輝哥私房菜

营业中

休息中

見到廣告，價錢同賣相吸引...有任食海鮮..點知....食過一次一定唔會有下次.....首先講下蟹- 又細又梅，唔新鮮..蝦- 還可以接受，雖然有啲林咗，整體可以接受扇貝- 硬嘅....好似蒸咗好耐咁...龍蝦- 硬嘅...無味翡翠螺 - 還可以，夠大隻聖子- 硬嘅...花甲- 海鮮湯嘅花甲仲大隻過佢...雖然細，但好彩無沙大眼雞 - 無晒光澤，唔夠新鮮瀨尿蝦 - 味道可以，但肉係凍嘅..小炒王，炒菜等蔬菜類係新鮮同埋值得一試嘅，有水準...最後埋單$168+12（茶）+38（服務費）+28（任飲）+48（鮑魚+龍蝦）=294/位這個價錢食唔新鮮嘅海鮮，絕對係唔值😔😔真心唔值...用這個價錢去鯉魚門/三聖仲好...值得一讚係員工嘅服務，唔錯！

你話200蚊兩位，好似好抵食咁90分鐘，我寧願用200蚊叫5-6樣，好食又精緻嘅食物，今日食左D吾好食既點心，肚重隱隱痛，又要受服務人員既氣，差到不得了，請都唔去，出去攞嘢食，好似打仗咁

今次食呢間都係睇報紙介紹，諗住去試下點知呢間餐廳真係只可以幫襯一次就算佢嘅價錢同食物就一般可以不提重點係佢地員工嘅服務態度1. 入門口完完全全無人理你，廚房就係同樓面接待傾偈，見到有人嚟，仲好似我地阻住佢傾偈咁，超無禮貌又惡咁叫你掃晒安心出行2. 落左單，有啲野食未到，諗住問下佢，對面枱遲過我地落單同樣嘅野食都到左，我地仲未到嘅？態度又係極之惡劣同超級大聲問答：我地呢度唔係邊個落單先就到先，跟住就走左去，乜都無follow過，叫左嘅野都一直無嚟過3. 睇佢出嘅食物跟住嘅單都係電腦單，咁正常都應該係按入單順序出啩，咁邏輯分析即係漏單囉！4. 全餐廳啲人都唔願做，態度極差，如果咁Q辛苦又何必攪任食點心，如果無心招呼咁咪唔好做任食囉，做返普通單點續樣計咪好囉，又舒服啲，又唔使做得咁辛苦！總之呢間野就唔會再幫襯！

由細到大對於去酒樓飲茶有種情意結，假日都會陪媽媽去嘆返一盅兩件，不過一籠點心都要廿幾三十蚊，飲餐茶其實都唔係平！ 最近我搵到間有任飲任食的點心放題，每人一百蚊左右就可以食個夠本，點心選擇多仲每人送半邊乳鴿，出點心速度亦算快，就算限住時間都食得好滿足。 食物方面款式選擇多，全張點心紙任剔，包括貴價的蝦餃、燒賣、鮮蝦腸粉，仲有粥粉麵，巧手小食如避風塘九肚魚、涼拌木耳、八味豆腐，大排檔小食如豬紅、魚蛋、碗仔翅，甜品仲有豆腐花等等，每一碟都只係2-3件唔會太多，所以我地2個人可以食到14款食物，凍飲柜仲有任飲汽水，但係精明的我地緊係飲普洱消滯啦！ 我覺得最好食的係蝦餃，蝦肉大大隻，外皮唔會過厚；另外炸雲吞炸得香脆，點埋甜酸醬食增添美味；八味豆腐炸得香口，如果切返細一半就好入口；乳鴿新鮮熱辣辣，肉香味濃，飲普洱就最適合不過！

188海鮮放題，12蚊茶再加正價加一，約$240/位。從未寫過食評的我真的頂唔順寫番篇😤全部野都無乜味果皮蒸泥鯭像白烚魚冇油冇鹽椒鹽九肚魚像椒鹽魚皮椒鹽鮮魷像椒鹽橡筋蟹粥像白粥加死蟹 炒蜆勁多沙凍霉烏頭東風螺，聖子，煮得老過我阿婆較為好食就算杯茶，蒸貴妃蚌同桂花糕環境就係舊式酒樓 又無電視通風又差 坐都唔舒服啲野又黎得慢 又唔齊叫幾次得一次黎得岩簡直係無限伏，以後都唔會再黎建議大家拎舊錢去食放題好過貼錢買難受

