轉角 (已結業)

之前已經見到呢間cafe幾多人，上網又見到唔少好評，趁住今日約咗朋友就拉佢嚟試下啦😎▫Brunch Set▫我同朋友都揀咗咖哩蛋包飯🍳望落去賣相都幾靚😚👍🏻蛋的確幾滑整得岩岩好，蛋味都ok嘅😙👎🏻咖哩味真係勁薄弱，食落去又乜冇辣味，如果話係日式甜咖哩又冇甜咖哩嘅味😵只係得好微嘅辣同咸味，冇咖哩嘅香或者濃，真係扣晒分😩配料得幾粒蔬菜🧐吉列豬扒咖哩蛋包飯嘅豬扒炸得太耐，完全冇酥脆嘅感覺，食落去好乾同韌，皮肉都有點分離😩漢堡扒咖哩蛋包飯嘅漢堡扒都幾大舊，好彩入面唔係乾爭爭😂食完都幾飽咖😛好過吉列豬扒多多聲🤪包兩杯飲品，朱古力同咖啡都ok嘅.後記💁🏻味道一般般，相信呢個價錢係附近有更好嘅選擇🤔

以前約朋友吃飯聚會，大多數出九龍揾食，貪佢選擇多｡依家唔使啦……屯門都有好多Choice，今晚搵到呢間餐廳，主打蛋包飯及意粉，入門口放咗幾張木椅，方便未有位時可以坐下等候，好貼心！室內裝飾及枱椅以木為主，簡單舒服和好田園。睇過餐牌後，我地叫咗個咖哩雞腿蛋包飯和咖哩吉烈豬排蛋包飯，小食有玉子燒、蜜汁雞翅。先黎個玉子燒，聞到一陣蛋香味，入口好實在，唔會太淋散開再來一客雞翼，好香蜜糖，整得恰當唔會太燶主角黎啦……我既咖哩吉列豬排蛋包飯，Ｄ豬排炸得好香脆，咖哩唔辣帶点甜味，個蛋整得好滑唔'鞋`口而我朋友個雞腿，入口香嫩，唔乾身總括全晚食得好滿意！

原來係屯門華都商場都開左幾間食店，呢間轉角食d西式野，有個好靚復古櫃，擺晒d餐具同一樽樽水，等客人自己拎，叫左咖哩唐揚雞扒蛋包飯，軟殼蟹青醬燉飯，經典卡邦尼意粉，仲叫左兩樣小食，玉子燒同炒雜菌真係有水準，又唔貴，好好食又有心思個炸雞扒蛋包飯，d咖哩似日式果款，唔辣，有少少甜，同埋唔係一大塊雞扒咁炸，係雞塊，易入口，我就覺得殼蟹青醬燉飯，係最好食，而又比較特別，未必一般西餐廳會有，青醬味有好重紫蘇葉，正合我心意，d炸軟殼蟹好脆，份量都唔細絕對會再去食，值得支持！

環境清靜，背景音樂休閒。座位寬躺星期日七點鐘坐滿客人，食客都好清靜，可以同朋友傾吓計。蛋包飯好好食， 份量足夠，比預期中更加滑。意粉醬汁好濃好好食，意粉軟硬適中，唔會煮得泰林但係又唔會太硬

前後食過依間兩次午餐，雖然唔算平，但質素同價錢都成比例。午餐時段都比較多人，店內唔算細，大概有十幾張枱。👨‍🍳👩‍🍳食物質素：🥚咖哩雞扒蛋包飯（$64）,一眼見到個雞扒都幾燶咁，好似好乾，但食落唔單止唔嚡口，仲有d滑同jucy。🥚溫泉蛋西西里肉醬飯（$60）,配秋葵。我自己唔鐘意食秋葵，因為覺得滑溜溜，有d核突。但依到加左芝麻醬，遮蓋左滑溜既感覺，尚可接受。而西西里醬有點兒多，醬多飯少，變相有少少過酸。🍝羽衣甘藍意大利粉（$62），冇肉，比較清淡。🛋️🛋️環境：尚算舒服有2，4人枱👦👧適合人數：2-6人😋😋好食指數：3.5/5🥰😍Souffle 舒服指數：3/5💰💰性價比高指數：3.5/5P. S. ▶️星期二至四，午餐時間可以book枱⚠️如果夾正午餐時段，多人落單，等餐時間比較耐，第一次試過等左5個字先有。

