越Home 越式料理

营业中

休息中

作為一個平又食貴又食的C9, 當然唔會放過位於住宅區毫不起眼的小店。今次就試吓這間老公推介的越南小店。我們到達時已8點多，很多東西都賣完，幸好還有金邊粉。我們點了一個2人餐，有2碗麵及2個小食。越南菜當然要試生牛肉金邊粉，湯都算清且味夠，牛肉份量亦不少，金邊粉很滑。小食選了越式春卷及蒜蓉牛油雞翼，春卷包得厚實、很香口。估不到雞翼有6大隻！！！雞翼很入味，而且比想像中沒那麼油。2人餐包飲品都是約$170，非常抵食！

今日去食越南嘢，這杯龍眼冰十分多龍眼，很好飲好甜呀，龍眼好大粒多肉火車頭河粉，好大碗，有唔同的牛食品，牛肉，牛丸，生牛肉，所以好甜，蘿蔔也入味甜，河粉幼身好味，吸了湯好甜。有些葱芫荽等更香。香茅豬扒濛，香茅豬扒份量也是夠多，好淋身好味，幾香的，唔太肥呀，同其它的香茅豬扒感覺不同，不過香茅味唔出。濛粉都幾爽身，唔易斷，有d葱芫荽，芽菜，湯底所以好香，份量適中。加左一份蔗蝦，就細左d，普通冇乜特別的！！

由開張食到宜家，品質同服務都愈來愈差。湯底食完好口渴，蘿蔔由大大舊變細細舊再消失了。芽菜也沒有了。越南湯河一Ｄ配菜都冇，好失望。反映比店員聽，態度仲要非常惡劣，唔推薦

約咗朋友去荃灣福來邨然後搵嘢食，經過呢間叫越Home食越南🇻🇳嘢，貢啱又才想食湯粉，所以就決定坐低食個午餐見到隔離枱碟雞咁靚又咁多我都心動即刻MENU LOOK 1 LOOK 先我地二話都不說就決定食午餐嘅海南雞飯同一個海南雞湯檬，加2蚊就可以飲凍飲，加6蚊就可以飲特飲之類午餐份量比較大碗嘅。海南雞湯檬。海南雞飯嘅雞嘅份量都幾多架！但係飯唔係用雞油煮只係與普通白飯配！

喺福來邨對面開咗間越南餐廳叫越Home，話說佢哋嘅海南雞做得唔錯，咁就一於去試一試。大概下午兩點去到，眼見裡面坐滿哂人，諗住要等一陣，咁啱有兩個人食完行出嚟，咁好彩有位唔洗等。餐廳裡面比較窄咗少少，感覺上有啲逼。坐底睇睇Menu，都係決定叫一客海南雞飯同一客海南雞檬啦！大概等咗10分鐘啲食物到喇，見佢俾雞髀心諗都幾好喎而且份量唔少！夾起一舊試一試，真係好滑喎而且幾有雞味，真係幾好介紹。啲雞好食所以會好快食哂，但個飯如果係雞油飯就更加好~

好朋友要結婚，我地做姐妹開完會之後要去搵野食醫肚，但發現時間已9點，原來好多餐廳都開始閂門，所以我地就行下行下見到呢間越南菜佢收1130，咁我地就入去食啦。每人叫個粉面食再加個小食。我叫左個越式手撕雞肉札肉金邊粉超好味嘅湯底，好濃好香，手撕雞完全唔鞋，好正！又大碗，覺得勁抵！酸辣鳳爪：估唔到咁好食，個汁一流，酸辣度剛好！不過就不面墊左都幾多菜，但d菜點埋個汁食都好正！另外我有試食過呀朋友嘅香茅豬扒飯，佢個豬扒真係一流！好淋身個蔥油正到呢，令我諗起小巴黎，勁開心可以食返個種味道！估唔到呢度有間咁正嘅野！

行完大嶼山，坐車到荃灣站找美食。吃悶了海壩街十字路口的食店， 走到熟食亭附近找小店， 看到一間新的越南餐廳，價錢不算貴。對於喜歡食亞洲菜的我，跟朋友二話不說便走進餐廳內進食，吃飯時間也算滿座。由於晚餐我和朋友不想吃太多，選擇了越南餐廳最正常的生牛肉檬粉及多選擇的小食拼盤。首先來到比較容易煮熟的生牛肉檬粉，牛肉十分鮮甜，沒有雪藏味道。 雖然湯底不算特別濃郁的牛肉味，但是也十分清甜可口，跟檬粉十分配合。吃到一半，小食拼盤便來了。 雞肉串燒，牛油雞翼，越式春捲，蝦餅及扎肉各二。 雞肉串燒有濃郁的黃薑味不是普通的雪藏價。牛油雞翼沒有很香濃的牛油味，像普通炸雞翼一樣，比較普通。越式春捲新鮮炸出，包有粉絲雜菜等味道不錯。蝦餅味道很新鮮，可以再吃。扎肉是普通的貨色，沒有特別。總括來說味道也不錯，價錢也不貴，可以再來。

上次本想外賣lunch 既冬陰公海鮮泡飯，但佢表明等比較，15 minutes，所以冇買。今日堂食，但足足等左半小時！朋友碟飯都食完好耐。裡面有青口三隻，蟹柳一條切半上，草姑，octopus,蜆肉，一兩粒細到未必見到既蝦。湯吾太辣或酸，適中。等甘耐值不值得見人見志。我就不會再叫，但湯比出面平的。

飲食行業轉變得很快，前天荃灣食下午茶，又來到這條街搵食，發現了米線店已轉手食越南菜餐廳餐廳環境跟之前差不多，沒有大裝修過，只是換過枱櫈掛了幾幅畫，觀感就是之前的米線麵店當時是下午茶時段，叫左兩個香芧猪扒檬粉，一個加左8蚊轉冬陰功湯底，湯底是一般味道不差，但猪扒是另上的，看上去已經唔得，香芧味不足，沒有一點脆面，濕濕的比較差，好像沒炸過，應該是返丁出來的，味道也沒有估計錯誤，不好吃總結，價錢合理，食品一般般

今日試海南雞飯，完全是切雞飯。雞嫩，件數多，每件多肉。飯只是白飯，不是油飯。有附泰式醬，偏辣。也有類似薑葱，但冇薑蓉味，只有炒過既燶葱味。另叫青檸梳打，倒得太多糖水，太甜總括，如想試海南雞飯就不用試，如當係切雞飯就值得試。

環境：今日平日12点幾到食lunch,已經勁多office d 人，好迫，仲要地方回音勁大，真係嘈到好狂張！總括，這環境食得好辛苦。建議外賣(加$1)食物：1.豬扒飯，份量大，價錢適中，味道都80分到2.双拼加$10，叫左豬頸肉和瑞士雞翼，哩個双拼第2次食，第一次雞翼只有2隻，今次有4隻，都吾知佢比多左，定比少左。味道都有80分。豬頸肉份量也算多。服務：有一個長頭髮阿姐好冇礼貌，仲成日八字眉，又吾耐煩甘既樣。其他人OK.食物上得超慢，等左25mins多，有吹單。