車水堂車仔麵

营业中

休息中

見到ig d foodie出片介紹於是叫埋同事一齊試吓喺open rice 落單外賣自取 1245拎前後兩張單 5個麵 最後等到差唔多1325先拎到等一張單嘅外賣 然後店員話之後嘅open rice單冇出過 （但其實我前後落單都只係差一個號碼 我見到我第一張單都係手炒） 於是要手炒比廚房立即做 明白嘅 新開張 繁忙 未上手 架步吾就手應付唔到咁多客 但係可以去睇吓客人催嘅單係米真係有結果又要再等 再行翻公司食 發現少左樣餸 同飲品打左去問有冇得退款 佢哋話要問公司會再覆我因為公司始終吾係近餐廳 同埋食完覺得普通 加上初開業仲係好混亂 所以都唔會再想試所以退款比較實際 不過17號到而家都冇follow up 亦見唔到信用卡有退款資料~湯底豬骨湯係幾清香 不過叫中辣 完全一啲都唔辣其他食物吾係講到咁特別

身為車仔麵關注組，見到公司附近有新開嘅車仔麵即刻狗衝。面底選擇多，也可以轉菜底，適合OL或生酮人士 。最正佢已經預設咗幾種最受歡迎嘅組合俾大家叫，方便lunch time好趕嘅朋友唔使嘥時間選擇 。份量不少，蘿蔔有點甜度，豬腸豬皮等滷得入味滷水蛋仲要糖心醬汁真係好啱食辣人士，單數辣醬就有三款不同辣味，不食辣都可以選擇返咖喱或者沙嗲湯底兩款小食都好正，麻辣涼拌牛柏葉同辣魷魚，涼涼哋好啱夏天進食，牛柏葉索晒啲麻辣汁超級惹味—————-𝙒𝙚 𝙤𝙧𝙙𝙚𝙧𝙚𝙙:秘製辣魷魚、豬腸、豬皮、牛腩、蘿蔔滷水五拼麵：牛筋牛腩蘿蔔豬腸滷水蛋麻辣涼拌牛柏葉秘製辣魷魚凍檸茶—————————————————𖠿𖥣 車水堂車仔麵 (中環)〒 中環士丹利街82號地舖—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #foodstagram___🥇Follow @eathkgi

今日要過中環做野，順便去食一間朋友仔推薦新開嘅車仔麵「車水堂車仔麵」，喺士丹利街經過啲大排檔就會見到，車仔麵嘅餸菜有三十幾款選擇，仲有秘製、魔鬼辣醬、麻辣、沙嗲同咖喱醬醬汁😋招牌麵我揀咗招牌油面配秘製辣醬大辣，店家有幾款已經配搭好嘅車仔麵，招牌麵包括辣魷魚、豬腸、豬皮、牛腩同蘿蔔，湯底係香濃嘅滷水汁，辣魷魚爽脆彈牙，豬腸滷煮後夠晒入味，瘦嘅豬腸特別有咬口，豬皮滑身，入口滿滿嘅骨膠原😋超級推介店家嘅蘿蔔，又甜又腍又入味👍🏻必食👍🏻牛腩扎實帶筋膜位置，滷香味十足，每款餸菜嘅份量足，全部都有5-6件，足料🉐自選五餸麵朋友仔揀咗辣魷魚、牛腩、蘿蔔、豬皮同漢堡扒配搭河粉咖喱汁，佢分咗半塊漢堡扒比我😆味道與別不同，食落較重黑椒味，好食👍🏻河粉亦都夠滑身，佢連湯都飲晒😋秘製辣魷魚我地再加多個辣魷魚小食，魷魚撈埋加秘製嘅辣醬，香辣味濃，食唔停口👍🏻👍🏻麻辣涼拌牛百葉牛百葉爽口脆身，配搭麻辣醬又麻又辣，作為涼拌小食最適合不過豆漿凍檸茶📍車水堂車仔麵 (中環)中環士丹利街82號地舖人均消費：$100食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️

士丹利街出名食大排檔，但係天氣咁熱就梗係搵個有冷氣嘅地方食嘢見到這間車仔麵餐廳好有文青風, 餐廳門又有啲壁畫就入去試一試好有趣好有香港特色入面主要係高枱, 座位唔會好逼,冷氣都夠我同朋友一人揀一個自選配搭朋友要咗豬紅，牛丸，蘿蔔，魚皮餃，漢堡扒豬紅夠結實， 夾起唔會爛 ，食落有嗰種豬紅的味道好似越嚟越少地方食到魚皮餃，呢個魚皮餃皮 煙煙靭靭的朋友話車仔麵一定不可少的就係蘿蔔，夠入味煮得夠透完全冇渣我就要咗冬菇，墨丸，溏心蛋，牛筋，豬腸我反而覺得車仔麵係一定要叫豬腸入口的陣陣又油香味， 一吃停唔到口整體兩碗份量都算多朋友食食下覺得想食牛肚就叫一份沙爹牛肚+油菜牛肚夠淋食落香口，夠厚身，夠入味整體都食到舊香港車仔麵的味道， 當然喺中環食車仔麵，就唔係兒時嘅價錢， 但係餐廳環境舒適，食物質素都對得上價錢

