遊園

营业中

休息中

尖沙咀新地標內又一新餐廳🍴更有兩位資深總廚坐陣，第一時間試一下！但當天去金牌滷水鵝片已賣光！唯有下次再來潮聖一下吧！在街外吃飯也想喝口湯水，點了雪蓮子蟲草花燉竹絲雞，足料又清甜，女士必愛！燒味雙拼點了金牌燒鵝配招牌蜜汁叉燒，燒鵝表皮相當香口、肉質緊實，叉燒對比下比較遜色桂花脆生蠔令人驚喜，香濃的蠔味外皮微脆，配上微甜的桂花醬汁，每咬一口都是肉！但一定要來到熱騰騰時立上吃掉，冷卻後便失去香脆口感。松露野菌雞球煲仔飯一上桌便香氣撲鼻，陣陣的松露香在煲仔上久而不散，吃下去也充滿松露香！最欣賞的是雞球都去了骨，可以大啖大啖吃！必點的手工反沙芋，吃過回味無窮！熱騰騰的芋頭外佈滿幼細的砂糖，超級滿足的！話梅陳皮梳打也推薦！飲品款式還有保衞爾牛肉汁，感覺像淡味牛肉湯，相當有趣，好不好喝即見人見智了哈哈！

※本文以用餐當日的環境、服務和食物質素為準，口味亦因人而異，文章只作參考之用。-唔知大家有無去過柯士甸站既西九龍全新文化地標傳統戲曲中心呢😬 個環境真係好大好靚！純白潔淨既設計、充滿線條既美感，仲望到維港景色🌃 當中隱藏左數間特色餐廳，「遊園·茶記」就係其中一間。「遊園」以港式懷舊茶室作藍本，餐廳環境闊落，有多款港式地道菜式選擇。特地找來多年經驗的潮菜師傅炮製拿手菜式，包括各款滷水菜式。仲有佢地出名既「芫茜湯車仔麵」都非常多人棒場。今次試左幾款菜式、燉湯同甜品。估唔到呢度仲有保衛爾牛肉汁 $22，老公忍唔住試。飲落就好似溝淡左好多既牛肉湯，好唔好飲就見人見智🙈。首創鹹檸檬燉鵝湯 $48、雪蓮子蟲草花燉竹絲雞 $45前者呢款燉湯加入左鹹檸檬去燉煮，飲落帶點鹹鹹甘甘地好似鹹甘桔既味道，頗為特別。小妹就比較喜歡燉竹絲雞湯，裡面湯料都幾多，飲落唔油，很有住家湯的味道，不錯。金牌滷水鵝件雙拼配滷水鵝肝 $148兩款滷水鵝肝和鵝片色澤對辦，鵝肝食落甘香，質感不會硬，能滲出陣陣滷水的味道，不錯；鵝片就略嫌切得比較細件，帶點骨，未能大快朵頤是有點失望。咸柑桔肉排 $108肉排肉質鬆化，帶酸酸甜甜咸柑桔

好朋友之間生日飯，朋友圈都係識食之人，所以絞盡腦汁都唔知同佢食咩好 ，又唔好太寒酸又要好味 ，咁啱見到食評家為食龍少爺推介呢間，咁就出去試吓啦！其實之前見佢好似茶餐廳咁都有啲猶豫好唔好同佢哋去，好似求其搵間茶餐廳敷衍佢哋咁唔係幾好意思 不過戲曲中心咁靚，佢哋都應該未行過嘅（佢哋住香港佢都有啲遠）唔使book 位，其實個格局都有啲似響屋企樓下食小菜晚飯。雖然佢都有啲拿手小菜仲要話俾我哋知有八折添， 店員推介嘅所有嘢我哋都有試：例如燒味啊、滷水、黃鱔煲仔飯啦，鹹柑桔排骨咁。 最後仲要食咗個西多士做甜品添幾款小菜都好食嘅，不過就未至於好大驚喜 。叉燒拼燒鵝我哋嘅食家就話一般，不過店員話係自家燒喎 ，反而個黃鱔煲仔飯食家朋友就話幾唔錯 ，仲有我最愛嘅飯焦添👍🏻其實另外店員仲推介一個蛋黃白飯魚，不過真係食唔到咁多 ！最後有位長輩心思思想食西多士，咁就陪佢地癲一次啦，因為平時我都唔係好敢食呢啲咁邪惡嘅嘢 ，一人一小件啱啱好，間唔中食下都OK嘅，不過幾位長輩就食得好開心🥳p.s 去到嘅時候仲比我撞到為食龍少爺 ，我哋曾經係同事嚟㗎，我諗佢唔記得左😅我全部都冇影相呀