吉列唐揚雞扒蛋包飯 雞扒外面脆內裹juicy l 使用日本雞蛋 整得岩岩好 半生熟 唔會過哂火候 l 咖哩唔會好辣 唔食得辣既朋友都可以一試經典卡邦尼意粉邪惡之選 l 重重忌廉 好滑食 味道濃郁 但唔會覺得滯 不知不覺就會食哂 l 減緊肥既女士們小心食唔停口玫瑰鮮奶咖啡跟餐飲品 - 凍果茶推薦指數：🔥🔥🔥🔥（5🔥為最高）*雖然味道各方面都很好 但服務方面有待加強*會再黎食 香港既小店已經賣少見少 繼續支持小店 亦都希望大家可以多多支持小店

假日晏晝時間，想喺屯門市廣場搵個位食飯，依家已經變得好難，事關實在太多大陸人，迫爆左個屯市，好彩仲有個華都，叫做未被攻佔。見依間個評分幾高，就決定同朋友試下。1點左右到，等左5分鐘就有位，坐位闊落，食野唔會手肘撞手肘。見餐牌上個all day breakfast寫住有自家製麵包，好似幾吸引，就叫嚟試下。可能係多人叫ge關係，等上菜都等左3、4個字，不過唔緊要，食得cafe, 慢d都冇所謂。成份all day breakfast水準好高，份厚多士糖霜鋪面再焗，外脆內軟，一流。薯餅係可樂餅嗰種，唔係m記嗰隻，幾好。其他野亦做得唔錯，蛋夠滑，沙律菜夠脆，加埋野飲都係$78, CP值好高。襯華都仲未被攻佔，而且仲有小店，真係要幫襯多d支持下。

由於屯市餐廳實在要等太耐，覓食地點漸漸往外移，發現到呢間華都小店後，水準都幾ok!午餐試了「咖哩唐揚雞扒蛋包飯」，特別要求了多汁，以確保每一啖蛋包飯都要充滿咖哩汁，嘿嘿；而包住飯既蛋如圖一樣咁靚，火候剛好，餐廳仲標明使用日本蛋，放心😆 不過老實說炸雞炸粉太多，雖然雞肉嫩滑，但炸皮呢度要扣分另外朋友試了「全日早餐」，睇相已經知份量充足，要有既薯餅、沙律、煙肉、茄汁豆、炒磨菇得全部都有。驚喜位係薯餅有粟米夾心，唔係超市買一般果d薯餅👏🏻 另一驚喜位係佢既自制麵包，面頭鋪上少量砂糖再烘，係肥d但令人食得滿心歡喜🤤總括餐廳既食物係幾出色，反而咖啡就冇乜大驚喜了

上星期去左屯門一間cafe食晚餐，之前已經食過幾次，今次見佢有新野就再試下😆而餐廳文青風的裝潢，讓人感覺舒適。我和友人都加左$18升級套餐，因為沙津或湯二選一，所以我哋一個要沙津，一個要磨菇湯。沙津：蔬菜都非常新鮮，咬落去果時聽到清脆既聲😆蘑菇湯：唔會打碎曬，會有一顆顆幼細蘑菇粒增加口感，可惜有陣草青味。我哋點左法式紅酒燉牛肋條同香蒜白酒蜆肉意粉✨法式紅酒燉牛肋條牛肋條較韌，雖然賣相不錯，好似幾好色水，但其實無咩味道。香蒜白酒蜆肉意粉反而呢個意粉不錯，好香蒜味，意粉索曬蜆肉既鮮味，很好又唔會太硬或太冧。而且蜆肉都有好多，比個讚最後餐飲點左熱齋啡作結。以一間小店泥講食物其實算是不錯，而且晚餐免加一，性價比高。

