那個ㄋㄚˋ ㄍㄜ˙ (埃華街) (已搬遷) 新店位置

近月多次路經此店已經發現店外很多食客排隊，由於未曾光顧此店，七月中的星期天想買外買試一試作為當天的午餐。選購了三個餐包括滷肉雞翼便當、滷排骨便當、脆雞便當，食後感覺味道不錯，脆雞味道特別濃郁，有小小意外是所有便當都有辡味，對家中小朋友來說不太適合吃。另外因爲排隊客人多，店員服務保持溫和一些較理想。最後價格方面，對於小家庭來說上算合理。

路過好幾次，都食唔到，細鋪時，多數係因為賣晒；大鋪就因為試業初期，縮短左營業時間。今次終於可以喺正常時間黎到買外賣。〈古早味手工滷肉便當$62〉手工滷肉汁甜，份量多（多滷肉到啲飯係唔夠撈）；脂肪比例可以接受，肥膏只佔少量；肉已經好入味，同「淋」，好適合唔想咬嘅朋友味道：🧡🧡🧡🧡🖤•〈那個滷排骨便當$66〉哩個係我屋企人想食好耐嘅便當，所以對我黎講係必點！排骨面積同個飯盒差唔多大；唔好以為塊排好似豪大大雞扒（強行壓大，肉又薄），那個嘅排骨除咗面積大，仲好厚身，易咬得黎有彈性，肉仲有明顯一絲絲，有濕度；排骨係先炸，再放醬汁，炸粉夠薄；滷汁為排骨加左少少甜味味道：🧡🧡🧡🧡🖤•〈香酥脆雞便當$64〉本身唔太好炸雞，但落單時，店員話平時好受歡迎，今日難得仲有，叫我試下，我就點一個。香酥脆雞有三大件，同樣都係薄炸醬，可能焗左一陣，已經唔脆，但佢嘅味道好豐富，外面有少少似7味粉嘅醃料，雞肉有淡淡嘅鹹香（唔係嗰種無醃就炸嘅雞），雞塊超厚肉味道：🧡🧡🧡🧡🖤〈配菜（跟便當上）〉每盒都有好豐富嘅配菜，包括：酸菜、粉絲、醃蘿蔔，滷肉飯嗰邊仲有椰菜花同粟米仔。「唯一美中不足」嘅係個醃蘿蔔有色，但未夠味，可能係先

💛人氣黃店💛由小店已經開始幫襯，但每次都係外賣，最近搬左去大舖，終於可以第一次堂食啦！平日十二點到，好好彩仲係第一批入，我地入坐之後就開始要排隊啦！叫左滷排骨便當，塊排骨大過我塊面😧便當連埋5個配菜，每樣配菜都好有誠意欣賞！佢個份量飽到我夜晚都食唔落飯😅個餐包左一份養生湯/一杯$25既野飲，咁熱辣辣我就揀左杯南投炭培烏龍茶。有驚喜！茶味濃！朋友叫既焢肉便當朋友話dry左少少，但整體黎講都好好食仲加左$5加配滷肉，但同焢肉既分別唔太大，叫焢肉既朋友可以唔使加。見隔離枱食雞球都好似好正咁！下次試下先！之前每次外賣都要自取，期待佢地可以同外賣apps合作就好啦！

🌸#girlsfoodies大角咀#girlsfoodies台灣菜 🌸​【黃店💛 #GF_List 】​🉑：外賣自取 ​⭐評分: 9.5/10 ​———————————————​呢間係我暫時係香港食過最貼近台灣味嘅舖頭！仲要價錢好貼地！永遠都係超多人排隊，搬咗新舖，坐得舒服好多🤩​​打完篇嘢覺得自己似打手，希望那個快啲請我做打手，咁就唔洗排成個鐘先入到去食🤢​——————————————————
​▪️那個滷香雞球便當 ($66)​▪️古早味期間限定便當($68)​​餐具餐碗裝修都勁文青，食物份量比足你，大大舊唔手軟，仲要送嘢飲，成20幾款台式飲品可以揀，好撚抵食😭個紙杯好有心思好正​​今次期間限定係紅燒牛肉，上到枱真係呆咗，勁多嘢食！有流心到爆嘅溏心蛋、滷白菜、涼菜、飯、沙律同埋四大舊淋到呀婆都食到嘅牛腩！牛腩切成長柱狀，咬落完全唔洗用力咬，好入味一啲都唔鞋！​​滷香雞球上次食過，但都係要再食因為好好食🤣三大塊雞球好似唔洗錢咁超誇張，滷水汁包住啲皮，但仲有小小脆身，呢種皮嘅厚度，鹹鹹甜甜嘅汁，炸完入面仲係嫩滑，exactly就係台灣嗰種感覺！😭​​呢到無一樓嘢係「配菜」！佢五種是日家常配

