迎囍 (已搬遷) 新店位置

難得大家一齊放假, 就緊係約埋一齊去飲茶啦.去左迎囍大酒樓食, 因為食完都諗住去行下街先返屋企。 素菜餃 - 幾好食呀, 佢有D菇呀~蘿蔔呀o個D野, 個皮唔算厚, 算唔錯啦~~翡翠牛肉腸 - 味道幾好,而且D腸粉皮亦好滑流.包到好似粉果咁...鮮蝦炸春卷 - 炸野食邊可能唔好食!仲要係有蝦係入面既炸春卷WAR!上台時佢都仲係熱辣辣嫁!!好食!

前日去了博覽館, 睇了清明上河圖, 晚上出了銅鑼灣食晚飯, 一行四人, 上了迎囍.6時半上到去,冇咩人, 但已見到有d人在食火煱.我估銅鑼灣店是主打火煱, 因為張張檯都是火煱擺設, 食小菜才幫你加檯布. 愈晚愈多人入來打邊爐, 見到差不多檯檯都像是80後的放工人士.唔通80後的特別鍾意打邊爐?我們點了四個菜, 一份特別推介為上湯龍蝦伊麵+燒味拼盤.拼盤都是拉雜成軍; 燒骨真係得d骨, 燒腩仔d肉好鞋, 海哲不夠爽脆, 似橡筋; 很失敗.龍蝦伊麵都是很例牌貨, 龍蝦真是沒有幾多肉比你, 連d 鉗都不見了, 只有大堆的麵及洋蔥. 其餘個雜菜煲好普通, 但d花賿一睇就知是劣貨色, 一d都冇膠質可言. 最後是條魚, 不過不失, 不過都是有蒸得過了火, 肉已有點鞋了.埋單都食了665元. 早知食小菜, 去食泉章居或者醉瓊樓好過...唯一可取是坐卡位坐得比較舒服.

We came during the early part of the Sunday lunch and we were lucky of getting a table right away. No queuing time for us .Ordered few dim sums and a plate of braised noodles with pure vegetibles. Mostly these are good, except the very salted chicken feets with abalone sauce - too much soy sauce or salt put in.We will come back to check out their services - now this seemed a bit under staff.

放學後，大家又要敘一敘，到了銅鑼灣的迎囍。雖已是晚上九時多，但仍有很多人。入內乍見酒樓一角，有長檯陣，以為是甚麼自助食物明檔，看清楚才知道是有些電磁爐在烚熱茶杯筷子器皿，此舉純是希望食客安心在一片「人類豬流感」肆虐聲中進食，而所有員工亦有戴口罩。一看餐牌，價錢頗平，可能是甚麼幾多時後特價之類，半斤灼蝦 $15，小菜分$22，$28，$32，$38，最貴的要算是孖寶，芝士淡水龍蝦球伊麵配燒味拼盤 $128。大家商議後，決定點下列菜式：芝士淡水龍蝦球伊麵配燒味拼盤 食味似是大蝦上漿炸，有六隻，芝士燴伊麵很濃味，份量亦多喜灼海生蝦 一斤，分兩碟上，蝦不新鮮，而且無蝦味鮮菌百合炒藕片 蓮藕切薄片，爽口，百合和鮮菌清香怡人脆皮咕嚕肉 細細件，頗得女士歡心，無乜肥翡翠炒珊瑚蚌是蜜糖豆炒珊瑚蚌，爽脆欖菜肉碎四季豆 四季豆不夠腍黃金炸饅頭 半打點煉奶，脆皮，好好食服務方面，若人客多時會照顧不到，甚至要自己加茶水，但她們有空時會為你換骨碟。上述食品連六位茶，收 $360.50，甚化算。雖然到了最後一課，希望日後大家仍會喜歡久不久出來敘一敘。

假期同bf及佢個妹飲茶, 當然係佢先去攞位.我到時已有位, bf話等了超過40分鐘先輪到枱, 我話叫的靚點心慰勞一吓佢啦. 佢個妹原來已點了大堆點心, 相繼上枱的有蝦餃, xo醬蘿蔔榚, 蝦腸, 叉燒酥等等等等, 想搵人取豆板醬, 揮了不知幾耐手先有人來招呼, 跟住沖茶亦如是, 雖然生意是好, 但人手似乎少了點, 尤其假期應該預了人多, 尚幸食物水準不差, 否則是次必定俾個喊面.

