逸之燒 (已結業)

今晚黎到元朗逸之燒歎返個日式料理。什錦刺身飯超抵食既什錦刺身飯!有齊三文魚、油甘魚、劍魚腩、鯛魚、蟹棒、玉子，特別推薦細滑柔軟油甘魚，嫩滑肥美、肉質細嫩劍魚腩，以及清爽甘美、鮮嫩帶脆鯛魚。雜錦串燒十本十款唔同串燒真係大滿足!推薦鹽燒豚肉荔枝，豚肉帶油脂香，肉質嫩滑唔乾柴，配以入口香甜清爽荔枝。鹽燒牛脷外焦內嫩，感覺軟脆。汁燒免治雞肉棒雞肉拌雞軟骨好有咬口，沾上特製雞蛋醬油，鮮味十足。汁燒魷魚筒味道香濃，口感Q彈，新鮮魷魚鮮甜爽口。赤魚西京燒醃得入味，味道濃郁，燒香後散發焦香甘味。汁燒鰻魚串肥美軟嫩，好出色!

呢間餐廳在元朗都薄有名氣，聽過朋友推介，但就未試過。今日突然想食日本野，拉埋男友去試下。一到步，餐廳環境好日式，好骨子，感覺舒服。仲送上中華沙律比大家食住先。揭開餐牌，發覺好多野食揀，包羅萬有：從前菜、小食、串燒、壽司、手卷、剌身、鍋物、炒飯、煮物都有。男友想食剌身飯，我就想食鍋物，可各取所需。雜錦刺身飯主要有三文魚、油甘魚同劍魚腩，剌身冰鎮另上，刺身夠凍夠鮮味。鍋物我揀咗安格斯牛小排壽喜燒，如果有買開凍肉，都應該知道牛小排價格貴過肥牛好多，亦都比肥牛更好食。我加左 $10 追加左一個飯拌來食。牛小排索左壽喜燒汁嘅味，勁入味，加上牛香溢出，是令人難以忘懷的味道。配料仲有鍋蛋同草菇、洋蔥絲、蘿蔔絲、椰菜絲，索左壽喜燒汁又係勁入味。主菜之外，我地有叫左些小食。磯燒鮑魚，鮑魚餣得入味，食落有咬口，唔會乾身，美味。鵝肝多士同西餐廳的質素相約。安格斯牛肉串用料上剩，頗為美味。胡麻豆腐，$22 有 4 件豆腐同沙律菜蕃茄仔，好味又抵食。

在元朗吃晚飯有很多選擇，這間日本菜小店值得推介。燒鵝肝多士小小一件作為前菜剛剛好，鵝肝口感細膩，感覺像在口中化開。安格斯牛小排壽喜燒，另外加配了白飯，用壽喜燒湯汁配白飯滋味無窮。牛肉色澤新鮮，最喜歡把牛肉灼熟後，再沾一些蛋漿吃，令口感更滑。雜錦刺身飯性價比高，有多款刺身而且份量也多。三文魚和油甘魚等刺身鮮美非常，玉子甜甜的，蛋味濃。軟殼蟹手卷，一上桌要即食，紫菜和軟殼蟹都香口脆身。鹽燒豚肉荔枝串和奄春蛋串，把配料卷在豚肉中間令味道富層次，尤其喜愛酸甜多汁的荔枝。鹽燒牛脷串鬆化易咬開，每次吃日本菜都必點的菜式。鹽燒雞腎串和七味墨魚仔鬚都是讓人開胃的小食，一啖一口，惹味又有咬口。汁燒鰻魚串肉質軟滑，魚皮帶焦香，加上鰻魚醬汁更滋味。鹽燒雞翼調味適中，雞皮燒得香口，能鎖住雞翼的肉汁。燒茄子加了一點燒汁和木魚碎，很有日式風味。

