越Home 越式料理

营业中

休息中

今日因工作的關係，經過荃灣福來邨附近，又正是午飯的時間，見到有間叫越Home的越式菜館，門外站了很多人在等位和外賣， 心想此菜館的質素應該會有一定水準吧，反正今天又不趕時間，所以決定在此等下看看它的水準如何，雖然一個人都要等了約十多分鐘。因為餐廳的面積小，所以枱椅放得相當 擠迫，内裡的裝修陳設亦不算新淨。看了看餐牌覺得他的招牌火車頭湯河粉圖片很吸引，就點了這個湯河粉來試一下。湯河上枱了，上面鋪滿著大大塊的生熟牛肉、牛丸、牛腩 、扎肉、 蘿蔔、還有香草和洋蔥絲。 先試喝一口熱辣辣的湯先，入口味道非常之甜、鮮、香和辛。 生熟牛肉切得很薄，牛肉咬落都沒有什麼渣，牛丸很彈牙會光是粉亦有牛肉味，牛腩就很大的一塊，瘦肉中帶少許的肥肉，肥瘦比例很恰當没有根亦很腍;不過扎肉的的份量就少一些，只得一片。蘿蔔現在雖不是最佳的季節但咬落都很甜、很腍亦炆得非常入味。 越南的河粉切得很有幼細而且都很滑溜。作為整碗河粉的靈魂就是湯，内中的金不換香草味和洋蔥絲的辛辣味味道可說是非常合拍， 所以最後連湯都吃得一滴不剩，大大的一碗湯河粉令腸胃得到非常的滿足，再加上一杯熟飲，都只是50多元埋單，真味美且超值，下次一定

之前試過附近另一間越南小店，今次又搵其他小店試下～行過呢間有下午茶，想食少少又唔想太飽，有法包又有粉麵，於是就試下～上次試過另一間既法包唔錯，今次又試下先～揀左個越式豬扒包，望落去就好似單調d，不過個包脆得黎又唔太硬，外脆內遠，豬扒都煎得香既，細細份都ok 啦另一個揀左豬頸肉湯檬，呢個個湯幾香喎豬頸肉都幾香口，不過碗粉既份量好肉比隔離枱碗撈檬少好多兩個人食左80幾蚊，正正常常咁啦，不過不失既下午茶啦～

同老公鍾意周圍搵野食成日去荃灣行街，行去荃灣廣場時經過呢間食越式野有人排隊，心諗：有人等應該唔會差得去邊就拎飛等位，等左一陣就有位啦我叫左碗招牌火車頭金邊粉老公叫左海南雞配白飯仲叫左加配小食：蒜蓉包2件&輕盈酸辣鳳爪飲品：柚子檸檬梳打& 凍檸茶飲品味道正常，柚子檸檬梳子我仲覺得幾好飲主食火車頭金邊粉-有札肉片、牛腩片、牛丸、生牛肉，每樣各2片/粒。碗入面仲有3大舊蘿蔔，幾入味～碗野唔覺十分好食，最好食反而係果3舊蘿蔔囉～仲有想講，果兩塊牛腩片仲有好大塊肥膏，食到既肉唔多海南雞配白飯-D雞幾大件，不過食落冇乜雞味好一般啫小食蒜蓉包$-呢個真係麻麻地，係幾大塊呀，不過蒜蓉包冇乜蒜蓉味，仲衰過PxxxxHxx果d，問老公好唔好食，佢都擰哂頭輕盈酸辣鳳爪-呢個幾好，d鳳爪都有5隻，又唔會太細舊重點黎啦！食左呢餐之後，發覺勁口渴！飲左差唔多成支淳茶都止唔到要買水飲，應該係碗金邊粉落左好多味精真係唔明點解有人推介呢間野（係咪食開_），講平民價我覺得價錢叫合理，唔係特別平囉間野唔算特別好，所以冇影相⋯

老母大人要求。即食。唔駛等。坐得舒適。好味。親民價錢所以我每次食飯都驚大人唔滿意呢度佢揀。我就心都定埋叫兩人餐嚟到熱辣辣。老母最鐘意！！清湯生牛湯檬極大碗。男士都一定夠飽。餸多粉多。湯底不口乾手撕雞。金邊。轉冬蔭功+$8正！港人口味。雞絲多。粉都多+$20 椰青凍檸茶小支冰。茶底夠濃。真係小冰。俾番咁多茶你。滿意跟餐一六隻牛油雞翼。牛油味唔算濃。炒garlic夠熱。雞肉嫩。夠味同乾身跟餐二札肉。青瓜絲墊底好開心兩位工作人員。一個金毛。極趕客。未問客人食完未就收。時間係9：00。問佢拎menu好似問問題佢拎錢咁！未接過手就放。sir咗落枱面另一位就好好多會encore

