農米莊 (豉油街)

营业中

休息中

第一次寫食評，因為我食完見呢間野好多人排隊。以免大家再浪費時間，我浪費自己少少時間打個食評同提醒下大家。本身諗住食x仔米線，但都到左旺角，譚x度度都有，試下新野支持下啲小店仲好啦！最後見呢間野冇人排隊，又標榜可以飲哂啲湯的米線，即管試試佢啦。我地分別點左椰子雞湯米同麻辣鴨血雞湯米。上菜速度正常，大約十分鐘。賣相就麻麻，大大碗，車仔麵咁求其放啲餸上去咁。當然，我都係食碗米線啫，賣相都可以接受的。麻辣鴨血是正常的。雖然冇麻味，但都有辣味的。鴨血冇奇怪味，正常食得落口。雞肉算是滑，仲有幾粒冬菇。椰子雞就出哂事。湯好甜，係糖個種甜，飲完好口乾。椰子得碎。雞是滑的都。但食開米線的都知，湯是成碗野的精髓。就算啲雞幾好食，呢個椰子雞都唔值得試。最後埋單138，我俾左8蚊碎銀丫姐，佢收完叫我多謝佢碎銀都幫我收.....如果大家睇完都要黎食，記住帶定紙幣。

今次係第一次食農米莊 岩岩病好唔想食熱氣野 想食健康啲 見到呢個米線岩晒 我地嗌左椰子雞湯米線同藥膳米線 本身都鐘意食米線同飲湯 黎到先飲一啖湯 真係好香椰子味 好清甜 真係好鐘意！！！ 佢啲配料都多 有雲耳 腐竹 冬菇 生菜 同埋雞件 都好足料 雞件好淋身 米線就唔會淋又唔會斷晒咁 加埋啖湯食米線 真係好正 而藥膳果個都算重藥材味 飲落好養生 啲配料都係同椰子雞湯米線差不多 但就多左蟲草花 都一樣好味 除左米線都仲有其他小食 下次都可以試下啲小食同其他米線～

以前喺旺角返工，同事成日帶我嚟食雞湯米線。《農米莊》標榜不含味精的健康雞湯，係連湯都可以飲埋嘅雞湯米線。我記得之前食過嘅黑蒜雞湯米線、莞茜雞湯米線、椰子雞湯米線都好好味，個湯好濃郁、飲完唔會口乾，雞件又好滑。所以今次決定試個最貴(HK$98)、自己又未食過嘅『花膠雞湯米線』。個米線好足料，有蟲草花、杞子、蜜棗，雞件、花膠，冬菇、雲耳、支竹、豆卜、生菜等等。我睇個名以為個湯係“花膠雞湯”，但原來係“普通清雞湯”，有點失望🙈。但個湯其實清清地都好味嘅，飲完都唔會口乾。喺呢度食米線我覺得係唔需要嗌飲品，因為飲湯就得啦👍😎花膠幾大舊的，不過我覺得無咩味，雞件滑好味，整體而言係不錯的，但價錢始終唔平，下次都係食返其他HK$58嘅米線🙈

#農米莊 想試下其他湯底米線既朋友仔，呢間餐廳都系一個不錯既選擇，選擇多多之外，亦系健康之選！————–—————–—————–————–——#藥膳雞湯米線 $58想養生既話可以揀呢款，湯底有啖啖藥膳味道，用左杞子、蟲草花、雲耳同紅棗等材料製成，而雞件食落亦好嫩🐓🐓👍👍好味指數：8/10#椰子雞湯米線 $58🥥湯底用左椰子絲、雲耳同支竹等材料製成，湯底飲落鮮甜！好味指數：7.9/10#黑蒜雞湯米線 $59用左冬菇同豆卜等材料製成，黑蒜味道不大，湯底飲落反而有啲藥膳味道～好味指數：7.2/10抵食程度：8.1/10回頭度： 8.7/10——————————————————————📍地點：旺角豉油街68號地舖📞電話：23205890⏰營業時間：星期一至星期日 07:00-03:00#美食 #foodie#旺角美食 #米線 #mongkokfood #hongkong #food #foodssss___