好好食既台灣飯，每一件配菜食物都係自家製食得出，而且又有好多款式揀。好多朋友都話好食，所以先去試下，又真係幾好食😂 冬瓜茶都係自家製😍 食完好似翻左台灣錦😫一定要試！

一向很喜歡台灣菜，大角咀近來新開了一間很不錯😍紅燒牛肉便當超好吃的！肉質口感很嫩，色香味濃。而且配菜很多，有溏心蛋、麻婆豆腐、涼菜、炒冬粉！特別是粉冬粉很好吃！！！！ 另外飲品種類也很多！而且店內裝修是工業風的，環境很舒服，看得出很用心💛💛誠意推介！！

因為疫情，縱然喜歡台灣，也不能出發，唯有到《那個》，當自己去了台灣。餐廳標榜台灣古早味的食物，食物都以火車便當作仿傚，論食物味道，有好有不好，份量肯定十足，如果空肚，應該可以大滿足；但如果剛食完下午茶，又再去食晚餐，肯定會製造廚餘。要了滷肉雞翅便當及香酥脆雞便當，每款便當都配有有5款配菜，如果喜歡麻辣的，必食麻婆豆腐。對雞翅有期望，所以失望了，與台灣道地的滷水味還有一段距離，因為有滷汁，反而令到飯較濕，觀感較差；脆雞不錯，有三件，而且大件，味道不過不失。要讚的是飲品，要了鳳梨古早味紅茶及愛文芒果花壇綠茶，超好味，友人早前已試了南投炭焙烏龍，都十分滿意。《那個》之前店面較細，現在新鋪頗大，仍在試業中，職員相當有禮，建議晚上6點營業即入座，未到7時已需排隊等候。

放假天當然要找好東西吃 慰勞自己聽說那個轉咗去大既店面可以唔洗排甘耐隊更想去食4點45分到 發現真係無人原來係未開店 試業期間5點先開 我哋兩個人排頭位入面多位小帥哥/小鮮肉🤩預備開店入到去可以坐落地玻璃窗邊一邊嘆一邊傾我哋點咗期間限定的定食和便當定食係連埋是日靚湯的但配菜少兩樣便當有齊所有配菜 但只可揀湯或茶否則再加錢之前飲左奶茶所以我只滷水牛腱便當加湯湯係塔香蛤蜊冬瓜湯 真係有蛤蜊食我覺得似胡椒蜆湯加冬瓜既味牛腱好入味 又煙「銀」 配菜健康又美味 我全部都好鍾意食 炒冬粉同鳳梨木耳 同菜脯 最好食朋友叫左紅燒牛肉便當加黑蕎茶紅燒牛肉好淋 牛肉汁配飯正都好美味 有種家常便飯的幸福味道店裡有茶水可以自助加店舖裝潢原木、黑鐵加水泥牆 自然混搭輕工業風 令人感覺原始和舒服最後我去埋廁所先走發現廁所有好多貼心小物消毒酒精、牙線、護手霜、濕紙巾、m巾、香水防臭真係好窩心抵讚

那個等著的「那個」人，等到嗎？「那個」是我嗎？特別的名字，很有個性。我在外賣，下單的哥哥仔身穿黑衫，左邊是正株桃花，盛開的；彷彿是在絕望中帶有希望。他的聲調比一般男生高，早在10年前被說為娘娘空，但他說著國語，頗動聽。加上沒有懶音的廣東話，有禮貌叫你等等，是我們應有的態度。手工鹵肉雞翅便當：3隻雞翅，好入味，　d骨好入味。鹵肉就真係無得頂。不是食開的太瘦或太硬或肥膩膩的。香酥脆雞：無晒😭香酥豬排：脆卜卜，惹味，豬扒大過塊面蒜泥白肉：肥豬肉，不油膩，配上蒜泥，清而爽。最後，送埋 烏龍茶、紅茶、麥茶。留意飲杯，有著很有共鳴的句子。「亦然會相信這裡會有希望」

而家轉新店，大左好多，坐又舒服左好多。而且轉左新店之後，由大角咀街市一路直行到最尾尾就會見到，就算係路痴都會找得到。先講食物：食物份量足夠，（之前食）煎炸又剛剛好，不會太油，今日6月25日食雙腸飯，味道足夠又夠多汁，不過雞蛋有少少熟左，冇流心蛋就扣左少少分。古早味奶茶，又濃又滑，如果冰係放外面的話，冰溶左都會有味道响度，不會被冰的水变淡員工：好多靚仔，好有心機，特別係收銀靚仔小利，客坐响度食野，因為我黎个陣係cut龍收鋪，佢去人地位收錢个陣佢知客吾想抬頭，佢選擇蹲下的方式，而且有禮貌地向客人收錢，仲有佢地一得閒，就會行去客人座位，詢問有冇改善的地方，好多餐廳/快餐店都吾會咁樣去做，呢一件已經係值得一去再去，因為佢地的禮貌真係十分之好，連係客人都會feel到有愛，有家的感覺。所以我係十分推薦，而且我一吾洗返工，放假的時候，會一去再去，大愛呢度的員工，員工太有heart