XO醬炒蘿蔔糕、雞麭仔、馬拉糕、雞扎、腐皮卷。XO醬炒蘿蔔糕：XO醬只有辣味，沒有香味。蘿蔔糕炒到爛爛地。尚算好味啦。雞麭仔：沒有薑味。麭餡的雞肉過肥。整體是可以啦。馬拉糕：想必放太多糖，所以過甜及不夠鬆軟。雞扎：冬姑沒有香味，沒有火腿只有芋頭，魚肚只得一丁點，雞肉份量亦少兼過肥。腐皮卷：不是煎而是炸。可能油鍋不夠熱，大量食油舔著腐皮及碟，碟底的吸油紙完全負荷不了。向侍應生反映了，答案是，「油炸的就是這樣子... 我給你更換吧」。老實說，或許小弟見識少，生平未有見過或品嚐過如此油量驚人的炸品。更換後的那碟沒啥分別，自行將腐皮卷換碟，盛著一張蒸籠底紙，仍然是負荷不了。剩下兩件，我跟女友都負荷不了。如果帶著中年人士甚至老人家去飲茶，我奉勸到其他酒樓吧。還有，本人到達後才知此酒家乃稻香集團。原來稻香集團的酒家的食物質素頗飄忽。相比之下，美心集團的酒家在這方面是控制得不錯！

11月27日,新上任既上司請食lunch,請咗我哋嚟呢度食飯,啲餸都係平時一個套餐裡面既嘢, 如燒味併盆、海鮮炒翠肉瓜、清煮小白菜草菇、瑤柱炆鮑魚菇、魚翅羹、瑤柱蛋白炒飯、白切雞、蒸魚等,樣樣都幾好食, 同埋出奇哋鍾意佢樣樣都唔會好油, 幾清下, 好似個小白菜草菇直頭冇落油煮咁喎!都叫做OK啦! 至於幾錢? 真係唔係好知, 我諗約二千蚊一圍掛~~

有2個同事會轉去另外一個部門... 所以一行10人就出發去食呢餐啦!!!叫了一個set餐.... 有乳豬啦...魚啦... chicken最好食... $1399 有10道菜..有orange juice... 都叫好食,食得道!!!

七個人費事o念,order o左個八人餐,o的份量跟本就係4-6人份o既.所謂o既花膠什菌扒時菜,出到o黎淨係見到o的菇同菜,仲要係湯浸,咁咩叫扒呢?係咪出錯呀?叫個待應o羅返入廚房,之後佢又o羅返同一碟o野出o黎,只係上面放返o的花膠碎,唔該佢o地改返個menu啦,連扒同浸都唔識分!唔好當o的客傻先得o架!最扯火係個炒飯,八人餐,居然連茶餐廳o的碟頭飯都差o的大碟過佢,但大家已無興趣再理論.講到服務,更加差,根本就唔夠伙計,而且佢o地o的態度唔掂,效率又低,係咁揮晒手都見唔到,有一兩個明明見到又扮睇唔到.效率最快就係埋單,已經成肚火,但埋單個待應仲問有無興趣幫佢買月餅.係咪有問題.$18xx 埋單,一句講晒,無下次!

在銅鑼灣開完學會例會，八時多，以前也來數次，通常這裏這時間都有位，食物不過不失，水準穩定，便與三個會員來這裏吃晚飯。沒有了以前很抵吃的四人套餐，侍應卻落力推銷價格較貴的商務高級套餐。在這些無形壓力底下，我們看見餐牌上那個特價雙寶，有燒鵝及小炒，再點了另外兩個實惠小菜，一份小吃。侍應看來有些失落的表情，轉變策略，改為推銷今天八十塊錢的例湯。例湯為菜干鳳爪豬肺湯，似乎也合心水，便要了。侍應也開心地離開。豬肺湯也算煮得好喝，雖然也有味精，但是用料也很充足。掀開盅蓋，只見菜干整齊排好於湯盅上，於大湯盅澇出來的湯渣，在牒上堆成了一個小山。其實，有這麼多湯料，只加些鹽也很好喝啦。

上星期5一共七人到迎喜食晚飯,訂位7點半,上到去唔使等!very good!其實我都唔係第一次上黎食。侍應有d一舊飯既感覺,不過都算有禮。我們叫了是日例湯,木瓜湯,很好味!不錯不錯!另外叫了一條小青班,很鞋,椒鹽賴尿蝦,一般。還有豆苗和咕嚕肉等,都是ok!埋單每人$95,在銅鑼灣區來說,差不多了!貪佢唔使訂左位都有排等,又唔係太貴,ok啦!

稻香集團呢幾年酒樓業務搞得蒸蒸日上. 稻香就出名打邊爐, 迎囍就飲茶好.去過好多間迎囍分店, 質素都keep 得唔錯ga!點心款款都幾精緻, 味道都好好! 款式多, 賣相又幾好wo...價錢又相宜...仲有d 午市特價飯呀套餐呀, 又好味又大碟.服務就可以啦. 係次次埋單耐d lor.

