那個ㄋㄚˋ ㄍㄜ˙ (埃華街) (已搬遷) 新店位置

整體來講嘢稱不上做好好食但係又不至於好難食但係呢一個價錢然後又要我排咁耐隊我相信下一條街嗰間台灣野會好食過呢間試一次無妨但唔會有下一次經過好幾次都見好多人排隊一心諗住應該好好食所以6:45左右我就去食諗住唔會咁多人點知一樣排到7:30左右先有得食其實如果係好食嘅話都唔緊要但的確好令人失望香酥排骨便當 海苔口味 +南投炭焙烏龍厚奶茶$72就咁睇張相你覺得一個咁樣嘅隻到底值吾值$72仲要排45分鐘隊？首先雖然塊香酥排骨係好大塊但其實都只不過係普通嘅香酥排骨海苔味完全唔夠而且便當入面嘅配料都一樣唔係幾好食個飯又唔夠熱那個滷香雞球便當 +南投炭焙烏龍 $66個飯底就唔使講啦只不過係上面嘅配料唔同咗滷香雞球都算得上係大嚿只不過佢所謂嘅滷香只不過係雞球上面掃上滷水汁舊雞本身完全冇滷水味講吓杯茶南投炭焙烏龍的確係有幾濃嘅烏龍味值得一讚但南投炭焙烏龍厚奶茶唔知點解沖咗出嚟之後奶味唔夠濃 茶味又唔夠濃好似奶水一樣 而且仲要補錢

要食好食又正宗少少嘅台灣菜，呢間黃店點都走唔甩！佢係食台式便當為主嘅，不過記得要早少少排隊啊(･ω･´)大概等咗半個鐘左右就入得啦～排隊嗰時已經落咗單，所以上菜時間都算快，我超耐冇食台式便當，配埋木餐具，食完嘅感覺真係同喺台灣食一樣咁有風味！📍古早味手工滷肉便當 $62呢個係必食！佢每款便當嘅飯量可以揀少飯多飯走飯或轉沙律菜，而個配菜每個禮拜都唔同，一個便當都有成5款配菜，份量又多，滷肉食落啖啖肉，啲汁超入味又唔鹹，飯量係正常，只不過食咗佢一大半餸就已經開始飽🤣 飯量唔關事🤣下次想試吓脆雞便當📍白桃蜜香烏龍 22 coz $33 呢杯我都幾鍾意，飲落好fresh ，好大陣白桃味，同埋有消滯作用（？

大角嘴好多小店，而且好多都好黃，我梗喺要到此地支持下😋呢間台式餐廳我成日經過都好多人排隊，所以今日專登預早d 11:30am 就去到，但咁早其實都有人排隊等開門，好有人氣呀！好窩心寫明每個set 有咩野配菜：那個滷排骨便當 $66排骨超大塊，醬汁好惹味，餸飯一流！而且充滿著台灣嘅味道😋 另有蔬菜、唐心蛋、粉絲...做配菜，冇淨食肉咁漏又健康。香酥脆雞便當 $64脆雞超大塊，外脆而裡面嘅肉好滑，啖啖肉呀🤤 份量對女仔黎講都好大，所以我為左唔浪費食物而好努力食曬佢🙈 所以女仕可以剔少飯哦😉 呢排冇得去台灣旅行，所以去本土特色台灣餐廳就喺最止到癮嘅選擇了！

一直都聽好多人過介紹呢間餐廳，而且都要大排長龍。雖然未夠6點就黎到，唔洗排隊但店內已經坐滿左9成，所以如果唔想排隊既話就真係要早dd到～餐環都做足防疫措施，量完體溫後，每位顧客都必須要消毒雙手後才可入座。古早味手工滷肉便當+古早味紅茶（$62）便當睇落好似細細碗咁，但其實份量好多。滷肉脂肪比例比普通餐廳多，加上味道偏甜，似足台灣食的一樣，岩曬配飯食。另外都附上幾款配菜，有粉絲、伴菜和滷蛋，全部都好好味😋😋香酥脆雞便當+花壇茉莉茶綠茶（$64+$3）上碟見到便當既份量有點嚇親，估唔到以呢個價錢竟然有咁4大件雞，鹽酥雞外脆內嫩，很惹味。同樣地都附上粉絲、伴菜和滷蛋作配菜，相信女仔都未必食得曬。夜市台灣腸(黑椒味) （$10）上菜時熱辣辣，明顯是即叫即整。質地很鬆脆，黑椒味都很濃郁，好有台灣夜市的味道，必試🤤總括而言，餐廳CP 值超高，食物是水準以上，做到台灣的味道，價錢合理。🔸🔸🔸🔸🌟價錢 - 10/10 🌟回頭指數 - 9/10