試過點心放題，除左有少少漏單問題之外，食物質素尚算唔差見到推出海鮮晚市放題，人均$230左右，就去試一試結果係極其失望款式係唔少，可惜係d 海鮮大部份都又細件又唔新鮮，又洗得唔乾淨d 蟶子好靭冇鮮味仲要多沙豉椒炒蜆有半碟個殼冇開，d 肉少得好可憐，又係有沙焗蠔，上面d 薯蓉大大pat, 隻蠔又細隻又腥，好難食大眼雞d 肉係梅既，賣相超唔得，甩皮甩骨刴椒蒸魚雲，完全冇椒蒜蓉粉絲蒸元貝，淡而無味貴妃蚌甩哂出黎，又係冇乜味白酒煮海螺，有陣怪味，好難食金沙鮮魷，粉厚之餘鮮魷又係唔新鮮，所謂既金沙即係蛋黃少得可憐蠔仔肉碎泡飯，d 蠔係一d 味都冇，仲要冇肉碎瑤柱肉碎浸莧菜，一粒瑤柱都搵唔到，菜還好係嫩既滑蛋牛乳炒蝦仁，d 蝦係零味，個蛋唔知加左d 咩，唔係純蛋黎因為d賣相實在係太唔得，所以相都唔想影正常既有：話梅豬手，蝦，炒蟹，八味豆腐，口水雞，通菜，紅豆沙同桂花糕平價既就俾d 好少少既你 d 海鮮幾乎冇樣好好似係一早買定好多海鮮，賣唔哂又留返之後幾日用，都唔知佢d 海鮮放左幾多日真係中哂伏，永遠唔會再幫襯呢間野230蚊唔係貴，但都唔係做到咁啦俾得呢個價，大把好好多既選擇

今日黎到輝哥私房菜食點心放題！見到個價錢咁吸引就即刻book咗位😋😋😋😋鍾意食點心嘅我點可以錯過！______________________________每人會送半隻炸乳鴿❤️雖然係送嘅但係都唔會求求奇奇,,非常香脆點心亦都幾多選擇，都有炒粉麵飯，炸野食放題最緊要嘅係食物會嚟齊亦都算係黎得快，熱辣辣咁送上你張枱度任飲任食呢個價錢真係冇得輸飲品選擇亦都好多食物質素亦都好好

本來抱住一試冇妨但我投降認輸！安排奇怪,有點混亂，經理門前破口大駡食客, 又冇提醒需要 1:45 先可取點心只是呼喝食客勿掂, 食物質素真是－般般，如果想藉放題做回點成績，請做足本份,比返些應有既服務水準吧！

今日和朋友去佐敦「輝哥私房菜」食午市點心放題，1:30pm 已經很多人在排隊，幸好朋友已經在網上預約，一定有得食😂 午市點心放題，除了超過50款手工點心外，也有Sunkist soda 汽水任飲，都只是$78 絕對超值😜點心紙上上全部也可以任點，也有一些大排檔小食在自助餐區，要自己出去拎的！先來過韮菜豬紅和香煎蘿蔔糕，煎得很香脆，蘿蔔和粉的比例剛好！鮮蝦餃，皮薄蝦鮮又多！燒賣足料，肉質彈牙！豉汁鳳爪夠淋且調味不會過咸！很入味！鮮蝦腸粉夠滑，蝦大隻彈牙！炸雲吞，即叫即炸，脆卜卜，蝦肉彈牙👍🏻豬肚燒賣，原來是壓扁了的燒賣再加豬肚，夠特別！香脆炸豆腐夠滑皮脆！奶皇薯棗夠煙韌奶黃味重！訂座還送乳鴿😱一人半隻，燒很很香，皮脆肉嫩🤤今日可以儘情吃不同的點心，確實大滿足😁😁值得一提的是雖然客滿，又係任點任食，但我入咗3次單，每次也沒有漏單而且上菜速度都好快！

經過佐敦見到有點心放題，喜愛點心既我又點可以錯過任食都只係$78起，仲有90分鐘你話去邊到搵點心紙應有盡有蝦餃，燒賣，牛肉球，鳳爪奶黃包，馬拉糕各式腸粉亦有主食炒粉麵飯例如乾炒牛河，福建炒飯，你諗到既都會搵到落完單就上左贈送既乳鴿皮脆肉滑，好香口好惹味另外亦有自助區有即叫即炒熱辣辣既xo醬腸粉仲有豬紅等等燒賣 蝦餃 菜苗餃全部好足料，皮薄餡靚食一盤唔夠，一定要encore!!春吞 炸雲吞火喉剛好，大師級水準好野👍👍👍中意食點心既朋友一定唔可以錯過！

🧑🏻‍🍳輝哥私房菜-點心放題 $78✨-好耐冇食點心放題啦🤩🤩今次黎到呢間位於佐敦既輝哥私房菜～～只係$78就可以歎超過50款點心，真係超抵😍😍不過平日都好多客，建議大家黎之前一定要bk枱，如果唔係就食唔到架啦❣️❣️一坐低冇幾耐店員就送上半隻乳鴿，皮脆肉嫩好惹味😋😋點心方面，選擇都好多，例如有蝦餃、燒賣、鳳爪、腸粉、春卷等，整體質素都唔差👍🏻👍🏻蝦餃同燒賣係我既至愛，encore左幾籠😋😋春卷脆卜卜好香口，鳳爪都好入味～～推介奶皇薯棗，外脆內軟，內餡係奶黃味，甜甜地幾香口❤️❤️除左點心，其他熟食都可以任叫，例如炒飯、粥、牛柳粒、口水雞等～～呢個價錢食到咁多野真係超抵🤩🤩餐廳仲有自助區，可以拎一d小食同野飲～～如果唔想飲茶，都有得拎汽水或啤酒🍹🍹

