越Home 越式料理

营业中

休息中

下午放食飯想搵平野食，於是乎由愉景新城行過黎搵食，見到有口水雞好想食，就試下，其實見到好多人推介冬蔭公湯底嘅粉麵，不過基於想食得經濟啲又想食飯，所以今次試口水雞先啦價錢實惠，凍飲加＄2，可惜味道唔太正宗，偏向較酸味道，唔夠香，醋味重，又冇乜辣味，不過都可以接受，有機會要再試下其他

因為有時都會喺荃灣返工，經過同事推介之下，就嚟咗呢一間越南餐廳。雖然我知道大部份人都會食河粉，但係今日就唔知點解好想試吓佢個三寶飯，有扎肉、雞翼，同豬扒。因為本身都好鍾意香茅嘅味道，所以都抱住幾高嘅期望，而餐廳都冇令我失望。一個正常嘅午餐$53仲想點？ ！

本人住喺附近行落嚟唔使5分鐘，所以真係超好！無論係任何時間都係大件夾抵食，即是下午茶30幾蚊嘅套餐都係分量十足，食過真係好多次，待業中冇嘢做就寫下食評，大部份嘅菜式都食過，今日食嘅係口水雞檬，另外仲有好多其他可能已經冇咗相片嘅食物，呢間餐廳嘅位置附近好彩都有幾間食肆因為其實已經轉過好多手，都係因為佢有實力先至可以繼續留返喺度，唔使下下都去路德圍可以試吓過嚟呢度啊冬陰功海鮮湯飯佢啲冬陰功真係好好飲，溝落湯飯都索晒啲汁好惹味，不過可惜剩係得海鮮如果有其他選擇仲正，極力推介佢個冬陰功火車頭湯河佢個火車頭又係勁抵食，佢啲湯底偏向甜好啱我口味，特別一提佢個牛丸真係好好食，記得問佢攞青檸辣椒啊加落去仲正，入邊有個腩片好軟熟入口即溶，勁鍾意❤️口水雞海南雞飯好老實佢只係似普通嘅白切雞，不過都幾滑，仲要係分量十足，同埋最緊要佢係有嗰層啫喱，抵X之選安格斯肥牛冬陰功湯飯可以唔要飯轉成粉面都得，等於1個小型火鍋仲要係賣緊$88，淨係飲佢個冬陰功都抵啦三寶飯不過不失不過雞翼個味道就唔係好似越南，呢個就真係麻麻地雞絲粉皮呢個不值一試只係將粉皮加芝麻醬炸蝦餅蔗蝦蝦角呢啲普通啦不過不失，行貨春卷好交叉正，呢個要食牛

因為天氣熱熱哋，又唔係太肚餓，所以唔想食茶餐廳炒粉麵飯，多士。 來個輕食，離不開越南食品/韓國菜/日本菜。 行行下經過福來邨，見到呢間越南餐廳下午茶有木瓜沙律， 幾清新，所以就入來一試。環境一般， 不太燈火通明，一來已經是五時多，將到6時「限堂食令」的界線。而員工們又好像在忙著外賣的到會訂單（因為我看到一盤盤的豬扒放在枱面上。），所以入到去有客人， 但又好冷清的感覺， 員工們又長期入了廚房， 所以其他客人想找職員幫忙也有點困難。 不過情況不算嚴重， 重點來了， 我點的豬扒木瓜沙律上桌比我想像中的份量大當中的生菜， 木瓜絲，多而且非常新鮮， 加上適量的炸蒜調味， 炸蒜不會淋了或是有陣油壓味，處理得不錯。醬汁方面，他們應該是使用現成購買的酸甜醬， 合適不過。豬扒雖然不是大件， 但有厚度， 不過可能下太多鬆肉粉？ 太鬆軟。 味道方面則不錯。整體來說也不差

喺荃灣工作耐嘅朋友，搵嘢食一定會嚟到海壩街，呢條街有主要兩間日本菜，一間韓國菜，兩間茶餐廳同埋呢一間越南野。呢間野裝修冇咩特別，簡單整潔。午餐嘅時候都要等五至10分鐘先有位，呢間野係我長期會食嘅餐廳，因為真係平靚正，今日我哋兩個人叫咗咖喱牛腩飯，招牌蔥油豬扒飯，同埋兩件庶蝦。重點係碟咖喱牛腩飯，咖喱汁夠辣味，牛腩炆得超級冧，可能係我呢排食過最好食嘅咖喱牛腩飯。而招牌蔥油豬扒飯可以額外叫多啲蔥油，好好味！睇埋個價錢，沒有不選擇的理由！