星期日下午同媽媽一齊去食lunch 下奏兩點餐廳仲係好多人🙈🙈等咗十分鐘就有位💕Menu 選擇唔多但係好多嘢都想食😂🙈最後揀咗羽衣甘藍豆乳意粉感覺好似清啲🤣鍾意意粉夠硬身唔會一pat pat ✨豆乳汁食落唔膩一啲都唔heavy 😎同意粉好夾❤️羽衣甘藍煮過就唔苦🥰如果有多幾塊就好啦仲有啲雜菇🤘但份量唔算多整體嚟講算唔錯啦😀😀😀一個女仔份量啱啱好✨💖成個清晒😂🙈小結：小cafe 坐得舒服服務態度好好💖下次搵朋友嚟girls talk

行街嘅時候，諗緊食咩晚餐，突然間見到人地食緊呢個咖哩豬扒蛋包飯，見到個滑蛋好似好吸引咁，所以就坐低左叫咗嚟食。咁咖喱味道唔係特別濃，可以濃味d，但係屯門嚟講都算唔錯嘅選擇，咖啡都幾好飲，同埋都算寧靜，但希望可以人手增加。

情人節當日下午同男朋友諗住搵間Cafe坐下食lunch。於是就一齊去呢間餐廳，叫咗一個日式豬扒蛋包飯同埋野菜醬燒雞扒飯。等咗大概15分鐘之後先上男友咗個蛋包飯。就咁睇賣相都OK，點知我一試， 發現咖喱汁無味，豬扒肉質又韌，係得個蛋包飯叫做過得去。再過一陣佢先上我個雞扒飯。呢個係真心唔掂！ 所謂野菜就係三條豆同蔥，啲雞肉咬落質感奇奇怪怪咁，咬開咗之後就唔夠膽食落去，而且個醬汁都好難食😖。結果，成份餐我就係食咗三條豆同冇汁嘅飯。總括而言啦價錢貴，用料差，所有嘢都係得個樣。

星期六下午二點左右，屯門人山人海，市中心己連氣都無得呼吸，所與老公向華都商場進發，以前已聽聞開了一間cafe好似幾OK，所以就去找此cafe，就在二樓外边找到了，裝修都Ok，但都坐滿人了，再等-下餐廳外有二張枱，就坐下感覺到舒服，我地就叫了咖喱吉列豬和雞的蛋飯和當天特飲(桃紅茶)，如果用55的價錢叫好好，而且佢地昰用不銹鋼管(走膠)，所我地兩公婆我繼續支持小店

好耐冇黎過華都，冇諗過呢到開左咁多餐廳😃今次經過見到呢間裝修唔錯，就同朋友黎左食叫左個軟殼蟹非常好食，而且係有味道唔會好似一般食既咁有好多炸粉。不過要轉餐加野飲就可能要過百，感覺係屯門小，我區呢個價錢就頗貴，所以冇加到。下次有機會一定會再黎☺️

聽朋友講華都開左間唔錯既cafe, 終於等到老公得閒同我去試～果晚係平日唔洗排隊，餐牌有幾款蛋包飯、意粉同小食。 點左雜菜蛋包飯，軟殼蟹飯青醬飯同埋一杯sangria。同老公傾下傾下，就上蛋包飯喇（又冇影相），嘩都幾種蔬菜，有露筍，豆角，蓮藕，粟米芯、茄子，甘荀薯仔，咖哩汁甜味重、少少辣，健康得黎幾惹味之後到今晚個重頭戲，首先講個飯，好香好濃既香草味，而且好creamy，軟殼蟹炸得都幾夠香脆，配埋個飯真係好好食，推薦！Sangria即係生果甜酒，酒既配搭都唔錯，香甜易入口總結：性價比非常高，無論係咖哩汁定青醬飯都俾到驚喜，唔係普通野Sangria味道ok, menu仲見到好多特飲，見隔離檯叫既梳打都好靚，下次要試下！一個咁隱閉既地方有間咁有趣既特色小店，非常推介俾大家