今日跟朋友元朗食飯，特意再來這家居酒屋。門口停車場方便泊車，入座前職員替我們量體溫，奉上熱茶及餐前小吃，服務態度值得一讚。😎餐廳食物種類繁多，套餐串燒刺身壽司 海鮮，小食 鍋物等。😋每次必點的雞泡魚魚乾，半客份量都不少，有咬口不會過乾，風味十足。👍🏻//串燒- 鹽燒豚肉鵪鶉蛋串口感不錯，蛋味濃香，豚肉油脂分明。//鹽燒牛脷、雞腎串、雞皮串簡單海鹽調味已足夠，牛脷及雞腎咬落肉汁滿滿，口感彈牙，推介！ 雞皮香脆外皮不會過於油膩。//汁燒安格斯牛肉大蔥串，牛肉略帶爽口，加上香濃大蔥口感分明，大蔥帶出牛肉香味。//蔬菜串燒，牛油蒜香翠肉瓜串，脆身翠肉瓜帶水份，蒜香味不會搶過翠肉瓜的鮮味。燒海鮮//沖繩網燒鮑魚仔，醬汁帶甜味，爽口彈牙鮑魚仔鮮味。🤓//燒法國金蠔，淡淡海水味道鮮甜，很有厚實感。//北海道黃金燒帶子，芝士加上沙律汁配搭香濃，帶子入味。🤤//特別推介牛油燒海虎蝦，牛油香味帶出鮮甜虎蝦的味道，口感十足，惹味非常。😋😋😋//皇帝蟹炒飯，飯粒跟材料炒得分明，蟹肉一點不馬夫，打卡一流，外觀都非常吸引。😍抵食份量足夠夠的美食跟朋友分享，一大樂事！🌸🌸

見到openrice好評都幾多 諗住去試一試貪佢有熱食又有壽司。呢度環境都尚可以 細細間 有少少裝修但係食物方面真係好唔ok完全唔明白點解openrice嘅評語咁多正面亦都激發起我黎呢到食評😢壽司： 點咗5款壽司， 帶子油甘魚劍魚腩鰻魚火炙三文魚，無一款係可以評為average ， 食落唔覺得新鮮同好味，啲飯有啲散，火炙三文魚爭鮮都好味過佢。熱食： 叫咗松葉蟹粥食諗住暖下胃， 點知 原來冇咩蟹味 但係都幾大鍋足夠四人食 $108串燒： 點咗雞軟骨，鹽燒雞翼，明太子雞翼， 醬燒牛柳串，露筍豚肉串， 仲有個腩肉串， 燒芝士年糕，都係唔多ok。有啲意外點串燒會好快就上到畀你， 平時食開出面嘅都會逐啲逐啲出 ，因為燒都需要時間。 最失望嘅係全部都好咸😣 如果真係要講雞軟骨同埋蘆筍豚肉串比較正常。。。服務： 如果10分滿分，我會畀3分。 因為成餐嘅感覺都唔多舒服， 七點多嘅時候全場都坐滿曬， 樓面只有兩人， 雖然明白佢哋好忙人手唔夠， 但係佢哋做到好急好趕咁樣令人感覺好唔舒服， 上菜嘅時候都好是但， 是但放上枱就係 。 而且佢哋好急咁樣傳菜，撞到我張凳都冇講唔好意思。。。就係因為服務咁差， 我哋

點餐前店員先免費奉上前菜中華沙律，等我地可以慢慢食住睇MENU，相當貼心。小食蟹籽沙律份量唔算適中，青瓜爽脆而且新鮮，每粒蟹籽亦都卜卜脆，作為前菜一流。海膽炒飯上面有一排海膽，食嘅時候同啲飯撈埋一齊，咁就每啖飯都可以有晒海膽嘅味道吉列蝦芝士反卷，新鮮炸起嘅吉列蝦非常香脆，上面有微焦嘅芝士同沙律醬，味道豐富得黎有層次。燒菠蘿多汁香甜磯煮鮑魚味道濃郁，而且肉質非常彈牙，另外仲好細心咁將鮑魚分成兩份，方便同人分享。和風牛肉炒烏冬非常有口感，成個烏冬吸收左大量嘅牛肉汁，同湯烏冬相比係另一種風味。蟹子壽司$20火灸三文魚壽司$22