💜 第一次去到柯士甸嘅戲曲中心！建築物設計都好有特色☺️之前聽過游園茶記都係因為佢好出名嘅芫荽湯車仔麵，但係今日去到發現原來除咗車仔麵，仲有好多好味嘅潮州菜式！💕重有潮州來的陳師傅坐鎮👍🏼💜 首創鹹檸檬燉鵝湯雪蓮子蟲草花燉竹絲雞兩款燉湯都超清甜，超好飲😋鹹檸檬燉鵝湯比較特別，聽說是用醃了20年的鹹檸檬🍋煲的~如果你鍾意鹹檸檬既味道，我都會推薦你試吓呢個湯☺️💜 金牌滷水鵝件雙拼潮州既滷水又係必食嘅！除咗平時既鵝件，仲有其他選擇例如：滷水五花腩, 滷水鵝腸, 滷水鵝肝, 或滷水無骨豬手~ 我今次揀咗鵝件同鵝肝！平時食煎鵝肝就食得多，滷水鵝肝都係第一次食😳食落去感覺覺得啲鵝肝好滑，亦都唔會太膩💜 懷舊鬼馬雙星第一次睇呢個名完全唔知道係乜嘢食物😂原來係用油炸鬼包住墨魚肉同鯪魚滑炸出來的!😍🐼聽到就話想試，好開心食到新嘅菜式！味道亦比想像中好！😋 亦都冇想像中咁油膩。我本身都好鍾意食油炸鬼，另外墨魚肉都好彈牙，超鍾意食呢個小菜！🤤💜 台山興哥手工黃鱔煲仔飯煲仔飯好大煲啊！兩至三個人share都得👍🏼煲仔飯入邊都有好多黃鱔， yummy!💜 最後黎到甜品啦！又係試新野既時候。💜手工反沙芋，反沙芋真係

近排戲曲中心開左呢間茶記，見有吾少Youtuber介紹，所以跟埋舊同事去試下。新張期內8折，優惠做到8月16號。芫荽湯麵個樣真係幾芫荽，綠綠黃黃，上面有吾少生芫荽。我偷飲左啖，芫荽味什有的，但個湯吾夠熱，帶不出芫荽的香味。我個花雕濃雞湯就差少少，花雕味不足，少少雞味，仲有少少酒既苦澀味。個麵我揀左台灣百年老字號手造麵，麵質有咬口，吾易浸淋，幾好食。呢度d西多切成4小份去炸，所以更香口，而且炸得不油膩，好味。腐乳砂糖多士可算係吾少人既童年回憶。我一啖咬落去竟然食到榴槤味，哈哈!

芫茜呀～～～～～芫茜～～～～～～終於見到你喇！嘩～～～好多芫茜呀😍湯底看起來好濃 飲落去有芫茜味 清清的👍🏻我選擇了台灣百年老字號手造麵、麻辣鴨血、五香牛筋 幾十蚊就食到依個質數 比起一般車仔麵真係抵食 就連湯都飲晒 正呀！依件就係花膠 好大件呀😄店員還介紹左一杯 話梅陳皮梳打水 味道不錯 可是個人口味實在太甜 加多點梳打水應該好好味我仲點左份滷水鵝肝 掂呀 切薄一點口感更佳仲有芥茉海蜇頭 好特別 配左番石榴 讚👍🏻 掛住食忘記了影相😓

位於尖沙咀戲曲中心的遊園．茶記，是一間最近很火紅的港式餐廳。購址在香港文化地標，當然要售賣本港的特色美食啦。今天七時半到達，有不少香港人和國外遊客光顧，約八時半已售罄大部份的熱門菜式，建議大家早點到達了哦。餐廳佔地3000尺，以古時驛站為裝修概念，塑造出《牡丹亭》裡《遊園驚夢》的場景，有中式屋頂和門窗，室外坐位，充滿古時中國氣氛。菜式由兩位資深總廚聯手創出，有「大公館」的行政總廚 - 陳偉庭師傅 和  國內潮汕名廚 - 陳澤嘉師傅，美食選擇非常豐富， 包羅萬有。燒味雙拼 $128滷水拼盤和燒味拼盤，勻是餐廳招牌菜，今晩先試試燒味，下次才試滷水吧!雙拼可選: 叉燒丶燒腩仔丶燒鵝丶油雞和香妃雞。招牌蜜汁叉燒，很美味唷。叉燒色澤深濃，邊位燒焦，賣相不俗。肥瘦相間，充滿光澤，肉質腍嫩入味，富有嚼勁和彈性，質素不錯哦。化皮燒腩仔，非常好吃呢。脆卜卜的外皮，放涼後依舊香脆，完全沒有油膩感，咬下軟綿鬆化有肉汁，稱為上品也不過份哦。九層塔薑蔥粉絲蝦煲 $198服務員把蓋子打開，即傳來濃烈的九層塔香氣。大蝦一共六大隻，可惜肉質不彈牙，有點失色。粉絲充滿薑蔥和九層塔的味道，惹味滿分。台山興哥手工黃鱔煲仔飯

