影片
更多
2006-06-12
22 浏览
8 June 2006 (Thur) - 晩飯呢次既生日飯局，由我發版，地方已經改咗三次，最後揀咗呢度，因為見價錢較為合宜，好在舊同學們冇埋怨我改咁多次，佢哋仲話我搵到咁平既地方，改幾多次都抵，得佢哋既體諒，心情即刻輕鬆晒，不過都要講多次唔好意思！今次既gathering係集合咗兩個五月份同兩個六月份既同學既生日，一行本來7人，後黎加至8人既飯局！見佢個六人餐好抵，我哋又幾乎全女班(只一個男仔)，所以決定叫個六人餐再加兩個小菜，不過啲餸就真係細碟咗啲。六人餐只需$498包括：1. 叉燒拼燒鰻- 叉燒同鰻魚都非常好味，鰻魚好夠淋2. 瓊漿玉液翅- 個人覺得一般3. 紫蘿爆虎蝦- 好味道，蝦好大隻，可惜好少4. 琵琶二邊荳- 估都估唔到呢碟嘢係咁，有玉子豆腐圍住喺側邊，然後中間係豆腐加上一啲辣汁，只係少辣吊味，唔錯，大家都幾鍾意5. 濟公八寶香芋- 個樣好似粥咁，又似糖水，但係咸點，入面有粟米一齊煮，同學們幾鍾意6. 古法蒸石斑- 我自己就麻麻，因為啲魚非常多骨，食到我好辛苦，但係有啲同學就話冇骨，我睇係一part part 既啫7. 桂花紅豆糕- 普通但好味既甜品8. 紅酒一支- 我覺得
呢次既生日飯局，由我發版，地方已經改咗三次，最後揀咗呢度，因為見價錢較為合宜，好在舊同學們冇埋怨我改咁多次，佢哋仲話我搵到咁平既地方，改幾多次都抵，得佢哋既體諒，心情即刻輕鬆晒，不過都要講多次唔好意思！
今次既gathering係集合咗兩個五月份同兩個六月份既同學既生日，一行本來7人，後黎加至8人既飯局！見佢個六人餐好抵，我哋又幾乎全女班(只一個男仔)，所以決定叫個六人餐再加兩個小菜，不過啲餸就真係細碟咗啲。
六人餐只需$498包括：
1. 叉燒拼燒鰻- 叉燒同鰻魚都非常好味，鰻魚好夠淋
2. 瓊漿玉液翅- 個人覺得一般
3. 紫蘿爆虎蝦- 好味道，蝦好大隻，可惜好少
4. 琵琶二邊荳- 估都估唔到呢碟嘢係咁，有玉子豆腐圍住喺側邊，然後中間係豆腐加上一啲辣汁，只係少辣吊味，唔錯，大家都幾鍾意
5. 濟公八寶香芋- 個樣好似粥咁，又似糖水，但係咸點，入面有粟米一齊煮，同學們幾鍾意
6. 古法蒸石斑- 我自己就麻麻，因為啲魚非常多骨，食到我好辛苦，但係有啲同學就話冇骨，我睇係一part part 既啫
7. 桂花紅豆糕- 普通但好味既甜品
8. 紅酒一支- 我覺得唔錯，唔太澀，亦唔太酸，又唔係fruity，好易入口
小菜我哋則叫咗：
1. 瓦楞鷄半隻- 好美味，但係又係細碟得滯，
2. 唔記得名既齋菜一碟- 素食一碟，no comment
總括大家都覺得呢度既食物幾好食，唯一美中不足係我哋最後加上既齋菜，催咗成四次至黎，等咗好耐，大家又唔想Cancel，因為如果Cancel咗就變咗七樣餸，唔係咁好，所以都照要！第二樣唔好係間酒樓好嘈，我哋係完全聽唔到對面既人講嘢．．．
每人只需$80大元，可以用四個字黎形容：價廉物美！
张贴