上星期收工入左「元朗國」搵朋友食飯吹水 餐廳係朋友揀既入到去第一印象唔錯 環境舒適闊落 而且店員好熱情服務好好 店員話第日再冇限聚令既時候可以拍埋d枱 咁就可以一大班人gathering喇！食物選擇都幾多 除左固定menu之外 仲有「店長推介」！返工返到咁攰 歎返杯啤酒先！到食物出場喇 首先黎既係「帆立貝刺身」 刺身好新鮮 肉身肥厚 味道甘甜同樣係帆立貝 呢味「北海道黃金燒帶子」帶黎完全唔同既風格！黎自北海道既帶子同樣大大粒啖啖肉 味道就較為霸道 醬汁酸酸甜甜咁 唔會話太漏「日本迷你蕃薯仔」：蕃薯仔味道香甜 口感軟綿 本和味龍一口氣食晒四粒呀！「安格斯牛小排鍋」隨鍋附上既配菜都唔差 蔬菜新鮮 豆腐軟滑牛小排既色澤好靚 而且油花分佈均勻 入口即溶 估唔到呢個價錢都食到高質靚牛！性價比真係好高！「皇帝蟹肉蒸蛋」：蛋蒸得好幼滑 加上鮮甜既皇帝蟹肉 唔錯！估唔到係元朗都有高質野食 重點係價錢十分合理 有機會都想再黎多次！

好耐都冇食日本嘢啦，今日放工同朋友去食日本餐廳，期待咗好耐。鹽燒豚肉芝士年糕串：每次去都一定要食呢個串燒，芝士年糕非常之香，加咗鹽嘅豚肉包住啲年糕一齊食，又creamy又鹹鹹地，我勁鍾意食佢呢間舖頭嘅呢一隻串燒。A4和牛壽喜燒：和牛切到一片片薄薄地，擺落去火鍋入邊加埋隻蛋煮一陣，拎上嚟食牛肉好滑，而且牛味非常濃郁。飲埋啖湯甜甜地，仲可以加啲菜一齊煮，成個煲食完好令人滿足。我哋仲加咗蔬菜盤同埋烏冬添。三文魚刺身：三文魚刺身係厚切，脂肪同肉嘅分布好平均，魚油甘香，好好食。油甘魚壽司：魚肉切出嚟好新鮮，紋理清晰可見，厚度平均，口感不俗。今晚食完返去要努力減肥，不過咁好味都值得！

難得入到元朗踩單車, 運動完當然要吃返餐好的。跟著身為地膽的朋友來到這家逸之燒, 門面唔顯山唔露水, 但經過收銀台去入座的時候, 發現原來這家竟然是元朗/屯門區開飯熱店啊, 咁應該可以期待一下吧。芝士年糕, 樣子超可愛, 好似笑口棗一樣裂開, 見得到白雪雪軟綿綿的年糕像是要被擠出來了。咬一啖, 外層燒到香脆, 內裡還保持著煙韌的質感並伴隨著淡淡的芝士味, 十足Q彈。北海道黃金燒帶子, 帶子的SIZE很可觀, 想一啖過塞入嘴巴是有困難的。酸酸甜甜的汁醬, 表層被炙烤得微微焦香, 掀得起一層薄薄的脆片, 配上啖啖肉的帶子, 好~好~吃~!燒法國金蠔, 根據朋友的描述是熟度剛剛好, 鮮味爆汁。明太子雞翼, 其實不太能感受到明太子的存在, 不過勝在啖啖肉又帶點微辣, 都算幾醒胃。蒲燒鰻魚, 真的發現身邊的人基本上個個都愛鰻魚, 經常見到鰻魚就會有人情不自禁去點, 當然到目前為止也未吃到過覺得難吃的鰻魚, 算是比較穩陣的菜品, 送飯一流。皇帝蟹炒飯, 今晚的一大亮點, 上桌時熱氣騰騰, 新鮮熱辣。巨型蟹殼做背景, 一絲一絲的皇帝蟹肉夾雜在爽口的米粒之中, 鮮香味美, 令人肚子暖暖, 幸福滿滿。本

