越男仔

营业中

休息中

平時食開旺角分店，呢日過黎拎開嘢就入黎試下餐牌上有唔少選擇 ，款式夠多，一定有一款啱心水期間餐廳人流唔算太多，以卡位為主，坐得舒服裝飾擺設都好特別，重點服務唔錯。招牌去骨海南雞配黃薑飯 平時食開海南雞飯多數都係配油飯 難得今次有黃薑飯，夠香而且粒粒分明海南雞肉好嫩仲配埋特製醬汁 非常惹味豬扒拼雞翼撈檬 份量都幾多豬扒大大塊，雞翼炸得金黃脆口，都唔錯撈檬入面有青瓜絲，酸蘿蔔等配料，最重要一定係蔥油，清新亦夠開胃大大杯解渴凍檸茶

之前已經食過一次，覺得唔錯，見今次諗唔到食乜好，於是決定再次幫襯。今次分別點了法式芝士蝦多士、會安炸春卷及冰鎮蜜糖凍蕃茄。先講法式芝士蝦多士，上枱時仲熱辣辣，而且好香。多士表面佈滿芝麻，咬落口好脆，同埋啲蝦膠好彈牙，正！而會安炸春卷，入面都幾足料，好多粉絲，都唔錯。最值得推介係冰鎮蜜糖凍蕃茄，本身無諗住叫，不過老婆話想食，所以先叫，而我本身對佢無乜太大期望。反而佢一上枱時，有一種眼前一亮嘅感覺。因為我未食過，唔知佢個樣係點，原來佢係一個已經剥好皮的原個蕃茄，表面淋滿晒蜜糖，切開食落口時好甜，而蕃茄又多汁，唔會覺得因為太多蜜糖而漏得滯，值得推介的甜品！

經開沙田，令我諗起沙田越男仔呢間食越南食物舖頭，我記得裏便嗰啲招牌好得意又新潮，上次試過佢嘅特色食物，今次一於就試吓佢經典嘅食物啦🥳越男仔生牛肉湯河初時我都擔心我食一碗未必夠😆，但係一嚟到我就放下心頭大石🪨因為真係好大碗，而佢嘅牛肉好嫩滑，牛味濃郁，河粉幼滑，湯底鮮甜。仲有辣椒青檸辣椒醬、醬料盤另上，值得一讚，真係好細心呀👍🏻。越式海南雞飯海南雞飯絕對係東南亞嘅一道佳餚，份量十足味滑口，再汁簡直回味無窮。越式拉茶其實就好似奶茶咁，不過更加香味濃郁，又唔太甜。餐廳地址越男仔 (沙田)沙田沙田圍路1-7號勵城花園地下1號舖#沙田美食 #沙田美食推介 #沙田 #沙田越男仔#越男仔生牛肉湯河#越式海南雞飯#越式美食 #foodforlife #foodphotography #foodie #foodshare #foodstagram #foodlover #foodpic #foodiegram #foodiegram #foodstyling #food #foodlove #foodstyle #foodpost #foods

越男仔 • 沙田沙田呢間越式餐廳喺河畔花園附近，入到去見到店鋪入面嘅佈置都有經過悉心考慮，有好多擺設。我地平日晚市時段入座，期間餐廳人流唔算太多，坐得舒服。餐廳男侍廳都好有禮貌幫我地落單，服務態度抵讚👍🏼..✅ 金菠蘿海鮮炒飯 🥘 $115 呢個炒飯有啲特別，用咗紅米飯去炒，健康啲。炒飯配料有魷魚、蝦仁、炸魚塊，配料都算多，好足料。炒飯仲加左蛋去炒，炒到金黃，香味十足。整體而言，炒飯質素唔錯，值得推薦😋..✅ 豬扒拼雞翼撈檬 🍜 $79豬扒大大塊，雞翼炸得金黃，唔錯。撈檬入面有青瓜、酸蘿蔔等配料，清新之餘亦都開胃。而且撈檬份量幾多，幾抵食。不過可能雞翼擺耐咗，淋咗少少，如果脆少少會更好👍🏼