聽到好多人推薦呢個私房菜點心放題話抵食，今日嚟試一試。位置喺佐敦，非常方便，而且雖然係樓上鋪，但係大堂好豪華😂落咗單之後，可以出去拎魚蛋、豬紅、雞腳等，不過要夠手快😂建議要第一時間衝出去。蝦餃好食，皮薄，蝦有彈性、鮮味，唔係霉爛爛既蝦。燒賣又係有質素，豬肉味濃。秋葵加左芝麻醬好易入口，健康之選👍叉燒腸都算滑，如果叉燒粒可以更多就更好。乳鴿賣相比較黑，但咬落去好juicy，唔欺場。紅豆沙好食，好有紅豆香，要自己出去盛，又係要快手。桂花糕有淡淡桂花味，好清新。整體黎講性價比高，未食炒粉麵都飽左，下次會再黎👍

餐廳的點心放題， 任點任食90分鐘， 超過50款點心，只需要$78， 十分抵食， 令人大快朵頤，吸引很多點心控來朝聖，我怎可錯過。點了點心之後，先去自助區取食物， 相當豐富，有 川芎魚雲湯、蛇羹、韭菜果、蘿蔔糕 豆腐花、蘿蔔魚蛋等， 最喜歡川芎魚雲湯， 魚肉滑溜 ，啖啖充滿藥材香氣， 好滋補養身。 煎韭菜果， 香脆可口之餘， 韭菜香氣十分惹味誘人。鮮蝦餃外形雪白剔透， 十分 飽滿， 蝦餃皮煙煙靭靭 ， 包裹著滿滿鮮蝦，爽口彈牙， 是我飲茶必點點心。鮮蝦菜苗餃， 爽彈的鮮蝦配上清甜的菜苗，口感清爽吸引。燒賣色澤明亮， 配上北菇粒及蝦粒， 鮮味十足。炸魷魚鬚、九肚魚， 即叫即製， 炸至金黃香脆， 魷魚鬚 鮮味帶嚼勁， 九肚魚鮮味滑溜， 令人停不了口。福建炒飯， 炒飯底上面鋪滿 蝦仁、冬菇、甘筍粒、菜心粒及雞肉， 每口米飯濕潤且充滿鑊氣， 滋味迷人。炸乳鴿炸得外皮香脆可口，肉質柔軟入味。流沙包，大口咬下去， 滑溜的 金黃色的奶黃， 緩緩流出， 別有一番風味。豬潤腸粉皮白滑， 晶瑩通透，包裹著鮮味、嫩滑的豬潤， 再沾上甜甜的豉油，最佳拍檔 。桂花杞子糕，我最喜歡的中式甜品， 入口冰冰涼涼，

點心放題在香港比較少選擇，而且又要高質又價錢大眾化的，最近我們到了輝哥私房菜任點任食點心，超多款，實在吃得太開心啦！私房菜裝修雅致，環境明亮潔淨，地方舒適，很不錯。餐牌上除了多款點心揀之外，另有小菜、粥品、時蔬等，午市/茶市 90分鐘 $78起，超過50款高級手工粵式點心，還有惠顧每人奉送紅燒皇子鴿半隻、自助放題小食及任飲汽水、果汁，真的太抵吃。紅燒皇子鴿侍應送到時已聞到陣陣香味，炸得剛剛好的皇子鴿，脆脆的外皮，肉質嫩滑，吃起來好多肉汁，香脆可口。水晶蝦餃皇大大粒的蝦餃，晶瑩剔透，餡料豐滿，蝦肉爽口，好彈牙，鮮味十足。薑蔥牛肉角類似蒸餃子，充滿薑蔥味香濃的牛肉角，薑蔥味不會蓋過牛肉的鮮味，濃厚的牛肉香，好吃。奶皇薯棗炸得好鬆脆，餡料充滿奶皇香甜味，配合薯蓉的昏質感，兩樣食材好配，吃完覺得很滋味。韮皇鮮蝦腸粉拉得都幾薄的腸粉，見得到的大蝦，口感幼滑，蝦肉好大隻，爽脆鮮甜，好好味，所以再點多一次。豉汁生炒涼瓜涼瓜切了薄片，吸入了豉汁的惹味，涼瓜好爽口，帶少少苦，是我喜歡的味道，越食越開胃。招牌炸雲吞大大隻的炸雲吞，滿滿的餡料，蝦肉鮮甜爽口，肉質彈牙，外香內嫩，口感鬆脆，好惹味。

上次食okay再來，點知服務質素差咗好多。張張單漏單。自助區無乜嘢食，點心截單後不准到自助區取豆付花和飲品，仲用手推車擋住。最後一張單催單唔願應，最後都有漏，未食完執你碟碗，未夠鐘嗌收枱。無下一次。