跟友人買了禮物後, 終於等到了大忙人放工了, 大家放棄了做gym計劃, 去了迎囍晚飯~剛好看了報紙, 介紹稻香集團一蚊雞十周年慶祝, 當然打算叫一碟平平地試下, 不過三個女仔如何解決一隻雞? 幸好有五毫子半隻雞, 人少少都可以食~半隻雞的份量比想像中少, 是一隻瘦雞, 上面灑了一堆以上湯浸透了的杞子, 杞子味道不錯, 雞當然是冰鮮雞, 以藥材浸過, 略帶香味, 入口不錯~ 搭一次叮叮就可以食到2隻雞, 確實沒有不吃的理由~另外點了蒜蓉粉絲蒸蟶子皇, 蒜子上湯浸勝瓜及艷影舞台, 三個菜都是中規中矩, 不過艷影舞台的配搭挺不錯的~ 中間放了灼好的西蘭花, 圍著西蘭花的是玉子豆腐, 放上豆腐的有蝦膠及帶子片, 而蟹子則灑上面作裝飾, 最後打個獻便完成了這個艷影舞台~ 因為蝦膠放了馬蹄粒, 入口爽爽的~ 整個菜味道又清淡, 老人家小朋友食都適合~侍應似乎十分善忘, 記得提醒他們送十周年紀念鎖匙扣一個, 鎖匙扣絕不敷衍了事, 放在白色蛋形膠殼內, 貼在膠殼接口的貼紙設計精美, 叫人欣賞的是這份十周年的誠意及心思, 不是每一家都做到~

8/24/2006公司係呢樹設飯局因貪其一至四有半價優惠,而自己本身對稻記集團下o既食店都係印象麻麻,出席因只可以話唔使錢食餐飯,準時去到見場面真熱鬧差唔多全場爆晒而檯興檯間又迫(可能我肥仔啦),唔理咁多坐低食飯全晚其實都唔知食過乜,只記得其中一d但最有趣係第道菜係乳豬(見圖),上檯時見到碟豬都覺得好笑,件件只有皮同肥肉d瘦肉就只出現於其中幾件加上隻豬只得一隻腳,真犀利!另隣檯同事想拎個豬頭返屋企都比侍應阻止,唔通環保???重有海鮮卷,炸子雞,荷葉飯等.......其他菜式都唔太記得只知上菜間直係七國咁亂,第一道菜上左後等成平粒鐘先見有第2道菜,但跟手就衝鋒隊咁一次過上3,4碟菜,都唔知攪乜鬼似足跟團去旅行咁速速食飽o拿o拿臨上車去另一景點咁!兩粒鐘後即散但返屋企都要食過麵先得(可能我大食啦)但走時都見不斷有客人進場,奇怪!老銅真係冇地方食野?定大家價值觀咁大差距?如果以千幾蚊比11人去食呢餐,真係唔係平就得o架話晒我唔覺得個餐值呢個價啦,我寧願去附近"鳳城"好過至少一定飽先啦同坐都舒服d,.....貪平丫!另如帶酒去要每支要收$30 corkage

8 June 2006 (Thur) - 晩飯呢次既生日飯局，由我發版，地方已經改咗三次，最後揀咗呢度，因為見價錢較為合宜，好在舊同學們冇埋怨我改咁多次，佢哋仲話我搵到咁平既地方，改幾多次都抵，得佢哋既體諒，心情即刻輕鬆晒，不過都要講多次唔好意思！今次既gathering係集合咗兩個五月份同兩個六月份既同學既生日，一行本來7人，後黎加至8人既飯局！見佢個六人餐好抵，我哋又幾乎全女班(只一個男仔)，所以決定叫個六人餐再加兩個小菜，不過啲餸就真係細碟咗啲。六人餐只需$498包括：1. 叉燒拼燒鰻- 叉燒同鰻魚都非常好味，鰻魚好夠淋2. 瓊漿玉液翅- 個人覺得一般3. 紫蘿爆虎蝦- 好味道，蝦好大隻，可惜好少4. 琵琶二邊荳- 估都估唔到呢碟嘢係咁，有玉子豆腐圍住喺側邊，然後中間係豆腐加上一啲辣汁，只係少辣吊味，唔錯，大家都幾鍾意5. 濟公八寶香芋- 個樣好似粥咁，又似糖水，但係咸點，入面有粟米一齊煮，同學們幾鍾意6. 古法蒸石斑- 我自己就麻麻，因為啲魚非常多骨，食到我好辛苦，但係有啲同學就話冇骨，我睇係一part part 既啫7. 桂花紅豆糕- 普通但好味既甜品8. 紅酒一支- 我覺得