所謂隱世小店，通常都地點比較唔就腳，較少人知，好易畀人忽略，而越Home 越式料理就幾符合我心中隱世小店嘅定義。位置在荃灣香車街街市附近，荃灣廣場行去大約5分鐘路程，而愉景新城行過去亦只需10分鐘路程，但只要你願意稍移腳步，你會覺得呢間小店絕對物超所值。⠀⠀⠀⠀⠀⠀⠀⠀⠀⠀⠀⠀ ⠀已多次光顧，今次叫嘅係下午茶蒜蓉法包併咖哩豬扒，雞扒番茄湯檬粉，加點酸辣鳳爪。蒜蓉包真係可以見到一小塊一小塊嘅蒜蓉，純不欺場，咬落去仲非常香脆，伴上佢嘅濃厚咖哩兩塊蒜蓉包其實唔係好夠喉，下次我會加點額外蒜蓉包。而番茄湯檬正常發揮，但入面嘅小粒番茄同九層塔味道非常鮮明突出，令成個湯變得非常清爽，女生怕咖哩太重口味呢個會非常合適。⠀⠀⠀⠀⠀⠀⠀⠀⠀⠀⠀⠀ ⠀酸辣鳳爪就不多說啦，嚟呢度食就係為咗佢，已經喺唔同嘅越泰店舖食過酸辣鳳爪，唯有呢間最合我嘅口味，荃灣附近有幾間有賣酸辣鳳爪嘅店舖，調味都死辣為主，而唯有呢間會比人清爽酸酸辣辣嘅感覺，就算唔飲水都唔會覺得唔舒服。⠀⠀⠀⠀⠀⠀⠀⠀⠀⠀⠀⠀ ⠀而飲品係鹹檸七同龍眼冰，鹹檸七奉上原個鹹檸檬，亦係正常發揮，但龍眼冰嘅龍眼係我飲過咁多間之中最多龍眼嘅，而且可能餐廳後面就係

放假，當然唔少得要同朋友一齊打牌啦。打到咁上下，肚仔又餓但又唔想停。係呢個時候就可以叫外賣上嚟😎😎因為想嗱嗱臨食飽就繼續打牌，所以就揀咗啲粉麵嚟食，醫肚麻🤣🤣1, 招牌香茅豬扒金邊粉🍜$40/碗而我就揀咗個招牌香茅豬扒金邊粉，因為餐廳有將湯同埋粉分開兩個盒，咁啲嘢食拎到嚟都唔會(林)。隔咗一段時間食，個豬扒仲好熱，好好味😋😋2, 香茅雞翼檬粉🍜$40/碗3, 招牌生牛肉金邊粉🍜$42/碗4, 口水雞配白飯🐓🍗🍚$47/碗(因為一人一個餐，咁呢啲我就冇試。佢哋嘅評價一致認為好味，咁嘅價錢就可以食到越南嘢，抵食之選😌😌)

這晚才發覺它門外那塊黑板，寫著當晚套餐，又幾吸引，二話不說，進去！先來“蒜蓉牛油雞翼”，熱辣辣，不但香，還有一點點薑味，蠻特別的。我選了一個“撈檬”來配雞翼，那撈檬的汁酸酸甜甜，好醒胃，把牛油雞翼那些炸蒜蓉加進去，檬粉的味道多了份“香”的層次！那“燒烏頭”其實是焗得，不是燒的，不過還是挺美味的，它加了點孜然粉在魚上面一齊焗，香！ 控制火候不錯，還算嫩滑！其實這晚最驚喜的是這杯鹹檸七 ... 這“鹹檸梳打”啲咸柑桔挺好味，使用青檸醃製的，我渴光了它，還吃了這幾粒咸柑桔來下一下火！

呢間店成日食。性價比高。都好食。不過，我多數食生牛肉河，三丸河。扎肉河。但，有日打算試新野。叫了一個吉列豬扒河粉，滿有期待。因為呢間食豬扒其實都唔錯，點知一上到枱見到個吉列豬扒，就已經知道唔係咁好食最好食落口，豬扒唔算好乾但係但係完全沒有豬扒嘅味道，總之你覺得唔係太新鮮。呢一刻我有少少後悔。早知就食返平時嘅湯河粉好似比較好。我見到隔離枱食好多係香茅雞翼河粉，香茅豬扒，賣相都唔錯，所以以為吉列豬扒都一樣。可是我錯了。其實呢間食河粉整體上都唔錯，個湯底好夠味道亦都我覺得幾好味。啲蘿蔔都好林，洋蔥啊或者其他配菜都做得唔錯。而且個價錢亦都好街坊㗎，至少唔會好似其他店舖咁成日加價，所以呢間小店我都會繼續支持。

