越男仔

营业中

休息中

越。男。仔 。沙田沙田圍路1-7號勵城花園地下1號舖遠睇一定睇到 佢綠油油既主題colour加上綠色既招牌 細心留意下 右手邊仲有個越南既疆域圖一入去 兩位有禮貌女店員招呼幾好我唔係第一次食 以前有段時間係附近番工間唔中都會尼食下野 下午茶最抵食晚市要加一 都明白既 晚市要搵錢提外話 老闆幾好傾 可同佢吹下水椰酸湯雞絲湯檬粉 配拉茶成碗 我夠膽講 可以全清 即係食哂開胃 湯我都飲 加少少蒜油 兩粒青檸 兩粒辣椒仔呢個係我配方 唔想甘酸可以跟老闆配方 枱面有教學西貢香茅豬扒脆皮 鹹香香茅 加上蔥油食肉獸留意吓

📍📍📍越南仔 (沙田)沙田沙田圍路1-7號勵城花園地下1號舖👉手撕雞椰汁酸湯檬粉💰$82😋😋😋😋.8/5碗粉一嚟到就聞到濃濃既椰子味，上面鋪滿左一大堆手撕雞，仲有洋蔥同埋蒜粒😍個湯底真係好正🤤酸味濃郁，配埋彈牙嘅檬粉真係好出色，鍾意酸味既朋友仔真係要試！另外店員姨姨一早就俾定左個調味盤俾我地自己調味，有辣椒、蒜蓉油同埋青檸，好貼心💕👉法式芝士蝦多士(4件) 💰$69😋😋😋😋😋/5蝦多士真係好有驚喜！一定要趁佢熱辣辣咁食！多士炸到金黃色，外脆內軟，值得一讚嘅係外層好夠薄，加埋流心芝士真係不得了，重點係食完都唔會覺得熱氣🤣可以一個人食哂一碟！👉串燒拼盤(牛+豬+雞+菠蘿) 👉$145😋😋😋😋.8/5串燒拼盤賣相已經超吸引，原來都好有內涵！真係要一讚再讚👍🏼好耐冇食過啲串燒係完全冇燶，燒完之後都仍然可以維持到色香味俱全，豬頸肉夠香、牛肉夠棯、雞夠滑。食到咁上下，第四位主角，燒新鮮菠蘿仲可以幫大家消滯，非常之鮮甜多汁，真係好感動💕🥹回頭：Yesyesyes!! 無論午餐定係晚餐，呢間餐廳都會再係一個好選擇，其實Menu仲有超多野比大家揀，性價比非常高，食物質素高🤤真係食得好開心#kermit食

適逢假日，就不如來趟偽越南美食之旅～.#串燒沙嗲拼盤豬、牛、雞肉串燒各一串牛肉串是扎實口感卻不乾柴雞肉串鮮嫩多汁軟嫩的豬肉串的肉質意想不到地嫩 吃起來很可口彈牙配搭花生粒、甜甜的香濃沙嗲醬汁，一試難忘.#皇牌3+2撈檬3+2指的是手撕雞、豬頸肉絲、脆豬肉、扎肉絲、烤牛肉麵和肉的份量都超多的，很有誠意除了肉片之外還有炸蒜、洋蔥以及蔥粒，口感豐富檬粉跟蔬菜完全吸附酸甜酸甜的魚露汁整道餐點吃起來很清爽 酸酸辣辣又開胃！.#法式芝心蝦吐司超級酥脆的吐司片上堆疊紮實又Ｑ的蝦漿和芝士內餡最表面鋪上海量的白芝麻上桌時還是熱呼呼的 很好吃！可惜炸物始終製作需時，以致這道食物最遲上桌，串燒和麵食的鹹香酸甜口味把這吐司的味道蓋過了若然是第一道菜的話，必定更驚喜!.整體而言好吃又環境舒服的越南餐廳可以多幾個人一起去點一桌分食溫提: 假日尖峰時段需要排隊唷

🥢燒茄子袋牛柳粒用茄子載住牛柳真係好吸睛呀！牛柳好霖，大大粒好食，而茄子好霖滑，微微辣，酸酸辣辣好開胃！另外我想讚佢既配菜番茄好好食，好特別既口感，令我下次想試冰鎮蜜糖凍番茄🥢胡志明紅番茄火車頭配料豐富有生牛肉，牛筋牛丸，牛伯葉，烤牛肉，雜菜。酸酸甜甜既湯底，開胃！🥢招牌原隻魷魚釀咖喱炒飯咖喱味唔會好重，而魷魚彈牙，一啖一口，好容易食曬！呢間越南餐廳食物款式選擇多，味道有水準，值得再去！如果有選擇困難症，不妨睇睇top 10 menu！

