農米莊 (厚福街)

营业中

休息中

剛剛新開已經好多人食，所以吸引左入去試下，藥膳雞湯米線湯底夠濃，雞件夠嫩，好味！仲有多款小食，尖椒皮蛋都不錯，一口黑松露吉品鮑魚就一般，鮑魚好細粒（$36），會繼續試其他湯底米線

今日起尖沙咀做完運動成身爽晒...😎見有啲肚餓，就搵吓附近睇有乜好嘢食，見到間好特別既米線餐廳，見到幾多人食咁，標榜可以連湯都飲晒，好....就二話不說入去試吓先，餐廳嘅裝修帶有少少工業風同整潔，我見到好多人都係食，呢間餐廳嘅主打養生米線，有椰子雞湯米線，藥膳雞湯米線，仲有黑蒜雞湯米線，我最終選擇咗藥膳雞湯米線補補先，碗米線一放落枱已經聞到好香一陣陣藥膳香味，啲雞件仲好滑...最意想不到食食吓，真係唔覺晤覺連湯都飲晒，唔怪之得叫一碗可以連湯都飲晒嘅米線啦！一定有下次👍🏼

同朋友去尖沙咀飲嘢，飲嘢前食少少野，見到新開就嘗試下呢間新米線，唔會只限食譚仔三哥米線或米線陣。椰子雞湯米線$58深圳個椰子雞覺得超好食，所以就決定叫椰子雞湯米線！不過點都係差好遠，湯底應該用椰奶，而非原隻椰子去煲，所以只有椰香，沒有椰子雞的鮮甜。黃金雞翼三隻$26沒什麼特別，而且偏貴。尖椒皮蛋$20只有半隻皮蛋，分量很少。是直接加辣椒油去整的。如果跟譚仔比較，呢個會係負分。失望墨魚餅$24比較好味，像炸腐皮的墨魚餅。可惜分量太少了！總結2個人食左$132 小食分量太少，性價比偏低。

厚福街一向多野食，今日同男朋友經過農米莊，見佢標榜無味精就入去試下！餐廳都幾多人，座位唔算多，我地兩個只好搭台🙈我叫左個椰子雞轉拉麵(+$4)，佢叫左個黑蒜雞米線。兩碗一齊到，個椰子雞湯底香到😍😍😍仲有d椰子絲係表面，所有配菜(雲耳，豆卜，枝竹etc)都帶有微微椰子香，好吸引😍😍拉麵硬度都岩岩好！至於黑蒜雞，我都好中意個湯底，因為好中意黑蒜味，而且好有益👍🏻👍🏻可惜要不停搭台，d位又唔算闊🙈🙈但單計野食，真係幾正！飲左d湯都無好口渴！正！

今日放假同幾個好友去尖沙咀聚舊，喝完嘢就同幾個好友揾宵夜食，經過一間米線鋪，門口寫住可以一碗連湯都可以飲晒嘅米線，就同幾個朋友入去試試，因為都成夜晚1:00鐘，冇乜選擇...原來佢哋主打健康米線，裝修簡潔乾淨，除咗健康湯底之外還有其他麻辣，酸辣，沙嗲基本米線鋪都會有嘅湯底，我就揀咗個懷舊雞湯藥膳米線，配料有雞件，蟲草花，杞子，唐生菜，冬菇，腐足，雲耳等等...啲雞好滑好有雞味，食完之後我完全唔口喝，終於明白點解可以連湯都飲晒，因為真係好好食，最終真係連湯都飲晒，下次夜晚去尖沙咀肚餓唔驚冇嘢食😊

