農米莊 (厚福街)

营业中

休息中

做完瑜伽搵野食 想食d 清淡d既野 搵到呢間主打健康食店 健康好味的泡飯 推薦椰子雞湯泡飯好香椰子味 雞味鮮甜 最後連湯都飲埋食完唔會口渴 應該無咩味精另外柚子豬軟骨泡飯 味道都特別 下次想試下藥膳果個

平日喺厚福街食飯都見呢間食店都會有人龍，星期日晚飯時段難得唔使排隊，立刻去食個米線。兩個人分別點咗兩個米線🍜懷舊藥膳米線🍜湯底清澈，但好夠藥材味。配菜非常多，基本上唔使加配料都已經好夠飽，有好甜嘅杞子、紅棗、生菜、豆卜、腐竹、蟲草花同農米雞。農米雞好彈牙，雞味濃，真材實料。🐔椰子雞湯米線🐣椰子雞湯椰子味非常濃厚，仲見到有一粒粒椰絲。配料都一樣豐富：木耳、生菜、豆卜、腐竹同農米雞。朋友好鍾意個湯夠香甜。佢仲點咗隻溏心蛋，另外一碗咁上，入面加咗半碗仔雞湯。溏心蛋睇落都幾好咁，我就試飲咗d湯，應該係本身原味湯底，雞湯清甜，果然有料到食完米線最怕湯頭重味精，但呢度嘅湯真係飲晒都冇口乾。怕味精嘅人今次真係唔怕出街飲湯。下次都會想再來，試吓黑蒜雞湯同麻辣雞湯😋

「一碗連湯都可以飲哂既米線」主打唔落味精。 簡左個椰子雞湯米線（跟農米雞件）HKD 58, 噢，個湯好好飲，好椰子甜味，雖然見到我好怕既雞油但我真係飲哂👽 食完再睇番餐牌話配菜有椰子絲，但...我個碗冇既🤷🏼‍♀️。 呢間店都幾多人食，但係個地勁滑加有點dirty，有個女侍應唔小心成個跪左喺度，陰公豬

「一碗可以連湯都飲晒嘅米線」，門口見到呢句說話，心諗係唔係咁勁丫？好，就試試佢🐓椰子雞湯米線(跟農米雞件) 午市$46好甜嘅湯底係椰子嘅甜丫雞件又嫩又滑，真心正，仲有豆卜可以吸埋d湯Wow~用料都好足，雖然話係午市，但係都有成隻雞脾尖沙嘴區，用呢個價錢，有呢個質素，真心覺得唔錯❤️唯一敗筆嘅，就係走塑不太友善。。。熱飲用膠匙，凍飲叫左幾次走飲管，最後都係。。。衛生環境一般，地下癡笠笠，洗手間有啲污糟🙈，員工要靠通往廁所嘅走廊休息🙈嗯。。。

先講差：性價比超低，永久blacklisted. 感覺自己係d 遊客去左西貢食海鮮俾人劏咁，叫左碗花膠雞湯米線98蚊，而一般雞湯米線係58蚊， 碗野一黎到我都已經覺得唔對路， 點解得一條薄到似岡本0.02 咁既'花膠'係我碗到，仲要係得一條，我開頭嘗試說服自己：無理由既，98 蚊喎 …應該係d米線下面，我懷住希望咁係咁撩係咁撩，我先發現…中大伏鳥。 點 解 我 唔 點 個 龍 蝦 米 線 ! 都係98蚊職員服務態度尚可接受，但所有女職員操非本地口音。優：湯底真係無味精，米線偏淋，有DD雞味。 唉，我真係盡哂力俾果一粒星佢。 都係果句，無商不奸，但係我無諗過咁福佳囉！同行朋友都話好唔掂，俾笑臉果d咩料呀？