估唔到呢間中環新開嘅車仔麵都幾高質素！車仔麵，性價比高！呢間餐廳啲裝修都幾chill！高凳都幾好坐而且都有掛鉤俾人哋擺袋好貼心！- 豬骨白湯 - 清爽而濃郁的湯頭,充滿了豬骨的香甜與鮮味。- 米線 - 滑嫩彈牙的米線,吸收了湯頭的香氣,口感絕佳。- 香沙嗲 - 香料調味恰到好處,肉質鮮嫩多汁,口感彈牙可口。- 金錢肚 - 鮮嫩多汁,經過精心烹調後,外層焦脆內裡軟嫩。雞翼大大隻而且都幾入味，唔係剩係得浸皮係豉油味- 溏心蛋 - 蛋黃嫩滑,配合面食一同品嘗,口感層次豐富。- 港式咖喱拌麵 - 麵條柔軟滑順,與香濃的醬汁完美融合,令人回味無窮。- 牛腩 - 肉質軟嫩可口,經過長時間的燉煮後,入口即化。魚皮餃唔會好大浸雪味豬紅感覺好新鮮唔腥貢丸係台灣嗰隻！好多汁嘅凍檸茶大大杯茶底夠濃厚

車仔麵好多地方都有得食，但要食到正宗經典，而又好食嘅車仔麵，就一啲都唔容易。今晚放工後就去咗中環呢間<車水堂>食佢哋出品嘅車仔麵。豬骨湯底油麵配咖哩汁鹵水豬大腸、牛腩、牛柏葉、漢堡扒、韭菜餃鹵水豬大腸炆得非常入味，索曬所有鹵水醬汁，而且咬落去非常軟心而帶彈牙嘅感覺。牛腩又軟淋又多肉，非常好食。韮菜餃入面嘅餡料非常之多，塞滿曬韭菜。豬骨湯底油麵配沙爹汁豬軟骨、牛腩、鹵水齋麵筋、台灣黑椒腸、炸魚皮豬軟骨同埋牛腩都炆得非常之入味，同埋非常之軟淋。鹵水齋麵筋本身索滿咗鹵水醬汁嘅味道，配埋沙嗲汁來食，特別好食。台灣黑椒腸咬落去充滿濃濃嘅黑椒香味，非常惹味。炸魚皮炸得勁香脆。另外小食叫咗金錢肚同埋秘製辣魷魚，入口爽滑彈牙，而且特製醬汁令到呢兩個小食都非常之出色。凍奶茶，味道唔錯，茶香味夠。呢間車仔麵除咗麵底同埋材料都非常用心製作之外，佢哋嘅湯底都非常之惹味，尤其係沙嗲汁湯底同埋咖哩汁湯底，味道非常濃厚，好食！～

呢排都幾鍾意食車仔麵，所以今日行完街之後都食返碗兩碗車仔麵叫咗好多餸，分別叫咗油麵同粗麵，而餸菜方面就叫咗炸魚皮、糖心蛋、咖喱魚蛋、蘿蔔、韭菜餃、午餐肉、滷水蛋、雞翼尖、豬軟骨、牛柏葉；另外叫咗兩個小食，分別係菜心同金錢肚，最後加咗兩杯豆漿呢間車仔麵唔會偷工減料，雖然價錢唔貴，不過食物餸菜份量都好充足，尤其是係豬軟骨同金錢肚，份量好慷慨；而咁多樣餸菜都好入味，尤其係蘿蔔，清甜嫩口，配上爽口彈牙粗面好出色呢間新開嘅舖頭目標顧客應該係中環嘅上班一族，除咗價錢相宜之外，食物款式都好多，係打工仔嘅好選擇，值得推薦#車水堂車仔麵

今日喺中環諗唔到午餐食咩就嚟試吓車仔麵❤️ 呢間車仔麵感覺比較開揚同闊落有種小清新嘅感覺🪵 外牆既壁畫上佢哋嘅主打魷魚嘅圖案🎨一食果然好有特色😋非常值得推薦⭐️ 招牌麵 🍜一試個湯底就食到佢嘅秘製辣醬🌶️辣度同咸度好平衡帶豐富嘅鮮味🌊 豬腸豬皮牛腩同埋蘿蔔糕非常入味唔會肥膩🐷 特別一讚阿根廷大魷魚🇦🇷鮮味又爽口⭐️ 一麵五餸 😋另外一款就叫咗沙嗲撈麵十分惹味🥰 特別推薦滷水蛋同埋咖喱魚蛋好入味🍳 再配上冬菇炸魚皮同埋魚皮餃都好唔錯👍🏻⭐️ 麻辣鴨血 🦆鴨血充滿麻辣嘅味道🥹有種台式麻辣鍋嘅感覺🇹🇼真係好過癮⭐️ 油菜 🥬新鮮又唔會太多油💚中和返辣度岩岩好⭐️ 凍檸茶 🍋⭐️ 凍柚子蜜 🍊清爽得來甜度唔太高🤩感覺好清新

