影片
以上资料只供参考，请与餐厅确认详情
同几个朋友嚟到安宁路，见到有间越式餐厅就入咗去食饭，天气热热地，食返啲酸尾尾嘅都应该好开胃。入到去先知道呢一间餐厅系啱啱新开冇几耐，入边嘅环境装修都几有特色，同埋好阔落，至少唔会灰灰暗暗咁。我哋嗌咗个香茅猪扒汤河，越式鸡扒捞檬，越式串烧猪肉汤河同埋一个越式鸡扒包。猪扒汤河个汤都好清甜同埋有啲香茅嘅香味，猪扒煎得外脆内嫩，咬落又唔嚡，一啖猪扒一啖汤，好开胃。鸡扒捞檬就加埋啲酱汁酸酸地甜甜地，加埋个鸡扒都好嫩滑，仲有啲生菜同花生碎，食落个口感都好丰富，提一提佢个檬粉好爽口好食。串烧猪扒汤河啲猪肉串烧得啱啱好，冇㶶到，同埋𠮶个炭香味好够，好似食紧串烧咁，食落又好嫩滑。个鸡扒包都好好食，包皮好脆，然后鸡肉又好嫩，同埋好多汁咬落去仲有少少汁bit咗出嚟，如果呢一个包系一个早餐再加埋杯咖啡一定好正，𠮶日一定系满满嘅正能量。嗌埋两杯嘢饮，青柠红茶酸酸甜甜好解腻，虽然有啲似冻柠茶但系佢用嘅系青柠，再加上𠮶种茶嘅香味，配合得都几好。仲有杯椰汁冰，好香浓嘅椰子香味饮落清甜又唔会好甜，味道啱啱好！总括嚟讲呢间越南餐厅都算系好地道嘅，可以试一试。
继续阅读
近排屋企人喺元朗见到呢间越南餐厅新开，买咗份外卖香茅猪扒法包+猪颈肉汤河，食咗之后觉得质素几好，所以今次专登嚟堂食试一试。今次朋友仔食越式猪颈肉法包，我就食鸡扒捞檬粉，饮品跟餐半价。睇完餐牌觉得有啲奇怪嘅就系小食同檬粉一样价钱嘅？小食嘅香茅猪扒$50，但系香茅猪扒捞檬都系$50🤣份量有冇唔同我就唔知道喇，不过我叫咗份鸡扒捞檬，份鸡扒一啲都唔少㖞🤔朋友仔原本仲话同我share,点知食完半份法包之后，佢觉得好好食，连净低𠮶半份都食埋，我就试咗一块猪颈肉，虽然唔系特别脆，同炭烧𠮶种唔同，但咬落有好香浓嘅肉味，爽口嘅。上次屋企有食过外卖，觉得可以叫佢多啲酱，个酱酸酸辣辣几好味👍而且个包食落唔会又干又硬。鸡扒捞檬份量都几多，鸡扒煎得外皮少少脆，但肉质好嫩滑，我觉得佢捞檬嘅酸辣汁调配得几好，我唔觉得食到落底会特别酸，仲可以一边食一边加。呢间越南餐厅真心推荐💓👍价钱又唔贵，人均都系$50-60，希望可以keep住质素。
继续阅读
您可能会有兴趣的...