農米莊 (豉油街)

营业中

休息中

藥膳雞推薦‼️店內有多款湯底可以選擇我揀左藥膳雞試 個湯底真係好正飲落唔會好似中藥 但個感覺係好養生甘🤣而且無味精 飲完都唔會好口渴同啲🐔雞件都好滑而且小食種類眾多 足有三十幾款可以揀最吸引既係尖椒皮蛋 流心皮蛋真係好正尖椒味都好香 encore之選另外椰子雞湯米線，黑蒜雞湯米線都好吸引仲有特色既龍蝦雞湯米線或花膠雞湯米線款式真係好多選擇 下次真係要試埋店舖地方不大 光顧既客人都好多所以通常都要等位同坐位都比較迫！

無意經過呢間鋪就俾佢個menu 吸引左入去見佢有好多款唔同口味既米線可以揀又大大隻字寫住無味精連湯都可以飲埋於是就試下啦一入到鋪座位係比較迫 無辦法香港地既通病落左單五分鐘左右野食就到藥膳雞米線份量都幾多下豆卜,冬菇仔,蟲草,紅棗,支竹,雞件,杞子,雲耳每款餸都有三四舊飲啖湯發現湯頭偏淡味 可能無落味道既關係飲完真係唔會口渴雞件唔會好肥 肉質嫩滑其他餸不過不失米線份量偏多 女仔食可能要少米線已經夠飽整體來說 午餐$50 左右既價錢已經有咁既質素性價比算高 不妨一試

第一次寫食評 因為真係唔掂 雞湯好似水咁淡 米線食落淡茂茂 鴨血無味 啲雞無肉 小食多油麻辣湯都係好淡 得少少辣 但係辣得來淡 總之就唔好食 啲送唔多 鴨血+12 得兩舊，餐廳貼左好多剪報 話湯都可以飲埋，但係啲湯真係好唔掂

Open rice內9百幾張照片竟然被遺漏左好味的炸紫薯餅，今天再度品嚐真的不錯啊！試著好幾款米綫，始終都是花膠雞最．最．最好味囉！芫茜果款有特式，藥膳養生、椰子香。不過坐位較窄，但服務人員態度友善。值得向大家推薦一下。

從來冇諗過夜晚堂食咁耐先會開返。上一次夜晚食堂食，唔記得咗係幾時lu☹️呢晚好特別，再次黎呢間農米莊開餐已經係9:30pm🤫honey 拎住兩包重重大環保袋😕好彩有卡位坐，個位鬆動啲好坐啲🤗我叫左一杯涼粉紅豆冰，藥膳雞米線（入邊有好多粒紅棗杞子湯頭飲落好藥材味）另外，普通版的雞湯飯，呢個湯頭好明顯只有淡淡的雞味，下次嚟食揀返返「椰子嗰個雞湯米線」，椰子🥥加雞湯頭鮮甜好多，覺得果個普通版雞湯飯好普通，價錢又唔平伏了吧⋯⋯可能係我連踩做野十多小時工作，一時眼花花叫錯左了吧。好在味道是正常，係我覺得價錢與味道不符正比。兩個人食，埋單好似$130？整體來講，藥膳為標題主打，一碗平均$58起錶米線，加埋切鷄，我覺得價錢會貴左小小，下次再試旺角其他食店多謝honey請我食晚飯🥣

去開旺角成日行完波鞋街買野都唔知食咩而每次如果最後都係諗唔到都係會黎農米莊解決一直都對農米莊好高既評價之前係好鍾意叫佢普通個雞湯米線不過最近先開始試佢個椰子雞湯系列第一次食就愛上左個種鮮甜!!!椰子既鮮甜加上雞湯🐔好甜呀!個湯好飲,個雞肉都唔弱架個雞件肉係冇骨而且勁嫩滑17:30過黎食仲趕到午市時間 有打折同埋野飲跟$4️⃣6️⃣ 椰子雞湯米線 湯甜 配料多 份量大份夠我拎返屋企食多一餐💜下午茶過黎食野會再跟埋野飲 咁都幾抵每張枱都有隔板都幾乾淨

好耐之前食過一次農米莊，但冇咩印象味道係點樣，咁岩經過見到，就入去再試一次。懷舊藥膳雞湯米線 ($58)米線跟既餸好豐富，有雞.冬菇.雲耳.杞子.紅棗.川芎.蟲草花.時菜.豆卜.支竹，每樣有2-3舊，基本上唔洗俾錢加餸都夠食，不過配料就冇咩味。雞有6舊，部位都幾平均，一半脾肉一半胸肉，嫩滑有雞味，冇雪味，不過肉質就同一般餐廳一樣鬆散冇咬口，應該係飼料雞。湯底味道唔會死咸，食完唔覺得口渴，如果藥膳味濃郁一d 會更好。米線份量好多，細食既朋友可以叫少米。 7分龍蝦雞湯米線 ($98)龍蝦雞湯米線跟既餸菜同藥膳雞湯米線大同小異，唯獨多左半隻龍蝦，大約手掌長，肉唔多，本身對呢個價錢既龍蝦冇咩期望，但估唔到肉質又幾彈牙，有鮮味，比想像中好。湯底係西式龍蝦湯混合雞湯味，味道ok。 7分總體而言：味道：不過不失，難令人有深刻印象，但唔落味精值得欣賞性價比：份量同價錢成正比，抵食！服務：為顧客著想，會建議坐較涼位置環境：坐位舒服，不過枱面有油漬湯汁