熱愛芫荽嘅我，知道有芫荽料理點會唔沖去試呀。聽到尖沙咀戲曲中心間遊園茶記有芫荽料理就即時去食。我的天呀～叫左個芫荽湯底車仔麵，個芫荽湯底好正，超級濃郁嘅芫荽味，差啲飲晒個湯底個三文魚芫荽蛋三文治亦都有好濃烈嘅芫荽味，不過好野嘅係啲芫荽味無蓋過三文魚同蛋嘅味道，三隻味道並存，very good餐廳裝修好靚，唯一美中不足嘅係非常唔夠冷氣，好熱，本身想叫杯凍飲，不過聽到啲職員係後面講無食用冰，只左人去附近超市買，所以我地都放棄左叫凍飲，諗住快快食完出去買野飲。

今天去食了車仔麵，老實講，太多味精，咸到我只食左一半，牛丸豬腸牛根，也是失望的，其實不吃也沒損失。室內裝修清潔大方，服務員有禮，這是優點，奶茶倒是不錯，頗香濃，19蚊。

位於柯士甸站附近的戲曲中心，除了有戲曲表演，原來還是覓食好去處！最近，與大公館屬同一集團的 遊園·茶記 於此開業，並由集團大廚監製，質素應該有保證，這晚就來小試牛刀！店子裝潢優雅，如置身客棧一樣，座位也挺舒適闊落的，打開餐牌，除了港式茶餐廳的菜式，還有燉湯、燒味、鹵水以及甜品供應，種類繁多，應有盡有！在家少湯水，難得這裡也有燉湯供應，當然要試，我倆分別點了店家大廚自創的 鹹檸檬燉鵝湯 以及 雪蓮子蟲草花燉竹絲雞，最初對前者也有點猶豫，怕味道奇怪，但出來的效果卻挺不俗，湯頭帶檸檬香，喝罷開胃解悶！後者則是滿滿濃郁的雞鮮香，不感油膩，滋補非常燒味雙拼，選了 招牌蜜汁叉燒 及 化皮燒腩仔，叉燒軟腍度剛好，邊帶焦香，肉質鬆化，味帶蜜甜，燒腩仔的脂肪和肉的比例剛好，皮香脆鬆化，唯一不解，是為何燒腩會浸於醬汁中哩~另一另人驚喜的，是 九層塔薑蔥粉絲蝦煲，選用了大蝦，蝦頭更有濃郁鮮香的蝦膏，蝦肉爽身，非常彈牙，粉絲則盡吸大蝦甜鮮，令人吃不停口不過，餐牌中最令比利著迷的必數 台山興哥手工黃鱔煲仔飯，黃鱔肉已切成幼條，飯也是炒過的，每口也盡是鱔魚的香氣已經飽到不行，但甜品環節仍有亮點，不能錯過，說的是 

會嚟呢間餐廳，主要係在網上見到呢個吸睛嘅芫荽湯車仔麵， 青翠碧綠的芫荽放滿車湯麵碗上，非常上鏡，好適合拍照打卡。所以今晚開完會，我就拉了朋友來試。原本想食車仔麵之餘再加點小食， 不過朋友細食立馬制止我怕我眼濶肚窄😅。好在啫， 車仔麵麵底的份量比我想像多， 看來朋友真的有先見。我想當然的點了芫荽湯底， 餸點了腩肉、黑枝竹、牛筋、牛丸，大堆頭芫荽好新鮮，所以味道特別香， 而湯頭就較清，有淡淡的芫荽香味。黑枝竹很好味，推介牛筋因佢好厚身有膠，腩肉肥而不膩，其他的配料就不過不失。食完都飽哂，下次先再來試其他野吧。