午餐近日，轉左一份新工，午餐當然去附近周圍食，今日品嚐的是一間越南小店的火車頭湯河，50元一碗，份量超大。火車頭湯河，材料亦不少，最喜歡當然是牛肉，牛味重，肉嫩。可惜蘿蔔不夠淋，有渣。加11元要了一份蒜蓉包，好大一片。非常夠飽。唯一缺點，是環境比較迫。越Home 越式料理 (荃灣)荃灣海壩街20A號地下阿肥:82/100

這間走平民路線的越南餐廳不得了，活在兩間荃灣區Openrice高分食肆的夾縫中還能生存，引證了「競爭越大、質素越高」的定律。我們倆只點了兩個午餐 ... “火車頭湯河”，有牛腩片、扎肉、生牛肉、牛丸、蘿蔔，配料有芽菜、蔥洋、蔥、紫蘇葉。凡用湯泡著的麵食，指定動作，必先呷一口湯，湯的質素幾可判斷這碗麵食是否合格 ... 嗯，兩個字，鮮、甜，蘿蔔也難得，沒有渣，處理得很好，很入味，所有肉食也一樣 ，配上紫蘇葉、洋蔥等配料，齒頰留香！“香茅豬扒飯”的豬扒是另上的，不會把飯弄得油膩，有點心思，而豬扒本身很嫩滑，煎得不錯；不要小看那蔥油，單看它的顏色，還是很脆綠，證明㕑房沒有用隔夜蔥油，全部新鮮製作，認真，值得尊敬！

荃灣海壩街嘅越南菜小店🌿🌿成日經過呢條街，不過就好少嚟食。個Pho幾抵食，大碗得嚟河粉都幾滑，lunch價錢好似只係$40咁上下。我覺得隻碗好靚，好典雅，Close-up有少少旅行嘅感覺 haha 。(圖一)另外個咖喱豬頸肉香料味超濃！豬頸肉肥肥哋所以好食，呢碟咖喱個香料重濃過平時啲印度咖喱，不過偏鹹，一定要餸飯先得，重要係咁飲水。我覺得平平哋，喺附近返工/住，得閒都可以過去試吓嘅~越Home 越式料理地址：餐廳位於荃灣海壩街20A號地下

呢個越南餐廳，相信喺荃灣番工嘅人都會識，事關又平又好食。😋😋😋幫襯過好多次，最鍾意食佢個手撕雞湯河粉😋😋$43，包一杯熱飲。個河粉好幼滑，浸耐左都唔會發脹晒👍🏻👍🏻雞絲唔鞋，唔會淨係俾d雞胸肉你，好好食👍🏻👍🏻個湯底好甜，配料有蘿蔔，清甜又淋😋😋Lunch晏少少去，一定會排晒長龍，所以一定要早少少去拎位。另外，我平時叫開外賣，外賣會分開湯上，好細心😊😊回頭率 ⭐️⭐️⭐️⭐️/5

宜家午餐越黎越貴，要揾一間抵食，真係唔容易啊今日叫左個set午餐40HKD一個set,對於打工仔黎講，呢個真係性價比算高！價錢方面算平，因爲分量好大份，之後送杯熱檸檬水對於一般食量的女仔黎講，都算多跟午餐set 的香煎雞扒，口感鮮嫩，煎到岩岩好唔錯ge選擇

Lunch想食下越南野, 經過見到menu價錢算係平民價, 所以就試下~ 最平既有$40既香茅豬扒飯~ 招牌香茅豬扒河粉@$40豬扒被想像中香脆, 硬度同鹹度都適中, 但湯既熱度就可以再熱嗰, 份量都岩岩好, 湯汁都有越式風味~ 越式海南雞飯@$47可能食開泰式比較濃味既泰式海南雞飯, 呢個越式海南雞飯既醬料就唔太掂, 醬料無咩味, 雞都唔嫩口, 整體感覺有啲差(*´Д｀*)總體泥講, 呢間較平民價既餐廳食招牌菜比較穩陣(*´ー｀*)

👍🏻越式牛丸湯粉(包嘢飲) $42牛丸爆哂汁超彈牙，牛味好濃郁，好好食呀😭！湯底十分清甜，有九層塔香味蘿蔔無渣，偏淋身，好吸湯，仲有成五六舊添😋湯粉份量好大，抵食😍👍🏻！留意辣椒青檸要另外叫姐姐俾架😉味道：9/10性價比：9/10-📍#越Home 越式料理荃灣海壩街20A號地下