呢間係位於沙田圍勵城花園地下嘅越南餐廳🇻🇳，喺沙田圍站行過去。舖頭主打特色越南菜，lunch 有唔同嘅set, 有小食、主食、餐湯，餐廳亦提供傳統越式飲品同特飲🍧🥤🧃。唔想食咁飽嘅話，有特色多士、米紙卷、沙嗲拼盤、生菜包 etc.今次就試咗兩個lunch set，包含兩個小食、主食、餐湯，飲品，好豐富🤤.《無骨雞配黃薑飯》 $89正宗海南雞，仲有雞翼😋 雞肉幾嫰滑新鮮，啲餸都算幾多。黃薑飯🍚 唔會好油，飯質綿綿。仲有個特色醬點。《沙嗲串燒PHO椰汁酸湯》 $89有三款串燒😍 雞肉、豬頸肉、牛肉，每串都幾多肉，配沙嗲醬🤤 充滿花生味。另外椰汁酸湯好特別，酸酸甜甜，幾開胃。《無骨鳳爪沙律x 手撕雞檬紙卷》 無骨鳳爪數量都幾多，配埋啲青瓜、紅蘿蔔絲。檬紙卷啲料都幾多，配特色醬汁🤤 《椒鹽炸蛋魚柳》 魚柳炸得幾脆，幾香口《椰汁拉茶紅豆冰》$15粒粒紅豆冰！配香濃椰汁拉茶，又唔太甜

🇻🇳沙田特色越南餐廳 —越男仔🐮牛他他海膽卷($118)估唔到係呢間越南餐廳都有呢一個生牛肉他他食，不過呢一個就係比較特別，海膽配搭咗半熟牛肉，包住青瓜絲、蘿蔔絲、椰菜，再喺面頭舖上蔥花，好似食緊越式紙子卷咁，呢種配搭真係第一次食🤔🍡串燒牛肉(3件)($68)面頭淋上沙嗲醬，沙嗲醬幾香甜～🍜越式火車頭河粉($108)配料有生熟牛肉片、牛丸、牛柏葉、牛筋，無論配料同河粉嘅份量都多，湯底飲落係牛骨湯🫘紅豆冰($32)地址：越男仔 沙田沙田圍路1-7號勵城花園地下1號舖。旺角廣華街2-20號翠園大樓二期地下5號舖。#越男仔

#foodiezo食在沙田 #foodiezo新界篇真係好少去沙田覓食😆 之前都知有呢間嘢不過真係太遠，難得經過開就去試埋😗 原來圍住花園城都幾多嘢食 咩類型都有😆 住上面嘅人都幾方便🤭—————————————————————🍅冰鎮蜜糖凍蕃茄 $42見佢有個🏅仲要限量緊係要試試佢😆 原來佢係台灣高雄啤酒節嘅得獎菜🤓 冰凍嘅前菜襯啤酒真係一流，原本預咗蕃茄會酸但加咗蜜糖反而甜到入心😆下面仲有柚子肉襯托，食落唔會單調☺️ -🦀招牌椒鹽軟殼蟹 $109話明招牌菜係有料到☺️ 軟殼蟹炸得好薄脆😀 有少許避風塘口味😆 切件每份都好juicy😍-🍲手撕雞椰汁酸湯檬粉 $82第一次食呢個湯底，椰子雞湯嘅味唔太重，反而酸味好出，係青檸呀😆 鍾意酸湯嘅朋友不妨一試😉 手撕雞份量都好多，加咗味粉更惹味，仲有炸蒜、蔥同紅洋蔥做配菜☺️ 女仔食嘅話 如果仲想食其他嘢 建議兩個人share😆 -🥥新鮮椰青 $45落單時店員話大個過超級市場嗰啲好多，好抵飲😆 結果發現真係好大個，飲極都仲有，好在同男友share😝 好鮮甜 啲椰肉都好易刮出嚟😚