男朋友公司喺附近，佢話呢度嘅咖喱牛腩飯好有驚喜，我今日就黎試吓啦～估唔到呢個咖喱飯個樣冇乜特別，但係味道就同細細個大X X食嘅咖喱牛腩飯好似，牛腩煮到好淋😍😍撈飯超正，咖喱有少少辣，又帶點椰汁香味，而且咖喱汁好濃，唔係出邊好似溝咗水咁稀嗰啲hea hea咖喱汁😋😋另外佢哋嘅主打越南野都好有水準，我叫咗一個牛肉牛丸河，個湯好甜好好飲🤤🤤🤤而且極大碗，另外加$15仲有兩件越式蝦餅～我諗我之後都會經常黎食丫😬😬

琴晚忽然間好想食越南野，就過咗嚟呢度食，價錢唔貴，大約50幾蚊一碗越南檬粉，強烈推薦蕃茄湯底！好甜好好味～我兩個人食，嗌左香茅雞扒湯檬同埋燒豬頸肉湯檬，燒豬頸肉燒得好香。另外仲叫多一個牛油雞翼，呢一個就略貴60幾蚊得六隻，下次可以唔食，整體來講非常滿意！下次會再食

呢間餐廳無華麗裝修但係食物質素的確唔錯💚每次去食都離唔開『火車頭湯河粉』火車頭湯河粉💲42一碗份量夠曬大，食完一定飽 (我唔細食😋) ！火車頭河有生牛肉、蘿蔔、牛腩、牛丸、扎肉、芽菜、香菜配料，材料豐富。湯底真心鮮甜，飲落唔似味精湯，食完之後唔覺得口渴👍🏻。😍最出色係河粉同牛丸！河粉吸收咗湯嘅鮮味，好新鮮好滑，所以通常好早就售罄，而牛丸又彈牙又有牛味🥰😌生牛肉唔會太老、蘿蔔夠味、牛腩半肥好食、扎肉普通、荳芽截頭截尾(即無荳芽同尾**心機位**，啱晒我男友🙋🏻‍♀️有無人同佢一樣？)總結：好值得食！🔔如果你哋想食就早啲去試啦✨記得要先打電話問下有無開鋪，因為鋪頭有不定休息日！

我個人對越南料理都挺有好感！不過在香港又平又像樣的似乎不多，荃灣越Home 越式料理算是合上述要求的一家。 點選主食可以＄12配青檸梳打另熱奶茶更是免費的，喜歡店家用樽裝梳打水而且可以走甜太合我意喇！ 小夫選了越式海南雞河粉＄47，海南雞份量多得驚人而且質素不俗，湯底依舊香濃索湯河粉亦滑溜可口，更喜歡有不少無渣的清甜蘿蔔作配菜十分抵吃。 而我揀了招牌香茅豬扒飯＄40，無論飯量和豬扒又是份量十足，但可惜我的香茅豬扒炸得較乾至口感不濟，但見鄰桌那碟很明顯亮麗得多呢！下次還是吃回湯粉好了！

好日唔食越南嘢 一食就佢間餐廳D 二人位無曬 佢叫我地坐六人枱 我地坐係中間 因為左邊好逼 右邊又有人行嚟行去其實餐廳有一半枱係無人坐個啊姨勁系咁叫我地坐入去咁我地咪坐⋯之後order嘅時候 朋友叫咗熱檸蜜 啊姨勁系咁話 無！我都算最最最嬲既係明明我地坐個位咩都無！佢就將d嘢食同嘢飲 放係另一張枱。。。堅係嬲到問佢咩事 佢扮聽唔到，咩態度？麻煩老闆重視一下。其實嘢食唔係差但如果要係咁多既越南菜入面生存麻煩員工先學會禮貌不會再光顧，同時會再叫其他朋友不再去！

孖寶一份108，點了兩份。驚人的份量，肉厚嫩滑，皮下帶一層透明啫喱，鮮味可以。未知辣度所以要求辣汁另上，不算太辣，但未必人人能忍受。口水汁調味不俗，提鮮不少，個人認為味道稍勝海南雞。推介的菜式。魚大小尚可，難得的是肉非常鮮嫩，帶滿滿孜然香氣。醬汁💯，鹹鹹酸酸極之醒胃，跟魚肉很搭。埋單時問老闆娘，說是魚露混合香茅之類。件數不少，連醬油燒得香口，入口盡是甘香，肉味濃郁。幾滿足的晚餐 點了一整枱菜連兩碗白飯盛惠$240，物超所值！經過的話會回頭光顧。