有遠方朋友嚟香港探我，話好想試下香港嘅特式美食，我哋諗住去尖沙咀行完街先睇下有乜好食嘅餐廳推介比我朋友試，經過厚褔街見到有間新開張嘅餐廳係食雞湯米線，我就想起之前起雜誌推介過一間餐廳主打健康冇味噌嘅雞湯米線，就同朋友入去試下，佢哋嘅湯底有數十款咁多，小食就有三十多款，真係花多眼亂到唔知食乜好，最終選擇咗藥膳雞湯米線補補先，雖然好多客人，諗住都要等好耐先有得食，出奇地不需要數分鐘就到，離遠已經聞到陣陣嘅藥財香味，食完嘅感覺好似充滿能量咁養生，食完....完全唔口喝！最終連湯都飲晒😋以後出街食飯想健康啲又有新選擇！

聽同事講係厚福街開咗一間新嘅米線鋪頭，叫我午飯時一齊試吓...米線迷嘅我梗係唔會放過啦！去到一睇原來係我平時起旺角食開果間，原來佢哋尖沙咀開咗分店！實在太好啦....平時我食開椰子雞湯米線，所以我極力推介同事食，我就轉下口味先....叫咗個黑蒜雞湯米線，未食過唔知會唔會一樣咁好食，開頭都有啲後悔冇同啲同事一齊食椰子雞湯米線，點知一食又ok 喎’睇佢黑蚊蚊以為未必好食，個黑蒜雞湯有別日本黑蒜味，聽店員講係用新鮮黑蒜做，味道獨特之餘仲話可以增強抵抗力仲會靚啲添！啱晒我....😄會唔會靚就唔知，但係味道真係幾好味！以後收工想食，唔使特登落旺角啦！😊

昨日下午剪髮後經過，見到門外的餐牌有藥膳雞湯米線便被吸引入內，有一位中年載眼鏡男士殷勤招呼，估計係老細，細閱餐牌都有好多款米線，主要係不同的湯類再跟一份農家雞，另外都有豬軟骨米線，下午時段的米線價錢較平，$40+一碗另加$2又有飲品，最後都係選擇食藥膳雞湯米線，米線都好快到，先飲湯，味道都不錯，但湯不夠熱，米線內共有5件雞，食得出是新鮮雞，不是雪藏貨色，雞的size亦都算大件，碗內亦有不少的蟲草花及大大粒的杞子及數粒紅棗，以尖沙咀地區，$40+一碗，味道及質素又幾好，餐廳內環境亦坐得舒服，老實說我當時都覺得會再幫襯及推介比朋友，點知食完比錢去廁所，就見到呢一幕，就係有位戴眼鏡女員工將兩大盆長筲箕米線放在地上沖水，一定係煮完之後先沖水，其實點解唔係鋅盆內處理呢？粉麪類咁放係地下沖水，雖然放在筲箕內，但地下都好污穢，一定係貪方便啦！佢做嘅時候，身邊都有幾位員工在身旁傾計，咁即係佢咁做已是員工間會接受嘅手法，呢間鋪頭已入黑名單，絕不再幫襯!食物好味都無用，處理過程污穢就毀咗間餐廳。

今日假期同好友去尖沙咀諗住行街，時間未到...見有啲肚餓！諗住食少少野’經過厚福街見到有一間新開張嘅米線店！佢哋主打健康雞湯米線，就入去試吓....主打有椰子雞湯米線，黑蒜雞湯米線同藥膳雞湯米等等...還有好多款式真係唔知食邊一款好？為有望一望周圍嘅食客食邊款就揀邊款，一定唔會錯！最終揀咗椰子雞湯米線，唔夠10分鐘就有得食，碗米線一放落枱就已經聞到好香嘅椰香味，啲湯真係好好飲飲完真係完全唔好口喝，最終真係可以飲晒啲湯，真係好好食...下次要試埋其他款式先得😋

從來唔寫食評，但呢間真係唔寫對唔住自己⋯⋯食$30清鷄湯米線，湯係完全冇味嘅，送一款$6 - $8嘅餸，㨂咗屬於$8嘅炸魚片頭⋯⋯只得兩小粒⋯⋯其他同類型嘅米缐舖冇佢咁貴又有味道，肯定冇下次😤