一向都好鍾意食越南菜選擇多一年四季都可以食 小食又夠多 同埋價位唔算太高. 所以下午茶 或者同屋企人食飯 viet cuisine一直係我嘅最愛 呢一間越南菜呢個車站唔係太遠. 行幾分鐘就到算係方便 附近都有好多食肆 好多選擇 鍾意呢一間舖位識裝坐得舒服 裝修新穎嘅越南菜價位唔算非常高可以接受 天氣熱嘅話就鍾意 我就鍾意食 凍嘅撈檬個豬扒拼雞翼撈檬好開胃加埋啲醋汁炸豬扒同雞翼炸到好香熱辣辣 新鮮榨嘅好香口 入口啖啖肉好足料小食叫咗手撕雞檬紙卷 捲包得好靚分量好足料一啖一口都算好開胃越南蒜香雞翼 不嬲都係我嘅至愛呢一間做得好好新鮮榨油香 蒜味好重. 滲著淡淡嘅牛油香味炸粉好鬆脆 炸得好香嗰度坐得好舒服 店員服務一流 住喺附近嘅居民真係 好幸福呀可以成日嚟 輕鬆食越南菜

行經門口見到好多餐牌，諗住八卦睇吓，睇吓睇吓又幾多嘢食喎，最後竟然俾一杯朱古力漏漏啡引左入嚟幫襯。兩個人叫到成枱食物都不用$200，算幾抵食。在等候食物期間，欣賞吓餐廳佈置，牆上貼了不少玩味提醒，例如唔準室內放屁、不準攝影……嚇到我即刻delete 晒d相，但事實我又真係好想影相喎，忍唔住都係問吓侍應，侍應立刻笑說: 唔係喔！講笑咋！😅原來係自己太認真，不過之前影左果d相delete 晒都唔記再影返🙈海南雞黃薑飯，雞肉幾滑，有雞油香味。醬汁微甜；至於個黃薑飯，都軟腍，粒粒分明。餐湯揀左雞湯，鍾意佢幾多葱，令到碗湯除左有雞味，仲有葱嘅清香。牛骨湯生牛肉湯河: 湯唔會太熱，唔驚將牛肉淥到過晒龍；牛肉都算嫩滑，襯埋湯河一齊食都滑捋捋。跟餐+$11就可以有牛油蒜香雞翼，好香蒜味，炸漿夠薄、夠鬆脆。越式春卷唔錯喎，多料、春卷皮唔油膩，又脆卜卜。香茅檸檬梳打，可以有1枝梳打自己斟都幾好，香茅味幾出。引左我入嚟嘅朱古力漏漏啡，好好飲，朱古力同咖啡味好平衡，能同時飲到兩種香味，而且又夠滑、唔會太甜，不過得半杯，有d唔夠喉。餐廳嘅午餐真係有好多選擇，價錢係可接受嘅街坊價，加上特別嘅佈置、而又帶玩味嘅牆貼

總分，3.8/5食物方面，7/10平時食下午茶，$50搞掂。水準唔係好高，但係$50來講佢做到$70嘅嘢食。好味有鑊氣，你叫咗嗰樣嘢，同你嘅期望一致。因為而家出去食嘢好容易見到中伏。我覺得佢調味唔係好出色，但係佢好大份，同埋佢係嗰件事。絕對唔係高分，但係如果你係普通食個飯，好選擇。環境方面，6.5/10你唔會覺得佢好乾淨，但係佢絕對唔會污糟。側邊都有唔同嘅搞笑標語，認真幾開心。有啲地道得來唔會太cheap。服務方面，8/10每一次去都係下午茶，冇乜人所以服務幾好。有一次見到其中一個服務員姐姐好俾心機咁同伯伯傾偈，但係個伯伯根本唔會食，但係個服務員都好有心機。少少人情唔錯嘅街坊舖頭

#越男仔 生牛湯河粉 $88 🐮嚟到越南餐廳就諗起一定要食個生牛河粉🐮呢到既生牛肉唔算太肥 食落去有咬口同有牛味👍🏻湯底清甜得嚟 都有飲得出湯中既香料味而配料用左生洋蔥🧅 食落得好爽又帶點洋蔥嘅辣味仲可以自己加醬料招牌蝦醬炒飯 $98🦐其實我去茶餐廳都好鍾意食炒飯🙈一個好嘅炒飯係一定要夠鑊氣每一粒飯都係唔會黐住 粒粒分離👍🏻呢度嘅炒飯蝦醬味唔算太重 鹹度適中 配料有啲臘肉同札肉食起上嚟都夠野未 如果蝦醬味重啲會更好💪🏻晚市會有+10%收費但係Menu呢就冇寫明 如果寫清楚呢就會更加好🤗