今晚同屋企人過嚟西九龍全新文化地標戲曲中心行下，順便食個飯首創鹹檸檬燉鵝湯$48第一次飲鹹檸檬燉湯，師傅用20年鹹檸檬加鵝嚟燉湯，感覺矜貴滋補，尤其夏天悶熱無胃口，飲完即刻覺得開胃返雪蓮子蟲草花燉竹絲雞$45用烏雞燉湯，補而不燥，好足料，連蟲草花都可以食埋呢金牌滷水鵝件雙拼配滷水無骨豬手$148主理嘅陳澤嘉師傅於國內係數一數二嘅潮菜大師之一，超過20年經驗，潮式滷水係佢拿手菜，食落真係好唔同，滷水特別香濃，金牌滷水鵝片係以來自汕頭澄海的獅頭鵝秘製，鵝肉鬆軟且鵝味重。豬手連豬皮都非常軟淋入味，無骨啖啖肉傳統手吊燒雞$198吊燒雞好大隻，份量好夠食，燒雞外皮香脆惹味，雞肉嫩滑，經了解後發現餐廳用高智能大型風櫃去做吊燒雞砂鍋生炒臘味糯米飯$158生炒臘味糯米飯因為太麻煩，出面好多餐廳都會先煮熟，再炒，呢度真正係生炒，食落糯米煙靭好多，蝦米、臘肉、臘腸切到大小差不多再炒，啖啖都有配料，非常用心手工反沙芋$78每條芋圓6邊都均勻沾上砂糖，芋頭夠粉，食落外脆內軟黑芝麻奶凍$35黑芝麻好香，奶凍夠奶夠滑菠蘿冰$25（左）以傳統罐頭菠蘿製成，同小時候飲嘅一樣話梅陳皮梳打$38（右）酸甜開胃，解渴推介

唔係打手💪🏻真心想讚香港人真係咩都諗得出！本身我自己唔太好芫茜但都唔抗拒，但有一位愛好芫茜的朋友發現了這餐廳的芫茜麵，正所謂人一世物一世咩都試下所以我就試下！😆👍🏻我地三個人都揀芫茜湯😂👍🏻等左一陣就妮料😆👍🏻個碗一放底就聞到芫茜味👍🏻👍🏻👍🏻😂麵有起多芫茜！落足料個湯先勁👍🏻😂全綠！我諗佢係用攪拌機打爛曬啲芫茜再放入湯度煮，真係超濃郁嘅芫茜味🙈😂👍🏻👍🏻👍🏻配合埋個湯係好味嘅👍🏻我點左黑粉絲，粉絲吸曬啲芫茜湯，加埋芫茜一齊食又ok，好青新，口感幾好啲料係正常車仔麵料，推薦豬皮因爲可以吸曬啲芫茜湯，但白羅白太咸。總結係一個好正同好好玩嘅體驗，鐘意芫茜會好enjoy😝冇咩所謂嘅朋友都會覺得好好玩👍🏻👍🏻👍🏻最想讚呢間餐廳好創新👍🏻創意係美食嘅其中一個重要元素👍🏻😎

身為一個芫荽愛好者既我終於有時間來試一下芫荽車仔麵墨魚丸，牛筋丸，花膠，通菜，黑粉絲以上4餸1麵不過不失，唔多講。重點芫荽湯~貌相~打卡一流，綠色既湯配上一堆新鮮芫荽。聞落去有芫荽味，但唔算好重芫荽味，欠缺芫荽清香味。湯不夠熱，冇熱辣辣燙手既感覺，新鮮芫荽浸落湯都冇浸出清香既芫荽味。湯上的綠色應該是將芫荽搞成醬加入湯，亦可能因為咁湯不夠熱。湯底亦唔夠咸，要另加豉油調味。總括而言，芫荽湯唔夠熱，發揮唔到芫荽清香的味。始終芫荽是滾一滾先出味，就咁加芫荽醬有睇頭，但味道不似預期。

Right in the world-class performing Art Theatre - Xiqu Centre, Peony Garden is a traditional tea house inspired by nostalgic Hong Kong culinary art and blends the cultural elements of Cantonese Opera.Helmed by Chef Chan Wai-Teng, Executive Chef of Greater China Club, and Chaozhou Masterchef Chen Ze-Jia, there are tons of choices at this newly opened tea house, ranges from local Cha Chann Teng classics to iconic Hong Kong style cart noodle, menu highlights also include Chaozhou specialties to Can