之前去過旺角分店食，然之後決定返到沙田都要再食🥰🥰因為真係好好食呀！最欣賞佢就係下午茶包嘢飲不特止，仲可以加配小食價錢都唔貴😌😌手撕雞椰汁酸湯檬粉我每次嚟食都一定會叫呢一個！因為呢個湯底真係好好味！酸酸地亦都令人覺得好有胃口！同埋呢個味道係坊間好少喺其他地方會食到嘅感覺，所以真係不得不試。越式烤牛肉炒河粉一睇到外表就覺得好吸引！欣賞佢每一碟唔同嘅餸菜都會有好多種顏色，而且呢個炒河真係色香味俱全！食落都好有鑊氣！越式素春卷+法式芝心蝦多士兩個小食都好好食，因為脆卜卜好香口！特別鍾意佢嘅芝心蝦多士😝😝椰汁拉茶紅豆冰+冰凍水果茶飲品方面都好唔錯！選擇都好多🥰特別鍾意飲水果茶！因為入面仲會有好多唔同水果，飲得來仲有嘢咬下！

越男仔 ｜沙田今日行完山，就係河畔花園附近搵餐廳，經過見到呢間餐廳我想食越南菜，試下先🫶🏻西式火車頭河粉 $108一上枱時河粉是熱騰騰的，入面好多材料有生牛肉牛丸、牛柏葉牛筋等等，好足料串燒拼盤 $145拼盤好豐富，有串豬頸肉，兩串牛肉，兩串雞肉同埋一大舊菠蘿🫶🏻佢另外做朋友串燒醬汁，醬汁味道剛剛好，用來點串燒食好好食😋冰鎮蕃茄🍅 $42佢哋嘅特色菜之一，蕃茄面上有一些柚子蜜，甜甜的，做前菜很好沙田沙田圍路1-7號勵城花園地下1號舖

前幾日同屋企人行完沙田圍就喺附近搵野食，見到呢間越南餐廳lunch set 幾抵食就試下🥰🐣招牌越男仔無骨雞配黃薑飯 $89Lunch set 有兩款小食、一個湯、主菜同飲品。小食揀咗雞絲米紙卷同無骨鳳爪沙律。佢地嘅無骨雞大大件好嫩滑，配黃薑飯好夾。😋😋 餐湯加5蚊要椰汁酸湯，酸度啱啱好，好開胃，成個set都好抵食。٩(˃̶͈̀௰˂̶͈́)و🍅紅番茄四寶湯金邊粉 $69另外見到佢地嘅金邊粉好大碗，就叫咗番茄四寶試下。四寶有豬扒、豬頸肉、豬脆肉同扎肉。豬扒大大塊，成碗份量都好多好足料。😛 番茄湯酸酸甜甜，好多番茄蓉，金邊粉索晒湯汁好食。😋🍤法式芝心蝦多士4件 +$39最後仲加咗個小食，佢地嘅芝心蝦多士炸得好香脆，蝦膠彈牙爽口，加埋流心芝士令到口感更豐富。🤤🤤🍯秘製香茅薑蜜 $12冬天飲返杯香茅薑蜜暖胃就啱晒，佢唔會太甜，香茅同薑味都好出，好飲。😋

不時經過這裡都有人排隊，一於試返餐~一入去見到好多擺設佈置，都好黃~不過位置比較窄~座位都比較少。點了越南仔生牛湯河粉 HK$88牛肉大塊，好濃牛味，個湯都係超濃郁~河粉份量都超多的。越式海鮮蝦油炒金邊粉 HK$118見到伴菜都好colourful~有魚塊，蝦，魷魚，蛋炒成~但金邊粉就比較乾身少少。總括味道算唔錯，不過地方淺窄。旺角都有分店，住附近都可以落樓一試。附近越南菜呢間都算比較出名了~附上餐牌:

一向喜歡越南菜，好多風味小吃和特色菜。去沙田探媽媽，我哋揀咗呢間餐廳。menu有不少選擇，揀左2款 5 course meal in lunch （2小食+ 1主食+ 1 餐湯+ 1餐飲），超級豐富又抵食。先來牛骨湯，味道非常濃郁，個人就鍾意清淡啲。再來4款小食拼盤．有無骨鳳爪沙律，牙車快沙律，椒鹽脆蛋魚柳和手撕雞檬紙卷，每款都有水準，而且份量唔少，媽咪最愛無骨鳳爪。主食：Set C 原隻軟殼蟹配黃薑飯 $125軟殼蟹，是即炸的所以非常鬆脆可口，唔會太厚粉，推薦。另外黃薑飯唔油膩，香味適中唔會太重黃薑味。主食：Set D 沙嗲串燒（牛+豬+雞）椰汁酸湯檬 $89媽媽鐘意食粉麵，叫呢個湯檬就啱晒佢。湯檬好大碗，不但吸滿了椰子濃郁湯汁但吃起來卻不會過於軟爛，十分爽口，加上酸酸地好開胃。串燒就有牛雞豬三款，我個人鐘意雞串，豬比較油，牛有牛味。大滿足，品嚐到酸鹹辣甜的綜合美味。

5 courses越南菜😆😆近排成日去沙田圍，試過幾間餐廳都ok，今日去食越南菜。呢間越南菜都幾有特色，菜式比較fusion，好多未見過嘅嘢。我哋揀咗一個lunch set，有兩樣小食，主食，湯同嘢飲。小食揀咗牙車快沙律同雞肉卷，仲可以$39加少少海膽喺面，好特別嘅口感，加入魚露，非常開胃。主菜揀咗無骨雞飯，雞肉真心嫩滑，份量都唔少。而薑黃飯都好香，尤其係面頭好硬嗰啲，開頭以為會咬甩牙，點知越咬越香。湯推介加$5轉蕃茄湯，酸酸甜甜好飲喎，同羅宋湯又唔同，好特別。我哋仲加$39要咗份蝦多士，入面仲有少少芝士，多士炸到好香，唔錯。最後飲品都好多選擇，我就試咗越式拉茶，茶味冇咁重，相比之下都係鍾意港式奶茶多啲。

沙田花園城越男仔越南菜小店，各種越南美食都有，無論係輕食粉紙卷沙律，定係食碗粉火車頭，或是越南豬扒飯都有午餐同下午茶價錢唔係好貴。-河內蒸粉包拼手撕雞檬紙卷 47輕怡之選，蒸粉包內餡滿滿，蘿蔔絲木耳，配扎肉都好食。。手撕雞檬紙卷滿滿粉絲，面頭有咸香雞肉不油膩更感輕盈。-招牌海南雞配黃薑飯54海南雞肉整得嫰滑夠咸香，黃薑飯有滿滿椰香味，簡單好食。-越式香茅豬扒脆脆豬仔包44豬仔包外脆內香軟，豬扒唔會紙咁薄，炸得香脆鬆軟仲配埋 菜番茄減低油膩感。-牙車快沙律33越式沙律 配搭椰菜同手撕雞肉清新之餘調味亦都適中，唔會有傳統沙律醬肥膩的感覺大推。

呢排好凍❄️想食熱辣辣嘅越南嘢🫣之前喺另一分店食過覺得唔錯，咁一於再入去食啦😂・　胡志明紅番茄火車頭(全牛)🍅🐮🍲 ($148)冬天好啱食啊☃️！佢就同火鍋差唔多😻蕃茄湯底好濃，火鍋入邊好足料，勁多餸✨✨多到最後食唔曬🫣個火鍋可以免費配白飯或豬仔包，其他選擇就要加錢💸，我哋揀咗白飯🍚個人覺得白飯配呢個火鍋好好食，又夠飽肚🫶🏻講明係全牛火鍋，牛嘅種類就一定多👍🏾，包括生牛肉片、香茅牛肉片、牛筋、牛柏葉、牛丸，每款都好好食，份量又夠晒多，呢個價錢都算抵食✨除咗牛之外，入邊仲有超多配料，包括蕃茄🍅、洋蔥🧅、薯仔🥔、白蘿蔔、生菜🥬，加咗咁多蔬菜，令個湯底都更加甜😍😍😍・　手撕雞椰汁酸湯檬粉🥥🐔 ($82)上次我都有叫呢個，覺得個湯底好特別😋，所以再食多次😻唔知點解覺得沙田分店嘅椰汁酸湯特別好味🥥，椰香味比之前食過嘅更加出✨✨✨而酸味又調得啱啱好，好醒胃，最後係有飲曬個湯底嘅🤫，而手撕雞份量好多，好似喺麵上嘅小山堆咁⛰️，除咗份量多，手撕雞醃得好好味，配埋香蔥炸蒜生洋蔥，好香啊🤪🤪🤪店家都好細心，俾咗調味料我哋自己加🫙！調味料種類好多，包括辣椒🌶️、蔥花、炸蒜、其他醬汁，我自己就中意加多啲炸蒜，風味十足