我叫咗個黑蒜雞湯米線 配鮮雞件真係好難食所謂嘅「雞件」其實係雞骨冇肉 冇味 米線又生又硬 豆卜又細舊又冇味 成碗麵都唔平完全食唔落🙄希望大家千其要有心理準備 依間嘢真係好難食！

見有一段時間都冇食過米線行過農米莊就叫咗個外賣自取今次食嘅唔係我平時叫開嘅藥膳雞湯米線今次叫咗沙嗲雞湯米線加花枝墨魚丸落單後大概等左10分鐘左右就已經拎得出餐速度都算快沙嗲雞湯米線入面嘅配菜都好豐富 有生菜 豆卜 木耳等等沙嗲湯底味道亦都好濃郁 而且由於唔落味精嘅關係 成個湯都可以飲晒㗎佢哋嘅雞件一如既往 都係十分嫩滑墨魚花枝丸亦都不錯 爽口彈牙唔會有嗰種好粉既感覺總括而言成個米線嘅份量都幾大可以連湯都飲埋食完覺得好滿足😙

被門店一句「一碗連湯都可以飲晒既米線」吸引來試試！挑了椰子雞湯米線下單後很快便有得吃！值得一讚的是湯底真的沒有味精，可以全部喝掉！ 甜甜的淡淡椰子味～ 配料有木耳、冬菇、支竹、豆卜、生菜是比較健康的米線！米線比較幼身沒有死咸的感覺唯一缺點是雞肉不是很滑的那種如果喜歡食有好感的雞肉便很適合你餐飲點了一杯熱咖啡 ，沒什麼特別

🐾 農米莊 (旺角) 🐾-樂膳雞湯米線$58黑蒜雞湯米線$59-樂膳雞湯米線:入面有超多配料，有豆卜，腐皮等等，之前一直都好怕食藥膳味野野，覺得佢好甘好苦，但反而宜個又冇個啲味，佢食落都幾好食👍🏻-黑蒜雞湯米線:入面都係有好多配料，都有好多雞，不過雖然啲雞都滑，但有陣雪味，啲雞味就有小小蓋過左，湯底佢地寫明係不含味精，所以味道都有點清淡👍🏻———————————————(非專業,完全跟據個人口味☺)食物:8/10環境:5/10服務:6/10人均消費:$50-$100———————————————▪店舖名稱: 農米莊 (旺角)▪店舖地址:🔸 旺角豉油街68號地舖-----------------------

做完運動不知不覺行到去旺角豉油街，見到朋友曾推薦我去食的米線店《農米莊》。位於人流旺地段豉油街，地點方便。一入內一眼望晒店舖面積不大，坐位多但唔算太迫夾，簡單嘅餐廳裝潢。坐滿好多光顧的客人，慶幸自己一個人來，不需要等好快有座位。黑蒜雞湯米線加菜心一上台望見碗麵排得整齊的黃色雞肉流晒口水，除了雞件外，配料有冬菇、鮮支竹、黑木耳、豆卜和生菜，另我加了菜心。一碗米線好豐盛，米線份量也太多了吧食不完。雞肉是好滑但雪味重，米線有點煮太腍，湯底強調不含味精好淡味道還可以，菜心好爽甜

而家成條街外賣都有折. 你冇折仲收我二蚊外賣盒＄，你好應該pack得好d。公仔麵你d湯唔分開上, 做外賣的我未見過. 我住得近返到屋企都乜都淋曬. 仲要d牛肉乾到. 餐包已經一睇就知係嘉x的甜餐包. Ok 我都冇諗過你要自己自家製的包, 但亦唔應該比d凍同昨昨日的包比人！

喱度標榜有多款無味精既湯底，配上雞件🐔，再加米線，作為一個Lunch絕對係滿足既一餐😋.#懷舊藥膳雞湯 🐔(配菜：#冬菇 、#雲耳、#杞子 、#紅棗 、#川穹 、#蟲草花 、#時菜呢個藥膳雞湯一上枱味道超香超濃郁👍🏻，佢唔係食中藥個種會令人抗拒既味，反而係聞起上嚟好舒服有種藥膳嘅清香味！☺️ 而且飲落口有一種「補」嘅感覺🤣 又冇味精！搞到小編真係忍唔住一口接一口咁係咁飲啲湯！😝 即使飲咗一大碗其實都唔會需要飲嘢飲，因為冇味精，又唔係好鹹，唔會令到喉嚨變乾😚而佢啲雞就好大舊！小編好好彩係雞脾肉！不過學同行嘅同事仔話齋，喺香港好難食到好有雞味嘅雞⋯不過佢係嫩滑嘅！所以都令小編好滿足！🤤另外佢啲米線都唔會太淋，算有少少爽口彈牙！😁而且$50都唔使有埋嘢飲同成碗足料藥膳雞湯米線超抵！💯.#椰子雞湯 & #黑蒜雞湯小編同事仔試咗上面呢兩款雞湯都話唔錯！小編偷偷地試左啖椰子雞湯都真係好好飲！大家可以試吓～😆.🏆 「豬」味指數：8/10📌 溫馨提示：中午lunch time嘅時間比較多人，因為疫情關係，如果大家真係想試，一係外賣，或者避免人流較多嘅時間再試啦💪🏻😉

米線選擇唔會話好多但係湯底選擇就真係有好多啦雞都比較滑入口都唔會好鞋唔好味不過感覺上湯底有味精所以都會比較口渴不過雞真係好好味！藥材個米線好好味！鍾意陣味道黑蒜就缺乏左蒜味，椰子湯底都係⋯⋯如果可以再濃啲會比較好～晏晝嚟食比較抵