影片
更多
2007-05-21
9 浏览
19-5-2007 2129同朋友交換情報後，時間尚早，雨勢冇下午時咁大，諗下老板娘新舖都未去過，今晚應該會比較少人，只憑出門口前上地圖網的記憶，就膽粗粗進發。經過最後一輪的兜兜轉轉後，終於都到左，老板娘似乎不在，見番舊舖員工，齋講地方比以前真係好好多，睇menu 冇甜品，就問有乜甜品，得大四喜，有理冇理，整番碗。事前唔記得問係凍定熱，我就prefer 凍，不過冇乜所為，最後出黎都係凍，合我心意。上面有士多啤利粒，士多啤利少少酸，但混合酒釀桂花，味道少酸少甜，似乎剛剛好，食下食下下面仲咁多料？原來有啫喱粒，我覺得就甜左些少，否則就更加完美。食食下老板娘係後面出來，第1時間除了打招呼外，仲立即俾佢隻狗仔及其「老婆」照片給我睇，之後講下大家近況，講下講下講起榴槤，原來最近先有限量版榴槤布丁賣，她說7年來都未試過搵到較好一批的馬騮頭(又名金枕頭)，既然有quota，黎番碗，之後就問頭先先食完，我話仲食得落，唔知我係稍為刷得之人係好正常。這碗加入了淡奶，果肉份量多，聞落唔香，食落好香，不太甜亦不濃味，比起明記或泛后清新好多，兩種都喜歡，但有得選擇既我反而會選前者，得個濃味但唔夠香就本來不是食榴
同朋友交換情報後，時間尚早，雨勢冇下午時咁大，諗下老板娘新舖都未去過，今晚應該會比較少人，只憑出門口前上地圖網的記憶，就膽粗粗進發。
經過最後一輪的兜兜轉轉後，終於都到左，老板娘似乎不在，見番舊舖員工，齋講地方比以前真係好好多，睇menu 冇甜品，就問有乜甜品，得大四喜，有理冇理，整番碗。
事前唔記得問係凍定熱，我就prefer 凍，不過冇乜所為，最後出黎都係凍，合我心意。上面有士多啤利粒，士多啤利少少酸，但混合酒釀桂花，味道少酸少甜，似乎剛剛好，食下食下下面仲咁多料？原來有啫喱粒，我覺得就甜左些少，否則就更加完美。
食食下老板娘係後面出來，第1時間除了打招呼外，仲立即俾佢隻狗仔及其「老婆」照片給我睇，之後講下大家近況，講下講下講起榴槤，原來最近先有限量版榴槤布丁賣，她說7年來都未試過搵到較好一批的馬騮頭(又名金枕頭)，既然有quota，黎番碗，之後就問頭先先食完，我話仲食得落，唔知我係稍為刷得之人係好正常。
這碗加入了淡奶，果肉份量多，聞落唔香，食落好香，不太甜亦不濃味，比起明記或泛后清新好多，兩種都喜歡，但有得選擇既我反而會選前者，得個濃味但唔夠香就本來不是食榴槤的精髓，老板娘還給一杯熱水解濕熱，多謝！
鋪雖大左，但要撈埋午巿，遇著今晚的天氣就真係失去黃金時段，又講番舊舖既事，老板娘說成日要同客人講sorry，有心黎既人好似我咁有乜所為，有心整兼好食就得啦。
埋單共30蚊，完全超出預算，個人意見，完全值得，下次再黎過。
黎之前及離開後，經過曬比較一致好評的食店，但自己一間都未試過，想起舊鋪，心裡諗起雷安娜其中一首老餅歌「舊夢不須記」，有幾多人真係能夠在似乎滿足現況的情況下做到呢？
张贴