位於沙田圍勵城花園地下嘅越南餐廳，沙田圍站行過去大概10分鐘路程餐廳主打特色越南菜，好多越式食物選擇，而且價錢同份量上都算係幾抵食，不仿一試今次叫左兩個 5 COURSE MEAL IN LUNCH SET (2款小食+1主食+1餐湯+1餐飲)小食: 牙車快沙律 + 椒鹽脆蛋魚柳小食: 無骨鳳爪沙律 + 手撕雞檬紙卷沙律好新鮮好清新啊，青瓜絲,紅蘿蔔絲,蘿蔔絲,再加埋d雞肉好甜好開胃，另外一款無骨鳳爪亦都好入味啊，完全唔硬仲食到唔少軟骨主食: SetC 原隻軟殻蟹配黃薑飯 $125原隻既炸軟殻蟹都幾大隻，炸得好脆身之餘仲有幫手切開十字分開4舊方便食，炸蒜辣椒好有越式既味道，什至似避風塘既食法黃薑飯夠黃夠香，飯粒唔錯，入口時好分明唔會太淋太硬，另外有一堆沙律菜好豐富主食: SetE 牛+豬 PHO紅蕃茄湯檬(生牛+烤牛+豬頸肉+豬扒) $89份量勁勁大一碗既蕃茄湯檬，個湯底勁濃紅蕃茄味道同香氣，連個4樣配料都非常多！感覺如果細食既朋友可以兩個人share食都飽蕃茄湯味道唔會太酸而且有好甜既蕃茄味道，檬粉唔會散晒仲有彈度，食落口彈牙好重要！餐湯: 牛骨湯個牛骨湯應該係食湯檬既湯黎，幾濃既牛

之前食過旺角分店，今次試下沙田店，去到剛好係下午茶時段，非常抵食。餐廳裝修幾特別，好多得意牌。.香茅豬扒飯 HKD44豬扒碎上，唔怕食得麻煩仲啖啖肉，肉質又唔算乾👍🏻仲有重點就係蔥油，撈飯真係一粒都無剩.皇牌小食拼盤 HKD57超級豐富嘅小食拼盤，有齊三款小食，份量都好多，下午茶黎講，好抵食。酸辣無骨鳳爪非常入味，仲有粉包、春卷各兩件，粉包好多料，春卷都好食，入面有木耳絲、粉絲、椰菜絲、紅蘿蔔絲，炸得香脆，值得叫一份。.串燒沙嗲拼盤 HKD39豬牛雞各一串，串燒唔會燒得老，加埋沙嗲醬同花生粒好惹味。香茅薑蜜 (跟餐加$12)冰凍水果茶 (跟餐加$12)

越南仔我就食過旺角分台，一向都係性價比好高嘅選擇。今次去到沙田想食越南野，都第一時間唸起越南仔。越南仔火車頭湯河粉第一啖梗係飲個湯先，湯底鮮甜有牛肉味。火車頭有5款牛肉，分別係生牛肉、牛根、牛丸、牛柏葉同埋烤牛肉。首先要襯湯底仲係熱嘅時間浸熟生牛肉，牛根煮到好淋，牛柏葉好爽口，牛丸彈牙，好值得推介。胡志明市紅蕃茄四寶湯檬粉紅色嘅紅蕃茄湯底飲落相當濃郁又帶少少酸酸甜甜。四寶係指豬扒、豬頸肉、脆豬肉同埋扎肉。豬扒預先煎過，食落特別香。豬頸肉就比較爽口味濃，檬粉就吸收晒蕃茄汁嘅酸甜，好惹味。