尖沙咀厚福街，短短的一條街已有數十間食肆，要突圍而出，毫不簡單，今次去的叫農米莊，主打特色米線，如花膠雞湯米線、芫荽雞湯米線、黑蒜雞湯米線、藥膳雞湯米線、椰子雞湯米線、黃椒雞湯米線等，另有碟頭飯和湯飯，選擇種類十分豐富。今次點的有黑蒜雞湯米線、四寶米線和、牛腩飯。黑蒜雞湯米線湯底充滿黑蒜味，飲得出不是一滴香或味精，雞件亦很嫩滑，一點也不鞋口；四寶米線用上清雞湯，有龍蝦丸、冬茹、豆卜、貢丸，清而不淡，而牛腩飯分量多，入味軟腍。午餐平均四、五十元可以食到如此質素，十分抵。

#尖沙咀sis 整甲姐姐介紹我吃呢間新開米線 又幾扺食黑蒜雞湯米線配雞件 $58 雞件好嫩 湯底唔錯 重黑蒜味 配菜有支竹 菇粒 菜 豆卜等等幾有heart 不過米線分量就偏少椰子雞湯米線配雞件 $58 奶味較重 偏甜 有椰絲既味道 兩個湯都好飲 個人偏好黑蒜果個啲 價錢相宜 唔怪得咁多人幫襯哈哈-農米莊 (尖沙咀)尖沙咀厚福街2號地舖

上月尾誤打誤撞到農米莊吃了一回十分欣賞的麵食按此回味，而心中經常掛念的我早前在到尖沙咀，當然要再去回味回味吧！ 問過侍應麻辣鴨血得幾塊便點上一客，辣味挺強不過香氣不足，而鴨血亦不夠入味，還好的是質感頗嫩滑！！ 上次已下定決心要再來吃這碗椰子雞湯米線，呷一口雞湯依舊香甜，但椰子的香氣有點溫吞，如果椰子味多一點應該會更好吃，雞件同樣皮爽肉滑，喜歡這兒雞件位置分配平均，大家也享用到不同部位的雞肉！！ 最後配特飲話梅柚子蜜，沒舍特別就是柚子蜜加顆話梅而已！

平時食腩汁、三小辣食得多🤭，有時都想試下其他特別湯底，黎到尖沙咀厚褔街又想食得平平地😼，見到有間係食藥膳米線👨🏻‍🍳，一於試下🤓•懷舊藥膳雞湯米線🐔🍜藥膳湯非常足料，用左冬菇👩🏻‍🌾、蟲草花🌾、紅棗、杞子等食材烹調🥘，藥材味勁香濃🤤，而雞肉肉身🐔亦唔會鞋口，都幾滑，值得一讚，呢碗米線只係$58，性價比非常高💰濃米雞🐥 配 黑蒜香菇飯🍚雞肉岩岩上面講左，都係非常嫩滑🐥，所以唔多講，反而想講下個黑蒜香菇飯，黑蒜味非常突出🤤，配合香菇，令飯咬落去更有口感😝，雖然要黑蒜香菇飯要加$10，不過都推介大家試試👨🏻‍🍳，也是非常養生的感覺💆🏻‍♀。

玩完後會合剛收工的車爸爸於尖沙咀揾吃！在厚福街見到這間農米莊好像挺不錯，快快脆脆吃個粉回家也好！ 餐廳都頗自信在餐牌及牆上也印有一碗可以連湯即飲晒嘅米線字樣，而店內除米線外還有不少創意小食，如黑金雞翼，餸料亦有年糕芝士魚蛋、鮮竹龍蝦卷等40多款可以追加好精彩呢！ 首訪的我倆小試牛刀一人點了碗雞湯米線和拉麵，賣相十分吸引雞件看下亦很嫩滑呢！另外加＄4和＄8配了好好飲的凍奶茶，和凍檸7。 車爸爸的懷舊藥膳雞湯米線＄58，跟上的農米雞件皮香肉嫩，雞味十分出色，膳雞湯亦足料到不行，包括有冬菇、雲耳、杞子、紅棗、川穹、蟲草花，喝下幽幽的藥材香氣很醒神，味道真的很豐富，好喝得他一滴水不漏全數入肚！ 我則點了酸辣雞湯拉麵＄53，開胃酸辣湯喝下底酸香不搶喉，令我有越喝越起勁的吸引力！配的農米雞件同樣皮香肉嫩，配菜還有冬菇、雲耳、枝竹、豆卜，最重要是吃罷真的丁點口喝也沒有超喜歡啊~