星期日中午想食吉列豬扒見到依間lunch 有就入黎試下兩個人叫左一個便當同一個豬扒飯，係無湯無野飲既午市唔駛加一見到吉列豬扒比d 咖哩汁甘活埋法就知凶多吉少我已經即刻夾哂d 豬扒上黎，但大部分都係淋哂而且d 豬扒咬落去係好硬實，一d 都唔鬆，豬扒係偏瘦個種，炸粉唔算厚，但實在係太實。。。咖哩汁都正常，有d 配料先覺得多番d 送 飯都係偏細碗，男仔未必夠，係珍珠米但完全無飯香。。。但唔係偏濕或偏硬，口感係ok便當要等得比較耐，玉子燒係勁凍勁硬，完全唔掂，明顯整定好耐或者隔夜。。壽司質素正常，唔係特別出色鰻魚切薄片，燒出黎同埋隻汁都唔錯整體食完都唔會encore...唔知係咪其他人食dinner 所以甘多好評。。。但lunch 應該無下次了。。。

同事之前食過讚好推介我去食呢間居酒屋,地點都方便在元朗西鐵站步行10分鐘就到。店內充滿日式和風設計,坐得好舒服。看看餐牌,發現食物選擇多,有前菜、串燒、壽司、刺身、鍋物、丼類、烏冬、飲品和甜品等…仲有二人及四人前套餐可選前菜-中華沙律免費奉上,可以一邊看餐牌一邊吃,好貼心因太肚餓先嚟小食雞泡魚乾(半客),上枱仲熱辣辣,食果陣煙煙韌韌,有咬口之餘帶微甜,可以帶出雞泡魚鮮味,送啤酒一流。雜錦刺身飯呢個飯嘅材料真係豐富又吸引,每款刺身都大大舊,厚肉肥美又夠新鮮特別係三文魚脂肪紋理好靚,入口有魚香及油脂香。刺身飯大大碗係另外上, 選用珍珠米,粒粒飽滿,又夠黏,入口濕潤,醋味恰到好處。安格斯牛小排壽喜燒湯底清甜,牛小排肉質軟腍無雪味,鍋內仲有大量娃娃菜和冬菇吸收晒啲精華,食落唔算太多味精,食完亦唔會好口渴牛小排雪花分佈均勻,厚薄切得剛好,肉汁豐富,完全唔韌。雜錦串燒十本串燒有十款,每款都燒得夠香、調味適中。鹽燒牛脷爽脆而不會過韌鹽燒雞軟骨燒得外脆香口鹽燒豚肉荔枝,清甜嘅荔枝中和咗豚肉嘅鹹味,推介汁燒免治雞肉棒爽口的雞肉棒沾上厚厚的蛋汁,令雞肉和蛋黃的味道變得更濃迷你蕃薯仔,味道香甜

元朗鳳攸南街依頭都有唔少野食，今日試試食依間日式居酒屋，依間好多蟹既items，四個人可以share試唔同野～🦁 松葉蟹粥：蟹肉好多 不過唔算好濃蟹味 感覺上煲得唔夠耐🦁 喜之次一夜干：有驚喜 油分好夠 淡淡肉 冇咩骨 食唔停！🦁 海膽壽司：都幾新鮮，加上份量好夠🦁 皇帝蟹柳壽司：超正啖啖肉既蟹柳！好滿足🦁 黑松露鵝肝多士：好濃味既鵝肝！加埋黑松露醬仲正🦁 雞泡魚乾：好香口！食唔停🤣🦁 法國生蠔：居酒屋既生蠔黎講都算幾新鮮🦁 雜錦串燒：豚肉鵪鶉蛋同荔枝串都好食！另外牛舌都好香！人均400，lunch唔洗加一，比較抵食！