呢間台灣菜開咗都有一段時間，但係次次經過都好多人，今次終於的起心肝去排隊食😛 我哋12點到排咗大約30分鐘左右就入到去，排隊嗰陣店員會幫你落埋order，入到去嘅時候就好快有得食，都算幾有效率。-那個滷排骨便當🍱排骨超級大塊，滷汁完全浸透晒成塊排骨好入味，但係略嫌有啲鹹，要配埋飯食先得😂 旁邊嘅幾款配菜每日都會有唔同，今日就係黑胡椒粟米蘑菇、醬香粉絲、麻婆豆腐、溏心蛋半隻。配菜味道比較普通，有啲住家菜嘅感覺，溏心蛋亦唔係好入味🤔-香酥脆雞便當🍗脆雞揀咗海苔口味，米飯雖然叫咗少飯，但份量都係幾多😂 脆雞大大件份量十足，炸得幾脆口，但係調味都係偏鹹，另外米飯上面會有少少汁，食落唔會太乾。-便當以外我地仲加咗一份鹽酥甜不辣，竟然成為成餐飯嘅亮點💡煙韌嘅感覺有啲似年糕嘅口感，配埋鹽酥調味真係好惹味😋 午餐仲包一杯$25樓下嘅飲品，我就叫咗炭培烏龍(無糖)，味道有啲似便利店嘅樽裝茶飲，味道不過不失啦😂 呢間餐廳感覺整體味道都係偏鹹偏濃郁，其實係好接近台灣嘅地道味道，但係對我來講就真係鹹咗啲啦🙈 下次有機會再試吓其他菜式啦～

🇭🇰💛那個ㄋㄚˋ ㄍㄜ˙👧🏻呀妹一向都最鐘意食又肥又唔健康既野因為武肺😷冇得去旅行🥲表示好掛住台灣夜市🇹🇼 🇹🇼睇到kiki may新片📽介紹有個地方可以食到台灣夜市既雞腿卷🍗🍗👧🏻呀妹就日日都話要去食星期六晚市爆埸💥💥家姐呀妹6:30左右去到已經有中型人龍🐉🐉不過除左堂食 仲有外賣 可以買飲品🥤同單叫小食🍢如果唔想排隊 又想食小食既朋友仔都可以一試呀👆🏻👆🏻入座後空間唔算好好坐 用餐時間只有60分鐘⏲對我地黎講要影下相先食📸 就可能急左少少🤏🏻野食質素都對得住佢條人龍 大大份 而已價錢相宜👍🏻💯💯🍱那個滷排骨便當(💰$66 跟無糖茶)‼️必食豬排皮勁肥 勁正😈唔算厚肉個種 唔韌唔腍😍😍不過就真係成個頭咁大塊 而且骨🦴既部份都唔算多汁勁香濃 甜甜地 係成個飯既精髓🤤濃味得黎完全唔鹹豬排都好入味 炸衣好薄得黎舖滿哂汁🥺🥺只係部份位置肉會容易同炸衣分離每個星期都有5種唔同配菜 配菜份量超多‼️餸同飯既比例一半一半🌗成個飯🍚勁Juicy 每啖飯都係有汁有料㗎🥄🥄今期配菜有黑椒玉米🌽香炒冬粉 麻婆豆腐 溏心蛋🥚是日涼菜(我地食既係酸菜)粟米🌽嘅黑椒味都幾重麻婆豆腐辣到啱啱好🌶👩🏻家姐👧🏻呀妹平時好