那個ㄋㄚˋ ㄍㄜ係一間位於大角咀嘅台灣餐廳。之前舖位比較細，容納唔到咁多人，試過係舊舖8點左右到已經無哂嘢食買，最近6月中搬咗去大啲舖位，終於有機會一試可能係新舖開張初期，等食物黎嘅時間都比較耐，我大約7:10pm左右入到去，要等到7:45pm左右食物先到，隔離枱有漏單情況出現，不過店員態度同禮貌好好，會即刻跟進翻仲有去唔同枱問客人有無差啲咩野食未到今次就試咗古早味手工滷肉便當($62)同那個焢肉便當 ($66)。我覺得那個ㄋㄚˋ ㄍㄜ食物偏甜，似翻台灣人口味。手工滷肉便當，滷肉好好餸飯，但略嫌滷肉汁有啲多，浸住咗啲飯。如果鐘意飯撈汁嘅人可以都試！而我覺得那個焢肉飯好有驚喜，大家唔好見到有層肥肉就覺得好肥膩，因為佢地將焢肉處理得好好，小小力一夾啲肉就會夾開，證明炆得夠淋，仲要入口食到滷汁嘅香，肥而不膩，令人不知不覺食哂成個飯。我本人就推介大家試下焢肉飯每個餐都會跟翻5個小菜，大家可以睇翻枱頭會有塊牌介紹翻，小菜味道唔錯！見好多人推介嘅麻辣菜甫可能無哂，今次就無緣去試到希望下次去可以試到另外一提，跟餐會送翻價值$25嘅飲品，如果過咗$25，補翻錢就可以。今次就試咗鳳梨古早紅茶(原價$33

那個搬咗新鋪今日放工特登去試吓，6:15去到好彩唔駛等位之後6:30已經排長龍叫咗個鹽燒炸雞便當，好好味呀好味過舊舖嗰陣時佢哋新加左兩張BB櫈實在太好啦我可以帶我個仔嚟佢哋都係全部年青人做個個都好有禮貌嘢食仲好好食佢哋仲新加左兩張BB櫈實在太好了我可以帶Bb過嚟食飯啦入邊啲裝修好靚啲木凳坐得都好舒服唯一我覺得佢哋需要改善嘅地方就係上菜希望佢可以快少少咁啲人就唔使等咁耐啦因為我成日都趕時間 食完都會快啲走

不論外賣定堂食嘅長期排大隊人氣黃店終於搬大鋪喇～位置多左好多，人手都多左好多💛《手工滷肉雞翅便當》$62整身想試吓佢地嘅滷肉，但當日滷肉賣晒，唔知係咪咁而比多左雞翼我🙈雞翼嘅香料味非常香濃，但因我對香料麻麻地所以覺得一般般，希望下次都食到滷肉💛-《鹽酥排骨便當》$62面咁大塊嘅鹽酥骨！唔好睇佢個樣好似唔吸引，但其實就算個飯拎到返屋企，塊鹽酥骨仲係脆卜卜💛勁surprise而且勁重南乳味😆 一啖排骨一啖飯一流💛-我呢兩個飯都配左家常菜，當日嘅家常菜係滷香豆腐乾、香辣粉絲、蒜香椰菜、香草蘑菇粟米、麻辣菜脯佢哋嘅家常菜應該會定期/每日轉...會比到驚喜大家-而每款家常菜都好好味，送飯又係冇得輸希望佢哋可以快啲有番巨無霸雞髀啦😂好想試

間餐廳六月搬家。我係某社交平台見佢22日新店要試業。當日放工去咗支持。去到新舖時約6:30pm，門口已有5、6人排隊。新舖大咗，人手多咗。我叫咗期間限定紅燒牛肉定食（加滷肉），再跟苦瓜鳳梨排骨湯。最鍾意嘅係佢啲配菜，通常便當會跟足五款配菜。不過我今次嘅定食只係跟三款配菜（蒜香高麗菜、溏心蛋、麻辣菜脯）。店員亦好細心，問我食唔食得辣。因為個紅燒定食係小辣嘅。我本人食得辣，但係我覺得佢的辣勁過平時嘅小辣。新舖雖然多咗人手，但係我都要等多過30分鐘食物先到呢！佢啲食物真係好高質素，店員又Nice。我會繼續去支持嘅！