自從我個增磅計劃開始左之後🤓🤓為咗強迫自己多d食野，而家我每日都規定自己去試新嘢👐🏻發掘多d我「一念起就會想進食」gei 味道。我勁鍾意飲湯，所以我係俾佢果句: 一碗你食完可以飲晒碗湯gei slogan 引左我入去。成間店都充滿住藥膳果個味，所以我念都無念就點左藥膳雞(蛋白質)米線✌🏻 🙋🏻‍♀️總結: 1.好味，因為佢真係好好藥膳呀。2.雞肉份量好足，好滑。3.個湯係飲完返到屋企都唔覺口渴。🤦🏻‍♀️BUT: 座位我就略嫌佢太窄，手踭頂手踭咁。

每次經過都人很多，所以找個機會午餐時間和同事去試一試這家農米莊藥膳米線。宣傳標榜無味精藥膳湯底，感覺比一般的養身健康米線本身沒什麼特別，和連鎖的一樣沒咬口。湯底可能因為沒下味精或過份調味的原因，藥膳味略淡，吃完不會口乾口渴。

米線嘅愛好者一定要嚟呢度食平時食米線一定食麻辣、酸辣湯底等呢間米線舖呢選擇有好多唔同湯底選擇全部可以飲埋嘅~雞湯米線售價由5x元~7x元以上，比起平常的米線係較貴，但這個價錢能喝上靚湯、食到米線，更有這麼多配料，算是抵食！如果想平食，亦可挑選自選配料米線，價錢由30元起。今次已經係第二次嚟食㗎啦上次呢就試過佢個椰子雞湯同埋藥膳湯底咁如果呢兩隻比較呢我就比較鍾意用膳湯底初頭第一啖會有比較強嘅中藥但係越嚟越入味係出面比較小見今次就係食下午茶米線大約30蚊左右啦但係個湯底係雞湯嘅都可以飲曬佢😄

呢間米線賣點係「連湯飲嘅米線」，以藥膳米湯作主打。米線忠粉一定要嚟試下。個湯底偏白色，一飲落去係好香濃嘅椰子味，好清甜，飲完都唔口渴。上面有五、六舊雞，啲雞好滑，而且有椰子湯味，配料有菇仔同雲耳，感覺好養生，食完都健康啲。呢個就係純雞湯熬成，加埋蟲草花、知竹、菇仔、杞子、紅棗去煮，好香雞味之餘味道都好有層次。香米雞件一樣好香好滑，加錢可另加配菜。加咗$12一份豬軟骨。叫咗兩款花雕煮嘅小食，首先係花雕醉雞翼，雞翼好入味，有好香嘅花雕味，甜甜地，又唔會苦，連骨都好入味。花雕溏心蛋嘅花雕味相對地濃，有少少蓋過咗本身嘅蛋味，半熟蛋黃，個蛋都好食，不過相比起我鍾意個雞翼多啲。

由開店初期 好支持你地 招牌黑蒜雞米線 湯濃好食 夠味道，越做就越差 越做越變質 仲衰過大家食湯唔濃味 我體諒你黑蒜貴，一間米線舖 最重要既米線，成碗都斷既，點食呀？ 又斷又無質感！！（重點係價錢唔係平宜，連條米線都斷晒，我食緊咩呀？）究竟係賺過就算定係點？好多食店都係做起左，最后衰唔保持質素，絕對失望！絕對不再食，睇緊既你真係唔好意思，我諗你都唔洗黎食啦

農米莊 - 由佢啱啱開已經聽過佢個名， 係標榜無味精🐔湯底，作為米線控既我梗係要黎試一試真偽啦。農米莊其實唔難搵，就係新寶戲院旁。店子細細，其實店內都頗為迫既，拎多少少野食客進出都要左閃右避咁。近排興起一股芫茜熱潮，竟然係哩到搵到「芫茜雞湯米線」。敢於挑戰新事物既我，就梗係要做勇士啦😆一上台就聞到個股芫茜味，湯底係綠色既，而面頭都仲有勁多芫茜🥬🥬🥬，約有4 - 5 件雞件，米線份量卻有點少。 小小提議可考慮午市加入套餐選項！

