲Like欺騙了😟，完全不是咁多讚所想的質素，價錢貴、份量少、食物質素好普通、味道亦一般、招呼更加一般，價錢同質完全不合比例，一定唔會再去食，更加唔會介紹其他人去！👎🏼

其實同朋友好鍾意打邊爐，打邊爐最緊要就係湯底，所以我哋成日都會周圍去試唔同嘅湯底，每人嘅喜好不同。今晚就非常好，能夠滿足大家嘅需要。估唔到呢間打邊爐咁入型入格，非常時尚。地點方便，比較近佐敦。四味湯底，滿足晒不同朋友既需要，有辣有唔辣；尤其沙嗲湯底最為深刻，風味十足，唔沾醬都已經好好食。另外值得率先推薦，係花雕醉牛肉，入味、肉質嫩滑到不得了，真係令人食過返尋味！蝦滑新鮮彈牙、肥牛脂肪均衡、水餃雲吞用料十分相當飽滿、黑松露水餃更令人意想不到好夾⋯⋯火鍋料整體而言，CP高，各類用料都新鮮，份量足。醬料共有八款，任君選擇，可隨個人口味自由配搭，份量唔夠侍應都可以免費再添加，服務態度良好。飲品選擇都多樣化，有涼茶果汁、汽水特飲，仲有含酒精的調酒，總有一款岩心水。喜歡打邊爐的朋友不妨考慮這間，舒適、滿足、寫意的一晚相聚，無晒難度。

終於約到朋友一齊黎試醉胡爐，離由尖沙咀站行左十幾分鐘就到，裝修幾有氣派，位又寬敞，已經好期待！為左慶祝朋友搵到工就豪一豪試佢嘅龍蝦湯底，好快就有人拎配料比我地整醬汁，然後就上鍋啦，十分有效率！鍋底超正，首先落左d牛油同酒炒香龍蝦同蜆，聞到都覺得好吸引。之後落埋龍蝦湯底，鮮味十足，趁落料前飲一飲湯，鮮味之餘又唔會膩或者太鹹，打邊爐都岩岩好！材料我地兩個女仔叫左少少都夠飽啦，有花雕醉滑牛（肉味同酒味濃，好野味）、西班牙黑毛豬豚肉（夠肉味，新鮮，薄薄地嘅）、鮮蝦帶子餃（高質餃，蝦爽口）、手打芝心牛丸（牛味濃厚、野味！），最後叫埋烏冬、薯粉岩岩好，吸收哂湯嘅精華

火焰龍蝦海鮮鍋: 非常足料既一個鍋！一黎到職員會幫我地炒一炒啲海鮮，等我地食左大半先再加多啲湯打邊爐。龍蝦肉好彈牙而且好鮮，淨係食龍蝦已經覺得抵翻哂，仲有蜆肉每一隻都漲卜卜幾好味。龍蝦湯好濃味，建議可以就咁飲少少先。花雕醉滑牛: 好香酒味，同龍蝦湯幾夾，肉質嫩滑，份量亦好足夠西班牙黑毛豬豚肉: 冇牛肉咁出色，豬味唔係太出牛骨牛汁丸: 重點推介既餸，牛味好濃咬落去好juicy鮮蝦帶子水餃: 蝦幾大隻，食落去係蝦既味道搶哂烏冬: 用龍蝦湯煮烏冬非常好味，沾到好多湯汁，烏冬亦都煙韌薯粉: 個人覺得烏冬好味啲，薯粉既質地唔夠煙韌雖然價錢偏貴，但性價比高，值得一試。

平日晚上跟同事飯聚，今天吃了椰青雞鍋及龍蝦鍋！先由服務員哥哥先用酒炒香食材，再放濃湯滾起來，湯底極濃、牛肉靚，海鮮也夠新鮮！愛好清淡的朋友，請點其他湯底。因為今天是坐樓上房間，服務態度好，但因為地理環境，支援有點緩慢！心急人要俾一點耐性了還是感謝服務員哥哥送的甜品🍮價格屬中上級，裝潢不錯，算是合理！唯一要投訴的是洗手間有欠衛生，今天算少人客不多，也是這樣，要是滿坐的話，洗手間情況相信更加嚴重希望店主關注！

驚喜大發現，開心share!醉胡爐的招牌湯底：火焰龍蝦海鮮鍋，龍蝦超級新鮮！煲出的湯底極鮮甜！估唔到打邊爐都有咁高質的龍蝦食！混醬完畢，龍蝦海鮮煲上枱，龍蝦鉗，蜆，蕃茄...用料豐富。店員幫手料理隻煲，服務態度很好。首先爆炒香個煲，令到海鮮出味。跟住加酒，點火，即刻噴出火陷，用大火繼續爆香食材，濃濃的酒香，撲鼻而來！燒左1-2分鐘，再蓋返個鍋蓋，加湯繼續煲，偷偷打開蓋，湯未滾，趁未有熱蒸汽先影張相。店員提示湯滾之後記得飲頭啖湯，我地試左一啖，勁鲜甜，龍蝦味好出，即刻飲多兩啖。店員又來加湯，加完蓋返蓋，再繼續煲。系呢個時候，order左即食材來左。我地要先食晒龍蝦。龍蝦肉質鮮甜，酒炒左之後勁惹味，用料新鮮，肉好厚實，絕對超值，甚至比出面其他食肆龍蝦更高質，火鍋店釆用咁高質的食材，真的好難得。黑松露蟹肉餃，擺盤不馬虎。半份有四件。落鍋煮一下有得食，為防止煮到爆開，要用鐵梗單獨煮。濃濃黑松露味，蟹肉好冧。墨汁墨魚丸：口感爽脆又彈牙，墨魚味好濃。手工魚皮餃：手工制作果然特別好味，外型精緻，餡飽滿，皮脆口。

