轉角 (已結業)

假日晏晝時間，想喺屯門市廣場搵個位食飯，依家已經變得好難，事關實在太多大陸人，迫爆左個屯市，好彩仲有個華都，叫做未被攻佔。見依間個評分幾高，就決定同朋友試下。1點左右到，等左5分鐘就有位，坐位闊落，食野唔會手肘撞手肘。見餐牌上個all day breakfast寫住有自家製麵包，好似幾吸引，就叫嚟試下。可能係多人叫ge關係，等上菜都等左3、4個字，不過唔緊要，食得cafe, 慢d都冇所謂。成份all day breakfast水準好高，份厚多士糖霜鋪面再焗，外脆內軟，一流。薯餅係可樂餅嗰種，唔係m記嗰隻，幾好。其他野亦做得唔錯，蛋夠滑，沙律菜夠脆，加埋野飲都係$78, CP值好高。襯華都仲未被攻佔，而且仲有小店，真係要幫襯多d支持下。