太掛住日本，搵間居酒屋食下，止下旅行癮～第一道係「蟹籽沙律」已經好有驚喜好大碟又多醬再嚟係「角切魚生飯」唔洗100蚊有咁多魚生粒粒真係好抵食最重要唔係只有蛋粒粒充斥場面🙈重頭戲就係「串燒」選擇困難症嘅我就叫咗雜錦十串，唔洗諗首推「鹽燒豚肉荔枝」好有驚喜，多汁又甜甜地，燒荔枝原來咁好食😍上菜嘅時候，連埋生蛋醬油一齊上，原來係配「汁燒免治雞肉棒」，即刻變咗「親子棒」，唔會干爭爭👍🏻「鹽燒三文魚頭」最有驚喜反而係配柚子醬，好yumyum，我除咗點魚頭，仲會點其他串燒，都好夾👍🏻👍🏻甜品點左Affogato嘅朋友仔-「黑糖梅酒配雲尼拿雪糕」，完美的句號。

朋友約食飯，今次就返了去大家屋企附近，元朗人口越來越多，而食肆亦都有很多的選擇，無論是中菜、西餐，還是日本菜，全部都可以搵到。今次這間逸之燒，顧名思義是以日式串燒為主，其實即是平民版居酒屋。餐廳有間六人房，私隱度較高。和風魚生沙律三文魚、吞拿魚及油甘魚尚算鮮甜，加上有柚子汁酸甜爽脆的沙律菜，十分清新開胃。三文魚腩刺身刺身肥美，油脂均勻，入口充滿魚油甘香。火炙三文魚壽司表面燒至油脂滲出，三文魚油香重。吉列蝦芝士反卷吉列蝦新鮮即做，非常香脆，加上略燒至半溶芝士。鰻魚手卷紫菜脆口，鰻魚有燒汁甜味，但味道則一般。明太子雞翼明太子的咸香鮮味跟雞翼超夾，入口juicy。串燒鹽燒牛脷彈牙、汁燒黑椒安格斯牛肉肉質嫩腍、鹽燒豚肉菠蘿用了罐頭菠蘿且豚肉比較薄，但菠蘿汁正好中和油脂。炸軟殼蟹 薄薄的粉漿包裹著，有胡椒粉的香味，不過味道略咸。燒三文魚飯團飯團表面燒至焦香脆口，加上燒汁甜香，飯團超好食。最後食個酸酸甜甜的柚子雪葩做甜品，非常滿足的一餐。

今日到元朗探訪朋友，與他一起晚餐閑談一番！ 來到他常光顧的日本 料理，記得去年到訪也是帶我來這裡。 他認為這間小店食物有質素味道好，收費合理，食物多選擇！ 燒物相當出色，刺身又新鮮！雜錦刺身盛海膽，帆立貝，磯煮鮑魚刺身，赤蝦刺身，三文魚，吞拿魚等。每款都柔軟鮮味，色澤鮮明，磯煮鮑魚很有爽甜口感。海膽大大粒，鮮甜綿滑。炭爐燒～雜錦串燒十本:塩 燒豚肉荔枝棒，鹽燒牛脷燒免治雞肉棒 汁燒豚肉鵪鶉蛋 ，鹽燒墨魚仔，迷你蕃薯仔，汁燒牛肉車厘茄。爽口雞肉棒點上鷄蛋醬汁特別滑！塩燒豚肉荔枝棒荔枝甜甜多汁與豚肉很夾，口感好特別！好甜美！蟹籽炒飯香氣十足的飯粒粒分明爽口，將蟹籽與飯撈勻 啖啖卜卜脆口感。我也很滿意這間店的食物味道！