近年來有好多新派嘅火鍋店，各式其式，要突圍而出就要花好多心思。聽朋友講呢間餐廳有好多唔同嘅湯底，今日終於一試，竟然是個真係有火嘅火鍋！環境裝修好特別好摩登，中間有一個大吧枱，餐牌仲有很多其他食物，例如刺身、串燒等等，不過我今日只有一個目標-火鍋！醬料是必須吧鮮椰青雞鍋 $268 上枱時先只有10多件生雞件和蔬菜配菜， 廚師在我們面前先煎煎雞件，再加上燒酒點火，快火炒雞，後加椰青水（真材實料開椰青倒出來），再加雞湯。成個過程睇到我地目定口呆，最後湯底呈現奶白色，沒有加很多調味料都湯底清甜，一開始未落其他配料時最好飲一兩碗。另外，快火鎖住了嫩雞嘅肉汁，肉質鮮美。蔬菜拼盤（大）打邊爐最愛這種拼盤，一來比較健康，二來可以食到唔同嘅蔬菜。呢度條條菜都係新鮮冇爛，又大盤又扺食。紐西蘭羊肉片切得好薄， 10幾秒就淥熟，好有羊味，喜愛食羊嘅人必叫，打邊爐有羊片實在太幸福了！其他配料我地仲叫左其他唔同配料，例如蝦丸、魚皮餃、枝竹，樣樣食品都好新鮮好好味。菊花蜜要降火當然要叫清涼飲品。菊花蜜唔會太甜，有淡淡菊花味，飲落喉嚨好舒服。

今晚收工後去左尖沙嘴行街，因爲一早就book左枱同朋友嚟醉胡爐打邊爐，我地由尖沙嘴行落去好快，睇返google map其實由尖東或者紅磡步行都相當近，非常方便！餐牌種類好豐富！除左邊爐食材之外仲有令人意想不到既燒烤！一次滿足兩個願望首先當然係揀湯底啦，我地近日選擇左火焰龍蝦海鮮鍋，上來係好大份龍蝦！分量來睇應該有一整隻，而且仲好貼心地拆左件，之後食龍蝦肉都好方便！最吸引眼球既一刻就係店員加酒點火既時候！絕對係IG material!再加上每日新鮮煮既龍蝦湯，店員提醒係落材料邊爐之前，記住要飲啖湯先！真係超級鮮甜!!!!我地叫左極上本地手切牛，脂肪分佈均勻，牛味豐富！再配上龍蝦湯，超正！我地仲叫左好多材料，每樣都好新鮮，當中芝心墨魚丸非常彈牙！我地無叫太多邊爐材料，因爲要留肚試下店員推薦既串燒！即叫即燒，煙肉燒蠔串超級新鮮，蠔味充足，而且加上煙肉既香味，必點！臨走影下餐廳既裝修，每張枱之間既空間夠大，私隱度充足，燈光都好有feel，由兩個人到一斑人都適合！

本身諗住求其食，但行行下突然之間好大雨，又淋濕個身加埋啲風吹落嚟簡直成個人寒曬， 即刻想食返啲熱呼呼嘅嘢，於是就行前幾步入咗嚟呢間餐廳， 餐廳格調暗黑， 都幾啱飲酒傾計慢慢打邊佬， 真係唔好講咁多，拿拿林叫落知湯底整返暖個人先menu都有好多款式仲有埋串燒添， 都有好多海鮮款式揀，價錢亦都非常適合我哋叫咗個椰子清雞湯鍋， 侍應首先將鍋裏面嘅雞， 椰子，紅蘿蔔 用酒(贊) 香咗先， 之後再將原個椰青水倒落去，最後加埋雞湯 吸上蓋滾大約十分鐘， 個湯就可以飲， 完全色香味俱全。啖湯 椰香味好重，非常鮮甜，再配上雞件非常惹味， 至於紅蘿蔔就建意食到尾聲先食，因為索哂雞湯既濃味同埋口感非常淋，完全食到停唔到口啊麻辣牛肉餃~~ 粒粒都好大粒， 入口時比我想像中麻辣味更重， 因為prefer 佢滾完係失去咁啲味度，但完全唔係，非常惹味， 男朋友一個人食咗三粒蟹粉丸芝心牛丸雙拼~~ 蟹粉丸入面真係啖啖蟹粉，好香口，不過食時要小心，因為 一咬開就會'之'啲汁出嚟，隨時會滾親口芝心牛肉丸~~一咬開芝士流心好香~~牛肉味亦都好濃桂花蚌~~ 好新鮮，非常鮮甜，亦都好爽口，滾大約幾十秒就食得！雜菜籃~~有娃