約車水堂車仔麵地址: 中環士丹利街82號地舖放工覓食記錄，有時7點前收工，mtr 是放工人流最多時間，我會索性食完dinner 等到7:30後先坐mtr 返屋企，避開人流簡單食麵車仔麵吧自選五餸面 +$36 satay 金錢肚一，餸都好多款，我就tick 了菜底，豬軟骨、豬手、蘿白、滷水蛋及秘製辣魷魚。個魷魚好爽口，辣得過癮好食，豬軟骨也好入味呀，豬手是皮好腍身那種，夠曬蛋白質。金錢肚厚切，入味之餘口感一流，好有嚼勁。人均$100 ，餸吃得出是有用心做的

今天放假和朋友去中環的IFC商場行街和吃晚飯。 朋友話想吃港式地道的車仔麵。 仲話有人推介附近有一間名叫車水堂車仔麵，出名好食又多選擇配搭，最適合我們。 它位於中環士丹利街82號地舖， 港鐵香港站 E1 出口沿天橋上行人電梯就到。 餐廳大招牌就好吸睛! 室內裝潢簡約，貼上大大張Poster的餐牌內夠食物。 地方整齊清潔，坐得舒適。 餐牌內的食物有很多選擇，自由搭配。 配料都係傳統地道車仔麵必點的，還有幾款小食和飲品。 於是我們點了2款自由搭配車仔麵+小食+飲品。 @自由搭配車仔麵 (粗麵、豬骨湯、四川麻辣、小辣)配料：豬皮、牛腩、豬手、牛百葉和豬腸。牛腩炆得夠腍和味濃， 豬皮和炆豬手得好入味又腍滑。鹵煮豬腸的鹵水味濃，好有咬口! 豬骨湯底好鮮味，選了小辣四川麻辣,不會太辣。 粗麵份量十足，麵底加濃味的湯汁和醬汁，超好食! @自由搭配車仔麵 (米線、豬骨湯)配料：牛筋、豬手、豬腸、豬手和雞翼。 牛筋炆得好入味又腍滑，雞翼鹵水味濃 。米線配清的豬骨湯很搭配! @秘製辣魷魚、沙嗲金錢肚魷魚好爽口入味，加上秘製辣醬，好味道。 金錢肚炆得好入味有咬口，沙嗲汁好濃香，超正! @凍奶茶、豆漿 (跟餐

睇完IG 介紹過嚟試下排左20分鐘，係門口等極都無職員安排入座自行搵位坐，QR code 落單時要付款埋然後等左足足35分鐘先都野食唔止我，係全部堂食都等左30分鐘以上我哋入座前己經有個人等緊外賣30分鐘後佢仲係度🙂lunch hour 排隊加等野食用左55分鐘🙂最後用左10分鐘食完碗麵趕返公司可能係我嗌撈麵啦，啲韮菜餃已經吹到凍左碗麵就真係好普通。。。希望餐廳可以考慮吓自己接唔接到嘅多單先決定繁忙時間做唔做外賣🙂

中環普遍嘅餐廳都唔平😢而家天氣咁熱，有時想喺附近一帶揾一間好食，有冷氣涼但係又賣平民價錢嘅車仔麵都幾難😫不過！今次俾我發現咗一間喺大排檔隔離嘅”車水堂車仔麵”完全符合我嘅要求💯嚟到緊係要叫佢哋必食嘅招牌麵($88)，同埋試吓自己隨意配搭嘅一麵五餸($90，視乎你嘅餸)，仲有叫咗兩碟小食，麻辣涼拌牛柏葉($35)🐂同秘製辣魷魚($38)🦑食餐飽😎招牌面係包括秘製辣魷魚、滷煮豬腸、爽脆豬皮、牛腩同埋蘿蔔🍜 湯底就叫咗豬骨白湯配米粉加濃香沙嗲醬😋最鍾意就係個豬腸，全部都清得好乾淨，冇奇怪味👍🏻豬皮同魷魚都好爽脆同埋入味，唔會咬唔斷或者有好油膩嘅感覺💯不過最有驚喜嘅係蘿蔔竟然可以煮到同牛腩一樣咁淋，完全冇好礙口嘅蘿蔔筋，超滑💓不過如果大家食得辣嘅話建議大家叫秘製辣醬會有更加多層次🤓自選五餸我哋揀咗烏冬拌麵，韭菜餃、豬手、菜心、滷煮豬腸、麵筋加配秘製辣醬(小辣)🥢果然無論湯麵定拌麵總之係麵都做得好出色😂如果要比較，我建議大家揀拌麵，因為拌麵先食得出佢哋最特別嘅秘製醬料，辣得嚟但係又會令你keep住食🤩另外如果鍾意重口味嘅朋友，都不妨叫麵筋😚因為佢索晒啲汁，咬落去每一啖啲汁都係爆出嚟🤤正💯不過怕肥