@kan.teen呢間台灣菜大受好評✨✨😙即使係大角咀 算係比較隔涉嘅地方 但都無阻佢嘅人氣 同條人龍💥我咁為食當然要特登入去食下啦💫✨.👅那個滷排骨便當 $66除左一大塊排骨 仲有好多配菜：溏心蛋🥚、高麗菜🥬、粉絲🥢等。份量十足🙌🏻已經夠我同男朋友一齊食👫而滷排骨🐖滷水滲入外皮 有滷味嘅甜且相當入味最值得讚係排骨外皮💖真係炸到超級脆⚡️係平時打邊爐炸魚片 更甚係波浪薯片嘅脆度🤪‼️不過失望嘅位都係排骨🙈雖然外皮香脆 但肉質好乾🍁無油脂同juicy嘅感覺呢🌵令呢塊排骨有唔完整 唔平衡嘅感覺 好可惜🌾（係台灣夜市食嘅係又脆又Juicy架💦沒有比較沒有傷害🙏🏻同埋成個飯🍚香料味較重🧄我諗未必個個都鍾意 我自己就接受到嘅🦦.👅南投炭焙烏龍厚奶茶 跟餐 +$5炭焙味好突出 奶味香濃🥛好rich🤩.👅愛文芒果花壇綠茶 $35必叫💥有驚喜 小清新🌼有愛文芒嘅香同清甜 並非死甜🥭係脫俗嘅感覺啊🤣配上花壇綠茶🍃飲到最後喺喉嚨感受到淡淡回甘🍵兩者相輔相成 天作之合🌱.🧡@kan.teen 🧡提提你 我去個日係平日 朝早1145，都要排15-20分鐘🙈入座後見到條龍更長～.👄總結無想像中咁好食👀唔怕遠可以一試

依間台式餐廳長時間排長龍, 這天星期三晚6:00 到, 竟然無人排隊, 我搶了個頭位,  利害, 5 分鐘便入座, 我們三人都是第一次光顧, 感到很有新鮮感,  囝問:  (走1,2,3,4,5 的東西是什麼) ? 服務員便攞另一張菜牌給我們看, 原來1,2,3,4,5  分別是五款配料, e.g. 蛋, 粉絲類的美味食品。三個便當都大大碗,  包養生湯或一柸hk$25 蚊的16oz 飲品, 加hk$3 便有22oz, 所以我們都加錢飲貴一點及大一些的飲品,  飲品好好飲, 珍珠很彈牙, 而便當的主食很美味, 五款配料使便當增加入味感, 再加上份量十足, 真係質優量足,  無得頂, 難怪成日大排長龍。好多食客都是食過再來的呢 !

今次嚟到大角咀特登排隊食那個🤩🤩， 平日夜晚都好多人， 等左半個鐘到先入到去☹️ 7點多雞排都賣完， 好想試雞排飯。最後叫左一個招牌滷肉飯同滷排骨飯2份蔬菜都好爽脆 好有口感滷肉偏甜 都幾甜應該係台南嘅口味🤔至於排骨個人認為一般 較薄 唔太入味 但小食方面好有驚喜🤭🤭雞腿卷既雞皮好酥脆 好好食 似台灣夜市食到既燒雞皮！。台灣腸都好食 喺台灣既味道！🤩🤩😋😋宜家夜晚仲送一款飲品，學生都有折 整體來講都幾抵，大家睇下條隊長唔長先排啦 如果唔太多人都係值得一試既餐廳黎！ 🤩🤩😋😋

係大角咀呢間轉角位店鋪，每次經過都有人係度排隊，開17:30，已經有人係度等開門，就咁睇店名‘那個ㄋㄚˋ ㄍㄜ˙‘，我完全唔知道係食咩😂行近去望下個menu先知係台灣嘢，主打台灣便當。今次放工經過呢度，見唔係好多人等位，於是就入去試下了，叫左個招牌滷排骨便當+台南蝦卷+高原黑蕎茶，服務員態度好好，好有禮貌，而且都溫馨提示我個餐有包嘢飲(我以為冇🙈)。當便當來左之後，最亮眼係個滷排骨，勁大塊，佢唔係我以前食開個隻酥炸，個皮係霖身的，但好鬼入味，個便當仲有粉絲，滷水蛋，青菜等其他配料，好開胃，唔係得個大子，係真係好食。推薦。

轉了鋪位後終於有機會食到！當日大約晚上8:30到店排隊，可惜已經有不少餐單售罄😭點了香酥魚菲力便當，古早味腿庫便當份量係超多，香酥魚菲力炸得香脆又不油膩，古早味腿庫就是滷水豬腳，滷汁入味又滿滿膠質另外我很喜歡便當中的配菜每一款都是用心烹調，絕對唔係hea你之作下次去一定要早d，先食到想食的滷排骨便當！