這間店在愉景新城旁邊，路線是穿過愉景新城，然後看見有條天橋，在第一個轉彎位下樓梯，然後直行第一個街口就看到了這間越南店平日也超多人排隊，因為在荃灣真的叫超便宜了，預計排5-10分鐘吧。我叫左碗「越式海南雞河粉」，真係冇諗過有咁大碗，同過橋米線一樣大，唔怪得知次次去都咁多人排隊，女生仔可以搵朋友仔一齊去share食，湯底又夠濃，白蘿蔔又炆得好入味，雞亦都有一大隻雞髀！唔係雞頭雞尾！還送一杯飲料，一共HK$46

荃灣區揾食出名平靚正。今晚，去左香車街街市附近既一間平民越南茶鋪。 呢度做生意手法有點似港式快餐店，除左有普通叫餸外，仲可以有二人餐或者單點晚飯套餐選擇。我叫咗雞絲扎肉湯河同凍檸茶。個湯底我估係用牛肉淆的，好甜似加左糖。 有蘿蔔、洋蔥同埋香菜配搭，令湯底做得更出色！扎肉普通無特別驚喜，雞絲乾身、柴皮，似淆完湯再用所以冇哂雞汁，失色一點。湯底配料比餸做得好。另外，凍檸茶太甜，茶味無乜，有些小失望。總括:唔食牛肉的朋友， 就避免叫湯類食品。以免破咗戒都唔知。呢度好彩環境稍為闊落，因為部分員工頗為心急， 容易倒瀉熱湯， 意外發生。

自從係深水埗一間出名既越式餐廳食過越式法包之後，就深深愛上左呢款包，但由於友人唔太中意越式野，所以隔左幾個月無食。最近睇番d食物相，勾起左我既食慾，所以決定去附近一間越式小店解癮。餐廳既價格好平民，平均價格都比市區平$5-$10，難怪lunch時間出現人龍。午市套餐最平$39仲要包熱飲，如果唔想食湯粉、飯，仲可以食沙律、法包，唔夠既話仲有小食添。香茅豬扒法包 $38法包香脆、豬扒大塊，不過略嫌佢唔夠香茅味；包內有蕃茄片同一d醃蘿蔔絲，增加左法包既濕潤味，食落唔會好乾，整體唔差，但我都係中意食最普通果款越式法包。咖哩吉列豬扒飯 $42友人表示咖哩汁好正宗，食得出好多香料係入面，但汁比得好少，最後要齋食白飯；豬扒好乾好鞋，而且唔係用麵包糠上粉既吉列豬扒，唔係幾夠脆。我見隔離枱食客既湯粉幾大碗，追加小食個賣相又唔錯，下次再黎既話會試其他野。

都已經唔知第幾次嚟呢度食嘢啦，次次諗唔到食咩或者胃口冇咁好嘅時候都會揀佢因為越南嘅始終都有啲酸酸尾尾，幾開胃下！呢間鋪頭冇分店真係小店成日嚟到都唔開門，入邊裝修簡單整潔，老闆主廚唔知係越南人定泰國人但係聽佢都講到廣東話，試過聽到老闆出嚟問客人意見睇得出佢好有心搞呢間餐廳，我哋都俾個意見老細。基本上午市下午茶或者晚餐餐牌入邊嘅食物種類都差唔多係價錢有啲分別姐簡簡單單嘅裝修入邊位置唔算太多應該都有40個位左右一款一定嗌嘅就係越式撈檬，睇下你想配咩肉，手撕雞豬扒雞翼都好好食，佢嘅酸汁比起出邊食過嘅真係覺得好好，唔知係自己整還是入貨的，份量亦好充足配上炸蒜，花生，越式蔥油真係一流！次次黎到都一定嗌嘅就去湯河不過一定會加$8轉做冬陰公湯底，問過老細佢話佢呢個湯底係自己調配有時好快就會賣晒，入邊非常非常足料，圖上都見到蕃茄薄荷葉洋蔥蘑菇好多唔同嘅香料都唔係太識，飲落非常濃郁酸酸地唔係咁辣，真係好好飲！試過成碗飲晒，問過老細佢話佢係自己改良過，適合香港人嘅口味！總括而言呢間真係荃灣其中一間非常有心做嘅越式餐店