喺中環收工，想食返啲本土食物真係幾難，左搵右搵，又俾我搵到間好野喎！ 靚靚仔仔，新新淨淨，入到去開行晒冷氣，炎炎夏日🥵，舒服晒😎～ 佢個menu寫得幾好，麵種，湯底🍜，辣度🌶️，各種選項幾清晰又有相🎞️ 豬骨白湯底招牌麵 配 豆漿 💰88 秘製辣魷魚🦑＋滷煮豬腸＋爽脆豬皮＋牛腩+蘿蔔🥕 蘿蔔🥕極度軟熟鮮甜又無筋，非常唔錯！😍魷魚有鬚🦑帶肉，大條，彈牙又入味，都好好食！😇 我揀左秘制辣醬 （小），好惹味，剛剛好嘅辣味🌶️，大大增加食慾！ 但真係太多餸，食到飽一飽都食淨少少麵。。 麻辣涼拌牛栢葉 💰35 佢用生菜🥬墊底，鋪滿牛栢葉，洗得都好乾淨，極爽口！麻辣係相對辣嘅，食到我出晒汗，好刺激！🥵 我就另外叫咗一碗五餸麵，佢超多選擇！ 豬骨白湯底一麵五餸 配 凍奶茶 💰90 秘製辣魷魚＋牛筋＋咖哩魚蛋＋芝士腸＋冬菇佢係阿根廷大魷魚🦑，超大隻又爽口，好惹味！我仲嗌咗咖哩魚蛋、芝士腸、牛筯🐂同冬菇～全部好入味，好正😋牛筯勁冧😛😛 湯底我叫咗豬骨白湯🍜、港式咖喱汁，嗰咖嘛比我想像中辣，麵就嗌咗烏冬，好好食😋  凍奶茶我嗌咗少奶少糖少冰，又真係做到喎，真係高級車仔麵🤣 油菜🥬 💰16 我仲加咗唐生菜，唐生菜

睇廣告中環有間新開車仔麵，就諗住試一試佢。點知，四川麻辣無麻辣，雖然叫小辣姐，都唔洗0辣，烏冬偏硬，唔奢求唔洗加錢有日本烏冬，都唔得洗咁硬，個漢堡扒完全白烚。大部分野都無乜味。同行朋友叫左牛筋，廣告講到好冧，但食落口勁硬，用左open rice 咁耐真係第一次嬲到比差評。廣告影到所有野都好吸引，黎到完全兩回事，幾十蚊唔洗你去到米芝蓮咁既質素，但都唔好咁垃圾。完全唔值呢個價錢。一個字，差。唔會再食，60蚊碗車仔麵。

中環新開左間車仔麵店，招牌大大個，店面都好乾淨企理，睇落幾吸引就入左去試自選餸價錢由三餸$57起，至到八餸$97起，好啱大胃王，我同同事嗰日都好肚餓，叫咗五餸 $73起首先可以選擇豬骨湯底或者拌麵，麵底都係粗麵/幼麵/米線/米粉/河粉之類呢度同出面唔同嘅地方係可以自選辣醬，有秘製/魔鬼辣醬、沙嗲、港式咖喱、四川麻辣等，我自己最鍾意沙嗲醬，惹味得黎唔算辣，港式咖喱辣味後勁十足！所以叫豆漿同凍柚子蜜都可以解辣！配料方面，有幾樣都覺得幾值得食，feel到店家幾比心機煮蘿蔔：鍾意食蘿蔔嘅我會比呢個一百分！！超級大舊，完全無渣，好甜又索晒啲湯冬菇：彈牙入味，仲要切到細細粒，幾易入口炸魚皮：非常脆牛筋 (+$4) 必食之選，炆到超淋超入味，啲膠質係漿住個口！好補筋骨嘅感覺牛腩 (+$4) 都係炆到好淋，幾香牛味糖心蛋 (+$4) 蛋黃鮮橙色，生熟度啱啱好豬軟骨 (+$4): 啲肉都好稔，一啲都唔鞋，不過骨位可以再稔啲同埋成碗份量都超大，粉麵比好多，建議可以叫扣底仲試左秘製辣魷魚 ($38)，爽脆彈牙，又唔算好辣以後返工又多個好選擇