行開尖沙咀, 揾下食d 咩好, 見到呢間食米線既好似講到好勁咁, 就入左去試佢既野食價位以米線黎講偏高, 不過佢主打唔同湯底, 就食下佢究竟伏唔伏黎完餐牌都有幾款想試, 最後叫左個喇沙雞湯米線$49, 好耐無食過喇沙今次就順便試下等左一陣就有得食, 佢份量都唔算少, 一個人食一定夠飽, 加埋飲佢個湯底 喇沙味唔錯, 不過無配合到喇沙應有既配料, 略略可惜雞件正常份量, 質感無大驚喜, 不過不失, 其他配料就係正常水準總結咁講, 如果想試唔同口味既湯底, 呢間可以比到你好多選擇, 可以一試!

今天早上又去到尖沙咀開工，但今次就走咗去一條不算很長的厚福街，但是就由街頭到街尾都係食府，但偏選擇了一間[ 農米莊 ］但單細看門面，確是有點像農莊的感覺餐牌內的選擇雖不多，但也很簡單，方便選擇，內裏的裝修簡潔寬闊，絕對沒有奢華的裝修，感覺清新舒服這一碗精緻的沙嗲牛肉麵，雖然不算很大碗，但麵質不會太淋，而牛肉還保持牛的味道和不太硬但這個腸仔煎蛋就失準小小，望落好似很香口，但是不夠熱這杯凍咖啡，採用玻璃杯，望落很有層次感，喝落也很滑口

經過門口見到話“可以飲哂湯底既米線”，又主推藥膳湯底好健康咁，就入去試試。叫左”健康之選”&“養生之選”既黑蒜雞同椰子雞。首先，椰子雞我expect係鮮椰子片既，點知一上見到中間pat椰絲就已經感覺麻麻la。不過so far個湯都清清地既，起碼好過黑蒜。個黑蒜湯簡直係失望，冇咩味。椰子個個起碼都有椰絲，黑蒜e個唔好話原粒蒜，蒜片都冇，個湯睇落都清，真係冇咩味。如果用健康黎講，係食得清淡既。不過味道就一般般。比較欣賞既係d雞件幾滑，不過始終有雞油，會令到碗湯都油。同埋d雞骨有d碎，要小心啃親。兩碗麵埋單 $117

尖沙咀開左間食雞湯米線既餐廳，終於有多個食米線既選擇了👏🏻👏🏻椰子雞湯米線 $58 另外加左南瓜 $6米線同雞件既份量都好足大大碗，沒有將貨就價～麵上放左少量椰絲添！湯底好香椰奶味道，如果有埋椰子肉會更好更真材實料～雞肉嫩滑，食落啖啖肉咁既價錢絕對值得回頭！！只係店內空間不大，有點擠逼。

最近不停游走尖沙咀區返工，來來去去麵係食果啲，今日同事就話要食米線，經商量過後就去咗厚福街呢間食米線，下午2點幾人都仲係幾多，我哋要分開枱坐先得，睇下餐牌見米線款式都好多，終於揀咗我幾鍾意嘅雞件藥膳米線，嚟到時都略略聞到藥膳同微微酒香，米線質地都算爽口，入面配料有東菇仔，雲耳，蟲草花，紅棗及主角雞件，雞件都幾嫩滑，雞皮會忍唔到口食埋，唔會有肥脂都幾好，湯底飲完唔會口渴都係不錯，跟埋凍飲都係$50蚊幾抵食嘅！！