🤍💛沙田- 越男仔💛🤍放假同媽咪去沙田附近行下，媽咪話想食下撈檬，就帶左媽咪過黎食啦～店入面有多張卡位，又放左d 好得意好攪笑既畫，幾特別😂😂😂🍜祕製豬頸肉蕃茄湯金邊粉係自選粉麵黎既，我好鐘意蕃茄湯ga，入面有洋蔥同大蕃茄，酸酸甜甜唔錯，金邊粉都有小小口感，而豬頸肉大大塊，好夠味。🍲豬扒札肉撈檬好fresh，有好多菜、青瓜撈埋，豬扒都入味好易咬開，札肉正常，不過媽咪話檬粉份量都幾多，食唔哂。🦐法式芝心蝦多士面頭有大量白芝麻，爽滑彈牙嘅蝦膠包住流心芝士🤤🤤🤤除左我仔鐘意食，我都一樣👍🍗3色脆雞翼每款2隻，有蒜香、牛油同辣味，炸到外皮勁香脆🤤放耐左都咁脆～推介❗️🦐炸蝦餅上面有大量薑蔥，加埋落蝦餅味道好夾。🍍水果茶甜甜的茶底，入邊有菠蘿粒同薄荷葉，好fresh，食食下麵再咬幾粒菠蘿粒解油膩👍食越南野我覺得呢間都算係心目中既信心保證，大部份食物都有水準，經過會再去👀

同朋友喺大埔遊完水肚餓想食啲嘢，記得之前食過既越男仔喺沙田都有分店，就即刻黎試試，食物質素同旺角分店一樣，都係非常高質。餐廳座位好闊落，坐得好舒服，裝修好有越南既感覺，仲播埋越南歌，好特別！ 🤪🥳 ✨越式海鮮蝦油炒金邊粉（$118）🦐由蝦油炒既金邊粉香味十足，搭配埋彈口既魷魚同埋新鮮既蝦，口感同層次都好足，金邊粉唔會過淋，口感啱啱好～🤤 ✨越式豬肉生菜包（$85）🐷豬肉碎較為辣口，上面仲有洋蔥、胡蘿蔔等，增加唔少層次，用生菜包住一口落肚，好食！ 😋 ✨越南蒜香牛油雞翼（$65）🐔大大隻既雞翼香脆可口，上面仲有一層蒜蓉帶出濃厚既蒜蓉味🧄，牛油味都好出，啱晒重口味既人士！🤪

沙田勁多好野食，約埋同事仔行遠小小食越南野！越男仔有幾間分店，聽聞旺角店超受歡迎，又試下沙田呢間又係咪真係咁平靚正先‼️店面不大，但勝在座位闊落坐得舒服，好欣賞店內好多特色廣東啜核十足裝飾點綴！午餐勁多野揀，價錢亦好實惠～有主菜有小食仲跟埋飲品真心抵食我地點咗2個椰汁酸湯濛，有齊牛雞豬串燒！另外每個餐仲有2款小食，會唔會太抵食？上檯份量好足，連我個大食同事都差D食唔哂😂，牙車快沙律酸酸甜甜好開胃，無骨鳳爪啖啖肉！欣賞椒鹽脆蛋魚柳，剛剛炸起好脆好香口，然後招牌手撕雞濛紙卷清清地，每次食越南野不可或缺❤️講埋主食先！椰汁酸湯濛係真心正！份量係超級多，食極都仲有咁！個湯椰汁味濃加酸酸地，唔覺唔覺就食多左嘞～再嚟必須一提跟餐串燒，大大份的串燒完全唔似跟餐份量，啖啖肉好好味，燒得剛剛好又唔會過燶，食肉獸千其唔好錯過！飲埋杯越式拉茶，近近地走轉越南，食返餐越男仔，滿足！

沙田越男仔💛 良心小店搭鐵既話可以係沙田圍站 行大約7分鐘地點係住宅區 所以可能都要搵一搵 但唔緊要！最緊要好食😋入到去侍應都好nice 餐牌食物多 總有一樣岩你😻我叫左個軟殼蟹沙嗲粉絲大脆包（係店家推介當然要試吓）原隻軟殼蟹加上炒香左既粉絲真係好夾，粉絲好入味 軟殼蟹又脆又香口 再配秘製沙嗲醬大脆包 值得一讚沙嗲醬真係好香好正！又食得又影得👏🏻再另加杯椰香朱古力🍫 底層滑滑朱古力+頂層椰奶 聞落真係好香椰味 口感好rich! 兩樣野賣相都十分好看🤤 值得再去!