因為知道好多人排隊等位，所以早啲去等開門那個滷排骨便當排骨超大塊而且厚身，再加上有幾款配菜，真係好大碗，下次黎食可以叫少飯排骨有用滷水汁浸過，所以食落感覺無鹽酥甘熱氣雞皮卷呢個小食真係好好食，佢係用已經去左肥的雞皮去包住雞肉，食落一啲都唔肥膩，包住的雞肉嫩滑多汁，真心推介

-那個ㄋㄚˋ ㄍㄜ @nagetwfood -@nagetwfood 好味到已經榮升咗做我既愛店之一❤️❤️❤️係我既comfort food🤤呢間位於大角咀既台式小店連平日都會見到門外有條人龍、外賣訂單接不斷，可見佢既人氣之高😳第一次去食完已經回味無窮，所以隔咗排又再去多次😍-那個滷排骨便當 $66那個既招牌大大塊滷排骨，有我成塊面咁大！🤯排骨醃得好入味，外皮都炸到好脆💕但肉質方面，我個人覺得差咗少少🤏🏻接近骨既位置有多d油脂既肉就juicy d，其餘既就偏乾🤭希望店家可以改善下啦～但個汁撈飯食果浸味，真係好有家的味道，令我胃口大開🤤-臺南蝦捲便當 (鹽酥) $58蝦捲外貌看似平凡，但食落有驚喜！蝦肉爽口彈牙，食到蝦既鮮味而唔係雪藏味！😤而外層脆口，沾上少許既椒鹽粉，為整個蝦捲增添一d鹹香～唔會淡某某！-那個滷雞球便當 $66係呢3個便當入面，我最鐘意滷雞球🥰❤️雖然佢個滷汁同滷排骨係一樣既，但因為係雞肉既關係，所以肉質會滑d Juicy d💕最重要係冇雪藏味呀！雞球既份量超足，有5大舊咁多！🤩包你一定食到好滿足，肚仔脹卜卜咁行出門口😋-飲品方面，我有試過佢地既「南投炭焙烏龍」同埋友人叫既「

聽聞呢度嘅食物份量係超多！由於我食之前餓左一晚，所以十分之期待佢嘅份量能唔能夠填飽我個胃，然後我同我啲朋友就分別點左「鹽酥雞飯」、「海苔鹽酥雞飯」、「鹽酥魚飯」、「雞皮卷」、「甜不辣」同「台灣腸」。 叫完餐後大概十分鐘內就上菜，效率幾快，而我就率先嘗試「鹽酥雞飯」。 「真係好多好大舊啊！！」 個飯一黎到完全唔見飯底，比四舊大雞扒佔左碗嘅一半，配菜都十分足夠，再加埋半隻蛋黃「令立立」嘅溏心蛋，賣相非常之吸引！！ 雞扒一咬落去脆卜卜！原本以為佢上菜咁快應該係炸定先，但食落去熱辣辣！然後一陣咸香味湧上嚟，再加上應該有黑椒，咸與辣嘅感覺非常突出，而裡面嘅雞肉一啲都唔「鞋」，好容易就咬開，當我咀嚼舊雞嘅時候，外層炸皮同雞肉分離，你會感覺到果舊雞肉嘅嫩滑同肉絲中間鎖住嘅肉汁流出黎。 外皮嘅咸香加上雞肉嘅嫩滑同充滿雞味嘅肉汁，令到塊雞扒十分出色！ 然後再到配菜，個配菜都幾多元化，有啲咸菜，菌類，椰菜，溏心蛋，仲有紅腐乳粉絲，我覺得紅腐乳粉絲十分出色，粉絲一啲都唔濕，幾乾爽，而果陣腐乳味好濃，令人好開胃想繼續食，一啖粉絲一啖雞，超正！ 而由於我冇食到朋友叫嘅「海苔口味鹽酥雞」、「甜不

午市時間經過總會見到餐廳外面排滿人因為擔心會遲返公司一直冇試堂食有一次行過就決定做左功課先問到原來外賣最好都預早15分鐘叫今次預好時間 終於有機會試到啦就快出門前打電話叫定外賣 去到就唔洗等啦！而叫外賣似乎都好多人 有時打電話去都唔通 要打好幾次碰碰運氣返到公司一打開 嘩～好豐富啊！滷肉好好味 非常下飯配菜竟然有5款咁多 每樣都有小驚喜今次隨餐跟左雪梨雪耳湯 好清潤而且真係冇味精感受得到小店的用心難怪總係好多人排隊啦