越男仔

营业中

休息中

之前已经食过一次，觉得唔错，见今次谂唔到食乜好，于是决定再次帮衬。今次分别点了法式芝士虾多士、会安炸春卷及冰镇蜜糖冻蕃茄。先讲法式芝士虾多士，上枱时仲热辣辣，而且好香。多士表面布满芝麻，咬落口好脆，同埋啲虾胶好弹牙，正！而会安炸春卷，入面都几足料，好多粉丝，都唔错。最值得推介系冰镇蜜糖冻蕃茄，本身无谂住叫，不过老婆话想食，所以先叫，而我本身对佢无乜太大期望。反而佢一上枱时，有一种眼前一亮嘅感觉。因为我未食过，唔知佢个样系点，原来佢系一个已经剥好皮的原个蕃茄，表面淋满晒蜜糖，切开食落口时好甜，而蕃茄又多汁，唔会觉得因为太多蜜糖而漏得滞，值得推介的甜品！