那個ㄋㄚˋ ㄍㄜ˙ (埃華街) (已搬遷) 新店位置

係大角咀呢間轉角位店鋪，每次經過都有人係度排隊，開17:30，已經有人係度等開門，就咁睇店名‘那個ㄋㄚˋ ㄍㄜ˙‘，我完全唔知道係食咩😂行近去望下個menu先知係台灣嘢，主打台灣便當。今次放工經過呢度，見唔係好多人等位，於是就入去試下了，叫左個招牌滷排骨便當+台南蝦卷+高原黑蕎茶，服務員態度好好，好有禮貌，而且都溫馨提示我個餐有包嘢飲(我以為冇🙈)。當便當來左之後，最亮眼係個滷排骨，勁大塊，佢唔係我以前食開個隻酥炸，個皮係霖身的，但好鬼入味，個便當仲有粉絲，滷水蛋，青菜等其他配料，好開胃，唔係得個大子，係真係好食。推薦。