一開始見到個門口有啲抗拒，覺得唔會好味。同埋本身唔特別喜歡米線。但食完個椰子雞湯米線，覺得湯底不錯。先講環境，好熱—本身餐廳就唔夠冷氣，飲埋個咁熱既湯真係邊食邊滴汗。而且好迫，坐得唔舒服不過呢個價位，都預左。今次食椰子雞湯米線，個湯底我好buy，好好飲唔油膩，真係可以成碗飲晒。但係我覺得敗筆係啲食材—啲米線食得出幾唔quality，偏淋，無口感。啲雞無雞味，不過呢個係香港普通餐廳的通病。其他配菜如豆卜、生菜都係普通。唯有同自己通呢個價位既食材只係咁上下。不過啲食材咁麻麻，真係浪費左個湯底。加左墨魚餅，幾好味的。好評係比個湯底同服務態度好好的職員

去油麻地果頭做野，就會去新寶果頭啲餐廳食個快飯醫肚。農米莊依間鋪頭都幾多人等位，我咁岩一條友，唔洗等位，就試下入去食啦。佢menu好多野都好多特色野：例如黃椒湯底、黑蒜湯底等等，但我又唔係好食辣。問下Waiter，佢都suggest左我幾種食物係走辣既，於是我叫左黃椒雞件米線，走辣。等左一陣就黎左碗米線，米線有好多雞、菜同腐皮。個湯底好濃粟米同蘿蔔味，係清甜既，但睇個湯texture唔似純用食物煲，食完過左一陣都幾口渴，有味精是常識吧。雞件肉質好鬆散，似雪左好耐。不過個湯底都特別，野飲夠大杯，而香港大部分米線都係味精+冰凍食材，經過都可以一試既，唔算太貴。

女朋友介紹，除左譚仔，雲貴香有得食米線外，呢間都好似唔錯。我地一人叫左一碗，價錢$50-60到，都平民大眾化。我果碗藥饍雞，雞浸得幾滑，個湯有d當歸頭，黃耆，甘草味，藥材味睇大家鍾唔鍾意，我就接受到，雖然無飲晒d湯，但我都覺得健康作為賣點係唔錯的。另一碗蕃茄豬軟骨，酸酸甜甜，我女朋友都好鍾意，仲有d金針花定唔知蟲草花，菇，豆卜等等，都幾豐富，食到好飽。總括黎講，食物質素唔錯，店員友善，對鍾意健康飲食既貧友係唔錯既選擇。

中午時，與友人共進午膳。先前已經去過好多次，越來越差，到今日已經接受不了！我們分別叫了2個自選麻辣米線，一個是墨丸和蜜糖腸米線 蜜糖腸是另加$8 點知黎到得2條！ 點估到8蚊得2條呀！ 然後我們的麻辣米線是小辣，來到係辣到食不到的！(之前一向都是接受到小辣) 麻辣湯又要再另加$4 以前係唔洗加錢的！另外，我們又叫了奶茶，飲落是中藥味。再換凍檸茶少甜。。唔知係咪不滿我地要換啦！來到係完全走晒甜！！！總之真係唔會再去！唔會再幫襯！完全係回晒塘！！！！

一碗聲稱連湯底都飲得嘅米線，今日行街經過見到一於試試。湯底方面幾多選擇，如果要飲埋湯底就緊係揀啲健康無咁油膩嘅，所以今次揀咗藥膳湯底米線。除咗湯麵，小食都好多選擇，價錢抵食。藥膳雞湯米線雞嘅份量多，好好彩有雞脾位，配菜有冬菇、豆卜、生菜同蟲草花，十分豐富。而湯底的確好出色，平時食米線都好少會飲湯，因為味精味會好重，飲完好口乾，但藥膳湯就唔會，飲落好清甜，可以放心飲。無骨菠蘿雞翼又滑又多汁，酸酸甜甜好開胃！爆芝松露墨魚餅芝士同黑松露嘅份量好多，墨魚餅爽口彈牙，絕對係性價比高👍🏻